دادا، نورۇز بايرىمىڭىزغامۇبارەك بۇلسۇن

AL~NAZ

	دادا نورۇز بايرىمىڭىزغامۇبارەك بۇلسۇن                                                                                     ئاپتۇرى: ئەلناز    دادا سىز يەنە ھاسىڭىزنى توكۇلدىتىپ يۈرۈپ يارغان ئوتۇنلىرىڭىزنى ھېلىدىن -ھېلىغا  قولتۇقۇڭىزغا قىسىپ ،ساڭزا پىشۇرۇۋاتقان يەڭگەمگە توشۇپ   بېرىۋاتامدىغانسىز ؟ «بالام ساڭزىنى بىر پەتنۇس ئارتۇقراق سېلىڭ ،ھەدە -سىڭىللىرىڭىز كېلىدۇ ئەمەسمۇ؟» دەپ تاپىلاۋاتامدىغانسىز ؟ياشانغانلارغا بېرىدىغان ئوزۇقلۇق يەردەم پۇلىڭىزنى خە جىلەتكىلى قىيماي ،ئامراق نەۋرىلىرىڭىزگە نورۇز بايراملىق سوۋغا بېرىشكە ساقلاۋاتامدىغانسىز  جېنىم  دادا؟ ھېلىمۇ ئېسىمدە ،13 يىل بۇرۇن ئالىي مەكتەپكە ئىمتىھان بېرىدىغان چاغدا ئانام ئىككىڭلار مېنى بىر كۈن بۇرۇن شەھەرگە ئېلىپ بېرىپ، ئمتىغاندىن چىققان ۋاقتىمدا كۆرگىنىم ،ئانام قولىدا ئىككى تىلىم تاۋۇز ،سىز بولسىڭىز مەن ئەڭ ئامراق گۈل تۇتقىان ھالدا  دەرۋازا سىرىتىدا تومۇز ئاپتاپتا چىلىق -چىلىق تەرگە چۆمۈپ ساقلاپ تۇرغان ھالىتىڭلار بولدى .شۇ مىنۇتلاردا نېملەرنى ئويلىغىنىمنى بىلەمسىز دادا؟ئەگەر ئالىي مەكتەپكە ئۆتۇپ كادىر بولسام ،سىلەرنى ئۆمۈرۋايەت راھەت تۇرمۇش كەچۈرگۈزىمەن،يېنىڭلاردىن يىراققا كەتمەيمەن ،دەپ ئۆز -ئۆزۈمگە ۋارقىرىغانىدىم .تولىمۇ ئەپسۇس ،پەرزەنت مېھرى -مۇھەببەت ،ئادىمىگەرچىلىك  جەھەتتە ئاتا -ئانا ئالدىدا مەڭگۈ قەرزدار ،شۇنداقلا بۇ قەرزنى يەنە ئۆز پەرزەنتلىرىمىزگە  قالدۇرغۇچى ئىكەنمىز .سىز ھەر ھېيتتا بىزنىڭ كېلىشىمىزنى تەقەززالىق بىلەن كۈتىسىز .چۈنكى، شۇ كۈنى ھەممىز بالا-چاقىلىرىمىزنى ئېلىپ، ئۆزىمىز ئۆسۈپ چوڭ بولغان ئاشۇ مېھرى  ئسسىق ئۆيىمىزنى ئاۋاتلاشتۇرۇۋالىمىز ،سىزمۇ بىزنى كۆرۈپ كىچىك بالىلاردەك خۇشال بولۇپ كېتىسىز ،پاراڭلىرىمىز تۈگۇمەيدۇ ،بىز ئىشىكتىن كىرگەن چاغدىكى كۆزلىرىڭىزدە لىغىرلاپ تۇرغان خۇشاللىق ياشلىرىنى يۇشۇرالمىسىڭىزمۇ ،لېكىن ھەممىمىز قايتقان چاغدىكى ئىچ -ئىچىڭىزدىكى ئۆرتىنىپ تۇرغان ئازابلىق ھەم قىيماسلىق سىڭگەن ھېسسىياتىڭىزنى بىلدۈرمەسلىككە تىرىشىپ، ھەممىڭلارنىڭ ئۆيۈڭلار بار ،نەدە بولسا ئامان بولساڭلار مەن خاتىرجەم بولىمەن ،ماڭا ھېچنېمىنىڭ كېرىكى يوق، پەقەت پات -پات كېلىپ يوقلاپ تۇرساڭلارلا بۇلدى ،سىلەرنى سېغىنىپ قالىدىكەنمەن ،دېگىنىڭىزچە ھاسىىڭىزغا يۆلىنىپ ،قارىمىز يۈتكىچە ئارقىمىزدىن قاراپ ئۇزۇتۇپ قالغان ھالىتىڭىزنى كۆزئالدىمغا كەلتۈرگىنىمدە كۆڭلۈم خېلى كۆنگۈچە يېرىم بولۇپ يىغلىغۇم كېلىدۇ.بەزىدە شۇنداق ئويلاپ قالىمەن ،بۇر چەكلىك ئۆمرىمىزدە مۇمكىن بولسا ئاتا-ئانا ،ۋارىسىلارنىڭ ئەۋلادمۇ-ئەۋلاد بىر-بىرىمىزدىن ئايرىلماي، مېھر -مۇھەببەتكە قېنىپ ياشىساق نېمىدېگەن ياخىشى بولاتتى ھە؟ دادا ، سىزگە ئوخشاش پەرزەنتىنىڭ بەختى ،خۇشاللىقى ئۈچۈن قەلبى ئاتەشكەبى كۆيۈۋاتقان بارلىق ئاتا-ئانىلارنىڭ ئۆمرىنىڭ ئۇزۇن بولۇشىنى ،شادىمان ياشىشىنى ،نورۇز بايرىمىنىڭ كۆڭۈللۈك ئۆتۈشىنى تىلەيمەن!

