سىزدىن شۇنداق سورغۇم كىلىۋاتىدۇ.

jelwa

	كىشلىك دۇنيا شۇقەدەر ئەگرى توقاي ۋە جاپالىق بولىدىكەن، بەزىلەر سۇلتان بولسا يەنە بەزىلەر گاداي بولىدىكەن،خاياتنىڭ ماھىيتىنى چۈشىنىش ئەسلا مۇمكىن بولمايدىكەن،،بەزىلەر تەقدىرنىڭ ئېغىر سىناقلىرىنى باشتىن كەچۈرسە بەزىلەر ھاياتتا مەغرۇر كېرىلىپ ئۆزىنىڭ پۇل ۋە مال دۇنياسى بىلەن خۇشال ھەم بەخىتلىك ياشايدىكەن بىراق كىممۇ ئويلاپ باققان بولسۇن بۇ تەڭسىز دۇنيا ھېچكىمگە ھەقىقى بەخىتنى ھەقىقى بىر گۈزەل ھايات خاتىمىسىنى قالدۇرۇپ باققان ئەمەس مانا بۇ ھاياتتىكى بىر گەۋدە.     ھاياتنىڭ ھەقىقى مەنىسىنى ھەقىقى بەخىتنىڭ زادى نىمە ئىكەنلىكىنى زادى كىم بىلىدىغاندۇ ھە؟ ھازىرقى جەمئيىتىمىز بۇيىچە ئېيىتقاندا  نۇرغۇنلىغان كىشىلەر ھەقىقى بەخىتنى پۇل ۋە مال دۇنيا دەپ ھېساپلايدىغان بولدى شۇنى بىلىش كىرەككى ھەقىقى بەخىت ئۆزىنىڭ ھالال تەر ئەمگىكى ۋە ئۆزىنىڭ ھەقىقى تىرىشچانلىقى بەدىلىگە كەلگەن بەخىتتۇر.      شۇنداق دەپ پەرەز قىلىشقىمۇ بولىدۇ،،سىز بۇ دۇنيادا شۇنچە بىخىللىق ۋە شۇنچە ئىچى تارلىق بىلەن ياشاپ ئۆتكەن بولسىڭىز ئۇ ھالدا سىز ئەڭ بىچارە ۋە ئەڭ چاكىنا ئادەمگە ئايلىنىپ قالغان بولىسىز. چۈنكى بۇنداق بىچارىلەرچە ئۆتكەن ئادەمىنىڭ مەڭگۈ قەدىر-قىممىتى ۋە يۈز ئابرۇيى بولمايدۇ چۈنكى ئۇنىڭ بۇ پۇل مال-دۇنيالىرى ئۇنى بايدەك كۆرسەتكىنى بىلەن ئۇنىڭ ھەقىقى ئەخلاق -پەزىلىيتى .ئىستىلى ناچار، بىر تىيىن ئۈستىدىن تىك تۇرىدىغان ،خەلىققە ھېچقانداق پايدىسى تەگمەيدىغان ئىنسانلار ئۈچۈن ئېيىتقاندا بۇ شۇ كىشلەرنىڭ نەقەدەر ئاجىز ۋە زەيىپ ئىكەنلىكىنى چۈشەندۈرۈپ بىرەلەيدۇ؟      سىزدىن شۇنداق دەپ سۇرغۇم كىلۋاتىدۇ.سىز ھەردائىم كوچا-كويلاردىكى تار-بۇلۇڭ ۋە تار كوچىلاردا غەيۋەت قىلىشىپ ئولتۇرغان شۇ كىشلەرنى كۆرگىنىڭىزدە شۇ كىشلەرنىڭ نەقەدەر بىچارە ئىكەنلىكىنى ئويلاپ باقتىڭىزمۇ؟ چۈنكى كۈن بويى سىرىتتا غەيۋەت قىلىپ ئولتۇرغان چاغلىرىڭىز سىزنىڭ ۋاقىتنى ئارتۇقچە زايە قىلغانلىقىڭىزدىن دىرەك  بىرىدۇ،،سىز شۇ ۋاقىتلاردا نۇرغۇنلىغان ئىشلارنى قىلىپ بولىشىڭىز مۇمكىن.      