بايراملىق كۆڭلۈم

پەزىليە

	بايراملىق كۆڭلۈم                        8-مارت خانىم- قىزلار بايرىمى كېلىش ئالدىدا ، ئىدارىدىكى ۋە ئەتراپىمدىكى كۆپلىگەن ئاياللار بايراملىق تەييارلىقلىرىنى باشلاپ كەتتى يەنى ئۆزلىرىنىڭ بايراملىرىغا ئاتاپ ھەر خىل ،ھەر ياڭزا كىيىم - كېچەكلەر ھەتتا بەزىلىرى ئالتۇن بۇيۇم ،ئەڭ بولمىغانلىرى بىردىن يوپكا ياكى سومكا چاغلىق نەرسە بولسىمۇ ئالىدىغانلىقىنى بەس - بەستە ئېيتىشماقتا بەزىلەر بىللە بېرىپ كىيىم بۇيرىتىشنى ئېيتىشتى.       مەنمۇ ئۆزۈم ئۈستىدە ئويلاۋاتىمەن .ئەلۋەتتە مەنمۇ بىر ئايال ئۇلار ھەممىسى ئالغان كىيىملىرىنى بەس - بەستە كىيىشىپ كەلسە بوينۇمنى قىسىپ قالسام بولماس . ئۇنىڭ ئۈستىگە مەن بۇ خىل ھىسياتنى بەكمۇ چۈشىنەتتىم ئۆزىڭىزنىڭ بوينىڭىز قىسىلىشتىن بۇرۇن ئەتراپىڭىزدىكىلەرنىڭ مەخسۇس سىز ئۈستىدە ئېلىپ بارىدىغان مۇنازىرىلىرى سىزنى چارچىتىپ ھالىڭىزدىن كەتكۈزۈپ قوياتتى.بىرق مەن ئالدىرمىدىم چۈنكى مەن يېزىدا چوڭ بولغاچقىمۇ ،ئەتراپىمدا ئىقتىسادى قىيىنچىلىقى ئېغىر كىشىلەر بار ئۇلارنى ئويلايتتىم . ياردەمگە موھتاج بىرەرى بولسا مەن قىتىپ كىيىۋالسام ئۇلارنىڭ ئالدىدا بىر خىل خىجالەتچىلىك ھېس قىلاتتىم . شۇڭا بىر قانچە كۈن تەخىر قىلىپ تۇراي دەپ ئويلىدىم .        بايرامغا يېقىن ئاكامنىڭ قىزىنىڭ تويى بولدى .تويدا مەن مەخسۇس كاسسىرلىق ۋەزىپىسىنى ئۈستۈمگە ئالدىم . مېھمانلارنىڭ ئايىغى ئۈزۈلمەي كەلمەكتە . بۇ خۇشچاقچاق يېزا ئاياللىرى بىلەن بىرمۇ بىر كۆرۈشۈپ ئىچىم يورۇپ قالدى . شۇ ئەسنادا كۆزۈم ئوچاق بېشىدا پەرۋانە بولۇپ خىزمەت قىلىۋاتقان ئوتتۇرا ياش ئايالغا كۆزۈم چۈشتى . ئۇ ئېگىز بويلۇق ،بۇغداي ئۆڭلۈك ، كۆزلىرىدىن بىر خىل مەيۈسلۈك چىقىپ تۇرىدىغان ئىشچان ئايال ئىدى . ئۇنىڭ پۇتىغا كىيىۋالغان ئايىقىنى كۆرۈپ ئىچىم ئاچچىق بولۇپ قالدى .ئۇ پۇتىغا ئۆڭۈپ رەڭگىنى يوقاتقان ، كۆپ قېتىم تىكىلگەنلىكتىن ساناقسىز ياماقلار چۈشكەن كالتە مەسە كىيىۋالغان بولۇپ مەسە سىرتىغا كىيىۋالغان كالىچىمۇ يىرتىق ئىدى .سەزگۈر ئانام مەندىن بۇرۇن بۇنى بايقاپ بولسا كېرەك . ئۆيدىن ئۆزىنىڭ يەنە بىر مەسىسىنى ئېلىپ چىقىپ تامنىڭ بۇلىڭىغا ئاپىرىپ كىيدۈرمەكچى بولدى . ئۇ ئايال بىر خىل قورۇنۇش ئىلىكىدە ناھايىتى  تەسلىكتە پۇتىدىكى مەسىسىنى سالدى .‹‹ئاھ بىچارە ئانا كىم بىلسۇن ئۇنىڭ كىيىۋالغان پايپىقىمۇ نەچچە يېرىدىن تىكىلگەن ئىدى . بۇنى كۆرگەن كۆيۈمچان ئانام ئاغرىقچان پۇتلىرىنى تەستە سۆرەپ ئۆيگە كىرىپ كەتتى - دە ، ئۆزىنىڭ بىر ئۇزۇن پايپىقىنى كىيگۈزۈپ قۇيدى .