Esimda

	ھەممىڭلارنىڭ نەۋرۇز بايرىمىغا مۇبارەك بولسۇن!!!!!!!!!!!!!!‹‹ ئۆتكۈزۈشنى خالايدىغانلارغا››.

sardor

	نەۋرۇز بايرىمىغا مۇبارەك بولسۇن! مانا بۇگۈن نۇرۇز بايرىمىدا كىيىمەن دىگەن نىيەتتە دوپپىدىن بىرنى ئاللىدىم ،دوستۇمغا بىرنى ئالدىم .يەنە شۇنداق يىڭى ئۇزۇن كانىۋاي كۆڭلەك كىيگۈم بار ئىدى ،ئەپسۇس تاپالمىدىم ئۇرۇمچىدىن .

yaro

	ئىسىل تىما، نوزۇر بايرىمىڭلارغا ئالدىن ئالا مۇبارەك بولسۇن

دىيارىم

	مەن مۇشۇ كەمگىچە نورۇزدا بۇۋىلارنىڭ نەۋرىلىرىگە سوۋغات بەرگىنىنى كۆرمەپتىمەن ، بۇنداق دىسەم قۇسۇر تاپتى دىمەڭلار ، ھىتلىق سوۋغا دەۋەرسىڭىز بولاتتى ئەمەسمۇ ، باشتىمۇ ساڭزا بىلەن باشلىغان بولغاندىن كېيىن ، زورلاپ يېزىپ قويغاندەكلا بولۇپ قاپتۇ . ئۇلۇغ ئاللا بىزدىن ۋاقىتسىز ئايرىلغان ئاتىلىرىمىزنىڭ ياتقان يېرىنى جەننەتتە قىلسۇن ، بىز بىلەن ياشاپ كىلۋاتقان ئاتىلىرىمىزنىڭ ئۆمرىنى ئۇزۇن قىلسۇن .

yulghunjan

	نورۇز بايرىمىڭلارغا مۇبارەك بولسۇن!

kaysarjagqi

	ھەممىڭلارنىڭ نورۇز بايرىمىڭلارغا مۇبارەك بولسۇن!!!!

akyda007

	zanjir34 يوللىغان ۋاقتى  2013-3-14 10:21 PM بەك ئىسىل  تېمىدىن  بىرنى كۆرگۈنىمدىن خوشاللىقىمدىن نا ... شۇڭا كەندە

akyda007