بەختسىزلىك ئىچىدىكى بەخت

abaytarim

	بەختسىزلىك ئىچىدىكى بەخت    مەن بەخت ئىزلەپ چېپىۋاتقىلى بەك ئۇزۇن بولۇپ كەتتى ، يەنە ئىزدەۋاتىمەن . شۇنداق ۋاقىتلارنىڭ بىرىدە شۇنداق پىچىرلاشلار ئاڭلاندى . " سېنى كىم بەختسىز دەيدۇ ، شۇ بەختسىزلەر ئىچىكى بەختلىكىسەن " خالاس . مەن بۇ گەپنى خېلى كۈنلەرگىچە ئاڭقىرالمىدىم . بەختنى ، بەختلىك ئىكەنلىكىنى بىلىپ بولالماي شۇنچە يىللارنى ئۆتكۈزۋېتىش بەختسىزلىككە تاشلانغان دادىل قەدەم بولۇشى مۇمكىن ...    مېنىڭ يەنە كونا خۇيۇم تۇتۇپ بەخت ئىزلىگىلى تۇردۇم . ئىزدەۋاتىمەن . بازاردا ھەممە نەرسە سېتىلسىمۇ ئۇنى ساتىدىغان دۇكان يوق ئىدى . تۇرۇپلا بەخت توغرىسىدا شۇنچىۋالا ھېكمەتلەرنى ئوقۇپمۇ ، بەخت ئىزلەپ قاغجىرىغان قەلبىمگە دال بولغىدەك ، بىراقلا قاندۇرغىدەك ھېكمەتلەرنى ئىزلەۋاتقىنىمنى ئويلاپ ئۆزۈمنى  بېچارە ھېس قىلغىلى تۇردۇم . ياق گۇنا ھېكمەتلەردە ئەمەس ، بەختنى سېزەلمەس بولۇپ قالغان قەلبىمدە ئىكەن ...    مەن ئايلىنىپ ئاخىرى بىر بوۋاي بىلەن ھال - مۇڭ بولۇشتۇم .  ئۇ ئاخىرى جاۋاب بەردى ، مەن بىلەن سۆزلەشكىنىڭنىڭ ئۆزى ئەڭ چوڭ بەخت ، مېنىڭ ھايات ياشاپ تۇرۇپ ، ساق - سالامەت تۇرۇپ بەخت توغرىسىدا چۈشەكەيدىغان ئادەم بىلەن خوشۇم يوق ... قارا قۇياش قانداق پارلاپ چىققان - ھە ! .    پەقەت مەنلا بەخت ئىزلەپ يۈرگەندەك ھېس قىلغان ئىكەنمەن ، ئۆزۈمگە ئوخشاش  قەلبىنى زىمىستانغا ئايلاندۇرۋېلىپ يازنىڭ خىيالىنى قىلىدىغانلار خېلى كۆپ ئىدى . بىز بىرلىشىپ يازنى كۈتىدىغان بولۇشۇپ كېلىشتۇق . ياز كەلسە بىز ئەڭ بەختلىك كىشىلەردىن بولۇپ كېتىدىغانلىقىمىز ھەققىدە قايناپ - قايناپ ، قۇۋزىمىزنى كۆپتۇرۇپ سۆزلەپ ، كېلىدىغان يازنىڭ ئارزۇسىدا ئارىلىقتىكى ۋاقىتلىق بەختلىك مېنوتلارغا ئېرىشكەن بولدۇق ...     يازمۇ كەلدى . بىز يەنە يىغىلدۇق . كۈتكەن كۈنلىرىمىز كەلگەن بولسىمۇ ، ھېچقايسىمىز ئۆزىمىزنى خۇشال ، ياكى بەختكە ئېرىشكەندەك ھېس قىلالمايۋاتاتتۇق . بۇنىڭ سەۋەبى ھەققىدە يەنە بىر مەيدان مۇلاھىزە قىلىشىپ ئاخىرى ئۆزىمىزنىڭ ھېچقانداق ئىش قىلىپ باقماي گۇناھنىڭ ھەممىسىنى ياز پەسلىگە ئارتىپ بەختنى كۆرىدىغان چېغىمىزنى كۈزگە قالدۇردۇق ...    پەسىللەر ئالمىشىۋەردى ، ئارىمىزدا بەخت ھەققىدە ئەڭ دانا پىكىر بېرىدىغان بىر قانچىسى مەڭگۈ بەخت ئىزدىمەيدىغان جايغا سەپەرمۇ قىلدى . شۇندىلا بىز ئويغانغاندەك بولدۇق . بىراق يەنىلا بەخت ئىزدەيدىغان بولۇشۇپ ئايرىلىشتۇق . شۇنىڭدىن كېيىن پەقەتلا ئۇچرىشالمىدۇق . ئەتراپىمدىكى نۇرغۇن كىشىدىن بەختلىك ياكى بەختسىز ئىكەنلىكى ھەققىدە سوراۋەردىم ، ئۇلارنىڭ جاۋابى ئوخشاشلا ئىدى . " بىز بەختلىك " مۇشۇنداق كۈنلەردىمۇ شۇنداق گەپنى قىلىپ ، دەپ ماڭا ئالايغانلىرىمۇ بولدى . ئىچىمدە ، بەختسىزلىك ئىچىدىكى بەختلىك كۈنلىرىمگە شۈكرى قىلاي جۇمۇ ، دەپ قانائەتلەندىم .       مەنبە :  ئۆزۈم .      2013 - يىل 3- 15 .  ئەبەي تارىم .   شەھىرى شىخو .

