تەقۋادارلىق ھەققىدە

ihsanjan

	تەقۋادارلىق ھەققىدە                                                                                                                          ناھايتى شەپقەتلىك ۋە مېھرىبان ئاللاھنىڭ ئىسمى بىلەن باشلايمەن «ئى مۆمىنلەر ! اﷲ دىن قورقۇڭلار،توغرا سۆزنى قىلىڭلار. اﷲ سىلەرنىڭ ئەمەللىرىڭلارنى تۈزەيدۇ(يەنى سىلەرنى ياخشى ئەمەللەرگە مۇۋەپپەق قىلىدۇ)،گۇناھلىرىڭلارنى مەغپىرەت قىلىدۇ، كېمكى اﷲ قا ۋە ئۇنىڭ پەيغەمبىرىگە ئىتائەت قىلسا زور مۇۋەپپەقىيەت قازانغان بولىدۇ».ئەھزاب 70-71-ئايەت يۇقىرىدىكى بۈ ئايەت ئارقىلىق ئىسلام ئەھلىنى ئىككى ئىشقا بۈيرىدى، بۈنىڭغا ئېتائەت قىلغانلارغا ئۈلارنىڭ بارلىق ئەمەللىرىنى ھازىرنىڭ ئۆزىدە ۋە كەلگۈسىدە، دۈنيا ۋە ئاخىرەتتە، ئىسلاھ قىلىش، گۈناھلىرىنى كەچۆرۈم قىلىش ۋە ئۈ لار ياخشى كۆرىدىغان، ۋە قىزىقىدىغان كاتتا نىجاتلىق بىلەن ۋەدە قىلدى.ئىبنى مەسئۈد(ئاللاھ ئۇ كىشىدىن رازى بولسۇن)  مۈنداق دىگەن: سىلەر ئاللاھ تائالانىڭ«ئې ئىمان ئېتقان مۈمىنلەر!» دىگەن ئايىتىنى ئاڭلىغان ۋاختىڭلاردا بۈ ئايەتنى ئوبدان قۈلاق سىلىپ تېڭشاڭلار، چۈنكى ئاللاھ تائالا بۈ چاقىرىق بىلەن ياخشىلىققا بۈيرىيدۈ ياكى يامانلىقتىن توسىدۈ. ئاللاھ تائالانىڭ« ئاللاھتىن ھەقىيقى قورقۈڭلار» دىگەن خىتابىنى ئاڭلىغىنىڭلاردا ئۆزۈڭلار بىلەن ئاللاھنىڭ ئازابى ئارىسىغا ئاللاھ بۈيرىغان بارلىق پەرىزلەرنى ئاداقىلىش، ئاللاھ توسقان بارلىق ھارام ئىشلاردىن چەكلىنىش ۋە ئىجتىمائىي مۇناسىۋەتتە كىشىلەرنىڭ ھەققىنى تولۈق ئادا قىلىش ئارقىلىق ساقلىنىش توسىغىنى تۈرغۈزۈڭلار. تەقۋالىقنىڭ ئاساسى بىدئەت، خۈراپاتتىن ۋە ھەر خىل شەكىلدە ئاللاھقا شېرىك كەلتۇرۇشتىن ساقلىنىشنى تەقەززا قىلىدۈ. ئىبنى ئابباس(ئاللاھ ئۇ كىشىدىن رازى بولسۇن) بۇ ھەقتە مۈنداق دىگەن:«تەقۋادار كىشىلەر ئاللاھنىڭ توغرا يولغا باشلىشى بىلەن دائىم ئاللاھنىڭ ئازابىدىن ھەزەر ئەيلەپ، ئاللاھنىڭ رەھمىتىنى ئۈمۈت قىلىپ، ئاللاھ بەلگىلىگەن پىرىنسىپلارغا ئىشىنىپ ۋە ئۇنىڭغا ئەمەل قىلىش بىلەن بولىدۈ. ئەبىددەردا(ئاللاھ ئۇ كىشىدىن رازى بولسۇن) بۇ ھەقتە مۈنداق دىگەن: «ھەقىيقى تەقۋادارلىق بولسا، ئىنسان ئاللاھقا تەقۋالىق قىلىشتا ھارام ئىشلارغا چۈشۈپ قىلىشتىن ساقلىنىش ئۈچۈن، ئۆزى بىلەن ھارام نەرسىلەرنىڭ ئارىسىنى توساش ئۈچۈن زەررىچىلىك ھارام دەپ قارالغان نەرسىلەردىن ساقلىنالىغاندىلا، ئۇنىڭ ھەقىقى ماھىيىتى نامايەندە بولىدۇ. ئاللاھ تائالا كىشىلەرنىڭ ئاخىرقى ئورنىنى بايان قىلىپ مۇنداق دىدى:«  كىمكى زەررىچىلىك ياخشى ئىش قىلىدىكەن، ئۇنىڭ مۇكاپاتىنى كۆرىدۇ. كىمكى زەررىچىلىك يامان ئىش قىلىدىكەن، ئۇنىڭ جازاسىنى تارتىدۇ» .