ئېسىل قۇرلىرىم

0999nazuk

	ئاياللار كۆپىنچەھاللاردا ئۆزىنى يىغىغا زورلايدۇ، ئۇلار شادلىق ئۈچۈنمۇ يىغلايدۇ،تارتقان دەرت-ھەسرەتلىرى ئۈچۈنمۇ يىغلايدۇ. بەزىدە يىغلاش ئۇلارغا يىنىكلىك ئېلىپ كىلىدۇ.ئۇلارنىڭ ئىچ- ئىچىدىن چىققان ئۇھلىرى ھىسابىغا ۋۇجۇدى يىنىكلەپ قالغاندەكبىلىنىدۇ. ئۇلار بىشغا كەلگەن دەرت- ئەلەملىرىنى ۋۇجۇدىدىن چىققان كۆز ياشلىرىبىلەن يۇغۇرۇپ، بۇلاقتەك كۆزلىرىدىن تۆكۈلگەن چەشمىلەرگە قوشۇپ ئازاپتىن خالاسبولۇشقا تىرىشىدۇ، بەلكىم كۆز- يىشىغا زورلاش اللا ئىگەمنىڭ ئاجىز- بەندىلىرىگەھەسرەت- نادامەتتىن يىنىكلەش ئۈچۈن ئىلتىپات قىلغان ، پەقەت ئاياللارغىلا خاسئالاھىدىلىكى بولسا كىرەك. شۇڭا كۆپىنچە ھاللاردا ئاياللار كۆز- يىشىغا زورلايدۇ. بىز ياشاۋاتقان بۇدۇنيا ئادەمنى ئېزىقتۇرغىدەك دەرىجىدە شۇنداق رەڭدار ئالەم.ئۇ ئۆزىنىڭ راس- ھەم يالغان بوياقلىرى بىلەن ئادەملەرنىڭ چىرايىغا رەڭ بىرىدۇ. ئۇنى قۇياش نۇرىدانۇرلاندۇرىدۇ. بۇ نۇرلار كىشىنىڭ قەلىپ ئەينەكلىرىدىن ئۆتۈپ، ئۇلارنىڭ ھەرخىل غەرەز يوشۇرۇنغان يۈرىكىنى نىقاپلايدۇ. رەڭگارەڭ ھاياتتا ئەنە شۇ نىقاپ تۈپەيلى نۇرغۇنلىغان ئادەملەر ئالدىنىدۇ، ئازىدۇ، كىشىلەرنىڭ " ئازماس اللا " دېگەنلىرىمۇشۇنىڭغا قارىتىلغانمىكىنتاڭ. تەغدىر- قىسمەت دىگەن ئەنە شۇنداق رەھىمسىز، ئۆلۈم تېخىمۇ رەھىمسىز ۋە قورقۇنۇچلۇق. ئۇ سىنىڭ ياخشى كۆرگەن ئادىمىڭنى ۋاقتى يەتتى- يەتمىدى دىمەي، سېنىڭدىن تارتىۋالىدۇ.ئەسلىدە ئۆلۈم ئۇنچىۋالامۇ قورقۇنۇچلۇق ئەمەس، بەلكى ياخشى ئادىمىڭدىن، سادىق سەمىمى ھەمرايىڭدىن، بىر ئۆمۈر نەپەسلىرى بىر- بىرىگە گىرەلىشىپ كەتكەن ئىچ كۆيەرىڭدىن ئايرىلىش ئەڭ قورقۇنۇچلۇقتۇر. رەھىمسىز تەغدىر سەن ياخشى كۆرگەن، سەن ئارزۇلىغان، سەن ئەتىۋارلىغان، سەن ئۈچۈن دۇنيادىكى ھەممەنەرسىدىن قىممەتلىك بولغان نەرسىلىرىڭنى قانداقتۇر بىر يوللار بىلەن تارتىۋالىدىكەن. ھەم روھىي - دۇييايىڭنى ئاستىن- ئۈستۈن قىلىۋىتىدىكەن. شۇنداقلاقەلبىڭدە ساقايتۇۋالغۇسىز جاراھەت پەيدا قىلىدىكەن. ھەم بۇ جاراھەت تۇيدۇرماستىن ھايات مۇساپەڭنى قىسقارتىدىكەن. جىسمانىم كۈچۈم يوقالدى، روھى كۈچۈم ئاران- ئاران ئۆزىنى ئاڭقىرالىغۇچىلىك ئەس- ھوشىغا ئەسىرلىك بىلەن ئېرىشەلىدى. تۆلىگەن بەدەللىرىم چەكسىز، يۈكۈم ئاجايىپ ئېغىر، مەن قاتتىق ھالسىراپ كەتتىم. ئۆزۈمدىكى بۇ ھارغىنلىقنىڭ ئېغىر ۋەزنىنىمۇ مۆلچەرلەشكە ئاجىزلىق قىلىمەن.... قاچانغىچە بېلىمنى رۇسلىيالماي، قەددىمنى تىكلىيەلمەيي ۈرۈيدىغانلىقىمنى بۈلمەيمەن. جاسارىتىمنى ئەسلىدىكى بۈيۈكلۈك روھى قاتلىمىدىكى جۇشقۇنلۇقۇمنى، تەپەككۈرۈمنى، نېرۋا سۈزۈكلۈكۈمنى ئىزدەپ تاپالىشىم مۇمكىنمۇ؟