رىشتىدە چاقنىغان ئۈمىد ئۇچقۇنى

saba01

	رىشتىدە چاقنىغان ئۈمىد ئۇچقۇنى     شۇنچە يىل خەنزۇتىلى ئۆگىنىپتىمەن . مانا ھازىر ئۆزھاجىتىمدىن چىقىپلا قالماي باشقىلارغىمۇ ياردەم قىلالايدىغان ھالەتكە يەتتىم . شۇغىنىسى بۇ ياردەملىرىم شۇ بىرەر پارچە ئىلتىماس يېزىش ياكى رۇخسەت سوراش خېتى يېزىپ بىرىش بىلەنلا چەكلىنىپ قالاتتى . ئەسلىدىغۇ مىنىڭ ئۆز تىرىشچانلىقىم ئارقىلىق ئەتراپىمدىكى كىشىلەرنى تېخىمۇ كۆپ نەپكە ئىرىشتۈرۈش ، شۇ ئارقىلىق مىنىڭ ئۆگىنىشىمگە ، ئۈسۈپ يىتىلىشىمگە كۆپ ئەجىر سىڭدۈرگەن ئاتا- ئانام ، ئۇستازلىرىمنىڭ ئەجرىگە ئازراق بولسىمۇ جاۋاپ قايتۇرۇش نىيىتىم بولسىمۇ قايسى خىل ئۇسسۇلدا تىرىشىشنى ، قايسى يولدا ئىزدىنىشنى بىلەلمەي تېڭىرقاپ يۈرەتتىم . شۇ چاغلىرىمدا دوستۇم مۇھەممەتجان ماڭا  قولىنى سۇنۇپ :«كەل دوستۇم ، بىرلىكتە ئىزدىنەيلى ، ئىلىم دېڭىزىدا مەن ساڭا ھەمراھ بولاي » دەپ ماڭا دوستلۇق ئىزھار قىلدى ، مەنمۇ ئۆزۈمگە بۇنداق ياخشى سەپەرداشنىڭ ئۇچرىغانلىقىدىن ئالەمچە شادلىنىپ ، ياراتقۇچىغا رەھمەت ھەشقاللىرىمنى ئېيتىپ ئۇنىڭدىن بۇندىن كىيىنكى يولىمىزنىڭ ئوڭۇشلۇق بولىشىنى تىلىدىم . كىيىن ئۇنىڭغا ئۆز نىيىتىمنى بىلدۈرۈپ بىرلىكتە ئىزدىنىدىغان پىكىرداش دوستلار بىلەن بىرلىكتە ئىزدىنىدىغان ، ئۆز -ئارا پىكىرلىشىدىغان شۇ ئارقىلىق ئۆزىمىزنى ھەم باشقىلارنى نەپكە ئىرىشتۈرىدىغان بىر گۇرۇپپا قۇرۇش نىيىتىم بارلىقىنى ئېيتسام ، ئۇ ناھايىتى خۇشال بولۇپ بىرىنجى بولۇپ قوللايدىغانلىقىنى بىلدۈردى ، شۇ جەرياندا شاڭخەي سۇڭجىياڭ ئوتتۇرا مەكتىۋىدە ئوقۇۋاتقان ئىسىمداش ئىنىم ئابدۇقادىر ئابباس تۇزتۇراقمۇ بىزنىڭ سېپىمىزگە قوشۇلدى.      ئۈچىمىز بىرلىكتە ئىزدەندۇق ، ئۆز -ئارا سىردىشىپ گۇرۇپپىمىزنىڭ كىيىنكى تەرەققىياتى ئۈچۈن ئۆز كۆز قاراشلىرىمىزنى ئوتتۇرىغا قويدۇق . دەسلەپتە قۇرۇلغاندا 3 ئەزا بولغان بىلەن كىيىن چۇقۇم كۆپىيىدىغانلىقىمىزغا تېخىمۇ كۆپ دوستلارنىڭ بىز بىلەن بىرلىكتە ئىزدىنىشنى خالايدىغانلىقىغا ئىشەنچىمىز كامىل ئىدى .         مانا گۇرۇپپىمىز قۇرۇلغانغا 3ئايدىن ئېشىپتۇ . بۇ جەرياندا دوستۇمىز ئەمەتجان تۇر (شىنجاڭ يېزا ئىگىلىك ئۇنۋىرسىتىنىڭ ئوقۇغۇچىسى )، مەردان (سانچى پەن -تېخنىكا ئىنىستىتوتىنىڭ ئوقۇغۇچىسى ) لار سېپىمىزگە قوشۇلۇپ ئۆزىنىڭ بىركىشىلىك تۆھپىسىنى قوشتى . بىزنى ئەڭ خۇشال قىلغىنى ئۇستازىمىز ئابدۇمىجىد مۇھەممەدمۇ گۇرۇپپىمىزنىڭ قۇرۇلغانلىقىنى ئاڭلاپ ناھايىتى خۇشال بولۇپ گۇرۇپپىمىزغا قاتناشتى ،شۇنداقلا گۇرۇپپىمىز ئۈچۈن قىممەتلىك پىكىر -تەكلىپلەرنى ئوتتۇرىغا قويۇپ بىزگە زور دەرىجىدە ئىلھام ۋە ياردەملەرنى بەردى .     ئۇستازىمىزنىڭ ياردىمى ۋە يىتەكلىشى  تۈرتكىسىدە ئالدىنقى يەكشەنبە(2013.يىلى 2.ئاينىڭ 28.كۈنى ) بارلىق ئەزالار بىلەن توردا يىغىن ئېچىلىپ گۇرۇپپىمىزنىڭ لاھىيەسى ، ئەزالار ئىش تەخسىماتى ۋە بۇ ئايلىق پىلان قاتارلىقلار تۈزۈپ چىقىلىپ ، گۇرۇپپىمىزنىڭ ئەمەلىي خىزمىتى باشلاندى .      گەرچە ھازىرچە ئەزا سانى ئاز ، ئەمەلىي نەتىجلىرىمىز كۆپ بولمىسىمۇ ، ئۇزۇنغا قالماي بارلىق ئەزالارنىڭ تىرىشچانلىقى ، ئۇستازلارنىڭ توغرا يىتەكلىشى بىلەن چوقۇم ياخشى نەتىجىلەرنى قولغا كەلتۈرەلەيدىغانلىقىمىزغا ئىشەنچىمىز كامىل .         بارلىق دوستلارنىڭ بىزنى يېقىندىن قوللاپ ، ياخشى تەكلىپ - پىكىرلىرىنى ئايىماسلىقىنى سورايمىز . شۇنداقلا گۇرۇپپىمىزغا قاتنىشىپ بىز بىلەن بىرگە ئىزدىنىشنى خالايدىغان دوستلارنى قىزغىن قارشى ئالىمىز . ھۆرمەت بىلەن :                      رىشتە تەرجىمە -ئىجادىيەت گۇرۇپپىسىدىكى بارلىق ئەزالاردىن .