سىزدىن شۇنداق دەپ سورغۇم كىلىۋاتىدۇ،سىز باينى كۆرۈپ ئۇنىڭغا خۇشامەت قىلىپ ئاغزى -ئاغزىڭىزغا تەگمەي خۇشامەت قىلىسىز.كەينىدىن ئۇنىڭ بايلىقىغا ھەسەت قىلىپ يامان قارغىش بىلەن ئۇنى ھاقارەتلەيسىز ، بىراق بىرەر كەمبەغەلنى كۆرۈپ <<سەن گاداينىڭ نىمەڭ باتتى>> دىگەندەك قىلىپ ئۇنىڭغا ئازار بىرىسىز.باينى تىللايسىز كەمبەغەلنى ياراتمايسىز سىزدىن سۇراي بۇ سىزدىكى غورۇرمۇ؟ سىزدىكى ھەقىقى مىھرىبانلىقمۇ؟      سىزدىن شۇنداق دەپ سورغۇم كىلىۋاتىدۇ،،سىز ھەردائىم باشقىلارنىڭ كىچىككىنە ئىشلىرىدىن قۇسۇر تېپىشقا تەييار تۇرىسىز قېنى سىزدىن سوراي...سىز ئۆز قېرىندىشىڭىزنىڭ شۇنچە كۆپ ياخشى تەرەپلىرىنى كۆرىسىز،،بىراق ئۇنىڭ شۇنچە كۆپ ياخشىلىقلىرى كۆزىڭىزگە كۆرۈنمەيدۇ ئەكىسچە ئۇنىڭ كىچىككىنە ئەيىپ-نوقسانلىرى كۆزىڭىزگە كۆرۈنۈپ كىتەمدۇ؟ سىزدگە شۇنداق دىگۈم كىلىۋاتىدۇ ،،ئەجەبا سىز بۇ چاغقا قەدەر خاتالىشىپ باقمىغانمۇ؟     سىزدىن شۇنداق سۇرغۇم كىلۋاتىدۇ،،سىز ھەمىشە ئۆزىڭىزنىڭ پەرزەنىتلىرىڭىزنى باشقا بالىلار بىلەن سېلىشتۇرىسىز .بىراق شۇنى ئويلاپ بىراق سىزنىڭ شۇ بالىلىرىڭىزمۇ ھەرگىز ئەسكى ئەمەس،سىز شۇنداق چاغلاردا بالىلىرىڭىزنىڭ قانچىلىك ئوڭايسىز ئەھۋالدا قالدىغانلىقىنى ۋە قانچىلىك كۆڭلى پەرىشان بولدىغانلىقىنى تەسەۋۇر قىلىپ باقتىڭىزمۇ؟ يەنە سىزگە شۇنداق دىگۈم كىلىۋاتىدۇ،،،ئەجەبا سىزنىڭ بالىلىق دەۋرىڭىز دە سىز پۈتۈنلەي پاك ۋە گەپ ئاڭلايدىغان بىرى بولغۇيمىتىڭىز؟        سىزدىن شۇنداق سورغۇم كىلىۋاتىدۇ،،،سىز گەپ قىلىشقا توغرا كەلسە ھېچ قالماي تەرىپلەيسىز بىراق سىز ئۆزىڭىزنىڭ ئۆيىڭىزگە قاراپ باقتىڭىزمۇ؟ چەتئەلدە بۇنداقكەن ئۇنداقكەن دىگەنلىرىڭىزدە بۇ خىل ئىسلاھاتنى ئۆزىڭىزنىڭ ئائىلىڭىزدىن ئەتراپىڭىزدىن باشلاش كىرەكلىكىنى ئويلاپ باقتىڭىزمۇ؟ سىزگە شۇنداق دىگۈم كىلىۋاتىدۇ..چەتئەل ياۋۇرپا سىياسەتلىرىنى يېڭى كەشپىياتلىرىنى بىرمۇ -بىر تەرىپلىگەن چاغلىرىڭىزدا ئۆزىڭىز شۇنچە تەرىپلەيدىغان شۇ چەتئەل كىشلىرىدىكى ئاڭ ۋە سەۋىيە بىلەن بىز ئۇيغۇر كىشلىرىدىكى ئاڭ -سەۋيەنىڭ نەقەدەر پەرىقلقى ئىكەنلىكىنى ئويلاپ باقتىڭىزمۇ؟ ناۋادا بىزمۇ تىرىشىدىكەنمىز بىزمۇ ھەرگىز بۇ دەۋىرنىڭ كەينىدە قالمايمىز ھەم شۇ تەرىپىنى قىلىدىغان چەتئەلدىكى يېڭى كەشپىياتلاردىن بىز ئۆزلىرىمىزمۇ تولۇق پايدىلىنىپ يېڭى كەشپىياتلارنى بارلىققا كەلتۈرەلەيمىز ئەمەسمۇ؟          سىزدىن شۇنداق دەپ سورغۇم كىلىۋاتىدۇ،،سىز ھەمىشە ئۆزىڭىزنىڭ يىقىن ئادەملىرى شۇنداقلا كىملا بۇلسۇن بىرى بىلەن ياقا تارتىشىپ سوقۇشقانلىرىڭىزدا ئۆزىڭىزنىڭ قىلغانلىرى كۆزىڭىزگە كۆرۈنمەستىن شۇ كىشىلەرنىڭ قىلغانلىرىدىن رەنجىپ ئۇلارغا ئادەۋەت ساقلايسىز .سىزگە شۇنداق دىگۈم كىلىۋاتىدۇ،سىز ھەمىشە يىقىنلىرىڭىزدىن رەنجىپ ئادەۋەت ساقلىغانلىرىڭىزدا ئۆزىڭىزنىڭ سەۋىر-خاتالىقلىرى ئۈستىدە ئويلىنىپ باقتىڭىزمۇ سىزدىن سوراي ئىنساننىڭ ئەڭ ئالىي خىسلىتىنىڭ ئەپۇچانلىق ئىكەنلىكىنى ئۇنتۇپ قالدىڭىزمۇ؟ ئەجەبا سىزنىڭ ھەقىقى مىھرىڭىز ۋە ئىنسانىي قەدىر-قىممىتىڭىز قەيەرگە كەتتى؟         سىزدىن شۇنداق سورىغۇم كىلىۋاتىدۇ،،ھەرقېتىم بىراۋنى ئىشەك كالا دەپ چاقىرغاندا ئۆزىڭىزنىڭ شۇ ئىشەك ۋە شۇ كالىلاردىنمۇ ھاماقەت ئىكەنلىكىڭىزنى ئۇنتۇپ قالدىڭىزمۇ؟چۈنكى كالا ۋە ئىشەكلەر بىر قېتىم پېتىپ قالغان ئېرىقتىن ھۆركىيدۇ؟ ئىگىلىرىنىڭ قىلغان ياخشىلىقلىرىنى ئۇنۇتمايدۇ؟بىراق بىز ئىنسانلارچۇ؟بىرقىتىم يىقىلغان ئورۇنغا قايتا قەدەم باسىمىز ..بىراۋنىڭ قىلغان ياخشىلىقلىرىنى ئۇنتۇپ ئۇنىڭغا ياخشىلىق ئورنىدا يامانلىق قىلىدىغان كىشلەرمۇ ئاز ئەمەس،،،سىزگە شۇنداق دىگۈم كىلىۋاتىدۇ،،،ئەجەبا ھەقىقى ئەقىللىق دەپ سانىلدىغانلار ئىنسانلار بولسا بۇ ھالدا ئىنسانلاردىكى ئەقىل ۋە پاراسەت قەيەرلەرگە كەتتى؟        سىزدىن شۇنداق سورىغۇم كىلىۋاتىدۇ..سىز ھەردائىم ئۆزىڭىزنىڭ  شەخسى سىرلىرىڭىزنى دوستۇم دەپلا خالىغانلا ئادەمگە ئېيتىپ قېلىشىڭىز مۇمكىن بىراق كەينىدىنلا ئۇ ئادەمنىڭ شەخسى سىرلىرىڭىزنى باشقىلارغا دىگىنىنى بىلىپ قاتتىق غەزەپلىنىشىڭىز مۇمكىن بىراق سىزدىن سوراپ باقاي ئۆزىڭىزنىڭ ئىچىگە پاتمىغان گەپ باشقىلارنىڭ ئىچىگە پاتسۇنمۇ؟ سىز ئۆزىڭىز قوبۇل قىلىشقا ئاجىز كەلگەن شۇ رىئاللىقنى باشقىلار قانداقمۇ قوبۇل قىلالىسۇن؟        سىزدىن شۇنداق سورغۇم كىلىۋاتىدۇ،،بىزنىڭ بەزى بىرقىسىم كىشىلىرىمىز قىزلارنى مەكتەپتە ئوقۇتۇش ئەخمەقلىق دەپ قارايدۇ،،بۇ  تۈپتىن خاتا قاراش چۈنكى قىزلار بىر مىللەتنىڭ تەربىيلىگۈچىسى شۇنداقلا بىر مىللەتنىڭ ئانىسى،قىزلارنىڭ بىلىمى بولمىسا قانداقمۇ ئۆز بالىلىرىنى ياخشى ۋە ئەخلاقلىق ھەقىقى 21-ئەسىر ئۆسمۈرلىرىدىن قىلىپ تەربىيلەپ چىققىلى بولسۇن؟سىزگە شۇنداق دىگۈم كىلىۋاتىدۇ قىزبالا بولۇش گۇناھ ئەمەس چۈنكى بىز قىزلار بۇلغاچقىلا بۇ دۇنيا شۇنچە گۈزەل ھەم پاكىز ئەمەسمۇ....      سىزدىن شۇنداق سورىغۇم كىلىۋاتىدۇ،،سىز بەزى چاغلاردا بەزى كۆڭۈلسىزلىكلەرگە يولۇققانلىرىڭىزدا ھاراق ئىچسەم كەيىپ قىلسام قايغۇمنى ئۇنتۇپ كىتىمەن دەپ ئويلىشىڭىز مۇمكىن بىراق بۇ ۋاقىتلىق ئۇنتۇلدۇرۇشنىڭ كوچىلاردا دەلدەڭشىپ مېڭىپ يۈرۈشنىڭ نەقەدەر خىجىللىق ئىش ئىكەنلىكىنى سىزنى كوچىدا كۆرگەن كىشىلەرنىڭ سىزگە قانچىلىك يىرگىنىش نەزىرىدە قارايدىغانلىقىنى چۈشىنىپ يىتەلەمسىز؟سىز بۇ دۇنيادىكى كىچىككىنە ئازاپقا بەرداشلىق بىرەلمىسىڭىز سىز نىمانچە ئىرادىسىز ۋە بىچارە بىر ئىنسان ھە.  سىزدىن شۇنداق سورىغۇم كىلىۋاتىدۇ،،سىز بەزى چاغلاردا شۇنچە زىرىكىشلىك ۋە شۇنچە بىئارامچىلىق ھېس قىلىشىڭىز مۇمكىن بىراق سىز مۇشۇ چاغلاردا ئۆزىڭىزگە قانچىلىك تەسەللى ۋە قانچىلىك كۆيىنىش مۇھتاج ئىكەنلىكىڭىزنى چۈشەنگىنڭىزدە ھەقىقەتەن ئۆزىڭىزگە ھەقىقى مىھىر ۋە ھەقىقى كۆيىنىدىغان ئادەملىرىڭىزنىڭ قانچىلىك ئىكەنلىكىنى ھېس قىلىپ يەتمىدىڭىزمۇ؟شۇنداقتىمۇ سىز دوسلىرىڭىزنىڭ كۆپلىكىدىن مەغرۇرلىنىپ يۈرىۋىرەمسىز؟ شۇنى بىلىڭكى چىشىنىڭ ئېقىنى چىقىرىپ تۇرغان ھەممىلا ئادەمنىڭ سىزگە يىقىن دوسىت بولۇپ كىتىشى ناتايىن ... سىزدىن شۇنداق دەپ سورغۇم كىلىۋاتىدۇ...سىز ھەردائىم كېرىلىپ ئۆزىڭىزنى چوڭ تۇتۇپ يۈرگەنلىرىڭىزدە سىزنىڭ بۇنچە مەغرۇرلىقىڭىزنىڭ مەڭگۈلۈك بولمايدىغانلىقىنى چۈشىنىپ يەتتىڭىزمۇ؟شۇنى بىلىپ قېلىڭكى سىزنىڭ بۇنچە قەد كۆتۈرۈپ مەغرۇر ياشاشلىرىڭىزمۇ ھەرگىز مەڭگۈلۈك بولمايدۇ ...