زەلزەلە 7-8-ئايەت ياخشىلىق ئاددى بولسىمۇ تۆۋەن كورمەستىن تولۇق قىلىش، يامانلىق ئاددى بولسىمۇ  تۆۋەن كورمەستىن بۇنىڭدىن تولۇق ساقلىنىش كىرەك. ھەسەن ئەلبەسري (ئاللاھ ئۇ كىشىگە رەھمەت قىلسۇن) بۇ ھەقتە مۇنداق دەيدۇ: «تەقۋادار كىشىلەر دىگىنىمىز، ئاللاھ تائالا ھارام قىلغان ئىشلاردىن تولۇق ساقلانغان، ئاللاھ بۇيرىغان ئىشلارنى كامىل قىلغان كىشىلەردۇر». تەلقى ئىبنى ھەبىب بۇ ھەقتە مۇنداق دەيدۇ:« تەقۋادارلىق دىگەن؛ ئاللاھنىڭ رەھمىتىنى ئۈمۈت قىلىپ ئاللاھنىڭ ھېدايەت نۇرى بىلەن ئاللاھ  بۇيرىغان تائەت ـ ئىبادەتلەرنى قىلىش، ئاللاھنىڭ ئازاۋىدىن قورقۇپ ئاللاھغا ئاسىيلىق قىلىدىغان ئىشلاردىن ساقلىنىش». تەقۋالىق قىلىش بولسا ئاللاھ تائالانىڭ بارلىق مۇسۇلمانلارغا قىلغان تەكلىپى، پەيغەمبەر ئەلەيھىسسالامنىڭ ئۈممىتىگە، رەھبەرلەرگە، ئوزىدىن كىيىنكى توغرا يول تۇتۇپ ماڭغان ئىز باسارلارغا ۋە بارلىق سالىھ مۇسۇلمانلارغا قىلغان تاپشۇرىقى بولۇپ، بۇ مۆمىنلەرنىڭ ئەڭ ياخشى قۆرالى ۋە قىيامەت كۈنى مەنپەئەتلىنىدىغان ئەڭ ياخشى ئوزۇقلىقىدۇر . ئاللاھ تائالا بارلىق ئىززەت ـ ئېكراملارنى تەقۋا كىشىلەر ئۈچۈن تەييارلىدى. بۇ ھەقتە ئاللاھ تائالا مۇنداق دېدى:« كېمكى اللەدىن قورقىدىكەن، اللە ئۇنىڭغا چىقىش يولى بېرىدۇ. اللە ئۇنىڭغا ئويلىمىغان يەردىن رىزىق بېرىدۇ، كېمكى اللەقا تەۋەككۇل قىلىدىكەن، اللە ئۇنىڭغا كۇپايە قىلىدۇ، اللە ھەقىقەتەن مەقسىتىگە يېتەلەيدۇ، اللە ھەقىقەتەن ھەر بىر نەرسە ئۈچۈن مۇئەييەن مىقدار، مۇئەييەن ۋاقىت بەلگىلىدى» . »تالاق 2-3-ئايەت. «  كېمكى اللەدىن قورقىدىكەن، اللە ئۇنىڭ ئىشىنى ئاسانلاشتۇرۇپ بېرىدۇ.»تالاق 4-ئايەت « كىمكى اللەدىن قورقىدىكەن، اللە ئۇنىڭ گۇناھلىرىنى يوققا چىقىرىدۇ، ئۇنىڭغا كاتتا ساۋاب بېرىدۇ».تالاق 5-ئايەت « پەرۋەردىگارىڭلارنىڭ مەغپىرىتىگە ۋە تەقۋادارلار ئۈچۈن تەييارلانغان، كەڭلىكى ئاسمان- زېمىنچە كېلىدىغان جەننەتكە ئالدىراڭلار».ئال ئىمران 133-ئايەت ئاللاھ تائالانىڭ « توغرا سۆزنى قىلىڭلار»دىگەن ئايەتنىڭ تەپسىرىدە ئېكرىمە مۇنداق دەيدۇ :بۇ ئايەتتىكى توغرا سوزنىڭ مەنىسى «ئاللاھ بىر ئاللاھتىن باشقا ئىبادەت قىلىشقا لايىق ھىچ مەبۇد بەرھەق يوق» دىگەندىن ئىبارەت دەپ چۈشەندىرىدۇ. مۇجاھىد ۋە باشقا ئالىملار بۇنىڭ مەنىسى، ھەق سوزنى ۋە توغرا سوزنى قىلىشتىن ئىبارەت دەپ شەرھىيلەيدۇ. ئايەتتە زىكىر قىلىنغان توغرا سوزنىڭ ئومۇمىي چۇشەنچىسى؛ ئاللاھ نىڭ بۇيرىغان پەرىز، ۋاجىپ، مۇستەھەب ئىشلارنى قىلىشقا بۇيرىيدىغان سوزلەردىن ئىبارەت بولۇپ، ئاللاھ تائالا بۇيرىغان پەرىز - ۋاجىپ قاتارلىق ئىبادەتلەرمۇ توغرا سوزنىڭ جۇملىسىدىندۇر. ئاللاھنى بىر ۋە مۇھەممەد ئەلەيھىسسالامنى ئاللاھنىڭ بەندىسى ۋە ئەلچىسى دەپ گۇۋاھلىق بېرىش، ياخشىلىققا بۇيرۇش، يامانلىقتىن