مانا ئۇ ئايالنىڭ كۆزلىرى ئىختىيارسىز ياشلار قۇيۇلۇشقا باشلىدى بىرق مېھرىبان ئانام ياش تۆكۈشكە يول قويمىدى بولغاي قوللىرى بىلەن ئۇئايالنىڭ يېشىنى ئېيتىپ ، مۈرىسىگە يىنىك ئۇرۇپ قويدى . ئۇ ئايالمۇ ئەسلىدىكى ئورنىغا بېرىپ ئەتكەن چاي ئېتىشنى داۋاملاشتۇردى . ئۇ پات - پات ئەتراپقا قاراپ قوياتتى -دە ، دەرھال پۇتىغا بىر قاراپ قوياتتى . بۇ چاغدا ئۇنىڭ كۆزلىرىدىن خۇشاللىق نۇرى چاقنايتتى . ئۇ خوشاللىقنى مەن تىل بىلەن ئىپادىلەپ بېرىشكە ئاجىزلىق قىلىمەن .         ئاستا ئانامنى چاقىرىپ ئۇ ئايال ھەققىدە ئەھۋال ئىگەنلىدىم . بىلىشىمچە ئۇلارنىڭ ئىقتىسادى ئەھۋالى ئۇنچە ناچار ئەمەس ئىدى . ئانامنىڭ ئېيتىشىچە ئۇ ئايالنىڭ يولدىشى ئىككى قېتىم ئوپراتسىيە بولۇپتۇ . كۆزىمۇ دىگەندەك ياخشى كۆرمەيدىكەن . يولدىشىنىڭ كېسىلىنى داۋالىتىش ئۈچۈن بىساتىدىن ئايرىلغان ئايال باشقا بالىلىرىغا ئېغىرچىلىقىنى سىلىۋېۋىرىشتىن نومۇس قىلىپ سىرتلارغا چىقىپ باشقىلارنىڭ ئېتىزلىرىدىن پاختىسىنى تېرىش ، پەمىدۇر يىغىش ، قوناق ئاقلاش قاتارلىق ئىشلىرىنى قىلىش بىلەن تۇرمۇشىنى قامداپ كېلۋىتىپتۇ . مىنىى تېخىمۇ ھەيران قالدۇرغىنى ئۇ بۇيىل 60 ياشقا كىرىپتۇ .ئاھ بىچارە ئانا ، غەيرەتلىك ئايال . مەن بىر ياقتىن ئاڭلاۋاتىمەن بىر ياقتىن كۆز ياشلىرىم خۇددى يىپى ئۈزۈلگەن مارجاندەك تۆكۈلمەكتە ئىدى . يۈرۈكۈم ئۈنسىز نالە قىلماقتا .بىز بولساق بىر - بىرىمىزدىن قىلىپ قالماسلىق ئۈچۈن بەس - بەستە بايراملىق كىيىم سېتىۋىلىش ئۈچۈن تەييارلىنىۋاتىمىز . ئارىمىزدا مانا مۇشۇنداق بىزنىڭ ساخاۋەتلىك قوللىرىمىزغا تەشنا ئۆزلىرى ئەڭ ئىھتىياجلىق نەرسىلەرنىمۇ سېتىۋالالمايۋاتقانلار تۇرۇپتۇ . بىز بىر مۇسۇلمان يادىمىزدا بولسۇنكى مۇسۇلماننىڭ ، مۇسۇلمان ئۈستىدە ھەققى بولىدۇ .باينىڭ كەمبەغەللەرگە ساخاۋەت قىلىشى بەرھەق.ھەر قانداق نەرسە سىناق ئۈچۈن بېرىلگەن ، شۇ نەرسىلەرنى چوقۇم ئورنىدا توغرا ئىشلىتىشىمىز كېرەك شۇلارنى ئويلىغىنىمدا ئىككى چىكەم قاتتىق مۇجۇپ ئاغرىماقتا .       كېچىچە ئۇ ئايال كۆز ئالدىمغا كېلىۋىلىپ پەقەت ئۇخلىيالمىدىم . ئەتىسى چۈشتە مەكتەپتىن قايتقاچ ئۇ ئايالنىڭ ئۆيىگە باردىم -دە ، بايراملىق ئۈچۈن يىغىپ قويغان پۇلۇمنى ئۇ ئايالغا بايراملىق سوغا سۈپىتىدە سۇندۇم . مېنىڭ سۆزۈم تۈگىمەي تۇرۇپلا ئۇئايال مېنى باغرىغا بېسىپ‹‹قېرىندىشىم››دەپلا ، ھۆڭرەپ يىغلاپ كەتتى .مەنمۇ خۇددى يەلكەمدىن بىر نەرسىنى ئېلىۋەتكەندەك يېنىكلەپلا قالدىم .       قۇرۇسۇن ئۇنداق ئېغۋاگەرچىلىك .قىنى گەپچىلەر مېنى بايراملىق كىيىم ئېلىشقىمۇ چىقىنالماپتۇ. بىچارە، دېيىشسە دېيىشىۋەرسۇن . پەرۋايىم پەلەك . چۈنكى مەن باشقىلاغا ئاز بولسىمۇ خۇشاللىق ئاتا قىلالىدىم. بۇ مەن ئۈچۈن ئەڭ موھىم .  يەنە كېلىپ بايراملىق ئەڭ ياخشى سوۋغاتقا ، ئەڭ ئېسىل تىلەككە ئىگە بولۇم دەپ قارايمەن .                           قەلەم تەۋرەتكۈچى : بۇپاتەم تۇدىبەك ئۇيغۇرىيە

