جاڭ چۈنشيەن: «سوقماقنى مەنمۇ يەپ باققان»

tulpar12

	خەلق تورىنىڭ  بېيجىڭدىن بەرگەن خەۋىرى. خەلق سارىيىنىڭ شىنجاڭ زالىدىن شىمالىي ئىشىككىچە پەقەت 100 مېتىرچە كېلىدۇ، نورمال سۈرئەت بىلەن ماڭغاندا بىرەر مىنۇت ۋاقىت كېتىدۇ، ئەمما 7-مارت 12-نۆۋەتلىك مەملىكەتلىك خەلق قۇرۇلتىيى 1-قېتىملىق يىغىنىغا قاتناشقان شىنجاڭ ۋەكىللەر ئۆمىكىنىڭ تاراتقۇلارغا ئېچىۋېتىلگەن كۈنى ئاخىرلاشقاندىن كېيىن، ئاپتونوم رايونلۇق پارتكۇمنىڭ شۇجىسى جاڭ چۈنشىيەننى بىر توپ مۇخبىرلار ئورىۋالدى، جاڭ چۈنشيەن بىر مېڭىپ، بىر توختاپ مۇخبىرلارنىڭ سوئالىغا جاۋاپ بېرىپ، بۇ يولنى توپتوغرا 10 مىنۇت ماڭدى. 　　چۈشتىن بۇرۇن سائەت 11دىن 18 مىنۇت ئۆتكەندە، رىياسەتچىنىڭ چۈشتىن بۇرۇنقى پائالىيەتنىڭ ئاخىرلاشقانلىقىنى جاكارلىشى بىلەنلا 100 گە يېقىن مۇخبىر ئەمدىلا ئورنىدىن تۇرغان جاڭ چۈنشىيەنى ئورىۋالدى. 　　خىزمەتچى خادىمنىڭ تەرتىپ ساقلاپ مېڭىشى بىلەن، ئادەملەر توپى ئاستا-ئاستا ئىشىككە قاراپ سىلجىدى، جاڭ شۇجى مۇخبىرلارنىڭ «شىنجاڭ مۇستەقىللىقى» توغرىسىدىكى سۇئالىغا جاۋاب بېرىپ:« بۇ بىر تارىخىي مەسىلە، بۇنى تەدرىجىي كونترول قىلىپ، قارشى تۇرۇشنى كۈچەيتىپ، ئالدىنى ئېلىش كېرەك. ھازىر گەرچە بۇ جەھەتتىكى ئەھۋال كەسكىن بولسىمۇ، ئەمما شىنجاڭ ئومۇمىي جەھەتتىن يەنىلا مۇقىم » دېدى. 　　بىر مۇخبىر يېقىندا توردا قىزىق مۇنازىرە قىلىنغان «سوقماق» مەسىلىسىنى سورىدى. بايىقى مۇزاكىرىدە مۇخبىرلار بۇ سۇئالنى سورىغاندا، جاڭ شۇجى ئۆزى جاۋاب بەرمىگەچكە، مۇخبىرلار تازا قانائەت ھاسىل قىلمىغاندەك قىلاتتى. 　　