چەكلەش،مۇسۇلمانلار ئىختىلاپلىشىپ قالغان ئىشلاردا قۇرئان ـ ھەدىسنىڭ روھىغا قايتىش بىلەن بىرگە سەلەپ ئالىملىرىنىڭ سۆزلىرى بىلەن ئىسپاتلاپ ھەق سوزنى بايان قىلىش، كىشىلەرنى ئازدۇرىدىغان بىدئەتچىلەرگە رەددىيە بىرىش، ئاللاھ تائالا پەيغەمبىرىمىزنى پەيغەمبەر قىلىپ ئەۋەتىش بىلەن مۇقەررەرلەشتۇرگەن ئىسلام ئەقىدىسىنى قوغداش، دىن ـ شەرىئەت بىلىملىرىنى يىتەرلىك ھالدا ئىگەللەش ۋە ئۇنى باشقىلارغا يەتكۇزۇش، ئىسلام دىنىنىڭ غەيرىدىكى كىشىلەرگە ئىسلامنىڭ گۈزەل ئەخلاقلىرىنى سوزلەپ بىرىش ئارقىلىق ئۇلارنى ھەقىقى ئېلىم بىلەن توغرا ئۇسۇلدا ئاللاھنىڭ دىنىغا چاقىرىشتىن ئىبارەتتۇر. كىشىلەرنى ئاللاھنى دائىم ياد ئىتىشكە، نەپلە ئەمەللەرنى قىلىشقا تەۋىسىيە قىلىش، پەيغەمبىرىمىزمۇھەممەد ئەلەيھىسسالامغا  كوپ دۇرۇد ئېيتىشقا تەۋسىيە قىلىش، كىشىلەرنىڭ ئارىسىنى ئىسلاھ قىلىش قاتارلىق ئەمەللەرمۇ قۇرئان كەرىمدە تەۋسىيە قىلىنغان توغرا سۆز دائىرىسىگە كىرىدۇ. ئاللاھ تائالانىڭ مۇمئىنلەرنى توغرا سوز قىلىشقا بۇيرىشىمۇ، ئۇلارنىڭ تەقۋادار، ئىمتىيازلىق مۇسۇلمانلاردىن بولىشىغا پۇرسەت بەرگەنلىكى بولۇپ، ئاللاھ تائالا بۇنى خاسلىق ۋە ئومۇملىق لەپزى بىلەن تەكىتلىگەن. يۇقىردىكى ئايەتنىڭ لەپزىدىن توغرا سوز-ھەرىكەت قىلىشقا، مەنىسىدىن چەكلەنگەن سوز-ھەركەتلەرنى قىلىشتىن توسۇشقا بولغان بۇيرۇق ئىپادىلىنىدۇ. قۇرئان كەرىم ئايەتلىرى ۋە پەيغەمبىرىمىزنىڭ ھەدىسلىرىدە بۇ ھەقتە نۇرغۇن دەلىللەر سوزلەنگەن بولۇپ ئومۇمەن بۇ ئايەت ـ ھەدىسلەرنىڭ لەپزى ۋە مەنىسى كىشىلەرنى چەكلەنگەن،  سوز-ھەرىكەتلەرنى قىلماسلىق، سوزلەشكەندە ياكى خەت يازغاندا ھارام، باتىل، چەكلەنگەن سوزلەرنى قىلىشتىن ساقلىنىشقا ئالاھىدە بۇيرىيدۇ. ئەبۇ بەكرى رەزىيەللاھۇ ئەنھۇدىن رىۋايەت قىلىنىدۇكى،  پەيغەمبەر ئەلەيھىسسالام:« مەن سىلەرگە ئەڭ چوڭ گۇناھلارنى دەپ بېرەيمۇ؟» دېۋىدى. بىز: شۇنداق قىلسىلا ئى اﷲ نىڭ پەيغەمبىرى- دېدۇق. پەيغەمبەر ئەلەيھىسسالام:« اﷲ غا شېرىك كەلتۈرۈش، ئاتا- ئانىنى قاخشىتىش» دېدى. پەيغەمبەر ئەلەيھىسسالام يۆلۈنۈپ ئولتۇرۇپ بولۇپ، شۇ زامات رۇسلىنىپ ئولتۇردى -دە ، مۇنداق دېدى: « يالغان گۇۋاھلىق بېرىشتىن ئاگاھ بولۇڭلار!، يالغان گۇۋاھلىق بېرىشتىن ئاگاھ بولۇڭلار!» دەپ بۇ سۆزنى تەكرارلاۋەردى. بىز: كاشكى پەيغەمبەر ئەلەيھىسسالام ئەمدى دىمىسىكەن دەپ ئۈمۈت قىلىپ كەتتۇق. (بىرلىككە كەلگەن ھەدىس) ئې ئاللاھ ئوزلىرىدىن سىلىنىڭ ئەلچىلىرى ۋە بەندىلىرى، بىزنىڭ پەيغەمبىرىمىز موھەممەد ئەلەيھىسسالام ۋە ئۇنىڭ  پاك ئائىلە ـ تاۋاباتلىرىگە، بارلىق ئىسىل خىسلەتلىك ساھابىلەرگە، قىيامەتكە قەدەر ئۇلارنىڭ ئىزىدىن ئەگىشىپ ماڭغان كىشىلەرگە رەھمەت ۋە مەغپىرەت تەلەپ قىلىمىز. مەنبە؛ ساقلىۋالغانلىرىم