ھامان بىر كۈنى قەددىڭىزنى ئېگىدىغان شۇنداقلا سىزنى يەر بىلەن يەكسان قىلىدىغان بىرى چىقماي قالمايدۇ،،چۈنكى چەينەك ھېچقاچان ئۆزىندىن تۆۋەن پىيالىگە ئىگىلمەي قالمايدۇ،،،، سىزدىن شۇنداق دەپ  سورغۇم كىلىۋاتىدۇ...سىز ھەرقېتىم باشقىلاردىن ئەيىپ نۇقسان ئىزدەپ ئۆزىڭىزنى چوڭ تۇتۇپ يۈرگەن چاغلىرىڭىزدا ئۆزىڭىزنىڭ قانچىلىك بىر ئادەم ئىكەنلىكىڭىزنى ئۇنتۇپ قالدىڭىزمۇ؟ھەرقېتىم قاتار چاي ۋە سورۇنلارغا قاتراپ يۈرگەنلىرىڭىزدە سىزنى تۆت كۆزى بىلەن ساقلاپ ئولتۇرغان بالا چاقىلىرىڭىزنى شۇنداقلا سىزنى بېقىپ چوڭ قىلغان ئاتا ئانىڭىزنى ئۇنتۇپ قالدىڭىزمۇ؟سىز ھەركۈنلىرى دوسلىرىڭىز ۋە خىزمەتداشلىرىڭىز بىلەن ئالاقە قىلىپ يۈرگەنلىرىڭىزدە ئاتا ئانىڭىزنىڭ سىزگە نەقەدەر تەشنا ئىكەنلىكىنى ئويلاپ باقتىڭىزمۇ؟ سىزدىن شۇنداق دەپ سورغۇم كىلىۋاتىدۇ،،،سىلەر ئوغۇللار بىز قىزلارنى يۈزسىز ۋە شەخسىيەتچى دەپ ھاقارەتلىگەنلىرىڭلاردا شۇ قىزلارنىڭ نىمە سەۋەپلەردىن بۇنداق شەخسىيەتچى ھاكاۋۇر بولۇشىنىڭ ..شۇنداقلا نىمە سەۋەپلەردىن بۇنداق يولدىن چىقىپ كىتىشىنىڭ سەۋەبىنى تەھلىل قىلىپ باقتىڭلارمۇ؟ سىلەردىن سوراي قىزلارنىڭ شۇنچە ئاجىز ۋە شۇنچە ساددا بولۇپ قالغىنى سىلەر ئوغۇللار ئۈچۈن   شۇ قىزلاردىكى ھاكاۋۇرلۇقتىن دىرەك بىرەمدۇ؟ سىلەردىن سوراي بۇ قىزلارنى يامان يوللارغا باشلاۋاتقان دەل شۇ ئوغۇللار  ئەمەسمۇ؟  سىزدىن شۇنداق سورغۇم كىلىۋاتىدۇ،،،سىلەر ھەرقىتىم كوچا -كويلاردا بولسۇن نەدە بولسۇن چوڭلارنى ھۆرمەتلەش كىچىكلەرنى ئىززەتلەش كىرەكلىكىنى ئۇنتۇپ قالدىڭلارمۇ؟ سىلەر ھەردائىم مەن چوڭ ،،مەن رەھبەر ،،مەن خىزمەتچى دەپ ئۆزۈڭلارنى چوڭ تۇتقانلىرىڭلاردا شۇنى ئويلاپ باقمىدىڭلارمۇ؟سىلەرمۇ بىزگە ئوخشاش ئىنسان ،مەيلى قانداقلا بولسۇن بىز ھەممىمىز باراۋەر،،ھوقۇق سىلەرنىڭ خىزمەت ئورنۇڭلاردىكى شەخسىي ۋەزىپە،،سىلەرنىڭ خالىغان ئورۇنلاردا ھوقۇق يۈرگۈزىشىڭلارغا نىمە سەۋەپچى؟بىزنىڭ ھەم باشقىلارنىڭ بىرەر ئەزايى كەم ياكى چوناق ئەمەسقۇ،،، سىزدىن شۇنداق سورغۇم كىلىۋاتىدۇ،،،سىز ئەزەلدىن ئاجىزنى كۆرۈپ ئۇنى بوزەك قىلغان چاغلىرىڭىزدا شۇنى ئويلاپ باقتىڭىزمۇ؟