توشقان ۋە بۆرىنىڭ ئەڭ يېڭى ھىكايىسى

خىيالىي

	توشقاننىڭ مائاشى 5000يۈەن،ئۆزى 200مىڭ يۈەن پۇل جۇغلاپ بىر ئۇۋا (كامار) سالماقچى بوپتۇ. بۆرە بۇنى ئاڭلاپ،ئۆزىنىڭ بۇنىڭغا يول قويمايدىغانلىقىنى ،ئۆز ئالدىغا قۇرۇلۇش قىلىشنىڭ قانۇنغا خىلاپ ئىكەنلىكىنى ،پەقەت تاشپاقىدىن سېتىۋېلىشقا بۇلىدىغانلىقىنى ئېيتىپتۇ. تاشپاقا بولسا بىر ئۆي -مۈلۈك سودىگىرى بۇلۇپ ،ئالدى بىلەن 200مىڭ يۇەن بۆرىگە پارا بېرىپ تۈر ئېچىش ھۇقۇقىنى قولغا كىرگۈزۈپتۇ ،ئاندىن يەنە 500مىڭ يۇەنگە بۇ پارچە يەرنى سېتىۋاپتۇ.يەنە 100مىڭ يۇەن خەجلەپ توشقان ئۇۋىسىنى ساپتۇ ۋە توشقانغا 2مىلىيۇن يۈەنگە ساتىدىغانلىقىنى ئېيتىپتۇ .توشقان بۇنچىۋالا پۇلنى ئەلۋەتتە چىقىرالمايدىكەن،شۇڭا تۈلكىدىن 2مىلىيۇن ،ئۆسۈملىرى بىلەن قوشۇلۇپ 3مىلىيۇن يۈەن 20يىلدا قايتۇرىدىغانغا  قەرز ئاپتۇ،شۇنىڭ بىلەن توشقان پۈتۈن ئائىلىسىدىكىلەر بىلەن تۈلكىگە ياللىنىپ ئشلەشكە مەجبۇر بوپتۇ. بۆرە،تاشپاقا،تۈلكىلەرنىڭ ھەممىسى پۇل تېپىپتۇ،پەقەت توشقانلا زىيان تارتىپتۇ،ھەتتا بالا تۇغۇشقىمۇ جۈرئەت قىلالماپتۇ. توشقان بارغانسىرى ئازلاشقا باشلاپتۇ ،بۆرە بۇنداق كېتىۋەرسە كۆپچىلىك ھەممىسى گۆش يىيەلمەيدىكەن دەپ بۇنى تەڭشەشكە باشلاپتۇ .بۆرە كۆرۈنۈشتە توشقان ئۇۋىسى باھاسىنىڭ ئۆرىلىكىگە كۆڭۈل بۆلگەندەك كۆرۈنۈپ ،دەرھال بۇمەسىلىنى ھەل قىلىش يولىنى ئىزدەپتۇ.ئىزدىنىش ئارقىلىق توشقان ئۇۋىسى باھاسىنىڭ قىممەت بولۇش مەسلىسىىنىڭ سەۋەبى بولسا ،بەزى توشقانلار ئۇۋا سېتىۋالغاندىن كىيىن ئۇ ئۇۋىنى باشقا توشقانلارغا سېتىشتىن كىلىپ چىققان دەپ دەلىللەپتۇ. شۇنىڭ بىلەن بۆرە توشقانلارنىڭ يېڭى توشقان ئۇۋىسى ئالغاندىن كىيىن 5يىل ئىچىدە ساتقانلارنىڭ بۆرىگە تاپاۋەت بېجى تاپشۇرۇشىنى بەلگىلەپتۇ. نەتىجىدە توشقان ئۇۋىسى باھاسى يەنىلا چۈشمەپتۇ،ئەمما بۆرە قاتتىق بېيىپ كېتىپتۇ. بۆرە يەنە تۈلكىگە پەقەت ئالدىن جېق پۇل بەرگەنلەرگىلا پۇل قەرز بېرىشىنى ،يەنە قەرز ئۆسۈمىنى ئۆرلىتىشنى ،توشقان ئۇۋىسىنى كۆپرەك سېتىۋالغان توشقانلارغا قەرز بەرمەسلىكنى ،ھەممىسىنىڭ نەق پۇل تاپشۇرۇشىنى ئېيتىپتۇ . شۇنداق قىلىپ تۈلكە توشقاننىڭ ئۇۋا سېتىۋېلىش جەريانىدا يەنە نۇرغۇن پۇل تېپىپتۇ. تاشپاقىمۇ توشقان ئۇۋىسى باھاسىنىڭ ئۆرلىگەن پۇرسىتىدىن پايدىلىنىپ ،تېخىمۇ كۆپ پۇل چىقىرىپ بۆرىدىن يەر سېتىۋاپتۇ ۋە بۇ پۇرسەتكە ماسلاشتۇرۇپ توشقانغا تېخىمۇ يۇقىرى باھادا سېتىشقا باشلاپتۇ. بۆرىنىڭ ئۆزى ئۈچۈن پايپېتەك بولغانلىقىنى كۆرگەن توشقان بۆرىگە ناھايىتى كۆپ رەھمەت ئېيتىپتۇ.لىكىن يەنىلا توشقان ئۇۋىسى باھاسىنىڭ يۇقىرى ئۆرلەۋاتقانلىقىنى سېزىپتۇ. بۇنى بايقىغان بۆرە توشقانغا  بۇ ئىش ناھايىتى مۇرەككەپ،ھەم ئاسان بېجىرگىلى بولمايدۇ،لېكىن توشقانلار خاتىرجەم بولسۇن بىزچوقۇم داۋاملىق تەڭشەش ئېلىپ بارىمىز دەپتۇ .يەنە ئاللىبۇرۇن ئۇۋا ئېلىپ بولغان توشقانلاردىن توشقان ئۇۋا بېجى ئېلىشقا باشلاپتۇ. كۆرگەنلەر ئۆز ئارا يەتكۈزۈپ قويۇڭلار،چۈنكى بەزى توشقانلار تېخىچە چۈشەنمەيدۇ. ئەسكەرتىش:خەنزۇچە چ چ توپىدىن ئېلىندى.