subat-

	ئاللاھ رەھمەت قىلسۇن بۇنى ئەپكە قوشسام بولامدۇ.

سۇمۇرۇغ

	تەقۋادار بولايلى،لىكىن كۆڭلىمىزگە قورقۇنچ  ئەندىشە سېلىۋالمايلى،،روھىمىزنى خۇنۈكلەشتۇرۋالمايلى،

galwang

	ئاللاھ رەھمەت قىلسۇن

babur-7

	ياخشى  ،  ئاللاھ رەھمەت قىلسۇن  .

azizgul

	ئەسسالامۇ ئەلەيكۇم ،  قەلبىمىزدە اللەنىڭ مۇھەببىتى ھەممىدىن ئۈستۈن بولغاندىلا تەقۋالىق بۇلىدۇ ، ئىنشائاللاھ .

delawur

	ئاللا رەھمەت قىلسۇن !   مۇشۇ دىننى چۇشەنمەيدىغانلار ! ئىلىم ئەھلىرى توغرىسدا بىرنىم دىمسەڭلا !

سەۋر

	ئاللاھ رەھمەت قىلسۇن. ئەجىرڭىزگە كۆپ ساۋاپ تىلەيمەن.ئامىين!

parezat0998

	تەقۋادارلىقنى دەسمايە قىلغۇچىنىڭ ئىتىقاتىدىن كىلىدىغان پايدىسىنى سۆز بىلەن ئىپادىگىلى بولمايدۇ،دۇنيالىقنى دەسمايە قىلغۇچىنىڭ ئەقىدىسىنىڭ قانچىلىك دەرىجىدە يوقىلىپ بىرىشىنى تىل بىلەن سۈپەتلىگىلى بولمايدۇ...........

aa0998

	ياخشى يازما يولاپسىز ئاللاھ قەلەم تۇتقان قولىڭىزىغا دەت بەرمىسۇن