جاڭ چۈنشىيەن قەدىمىنى توختىتىپ، جاۋاب بېرىپ مۇنداق دېدى :« سوقماقنى يەپ باققان، تور مۇنازىرىسىدىن كېيىن مەن تېخىمۇ قىزىقىپ قېلىپ، مەخسۇس تەكشۈرۈپ باقتىم، سوقماققا ھەشەم كېتىدىكەن، مۇئەييەن قىممىتى بار ئىكەن، بىر ھارۋا سوقماقنى ھەقىقەتەن ئىككى مىڭ يۈەندىن جىقراق پۇلغا ساتقىلى بولىدۇ، ئەمما بىر پارچىسىغا بىر ئۆي سېتىۋالغىلى بولىدۇ دېيىش راست گەپ ئەمەس.» 　　جاڭ شۇجى بىر مېڭىپ، بىر توختاپ يەنە مۇخبىرلارنىڭ شياڭگاڭدىن سودىگەر چاقىرىش، ئەرزان باھالىق تۇرالغۇ ئۆي قۇرۇلۇشى قاتارلىق سوئاللىرىغا جاۋاب بەردى. 　　خەلق سارىيىنىڭ شىمالىي ئىشىكىدىن چىقىشقا ئاز قالغاندا، بىر شىنجاڭلىق ئۇيغۇر مۇخبىر جاڭ شۇجىدىن «سىز ئۇيغۇرچە ئۆگىنىشنى ئويلىشىپ باققانمۇ» دەپ سورىدى، جاڭ شۇجى كۈلۈپ تۇرۇپ، «ئۇيغۇرچىنى ئۆگىنىش تەسرەككەن، سىز ماڭا ئۆگىتىپ قويالارسىزمۇ؟» دېدى، ھەمدە ئۆزى بۇرۇن ئۆگەنگەن «قۇربان ھېيتىڭىزغا مۇبارەك بولسۇن» دېگەن بىر جۈملە سۆزنى ئېيتتى. 　　سائەت 11دىن 26 مىنۇت ئۆتكەندە، جاڭ شۇجى ئاخىرى خەلق سارىيىدىن چىقتى. پەلەمپەيدىن چۈشۈۋاتقاندا، يەنىلا مۇخبىرلار ئۇنىڭغا ئەگىشىپ، ئۇنىڭ شىنجاڭدا خىزمەت قىلىش جەريانىدىكى تەسىراتىنى سورىدى. ئۇ مۇنداق دېدى :« شىنجاڭدا ئۆگەنگەنلىرىم كۆپ بولدى، بېسىممۇ ئاز ئەمەس، بۇ ناھايىتى كۆپ تىرىشچانلىق كۆرسىتىشكە ئەرزىيدىغان، ئەڭ ئالدىراش مۇھىم جاي » . مەنبە:شىنجاڭ خەۋەرلىرى