سىزنىڭ ئاجىزلارنى قوغداش ۋە غەمخۇرلۇق قىلىش ۋەزىپىڭىز بار ھەرگىز بىراۋنى قاقتا سوقتا قىلىش ئەمەس،،،سىز ھەردائىم مۇشۇنداقلا قىلسىڭىز سىزدىكى ھەقىقى مىھىر ۋە ھەقىقى كۆيۈنىش ۋە ھەقىقى ئىنسانى بۇرچ نەگە كىتىپ قالدى سىزدىكى ھەقىقى ئىنسانى قەدىر قىممەتنىڭ يىلتىزى قەيەرلەرگە كىتىپ قالدى  بۇ سىزدىكى پەزىلەتمۇ؟  سىزدىن شۇنداق سورغۇم كىلىۋاتىدۇ،،،سىز دائىم بىخىللىق بىلەن تۇرمۇش كەچۈرگەنلىرىڭىزدە،،،شۇنچە مال ۋە دۇنيانى توپلاپ ئۇنى ھېچقانداق بىر ئورۇنغا سەرپ قىلماي ئۆلۈپ كەتكىنىڭىزنىڭ نەقەدەر ئېچىنىشلىق ئىكەنلىكىنى تەسەۋۇر قىلالامسىز؟ ناۋادا سىز ئۆلۈپلا كەتسىڭىز سىز توپلىغان شۇنچە كۆپ بايلىق ۋە مال دۇنيا پەرزەنىتلىرىڭىزگە قالىدۇ،،،بىراق سىزنىڭ شۇنچە مال دۇنيانى توپلاپ ئۇنىڭ ھوزۇرىنى سۈرەلمەي كىتىپ قىلىشىڭىز ھەقىقەتەن قىلغا سىغمايدۇ شۇنى بىلىپ قېلىڭكى سىز ھاياتلىقتا مەيلى قانچىلىك بايلىق توپلىغان بولماڭ ھامان بۇ بايلىقلىرىڭىز ۋاقىتلىق بولىدۇ چۈنكى پۇل ۋە مال دۇنيالىرىڭىزنى گۆرىڭىزگە تەڭ ئېلىپ كىتەلمەيسىز ئەمەسمۇ.. سىزدىن شۇنداق سۇرىغۇم كىلىۋاتىدۇ،،،ئىنساننىڭ ھەقىقى قەدىر قىممىتى پۇل ۋە مال دۇنيادىمۇ ياكى ئۇنىڭ ھەقىقى ئىنسانىي قەدىر قىممىتىدە بولامدۇ؟ياخشى تەسەۋۇر قىلغاندىن كىيىن ئاندىن ئۆزىڭىز ئۈستىدە ئويلىنىڭ،،،شۇنى بىلىپ قېلىڭكى قەدىرىڭىزنى بىلىدىغان ئادەمنى بىر ئۆمۈر قەدىرلەپ ئۆتۈڭ قەدرىڭىزنى بىلمەيدىغان ھەرقانداق بىر ئادەمدىن يىراق قېچىڭ چۈنكى ياخشىلىقنى بىلدىغان ئادەمگە قىلىشىڭىز لازىم،،مەيلى باشقىلار سىزگە قانداقلا مۇئامىلە قىلمىسۇن ئۇنىڭغا سىلىق سىپايە بولۇڭ كۆڭلى سىز دىن سۇ ئىچسۇن،باشقىلار سىزگە قانچىلىك يامانلىق قىلسۇن ئۇنىڭغا شۇنچىلىك ياخشىلىق قىلىڭ ،بۇنداق قىلىشىڭىز قارشى تەرەپتىكى يىتەرسىزلىكلەرنىڭ تۈزىتىلىشىگە سەۋەپ بولىشى مۇمكىن،، ئاخىرىدا ھەممىڭلاغا بەخىت سائادەت ۋە خۇشال خۇراملىق تىلەيمەن،،،،            [ بۇ يازمىنى jelwa تەھرىرلىگەن ۋاقتى 2013-3-10 11:10 PM ] [ بۇ يازمىنى zvmrat تەھرىرلىگەن ۋاقتى 2013-3-11 12:22 AM ]

