ناماز ھەققىدە

ihsanjan

	ناماز دىننىڭ تۈۋرىكىدۇر ھەر بىر مۇسۇلماننىڭ تىلىدا مەشھۇر بولغان ۋە ئۇنىڭ قەلبىگە ئورنىشىپ كەتكەن نەرسىنىڭ بىرى <<ناماز دىننىڭ تۈۋرىكى >> ئىكەنلىكى بولۇپ ،ئەمەلىيەتتىمۇ شۇنداق. چۈنكى ناماز مۇسۇلمانلىق بىلەن كاپىرلىقنىڭ چەك -چىگىرسىنى ئايرىيدىغان ئالاھىدە بىر چىگرا قىلىنغان بولۇپ،نامازنىڭ ئۈستۈن دەرىجىسىمۇ ئۇنىڭ پەيغەمبىرىمىزنىڭ نەزىرىدىكى چوڭ ئەھمىيىتى تۈپەيلىدىنلا ئۇنىڭغا بۇ سۈپەتنى بېرىپ ،ئۇنى دىننىڭ تۈۋرىكى ۋە دىننىڭ ئەڭ ئۈستۈن پەللىسى قىلغان . شۇنىڭ ئۈچۈن ئاللاھ تائالا بىزنى نامازغا ئەھمىيەت بىرىشكە بۇيرۇپ مۇنداق دەيدۇ:<<(بەش ۋاقىت)نامازنى، بۇلۇپمۇ ناماز دىگەرنى داۋاملاشتۇرۇڭلار،(يەنى پۈتۈن شەرتلىرى بىلەن ۋاقتىدا تۇللۇق ئادا قىلىڭلار)،ئاللاھنىڭ ھۇزۇرىدا(يەنى نامازدا)ئىتائەتمەنلىك بىلەن تۇرۇڭلار>>. بەقەرە سۈرىسى 238-ئايەت پەيغەمبەر ئەلەيھىسسالام مۇنداق دىگەن :<<قىيامەت كۈنى بەندىنىڭ ئەڭ ئاۋۋال ھېسابى سورىلىدىغان نەرسە نامازدۇر. ئەگەر ناماز تەلەپكە لايىق كۆرۈلسە ئۇنىڭ باشقا ئەمەللىرىمۇ ياخشى بولىدۇ،ئەگەر ناماز تەلەپكە لايىق كۆرۈلمىسە باشقا ئەمەللىرى ئىتبارغا ئېلىنمايدۇ >>. ئاللاھ تائالا تۆۋەندىكى ئايەتتە نامازنى دۇنيا ۋە ئاخىرەتتە بەختلىك بولۇپ ،نىجات تېپىشنىڭ،مەقسەتكە يېتىشنىڭ،غەلبە قىلىشنىڭ ۋە دوزاختىن قۇتۇلۇشنىڭ يولى قىلىپ كۆرسىتىدۇ:<<مۆئمىنلەر ھەقىقەتەن بەختكە ئېرىشتى.(شۇنداق مۆئمىنلەركى)ئۇلار نامازلىرىدا (ئاللاھنىڭ ئۇلۇغلىقىدىن سۈر بېسىپ كەتكەنلىكىدىن )ئەيمىنىپ تۇرغۇچىلاردۇر>>.