eternal

	سىلەر نىمىلەرنى تەرجىمە قىلىسىلەر

saba01

	eternal يوللىغان ۋاقتى  2013-3-9 08:34 PM سىلەر نىمىلەرنى تەرجىمە قىلىسىلەر كۆپۈنچە ماقالە ، شېئىر ، نەسىر قاتارلىق ئەدەبىياتقا مۇناسىۋەتلىك ئەسەرلەرنى  ؛ ئەگەر تورداشلارنىڭ باشقا جەھەتتىكى ئىھتىياجى بولسا ئەلۋەتتە ئۇنىمۇ ۋاقىت چىقىرىپ ئىزدىنىپ تەرجىمە قىلىشقا تىرىشچانلىق كۆرسىتىمىز .

saba01

	eternal يوللىغان ۋاقتى  2013-3-9 08:34 PM سىلەر نىمىلەرنى تەرجىمە قىلىسىلەر ئەگەر گۇرۇپپىمىز ھەققىدە تېخىمۇ كۆپرەك ئۇچۇرلارنى بىلىشنى خالىسىڭىز http://uypoem.com/forum.php  بۇ ئادرىس سىزنى مەخسىتىڭىزگە يەتكۈزگىسى ...

naznigar

	ياخشى تېمىكەن،

guzal9787l

	ئەزا قۇبۇل قىلىۋاتامسىلەر .....  مەنمۇ شۇ ساھە دە   ....

guzal9787l

	ئەزا قۇبۇل قىلىۋاتامسىلەر .....  مەنمۇ شۇ ساھە دە   ....

guzal9787l

	ئەزا قۇبۇل قىلىۋاتامسىلەر .....  مەنمۇ شۇ ساھە دە   ....

eternal

	تىرىشىچانلىقىڭلارغا ئاپىرىن . بولسا تەبى پەنگە ئائىىت ماقالىلارنى تەرجىمە قىلساڭلار .  مەسىلەن نىسپىلىك نەزىريىسى دىگەندەك

saba01

	guzal9787l يوللىغان ۋاقتى  2013-3-9 09:20 PM ئەزا قۇبۇل قىلىۋاتامسىلەر .....  مەنمۇ شۇ ساھە دە   .... سالام گۈزەل .http://uypoem.com/forum.php بۇ مۇنبەردە بىزنىڭ گۇرۇپپىغا ئائىت ماتىرىياللار ساقلانغان ، كۆرۈ بېقىڭ . گۇرۇپپىمىزنى سىزنىڭ كىيىنكى ئىشلىرىڭىزغا ياردىمى تىگىدىكەن . گۇرۇپپىداشلار نى سىز بىلەن بىرگە ئىزدىنىشكە لايىق ئىكەن دەپ قارىسىڭىز  ،بىز سىزنى ھەرۋاقىت قارشى ئالىمىز.