delawur

	بىز قاچانمۇ بىر  ھەركىشگە توغرا مۇ ئامىلدە قىلىشنى ئۈگنەمىز ! بايلارنى كورسە بىشى يەرگە تەككىدەك ئىڭشىپ ! مۇشۇ ئىشلارنى كورسەملا كوڭلۇم بىر قىسىم بوپ قالدۇ ! چىۋىن يەۋالغاندەك !

babur-7

	سىزنىڭ سوئاللىرىڭىزنى ئويلىنىپراق جاۋاپ بەرمىسەك بولماس  جىلۋە  خىنىم

ihsan0903

	توغرا چەينەكمۇ ھەقىقەتەن پىيالىگە ئىگىلىدۇ ، بۇ تەربىيەتلىك بىر تىما ئىكەن رەخمەت ئاپتۇرغا ..

nazakat888

	مۇنبەرگە كەلگىنىڭىزنى قارشى ئالىمەن.تۇنجى يازمىڭىز شۇنداق ياخشى تېما ئىكەن،بۇنىڭدىن كېيىن داۋاملىق ياخشى تېمىلارنى يوللاپ تۇرۇڭ. ئەجرىڭىزگە رەھمەت.

YAZR

	پەقەت ئاپتۇرلا  كۆرەلەيدۇ     دەيدۇغۇ

abida123

	ئەجرىڭىزگە رەھمەت.

xarari

	ھەقىقەقەتەن ياخشى تېمىكەن ، قەلىمىڭىز ھارمىغاي .. تەكلىپىم :  ئەسەر نىڭ تېنىچ بەلگىلىرىگە دىققەت قىلىڭ قېرىندىشىم ، ئۇقۇرمەنلەرنىڭ نەپسنىڭ نورمال بۇلىشى ئۈچۈن ...  ئابزاسلار بويىچە يىزىشڭىزنى ئۈمىد قىلىمەن ..

shadiyana

	دەردىڭىزنى بىراقلا تۆكۈپسىز-ھە؟ بەلكىم بۇ بىزگە قويىلىدىغان سۇئاللارنىڭ پەقەت بىر قىسمىدۇ؟! بۇلارغا جاۋاپ بەرمەك تەس،ئۆزگەرتمەك ئۇنىڭدىن تەس. ئادەمدەك ياشىماق ئوڭاي ئەمەس بۇ جاھاندا.

سەفەر

	ياخشى تېما يوللاپسىز . كىشىنى ئويلاندۇرغىدەك تېمىكەن . ......................