مۇئمىنۇن سۈرىسى 1-2-ئايەتلەر                                 نامازنىڭ مەنىۋى تەسىرى خۇشۇ ۋە خۇزۇ بىلەن ئوقۇلغان كامىل ناماز دىلنى يۇرۇتۇپ ،قەلبنى پاكلايدۇ. كىشىگە بەندىچىلىكنىڭ ئەدەب-قائىدىلىرىنى ۋە ناماز ئوقۇغۇچىنىڭ دىلىغا ئاللاھنىڭ كاتتا ۋە بۈيۈكلىكىنى ئورنىتىش ئارقىلىق بەندىگە جانابى ئاللاھ ئۈچۈن ئادا قىلىدىغان ۋەزىپىلىرىمىزنى قانداق ئادا قىلىدىغانلىقىمىزنى ئۈگىتىدۇ. يەنە نامازنىڭ ئىنساننى گۈزەل ئەخلاققا ئىگە قىلىپ ، ئۇنى راسچىللىق ،ئامانەتكە رىئايە قىلىش، قانائەتچان بۇلۇش ، ۋەدىگە ۋاپا قىلىش،كۈيۈمچان بۇلۇش،كىچىك پىئېل بۇلۇش ،ئادىل بۇلۇش ۋە باشقىلارغا ياخشىلىق قىلىشقا ئوخشاش گۈزەل خىسلەتلەر  بىلەن زىننەتلەيدۇ.  يەنە ناماز  ناماز ئوقۇغۇچىلارنى ئۈستۈن مەرتىۋىگە ئىرىشتۈرىدۇ، ۋە ئۇنى يەككە- يىگانە ئاللاھقا يۈزلەندۈرىدۇ. شۇنىڭ بىلەن كىشى ئاللاھنى تېخىمۇ كۆپ ياد ئېتىپ ،ئۇنىڭدىن تېخىمۇ بەك قورقىدۇ.  نەتىجىدە ئۇنىڭ ھىممىتى ئالى،نەپسى پاكىزە بولۇپ ،گۇناھ-مەئسىيەتتىن يىراق تۇرۇپ ،يالغانچىلىقتىن ،خىيانەتتىن، يامانلىقتىن، ئالدامچىلىقتىن ، قەھرى-غەزەپتىن ۋە تەكەببۇرلۇقتىن يىراق تۇرىدۇ.  زۇلۇم دۈشمەنلىك، پەسكەشلىك، پاسىقلىق ۋە ئاسىلىقتىن يىراق تۇرىدۇ. دىمەك بەندىدە ناماز ئارقىلىق ئاللاھ تائالانىڭ تۆۋەندىكى ئايىتىدە دىگەنلىرى ئەمىلىلىشىدۇ . ئاللاھ تائالا مۇنداق دەيدۇ:<<....نامازنى(تەئدىل ئەركان بىلەن )ئوقىغىن،(چۈنكى)ناماز ھەقىقەتەن قەبىھ ئىشلاردىن ۋە گۇناھلاردىن تۇسىدۇ ، ئاللاھنى ياد ئېتىش ھەممىدىن (يەنى ئۇنىڭدىن باشقا ھەممە ئىبادەتتىن) ئۇلۇغدۇر، ئاللاھ قىلىۋاتقان (ھەممە )ئىشىڭلارنى بىلىپ تۇرىدۇ>>.ئەنكەبۇت سۈرىسى 45-ئايەت                               ناماز دىلغا شىپادۇر ناماز شەكىل ۋە روھتىن ئىبارەت بولۇپ ،ئۇنىڭ شەكلى ئەزالارنىڭ ئىبادىتىدۇر، روھى بولسا دىلنىڭ ئىبادىتىدۇر.  