nul

	ئالدىرماي ئۇقۇي رەخمەت

xiho

	تاڭ سەھەردە كۆزىمىزنى ئېچىپ ئويغانغانلىقىمىزنىڭ ئۆزى بىر بەخىت.

نەئىمە

	ئالغان ھەر تىنىق بىر بەخىت،،،،،،،

ئەجەل

	مۇشۇ تېمىنى ئۆز ئانا تىلدا ئوقۇشنىڭ ئۆزى بىر بەخىت...............!

banker625

	تىنىمىز سالامەت ھالەتتە ياشاۋاتقىنىمىزنىڭ ئۈزىمۇ بىز ئۈچۈن زور بەخىت

kokbora520

	مۇشۇتېمىغا مەسئۇليەتچانلىق بىلەن  يېزىلغان ئىنكاسلانى ئوقۇشمۇ بەخت

kokbora520

	شۇنداق بەخت كۆز ئالدىمىزدا،گەپ بىزنىڭ ئۇنى قانداق تۇنۇشىمىزغا باغلىق.

mahatjan

	پەسىللەر ئالمىشىۋەردى ، ئارىمىزدا بەخت ھەققىدە ئەڭ دانا پىكىر بېرىدىغان بىر قانچىسى مەڭگۈ بەخت ئىزدىمەيدىغان جايغا سەپەرمۇ قىلدى . شۇندىلا بىز ئويغانغاندەك بولدۇق-----.   بۇرادەر بەك بەلەن بەخىت باغىقى بىرەي؛   بەخىت بۈگۈنكى باھاردىن باشلىنىدۇ،بالىلارنى باشلاپ بىلىم باغچىسىغا بېرىپ بارلىقىڭىزنى بىلىمگە بېغىشلاڭ! بولمىسا بەخىتسىزلەر بوسوغۇسىدىكى بىخودلۇق بۆشۈكىگە باغلىنىسىز.   بۇرادەر باغچىغا بارسىڭىز باشلاپ باراي، بارامسىز؟ بەلنى بەلەن باغلاڭ.

AYGUZAL007

	تېنىمىزنىڭ ساق سالامەت بولىشىمۇ  بىر بەخىت