چاۋېسنىڭ ئەڭ ئاخىرقى سۆزى

Naprat2009

	چاۋېسنىڭ ئەڭ ئاخىرقى سۆزى ئاپتورى: نەپرەت 2009 ئادىتىم بويىچە ئىشتىن چۈشۈپلا كومپيۇتىرىمدا ئەلجەزىرە تورى (قاتار يېرىم ئارال تېلېۋىزىيىسى) نى ئاچتىم، كۆزۈم بىرىنچى بولۇپ «چاۋېسنىڭ ئەڭ ئاخىرقى سۆزى: مېنىڭ ئۆلگۈم يوق!» تېمىلىق خەۋەرگە چۈشتى. ئېچىپ ئوقۇسام، ئىككى يىلدىن بۇيان دائىم چاۋېس (Hugo Chavez ) قا ھەمرا بولۇپ يۈرىدىغان ۋېنسۇئىلا گېنرالى جوس ئورنېللا (Jose Ornella ) نىڭ ئامېرىكا بىرلەشمە ئاگېنتلىقىغا ئېيتقان سۆزى نەقىل قىلىنغان ئىدى. جوس ئونېللا ئامېرىكا بىرلەشمە ئاگېنتلىقىغا سۆز قىلىپ:«ئۇ گەپ قىلمايدۇ، ئەمما ئۇ لېۋىنى قىمىرلىتىپ...'مېنىڭ ئۆلگۈم يوق، مېنى ئۆلگىلى قويماڭلار' دېدى. چۈنكى ئۇ دۆلىتىنى سۆيىدۇ، ئۇ دۆلىتى ئۈچۈن ئۆزىنى قۇربان قىلدى» دېگەن ئىدى. گەرچە گېنرال چاۋېسنىڭ سۆزىنى ياخشى تەرەپتىن چۈشەنچە بەرگەن بولسىمۇ، تالاي-تالاي سىياسىي ئويۇنلارنى باشتىن كەچۈرگەن، يۈكسەك دەرىجىدە ئۇچۇرلارشقان بۈگۈنكى دۇنيادا نۇرغۇنلار ئۇنداق ئويلىشى ناتايىن. لېكىن بۇ خەۋەردىن قىلچە ھەيران قالمىدىم، چۈنكى ئۇنداق دېيىشى مۇقەررەردۇر. ئىنسانىيەت تارىخىدىن بۇيان مۇستەبىت پادىشاھ، رەھبەرلەرنىڭ ھەممىسى ئۆلگۈسى كەلمەيتتى، تالاي-تالاي ئادەملەرنى «ئۆلمەسلىكنىڭ دورىسى» نىڭ تېپىپ كېلىشى ئۈچۈن يىراقلارغا سەپەرگە ئەۋەتەتتى. ئۆلۈمدىن ھېچكىم قېچىپ قۇتۇلالمايدۇ، لېكىن ئۇلار بىلىپ تۇرۇپ نېمىشقا تەقدىرگە تەن بەرمەيدۇ؟ ئۆلگۈسى كەلمەيدۇ؟ سەۋەبى ناھايىتى ئاددىي، ئۇلار كۈندە يېغىپ تۇرغان ئالقىش مەدھىيىلەر، راھەت-پاراغەتلىك تۇرمۇش، نازىنىن قىزلار، ھوقۇق خۇمارى...قاتارلىقلاردىن مېھرىنى ئۈزەلمەيدۇ. قەدىمكى زاماندىكى شاھ ئوردىلىرىدا نەچچە يۈز دېدەكنىڭ بولىدىغانلىقىنى ھەممىز بولىمىز. ئەڭ يېقىنقىسى بولغان لىۋىيە خەلقى مۇئەممەر قازافىنى ئاغدۇرۇپ تاشلىغاندا، قازافىنىڭ ئوردىسىدىن بايقىغان نۇرغۇن نازىنىنلارمۇ ئىسپات بولالايدۇ. كۆپىنچىسى دەپسەندە قىلىنغان، ئەسكەرلەرنىڭ، ئوفېتسېرلارنىڭ خالىغانچە دەپسەندە قىلىشىغا قويۇپ بەرگەن. بىر قىسىم ئۇيغۇر بالىلىرىمۇ چوڭ بىلىدىغان سادام ھۈسەيىننىڭمۇ ئاشنىلىرى بار ئىدى، ئىككى قولى نۇرغۇن ئىراقلىق ۋە كۇردلارنىڭ ئىسسىق قېنى بىلەن بويالغان. مەيلى سادام بولسۇن ياكى قازافى بولسۇن ئوخشاش يېرى دىننى، پەلەستىنگە ھېسداشلىق قىلىشنى نىقاب قىلغان،  لېكىن قىلغان ئىشلىرى دىنغا مۇخالىپ. بىرى ئورەكتىن تارتىپ چىقىرىلىپ دارغا ئېسىلدى، يەنە بىرى «چاشقان كامىرى» دىن سۆرەپ چىقىرىلىپ ئۆز خەلقىنىڭ ئوقىدا ئۆلدى. ئەگەر ئۇلار قەيسەرلىك بىلەن ئۇرۇش قىلىپ، ئامېرىكا ياكى ش ئا ئە ت نىڭ ئوقىدا ئۆلگەن بولسا ھېچ بولمىغاندا «ئەزىمەت» دېگەن شەرەپكە نائىل بولالايتتى. ئەپسۇسلىنارلىقى، ئاقىۋىتى ئەكسىچە بولۇپ چىقتى، شۇنداقلا ئۇلارنىڭ ساختا «قەھرىمان» لىق ئوبرازى ھېلىھەم بىر قىسىم ئۇيغۇرلارنىڭ قەلبىدە ساقلانماقتا. چاۋېسمۇ ھەم ئوخشاش خاتالىقنى تەكرارلىغان بولۇپ، پۈتكۈل ئىنسانىيەت ھۆرلۈك، ئۆزلۈك، دېموكراتىيە...ئۈچۈن كۈرەش قىلىۋاتقاندا، چاۋېس ئېقىمغا قارشى ھالدا ئۆمرىنىڭ ئاخىرىغىچە ھوقۇق تۇتۇپ «پادىشاھ» بولماقچى بولۇپ تارىخىي خاتالىق سادىر قىلدى. ۋېنسۇئىلا خەلقنىڭ ھەققانىي سادالىرىغا قۇلاق سالمىدى، خۇددى يۇقىرىدا تىلغا ئېلىنغان ئىككى «قەھرىمان» دىن، مىللەتچىلىكنى نىقاب قىلغان بولسا، چاۋېس «نامراتلارنى يۆلەش» دېگەندەك سوۋېتلەر ئىتتىپاقىنىڭ كونا ئەندىزىسىنى نىقاب قىلدى. ئاخبارات ئەركىنلىكىنى چەكلىدى. مېدىيەلەرنى كونترول قىلدى. ئارمىيە ئارقىلىق ئۆكتىچىلەرنى چەكلەپ كەلدى. چىرىكلىك يامرىدى. نەچچە مىليون مۇسۇلماننىڭ جېنىغا زامىن بولغان ئىنسانىيەتنىڭ دۈشمەنلىرى بىلەن دوست بولدى. نامراتلىق دۆلەت بايلىقىنى خەلقنىڭ قولىغا تۇتقۇزۇپ قويسىلا ھەل بولىدىغان ئىش ئەمەس. تەڭ تەقسىماتچىلىق مۇقەررەر چىرىكلىكنى كەلتۈرۈپ چىقىرىدۇ. دېموكراتىك مۇھىت ۋە خەلق نازارەتچىلىكىلا ئاندىن نامراتلىقنى ھەل قىلالايدۇ. پۇلنى تەييار قولىغا تۇتقۇزۇپ قويۇش ئەكسىچە ۋېنسۇئىلا خەلقىنى تۇيۇق يولغا باشلايدۇ. ئۇنىڭ ئۆلىشى ئېھتىمال ۋېنسۇئىلادا سىياسىي ئۆزگىرىش، مالىمانچىلىق كەلتۈرۈپ چىقىرىشى مۇمكىن. لېكىن مېنى ھەيران قالدۇرغىنى، چاۋېسنىڭ ئۆلىمىدىن ئولتۇرالماي قالغان ئۇيغۇر بالىلىرى بولدى، ھە دېسىلا ئىسلام توغرىلىق