بانكىر

	بەك ئوبدان دەپتۇ، يۇقىرى دەرىجىلىك رەھبەرلەرنىڭ، مۇخبىرلارنىڭ سورىغان سۇئاللىرىغا (قايسى نۇقتىدىن بولسۇن) قانائەتلىنەرلىك جاۋاب بەرمەسلىكى، جۇڭخۇا خەلق جۇمھۇرىيتىنىڭ قانۇن- نىزاملىرىغا ئۇيغۇنمۇ-يوق؟

yidayat164

	ئەسسالامۇ-ئەلەيكۇم! بۇ قېتىنقى شىنجاڭ ۋەكىللەر ئۆمىكىنىڭ مۇخپىرلارنى كۈتۋىلىش نەق مەيدانىنى فىلىمنىى تاپالمىدىم

izqel

	جاڭ سىكىرتارنىڭبۇ ھەقتىكى دۇكىلات بىرىشى ياخشى بولدى.ماتاڭ(سۇقماق)نىڭ ۋەقەسى تۈپەيلى ئىچكىرى ئۆلكىلەردىكى بىر قىسىم تور بىكەتلىرى مىللەت ۋە شىنجاڭ  تۇغۇرلۇق كۆپلىگەن ئۇچۇرلارنى تارقاتتى،ئۇلارنىڭ مىللەت بۆلگۈنچىلىكى ۋە مۇقىمسىزلىق پەيدا قىلىدىغان قانۇنسىز ۋە ئەكسىيەتچىل ئۇچۇرلىرىنى ئۇچۇر باشقۇرۇش،تور  نازارەتچىلىك ئۇرۇنلىرى   قاتتىق باشقۇرۇش ئۇياقتا تۇرسۇن ئەكىسچە ئۇيغۇرچە مۇنبەرلەردە بۇ ھەقتە تەلەپ پىكىر يازغۇچە ئۆچۈرۈلۈپ تۇردى.ئەمما خەنچە مۇنبەرلەردە بۇ ھەقتىكى ماقالىلەر ۋە سىنلار توختىماي بىرىلىۋەردى،ئۆچۈرۈلمىدى.سۇقماق ۋەقەسى كۆرۈلگەندىن كىيىن بىز بۇ ئىچكىردىكى بىر قانچە ماتاڭ ساتقۇچىنىڭ گۇناھىنى قۇللايدىغان خاھىش ئاساسەن بولمىدى،ھەممە يەرلىك مۇنبەر ۋە چ چ توپلىرىدىمۇ شۇنداق بولغان..ئۇيغۇر ئاپتۇنۇم رايۇنىنىڭ رەھبەرلىرىنىڭ بىيجىڭدىكى ئىككى يىغىندا مۇشۇ ئىشنىمۇ ئىنكاس قىلسا دەپ ئويلايمەن. ئاۋۇ ئۇيغۇر مۇخبىرنىڭ سۇئالى ھەقىقەتەن ياخشى سۇئال بوپتۇ.جاڭ سىكىرتارنىڭ ئۇيغۇرچە تىلنى ئازىراق بولسىمۇ بىلىشى ياخشى ئەھۋال.ئۇ مۇخبىر كىم بولغىيتى،خۇش بوپ قالدىم.

iltebir

	سوقماق ۋەقەسى توغرىلىق مۇخپىرلارنىڭ سۇئالىغا ئەستايدىلراق جاۋاپ بەرگەن بولسا، يولداشلارنىڭ كاللىسىدىكى بەزى تۈگۈنلەر يىشىلەر ئىدى- ئەمەسمۇ!

qog

	MY_Dreām يوللىغان ۋاقتى  2013-3-12 09:56 PM لام - جىم راھەت

ANSWER

	بولدىلا ، بىكا ....

iltebir

	ھىلىقى مۇخپىر ،سىكىرتار ئەپەندىدىن بەك ياخشى سۇئال سوراپتۇ. دىمىسمۇ ئۆز ئارا چۈشۈنىش ھاسىل قىلىش ئۈچۈن تىل ئۆگىنىش مۇھىم شەرت ئىدى. ھازىرقى يولداشلار تىل بىلمىگەچكە بىزنى چۈشەنمەيدۇ. نۇرغۇن ئۇقۇشماسلىقلار چۈشىنىشمەسلىكىتىن كېلىپ چىققان. ئۇيغۇرتىلى ئۆگىنىشنى ئويلىشىپ باققانمۇ دىسە ،بەرگەن جاۋابىنى كۆرۈڭ.بۇلاردا تىل قېسنچىلىقى يوق-دە! ئىدارە ئۇرۇنلاردا 10ئادەمنىڭ بىرى يولداشلار بولسا شۇلار تىلىدا سۆزلەش كىرەك.شۇڭا بۇلاردا تىل ئۆگىنىش ئىستىكى تۇغۇلامدۇ.  مانا ھازىر دەرسخانلىرىمىزدا سىكىرتار ئەپەندى دەرس ئاڭلاپ قالسۇن ، دەرس تىلى چۈشۈنىشلىك سىكىرتار تىلىدا  بولغاچقا تېخىمۇ خۇش بۇلىدۇ.ھەم بۇلار ئورتاق تىلنى ئەجەپ ئۇمۇملاشتۇرۇپتۇ،بۇنىڭدىن كىيىن يولداشلار مەيلى قەيەردىن كەلسۇن تىل جەھەتتە قېينالمايدۇ دەپ مەكتەپ رەھبەرلىگىنى ماختاپ كىتەرمىكىن دەيمەن.

ئۆزگىچە

	ھە ..ياخشى بوپتۇ ياخشى خەۋەر ئىكەن جۇمۇ،