يەنە ناماز جىسمانى تەلىم -تەربىيە ھەمدە روھى تەربىيە بولۇپ، ناماز ئوقۇغىچىنىڭ دىلىنى يۇرۇتىدۇ، يۈزىنى ئىلاھى نۇر بىلەن يۇرۇتىدۇ ، ھەم ناماز بىلەن ئۇنىڭ روھى كۆتۈرىلىدۇ. شۇنىڭدەك ناماز بەندە بىلەن ئاللاھ ئوتتۇرسىدىكى بىر ئالاقە بولۇپ، ئۇنى كامىل،تەلەپكە لايىق ئوقۇش ئىماننىڭ ئەڭ چوڭ ئالامىتى ،دىنى شۇئارلارنىڭ ئەڭ كاتتىسى ۋە سانسىزلىغان نىئمەتلىرى تۈپەيلىدىن ئاللاھقا شۈكۈر قىلىشنى ئىپادىلەيدىغان ئەڭ روشەن نامايەندىدۇر. ناماز ئوقۇماسلىق بولسا ئاللاھ بىلەن مۇناسىۋەتنىڭ ئۈزۈلىشى ،ئۇنىڭ رەھمىتىدىن، نىئمەت بۇلىقىدىن ۋە نۇرغۇنلىغان پەزلى-ئىھسانىدىن مەھرۇم قېلىش ۋە ئاللاھ تائالانىڭ پەزلى- ئىھسانى بىلەن ئۇنىڭ نىئمەتلىرىگە كۆز يۇمغانلىقتۇر. تەلەپكە لايىق ئادا قىلىنغان ناماز بىر قىسىم يۈرەك كىسەللىكلىرىگە ۋە روھى بىئاراملىقلارغا شىپالىق دورا بولۇپ، گۇناھ-مەئسىيەت قاراڭغۇلۇقلىرىنى يوق قىلغۇچى نۇردۇر. ئەبۇ ھۇرەيرە (ئاللاھ ئۇنىڭدىن رازى بولسۇن)دىن رىۋايەت قىلىنغان بىر ھەدىستە پەيغەمبەر ئەلەيھىسسالام مۇنداق دىگەن :<<قانداق قارايسىلەر:ئەگەر سىلەرنىڭ بىرىڭلارنىڭ دەرۋازىسى ئالدىدا بىر ئۆستەڭ بولۇپ،ئۇ كىشى ئۇ ئۆستەڭدە كۈندە بەش قېتىم يۇيۇنسا ئۇنىڭ بەدىنىدە كىر قالامدۇ ؟  ساھابىلەر:<<ياق ئۇنىڭدا كىر قالمايدۇ >>دەپ جاۋاب بېرىشتى. پەيغەمبەر ئەلەيھىسسالام :<<مانا بۇ بەش ۋاقىت نامازنىڭ مىسالى بولۇپ ئاللاھ ئۇنىڭ بىلەن خاتالىقلارنى ئۆچۈرۋىتىدۇ >> دىگەن . ( ئىمام بۇخارى ۋە ئىمام مۇسلىم رىۋايەت قىلغان) << نامازنى ئادا قىلغۇچى قىلغىن ،پەرۋەردىگارىمىز دۇئايىمنى قۇبۇل قىلغىن ، پەرۋەردىگارىمىز ھىساب ئالىدىغان كۈندە(يەنى قىيامەت كۈنىدە )ماڭا، ئاتا-ئانامغا ۋە مۆئمىنلەرگە مەغفىرەت قىلغىن >>. ئىبراھىم سۈرىسى 40-41- ئايەتلەر                       بارلىق ھەمدۇ سانالار ئاللاھقا خاستۇر مەنبە :ساقلانمىلىرىم

