چۈشلىرىمگە كىرمىگىن ئەمدى (شاتيار)

شاتيار

	چۈشلىرىمگە كىرمىگىن ئەمدى چۈشلىرىمگە كىرمىگىن ئەمدى، ئارامىمدا قويغىن سەن مىنى. چۈشلىرىمگە كىرىسەن ھەرتۈن، ئاخشاملىرى ئويلىما مىنى. چۈشلىرىمگە كىرمىگىن ئەمدى، چۈشۈمدىمۇ كۆرمەي مەن سىنى. ماڭا پەقەت ھەسرىتىڭلا بار، شۇڭا پەقەت كۆرگۈم يوق سىنى. چۈشلىرىمگە كىرمىگىن ئەمدى، سەندىن بىزار ئەمدى يۈرىكىم. كەتسەڭ مەيلى كەتكىن يىراققا، بۇزۇلمىسا ئەمدى چۈشلىرىم. ئۇنۇتقىن دەپ مىنى خەتلەر يېزىپسەن ئۇنۇتقىن دەپ مىنى خەتلەر يېزىپسەن، ئۇنتۇشۇم مۇمكىن بۇلارمۇ سىنى. خېتىڭنى ئۇقۇدۇم قايتا-قايتىلاپ، بىلمىدىم پەقەتلا كۆڭۈل سىرىڭنى. ئۇنۇتقىن دەپ مىنى خەتلەر يېزىپسەن، ھەم يەنە بەختىمنى تىلەپسەن مىنىڭ. قانداقمۇ بەختلىك بۇلاي سىنىڭسىز. چىدارمۇ ئۇنۇتسام سىنىڭ يۈرىگىڭ. ئۇنۇتقىن مىنى دەپ خەتلەر يېزىپسەن، خېتىڭدە مىھرىڭنى سەزدىم مەن يەنە. ئۇنۇتقىن دەيسەنۇ ئۇنتىيالمايسەن، سۆيگۈڭنى ھىس قىلدىم ھەر بىر خېتىڭدە. ئۇنتاي دەپ ئۆزۈمنى مەجبۇرلىغۇم يوق، ۋاقىتنىڭ رايىغا قويدۇم ھەممىنى. مەجبۇرى بىر ئىشنى قىلغىلى بولماس، تەقدىر بىر يولىدا قۇيىدۇ بىزنى.

太阳

	چۈش دىگەن يىرىم دىدار، دىدار بار يەردە ئۇنتۇش نىمە قىلسۇن!

abdurahman5

	ئۇنتۇش ئاسان ئەمەس، بولۇپمۇ چىن يۇرەكتىن سۇيگەن ئادەمنى.........

ap~qilam

	چۈشلىرىمدە كۆرەيچۇ سېنى؟، رىئاللىقتا بولمىغىن پەيدا. مەنلاكۆيگەن ھۆسنى جامالغا، بىراۋلارمۇ بولمىسۇن شەيدا. چۈشلىرىمدە كۆرەيچۇسېنى؟، شەھلا كۆزۈڭ ماڭا قارىسۇن. يات كۆزلەردىن ئەيلىگىن ھەزەر، نىدايىمنى جاھان ئاڭلىسۇن. چۈشلىرىمدە كۆرەيچۇ سېنى ؟، تەنھا دۇنيا بىزگىلا ھەمرا. قىزغىنىمەن راستلا باشقىدىن، تۇرساڭ يالغۇز بىرگۈلى رەنا . چۈشلىرىمدە كۆرەيچۇ سېنى ؟، باسسۇن مېنى ھەمىشە ئۇيقۇ. مۇھاببەتنىڭ شېرىن كۈيلىرى، ئويغاتسىكەن دىلىمدا تۇيغۇ . ئەپچىلەم

yaxahida

	ھەي....... مىنىمۇ قىينايدۇ بۇ ئىرىشەلمىگەن سۆيگۈ بۇنىڭ ئازابىنى ئاللاھ بەندىسىگەكۆرسەتمىسۇن خۇددى يۇرەكنى بىرى بۇغۇۋالغاندەك

شاتيار

	چۈشلىرىمگە كىرمىگىن پەقەت، تۇرمۇشۇمدىن پۈتۈنلەي چىكەت . سىمايىڭنى كۆرگۈم يوق قايتا، يىراق تۇرغىن مەندىن يىراق كەت. چۈشلىرىمگە كىرمىگىن پەقەت، ئۇنۇتقۇم بار سىنى مەڭگۈگە. چۈشلىرىمگە كىرىپ تۇرساڭ گەر، ئۇنۇتۇشۇم چۈشىدۇ تەسكە. چۈشلىرىمگە كىرمىگىن پەقەت، سېغىنىپتۇ دەپ قالماي سىنى. چۈشلىرىمگە كىرمە ئۆتۈنەي، ئازاپلارغا تاشلىما مىنى.

BAHTIM711

	بەك ياخشى يىزىپسز .

ap~qilam

	چۈشلىرىڭگە كىرەي دەيمىكىن ، روھىم پەقەت سەن بىلەن بىرگە . ئويغانغىم يوق چۈش ئالىمىدىن، ھەممە دەخلى قىلمىسا بىزگە . يىغلاپ تۇرۇپ ئويغىنىپ كەتتىم ، باغرىڭ شۇنچە تاش ئىكەن سېنىڭ. چۈشلىرىڭدىن ئۆچۈردۈڭ ئەمما  ...، چۈشلىرىڭگە كىرگۈم بار مېنىڭ

ranjimayman

	تۇرمۇشۇمدىن پۈتۈنلەي چىكەت .؟چىكەت دەپ قاپىيە توغۇرلىدىڭىزمۇ ھە؟بولمىسا شېئىرنى ياخشى يازىدىكەنتۇقسىز.

شاتيار

	ranjimayman يوللىغان ۋاقتى  2013-3-10 04:12 PM تۇرمۇشۇمدىن پۈتۈنلەي چىكەت .؟چىكەت دەپ قاپىيە توغۇرلى ... ئىنىقراق چۈشەنچە بەرسىڭىز بوپتىكەن.