بىلمەيمەن، بىراق مەن ئۆزۈمنى يوقىتىپ قويۇشنى خالىمايمەن. ئەمما مەن چەكسىزھارغىنمەن. روھى ۋە جىسمانىي جەھەتتىن تەسۋىرلىگۈسىز ئاجىزلاپ كەتتىم. ئەقلىكۈچۈم، نېرۋام ئاجىزلاپ كەتتى. تۇرمۇش مىنى قوينىغا ئالمىدى. ئىرادىلىك ئادەم يۇلغۇنغا ئوخشايدۇ. جۇدۇن- چاپقۇندا ئېگىلىدۇ، يۇلۇنمايدۇ. ئۇسسۇزلىققا چىدايدۇ. ئىرادىسىز ئادەم قورايغا ئوخشايدۇ، گۈررىدە كۆيىدۇ، بىردەمدە ئۆچىدۇ. ئادەم قورايدەك ياشىماي يۇلغۇندەك ياشىشى كىرەك. كوچىغا چىققان ئادەملەرنىڭ مەقسەت- مۇددىئالىرى ئوخشىمايدۇ. بىرلىرى قىسمىتىدىن يىغلاپ چىقىدۇ، بىرلىرى رازى بولۇپ كۈلۈپ چىقىدۇ، بىرلىرى بىرىنى كۆزلەپ چىقىدۇ، بىرلىرى بىرىدىن قېچىپ چىقىدۇ، يەنە بىرلىرى مال-دۇنيا يىغقىلى چىقىدۇ، يەنە بىرلىرى چاچقىلى چىقىدۇ. ھايات تەغدىر قىسمەت ئاجايىپكى: شۇ تۇرقىدا بەزىلەر تاتلىق ئۇيقىدا، بەزىلەر ئېغىر قايغۇدا، بەزىلەر يىغا بىلەن سەكپارە، بەزىلەر كۈلكە بىلەن شادىيانە....... ئادەملەر تۇرمۇشنىڭ ھەم تاتلىق ھەم ئاچچىق قاينىمىدا ياشايدۇ، بۇ يولدا ئىنسان نۇرغۇن توسالغۇ، ئوڭۇشسىزلىقلارغا ئۇچرايدۇ. ئۈمىدلىك ئادەم ھەر قانداق توسالغۇ، ئوڭۇشسىزلىقلارنى يىڭىپ كىتەلەيدۇ. كىشى ئۆز مەقسەت- مۇددىئاسى يولىدا كۈرەش قىلمىسا، ياشاشنىڭ نىمە مەناسى قالىدۇ؟ ھەي تەڭشەلمىگەن جاھاندە بۇ، باي كەمبەغەل دەپ ئايرىۋاتىمىز بىر- بىرىمىزنى ئوخشاش ئادەم تۇرۇپ،يەنە بەزىلىرىمىز ھاۋادا ئۇچساق، يەنە بەزىلىرىمىز توپا يولدا ماڭىمىز. جەمىيەتتە مۇھەببەت بۇرۇنقى ۋاقىتلاردىكىدەك ساپ بولمىغاچقا،ئادەملەرنىڭ بىر- بىرىنى ئالدىشى كۆپىيىپ كەتتى. كىشىلەر ئارىسدا شامالنىڭ چىقىشىغا، سۇنىڭ ئېقىشىغا قاراپ ئىش تۇتىدىغان، ئەمەل، يۈز- ئابروي ۋە ئۆي زىمىنىنى يۇقىرى بىلىدىغان ھالەت شەكىللىنىشكە باشلىدى.شۇنىڭ بىلەن كىشىلەر ئارىسدا توي قىلغان بولسىمۇ، بەخىتلىك بولالمىغان كىشىلەر كۆپەيمەكتە. مۇھەببەت ئالدىدا يىڭى كۆڭۈل ، كونا كۆڭۈل، جىڭ كۆڭۈل، جا كۆڭۈل دەيدىغان نەرسە مەۋجۇت ئەمەس. پۇل مال- دۇنيا ھوقۇق نۇرغۇن نەرسىلەرنى ۋەيران قىلىۋىتەلەيدۇ، ئۇزۇن يىللىق ئەر- خوتۇنلارنى، ئاتا- بالىلارنى، قېرىنداشلارنى، رەھىمسز،شەپقەتسىز دۈشمەنلەرگە، بىر- بىرىگە قان چىچىشقان رەقىبلەرنى قەدىناس دوسلارغا، سىناقتىن ئۆتكەن پاك ئەمەلدارلارنى، تويماس پارىخۇرلارغا، ئاجايىپ غورۇرلۇق قاتتىق سۆڭەك ئەرلەرنى، شەرمەندە ساتقىنلارغا ئايلاندۇرىۋىتەلەيدۇ، پەقەت بىرلا نەرسىگە كۈچى يەتمەيدۇ.ئۇ بولسىمۇ: چىن مۇھەببەت. نامراتلىق ئىچىدە چوڭ بولغان كەمبەغەل بالىلىرى ئۈچۈن، دۇنيادا جاپا- مۇشەققەت دىگەن نەرسە يوق. ئىنسان تۈرلۈك روھى ئاجىزلىقلاردىن خالى ئەمەس، ئۇ گاھى بىلىپ، گاھى بىلمەي ھەرخىل خاتالىقلارنى سادىر قىلىدۇ. لېكىن ئاددىيغىنە سەۋەنلىك، ھاياتتا خاتا ئېلىنغان بىر قەدەم، سىنى بارغانسىرى پاتقاققا سۆرەيدۇ. نەتىجىدە بۇلغىنىسەن، رەسۋا بولىسەن، پاسكىنلىشىسەن....ئاخىرى بىر كۈن سەسكىنىپ كەينىڭگە قايتىسەن، ئەمما كېچىككەن بولىسەن، ئەل- نەزىرىدىن چۈشىسەن، بۇ نادامەت بىر ئۆمۈر سىنى خۇن قىلىۋىتىدۇ..... شۇڭا ھەر كىشى ئۆز دىلىنى سەمىمى نىيەت نۇرى بىلەن بىزىشى كىرەك! ھاياتتا تۇراقلىق بولۇش- پەزىلەتتۇر. بۇر پەقەت غەيرەت ۋە سەۋىر بىلەن بولىدىغان ئىش. مەنبە: خاتىرەمدىكى قۇرلار، ئوقىغان كىتاپلىرىمدىكى پارچىلار