ark-ay

	رەھمەت تېمىڭىزغا ،  كۆزۈمدىن ياش چىقىپ كەتتى ،دىمىسىمۇ  بىزھازىر  نىمە غەمدە ...........بەسلىشىپ تۇرۇپ كىيىدىغانلارنىڭ پىسخىكىسىدا مەسىلە بارمىكىن  دەيمەن .

篮球美女

	bugun bizng edareda baxlekng bexene agretep hanem - kezlar bayramlek berar narsa elep barmede dap godungxup olturmakta

太阳

	ئۇ ئايالنى يوقلاپ بارغىنىڭىز ھەقىقەتەن ياخشى بوپتۇ، دۇنيا مۇشۇنداق مىھرى- مۇھەببەت بىلەن گۈزەل

anka1314

	篮球美女 يوللىغان ۋاقتى  2013-3-8 10:38 AM bugun bizng edareda baxlekng bexene agretep hanem - kezlar bayramlek berar narsa elep barmede dap go ... ئۇيغۇرچە يازىسىڭىز بولمامدا خانقىز ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

nazi0997

	ياخشى ئىشتىن بىرنى قىپسىز ،رەخمەت سىزگە ، مۇشۇنداق ئىشلارنى ئاۋال ئۇزىمىزدىن باشلىساق ،ئاز-تۇلا بولسىمۇ ئۇزىمىزنى ئۇزگەرتىشكە  پايدىسى بۇلار دەپ ئويلايمەن.

koxmak101

篮球美女

	anka1314 يوللىغان ۋاقتى  2013-3-8 11:20 AM ئۇيغۇرچە يازىسىڭىز بولمامدا خانقىز ؟؟؟؟؟؟؟؟؟؟؟؟؟؟؟؟ ... mengkeda qekmesa ya...kizzik

anka1314

	篮球美女 يوللىغان ۋاقتى  2013-3-8 12:22 PM mengkeda qekmesa ya...kizzik توۋھ نىمىشقا چىقمايدۇ  ؟ ھەممىمىزنىڭ نۇرمال تۇرسا

defolia

	مەنمۇ بىر قېتىم بىر مەرىكىگە قاتناشقان،زىياپەتتە قاچا يۇيدىغان ئايالنىڭ قىزىنى ھېچكىممۇ ئەركىلتىپ قويمىدى،ئەكسىچە يەنە بىر باشلىقنىڭ بالىسىنى ھەممىسى تالىشىپ بېقىپ كەتتى،بالىلار دىگەن پەرىشتىگە .ئوخشايدۇ ئاتا-ئانىسى باي بولامدۇ نامرات بولامدۇ ھەممىسى ئوخشاش