saltanat

	كۆتۈرەلمىسىڭىز ساڭگىلىتىۋېلىڭ

saltanat

	saltanat يوللىغان ۋاقتى  2013-3-14 02:21 AM كۆتۈرەلمىسىڭىز ساڭگىلىتىۋېلىڭ بار مىلىنى ئوغرى ئاپتۇ قالغىنىنى رەممال...........

xamal113

	دىمىسىمۇ شۇنداق بۇلۇپ كەتتىغۇ، راسگەپنى يىزىپتۇ. بىچارە توشقانلار.

ئەجەل

	بۇغۇ مەيلى،يەرلىك توشقانلار تالادا قېلىپ،كەلگۈندى توشقانلارنىڭ بىر ئىككىدىن ئۇۋا سالغىنى قىززىق. توشقان بەك جىق تۇغىدىكەن.بۆرە بۇنىڭ ئالدىنى ئېلىش ئۈچۈن توشقانلارغا ئاز-ساز تۇغۇشنى ئېيتىپ بۇنىڭ پايدىسىنى چۈشەندۈرۈپتۇ،ھەتتا ئاز سۈپەتلىك بۆجەن تۇغۇشقا قوشۇلغان توشقانلارنى ئانچە-مۇنچە سەۋزە بىلەن مۇكاپاتلاپتۇ.يەرلىك توشقانلار بەك ئەقىللىقكەن،دەرھال بۆرىنىڭ بۇ چاقىرىغىغا قىزغىن ئاۋاز قوشۇپ سەۋزە مۇكاپات ئاپتۇ.ئۆزىچە بۇنى‹بۆرىنىڭ بىر تال تۈكىنى يۇلغىنىمىز يۇلغان ›دەپ ئاتاپتۇ.كاللىسى ئىشلىمەيدىغان باشقا يەرلىك توشقانلار ئۇدۇل كەلگەنچە تۇغىۋېرىپتۇ،بۇ يەردە توسسا  ئۇيەردە،بۇيەردە توسسا ئۇ يەردە دېگەندەك.يەرلىك توشقانلار شۇنى ئويلىماپتۇكى بۆرە ئەزەلدىن سەۋزە تېرىمايدىكەن،توشقانلارغا مۇكاپات بېرىلگەن سەۋزە بولسا بۆرىنىڭ ئەينى ۋاقىتتا ئۆزى ياسىغان پۇلغا سېتىۋالغان زەدەك ئىكەن!

مىژگان

	ئۇ كېلىپ سوققان، بۇ كېلىپ بوغقان. ئاۋۇ توشقاننى ئۆزەممىكىن دەپ قالدىم.

BAHTIM711

	بىچارە توشقانلار.

musilina

	توشقانلار نېمە دېگەن بىچارە -ھە.. مۇشۇنداق بىچارە توشقانلار بەك كۆپ ھازىر.....

!UYGHURJAN

	توشقاننىڭ سەۋرى تاقىتى توشسا چىشلەشتىن يانمايدۇ !

dolantograk004