jundullah114

	ئەسسالامۇ ئەلەيكۇم ! ئاللاھ رەھمەت قىلسۇن قېرىندىشىم تىمىڭىز ناھايىتى ئېسىل تىما ، يەنە مۇشۇنداق ئېسىل تەۋسىيەلىرىڭىزنى ئايىمىغايسىز!

xamal113

	ئىسىل تېما يوللاپسىز رەھمەت سىزگە، ياخشى تېمىلىرىڭىز ئۇزۇلۇپ قالمۇسۇن.

مىژگان

	ساۋاب تېپىڭ!

sirdax11

	ئەسسالام توردىشىم ياخشىمۇ سىز؟  مۇشۇنداق ياخشى تېمىلارنى داۋاملىق يوللاپ تۇرۇشىڭىزنى ئۈمۈت قىلىمەن. ئاللاھ سىزگە رەھمەت قىلسۇن!!!

uyghur05

	مۇشۇنداق تېمىلارنى تېخىمۇ كۆپ يوللاپ تۇرغايسىز

sabir786

	اللە رەھمەت قىلسۇن !!!!!!

galwang

	مەدھىيە ئاللاھقا بولسۇن . نامازنىڭ ئىسلامدا باشقا ھەرقانداق ئىبادەت ئۇنىڭغا يىتەلمەيدىغان كاتتا ئورۇنغا ئىگە . . . بۇنى تۆۋەندىكىلەر كۆرسىتىدۇ : بىرىنچى : ئۇ بولسا دىن پەقەت ئۇنىڭ بىلەنلا ئۆرە تۇرىدىغان دىننىڭ تۈۋرىكى ... مۇئاز بىن جەبەل نەقىل قىلغان ھەدىيستە ، ئاللاھ ئەلچىسى( ئاللاھنىڭ تەرىپلىشى ۋە ئامانلىق ئۇنىڭغا بولسۇن ) مۇنداق دىگەن : « مەن سىلەرگە پۈتكۈل ئىشنىڭ بېشى ، ئۇنىڭ تۈۋرىكى ۋە چوققىسىنى ئېيتىپ بەرمەيمۇ ؟ » مەن( مۇئاز) : " ھەئە ، ئى ئاللاھ ئەلچىسى ." دىدىم . ئۇ :« ئىشنىڭ بېشى ئىسلام ، ئۇنىڭ تۈۋرىكى ناماز ھەمدە ئۇنىڭ چوققىسى بولسا جىھاد .» دىدى . [ تىرمىزىي نەقىل قىلغان ، 2616 . ئەلبانىي سەھىيھ تىرمىزىيدا سەھىيھ دەپ تۈرگە ئايرىدى ، 2210 ] ئىككىنچى : ئۇ ئىككى گۇۋاھلىق سۆزىگە نىسبەتەن كىشىنىڭ ئىتىقادىنىڭ ساغلاملىقىنى تىخىمۇ ئىسپاتلاش ھەمدە ئۇنىڭ قەلبىدە قارارلانغان ئىتىقادىنىڭ كۆرگىلى بولىدىغان دەلىلى سۈپىتىدە ئىككىنچى ئورۇندا تۇرىدۇ . ئاللاھ ئەلچىسى ( ئاللاھنىڭ تەرىپلىشى ۋە ئامانلىق ئۇنىڭغا بولسۇن مۇنداق دىگەن :« ئىسلام بەشنىڭ ئۈستىگە قۇرۇلغان : ئاللاھتىن باشقا ئىلاھ يوق ، ۋە مۇھەممەد ئاللاھنىڭ بەندىسى ۋە ئەلچىسى دەپ گۇۋاھلىق بىرىش ، ناماز نى تۇرغۇزۇش ، زاكات بېرىش ، ئۆينى زىيارەت قىلىش ( ھەج قىلىش) ، ۋە رامىزاندا روزا تۇتۇش .» [ بۇخارىي(8) ، مۇسلىم ( 16 ) نەقىل قىلغان .] نامازنى