پەرى

	ئەسسالامۇ ئەلەيكۇم ئۇماق ئادىشىم تېمىڭىزدىكى  يىقىملىق كۈينى ئاڭلىغاچ ئېسىل قۇرلاردىن ھۇزۇر ئالدىم .... ئەجىرىڭىزگە تەشەككۈر ...بۇنىڭدىن كىيىنمۇ مۇشۇنداق تىتىملىق تېمىلىرىڭىزنى بىزدىن ئايىماسسىز.

bahar0997

	ئوماق گۈلۈمنىڭ تېتىملىق قۇرلىرىدىن يۈرىكىم ھاياجانغا تولدى. ئېسىل قۇرلىرىڭىز مەڭگۈ چاقناپ تۇرسۇن....

سۇمەييا

	ئىسىل قۇرلىرىڭىزدىن گۇللەر ئۇنسۇن.

bazarbay

	رەھمەت

bazarbay

	رەھمەت

شىرئەلى

	يىغلاپ تاشلىغىلى قىل قالدىم جۇما ...ئاياللار مۇشۇنداق ئادەمنىڭ كۆڭلىنى بىر قىسىم قىلىدىغان نەرسىلەرگە ئامراق زادى ...

نەئىمە

	شىرئەلى يوللىغان ۋاقتى  2013-3-12 11:10 PM يىغلاپ تاشلىغىلى قىل قالدىم جۇما ...ئاياللار مۇشۇنداق ئ ... يىغلاۋەرمەي،كىشى زاڭلىق قىلمىغاندىكىن،،،،،،،،،،،،،

نەئىمە

	رەھمەت نازۇك ،،،،،،،،،،ھەقىقەتەن كىشىنىڭ دىل تارىنى چەككۈدەك قۇرلار ئىكەن.........ئاللاھ قولىڭىزغا دەرت بەرمىسۇن!

شىرئەلى

	نەئىمە يوللىغان ۋاقتى  2013-3-12 11:37 PM يىغلاۋەرمەي،كىشى زاڭلىق قىلمىغاندىكىن،،،،،،،،،،،،، يىغلاپ كەتتىم ، ھازىر تېخى يۈزۈمنى يۇيۇپ چىقتىم ...