تۇرغۇزۇش : ئۇنىڭ سۆزلىرى ۋە ھەركەتلىرىنى مۇكەممەل قىلىپ ، ئۇنىڭ بەلگىلەنگەن ۋاقىتلىرىدا ئادا قىلىش . خۇددى قۇرئاندا كەلگەندەك ، ئاللاھ مۇنداق دىگەن : « ھەقىقەتەن ناماز مۇئىمىنلەرگە ۋاقتى بەلگىلەنگەن ھالدا پەرز قىلىندى .» ئۈچۈنچى : نامازنىڭ قالدى ئىبادەتلەرگە قارىغاندا ، ئۇنىڭ پەرز قىلىنىش ئورنى جەھەتتە ئالاھىدە ئورۇنغا ئىگە . . . يەنى ئۇنى پەرىشتە زىمىنغا ئىلىپ چۈشمىدى ، لىكىن ئاللاھ ئەلچىسى مۇھەممەدنى ( ئاللاھنىڭ تەرىپلىشى ۋە ئامانلىق ئۇنىڭغا بولسۇن) ئاسمانغا ئىلىپ چىقىش بىلەن نىئېمەتلەندۈردى ھەمدە پەرۋەردىگارى ئۇنىڭغا نامازنىڭ پەرزلىكىنى بىۋاستە ئېيىتتى . ھەمدە بۇ ئىش بارلىق ئىسلام شەرىئەتلىرى ئارىسىدا نامازنىڭ ئۆزگىچىلىكى . ناماز ھىجرەتتىن ئۈچ يىل بۇرۇن مىئېراج كېچىسى پەرز قىلىنغان . ناماز 50 ناماز بولۇپ پەرز قىلىنىپ ئاندىن سانى بەشكە يەڭگىللىتىلگەن ، ھەمدە 50 نامازنىڭ ساۋابى بەش نامازدا ساقلىنىپ قالغان . مانا بۇ ئاللاھنىڭ ئۇنىڭغا بولغان ياخشى كۆرۈشى ۋەئۇنىڭ ئورنىنىڭ كاتتىلىقىغا دەلىل . تۆتىنچى : ناماز ، ئاللاھ ئۇنىڭ بىلەن خاتالىقلارنى ئۆچۈرىدۇ . . بۇخارىي( 528) ، مۇسلىم( 667) ئەبۇ ھۇرەيرىدىن نەقىل قىلدىكى ، ئاللاھ ئەلچىسى ( ئاللاھنىڭ تەرىپلىشى ۋە ئامانلىق ئۇنىڭغا بولسۇن ) مۇنداق دىگەن – بەكرىنىڭ ھەدىيسىدە ، ئۇ ئاللاھ ئەلچىسىنىڭ مۇنداق دىگەنلىكىنى ئاڭلىغان : « ئويلاپ باقتىڭلارمۇ ؟ سىلەرنىڭ بىرىڭلارنىڭ ئىشىكىدە بىر دەريا بولسا ھەمدە ئۇ ئۇنىڭدا ھەر كۈنى بەش قىتىم يۇيۇنسا ، ئۇنىڭدا بىرەر كىرنىڭ ئىزى قالامدۇ ؟ » ئۇلار : " ئۇنىڭدا ھىچقانداق كىر ئىزى قالمايدۇ ." دىدى . ئۇ : « ئەنە ئۇ كۈندىلىك بەش نامازغا ئوخشايدۇ ، ئۇ ئارقىلىق ئاللاھ گۇناھلارنى ئۆچۈرىدۇ .» بەشىنچى : ناماز بولسا دىننىڭ يوقۇلىدىغان ئەڭ ئاخىرقى قىسمى ، ھە مدە ناۋادا ئۇ يوقالسا دىننىڭ ھەممىسى يوقىلىدۇ . نەقىل قىلىندىكى ،جابىر بىن ئابدۇللاھ مۇنداق دىگەن :" ئاللاھ ئەلچىسى ( ئاللاھنىڭ تەرىپلىشى ۋە ئامانلىق ئۇنىڭغا بولسۇن) مۇنداق دىگەن : « كىشى بىلەن شېرىك ۋە كاپىرلىقنىڭ ئارىسى بولسا ئۇنىڭ نامازنى تاشلىشى .» [ مۇسلىم نەقىل قىلغان ، 82 ] شۇڭلاشقا مۇسۇلمان نامازنى ۋاقتىدا ئادا قىلىشنى داۋاملاشتۇرۇشى ، ئۇنىڭغا ھورۇنلۇق قىلماسلىقى ۋە سەل قارىماسلىقى لازىم . ئاللاھ مۇنداق دىگەن : ناماز ئوقۇغۇچىلارغا ۋاي ! . ئۇلار نامازلىرغا سەۋەنلىك قىلىدۇ ( ۋاقتىدىن كېچىكتۈرۈپ ئوقۇيدۇ ) » [ مائۇن( قولقا) : 4-5 ] ھەمدە ئاللاھ نامازلىرىنى يوقىتىۋەتكۈچىلەرنى مۇنداق دەپ ئاگاھلاندۇرىدۇ : « ﺋﯘﻻﺭ ﻛﻪﺗﻜﻪﻧﺪﯨﻦ ﻛﯧﻴﯩﻦ (ﺋﯘﻻﺭﻧﯩﯔ) ﺋﻮﺭﻧﯩﻨﻰ ﺑﺎﺳﻘﺎﻥ ﺋﻮﺭﯗﻧﺒﺎﺳﺎﺭﻻﺭ ﻧﺎﻣﺎﺯﻧﻰ ﺗﻪﺭﻙ ﺋﻪﺗﺘﻰ، ﻧﻪﭘﺴﻰ ﺧﺎﻫﯩﺸﻠﯩﺮﯨﻐﺎ ﺋﻪﮔﻪﺷﺘﻰ، ﺋﯘﻻﺭ (ﻗﯩﻴﺎﻣﻪﺗﺘﻪ) ﮔﯘﻣﺮﺍﻫﻠﯩﻘﻨﯩﯔ ﺟﺎﺯﺍﺳﯩﻨﻰ ﺗﺎﺭﺗﯩﺪﯗ. » [ مەريەم: 59 ] ئالتىنچى : ناماز بەندە قىيامەت كۈنى سوراققا تارتىلىدىغان بىرىنچى نەرسە : نەقىل قىلىندىكى ئەبۇ ھۇرەيرە مۇنداق دىگەن : " مەن ئاللاھ ئەلچىسىنىڭ ( ئاللاھنىڭ تەرىپلىشى ۋە ئامانلىق ئۇنىڭغا بولسۇن) مۇنداق دىگەنلىكىنى ئاڭلىدىم : « بەندە قىيامەت كۈنى سوراققا تارتىلىدىغان بىرىنچى ئىش ئۇنىڭ نامىزى بولىدۇ . ئەگەر ئۇ ياخشى بولسا ئۇنداقتا ئۇ راۋاج تاپىدۇ ۋە ئۇتۇق قازىنىدۇ ، بىراق ئۇ ناچار بولسا ، ئۇنداقتا ئۇ ۋەيران بولىدۇ ۋە زىيان تارتىدۇ . ئەگەر ئۇ پەرىز نامىزىنى كەم قىلغان بولسا ، ئۇلۇغ پەرۋەردىگار : « قاراڭلار ، بەندەمنىڭ نەپلى نامىزى بارمۇ-يوق ؟ پەرىزدىن كەم بولۇپ قالغانلىرى ئۇنىڭ بىلەن تولۇقلىنىدۇ .» دەيدۇ .ئاندىن باشقا ئىش-ئەمەللىرىمۇ مۇشۇ تەرىقىدە بولىدۇ .» [ نەسائىي(465) ، تىرمىزىي ( 413)نەقىل قىلغان . ئەلبانىي سەھىيھ جامىئېدا سەھىيھ دەپ تۈرگە ئايرىغان ، 2573 ] ئاللاھتىن بىزنىڭ ئۇنى ئەسلەپ تۇرىشىمىزغا ، ئۇنىڭغا تەشەككۈر ئېيتىشىمىزغا ۋە ئۇنىڭغا ياخشى ئىبادەت قىلىشىمىزغا ياردەم قىلىشىنى سورايمىز .

nur0786

	مۇشۇنداق تېمىلارنى تېخىمۇ كۆپ يوللاپ  تۇرغايسىزاللە رەھمەت قىلسۇن !!!!!!

ihsanjan

	ھەممىڭلارغا ئاللاھ رەھمەت قىلسۇن      ئۇلۇغ ئاللاھتىن  ھەممەيلەننىڭ گۇناھلىرىمىڭزنى مەغفىرەت قىلىشنى سورايمەن