سۆز ئاچىدىغان، ئۆزىنى ھەقىقىي مۇسۇلمان كۆرسىتىشكە ئۇرۇنۇۋاتقانلارمۇ ئىسلامنىڭ دۈشمەنلىرى بىلەن دوست بولغان بۇ رەھبەرگە پەقەت مۇسۇلمان ئۈممەتلىرىنىڭ ئۆلىمىگىلا خاس بولغان سۆزلەرنى ئىشلەتتى، جەننەتكە كىرىشىنى تىلىدى. بەزىلىرى ئوچۇق دېيەلمىسىمۇ لېكىن خېلى چىچاڭشىپ باقتى. بۇ ئوچۇقلا دىنغا ئاسىيلىقتۇر، ئېغىر گۇناھدۇر. يۈكسەك دەرىجىدە ئۇچۇرلاشقان، كىشىلەرنىڭ ئىدىيىسى ئازاد بولغان بولغان بۇ دۇنيادا، بىر قىسىم ئۇيغۇر بالىلىرىنىڭ «قۇدۇقنىڭ ئىچىدىكى پاقا» دەك ھالەتتە ئىنكاس يېزىشلىرى مېنى تولىمۇ ئەپسۇسلاندۇردى. ئېھتىمال موشۇ ئامىللارمۇ مېنىڭ ئوكيان تورىدىن چېكىنىپ چىقىشىمنىڭ سەۋەبى بولسا كېرەك. ئۆلمەسلىكنىڭ دورىسىنى تېپىش خىيالىدا بولغان پادىشاھلارمۇ ئۆلدى، جاھانغا پاتماي قالغان چىڭگىزخانمۇ ئۆلدى، گىتلېرمۇ ئۆلدى...ئوخشاشلا زىيادە كۆرەڭلەپ كەتكەن چاۋېسمۇ ئۆلدى. زىيادە كۆرەڭلەپ كەتكەن ئادەمنى ئاللاھ ھامان يەرگە ئۇرماي قالمايدۇ. شۇڭا، چاۋېسنىڭ راك كېسىلى بولغانلىق خەۋىرىنى كۆرگىنىمدىلا ئەلۋىدا بايقۇش دەۋەتكەنمەن. ئەگەر ئۇ مېنىڭ ئۆلگۈم يوق دېمەي، «ئەلۋىدا، خەلقىم! ئامان بولۇڭلار!» دەپ شىۋىرلىغان بولسا ئىچىمدە ھېچ بولغاندا «يىگىت» دەپ قوياتتىم. ئىسلام دېمەك ھەق دېمەكتۇر، ئىسلامنىڭ ماھىيىتى پۈتكۈل ئىنسانىيەتنىڭ ئىككى دۇنيالىق بەخت-سائادىتى ئۈچۈن. شۇڭا، مۇسۇلمان ئۈممەتلىرىنىڭ بىرى قىسىمى بولغان ئۇيغۇر بالىلىرى ھەق-ناھەقنى توغرا ئايرىشى، ھەقىقىي ئىسلام يولىدا تۇرۇشى، باشقا دىندا بولسىمۇ ئىنسانىيەتنىڭ بەخت-سائادىتى ۋە قەدىر-قىممىتى ئۈچۈن كۈرەش قىلغان، تۆھپە قوشقان بولسا ھۆرمەتلىشى، ئۆزىنى مۇسۇلمان دەپ تۇرۇپ ئىسلامغا ئاسىيلىق قىلغان، ئىسلامغا داغ چۈشۈرگەنلەرنى قىلچە ئىككىلەنمەي ئەيىبلىشى كېرەك. يالغان-ياۋىداق خەۋەرلەرگە ئىشەنمەسلىكى، كۆپرەك ئۆگىنىشى، كۆپرەك تەپەككۇر قىلىشى، ھېسىياتقا بېرىلمەسلىكى، ھېچ بولمىغاندا بىتەرەپلىكنىڭ نېمە ئىكەنلىكىنى بىلىۋېلىشى كېرەك. 2013-يىلى 3-ئاينىڭ 7-كۈنى

yaro

	كەڭ دۇنيا پۇرۇلتارىياتلىرىنىڭ ئۈمۈتلۈك ساخاۋەتچىسى ۋە بايراقدارى، نامراتلارنىڭ پاسىبانى باشپاناھى، ئىزىلگەن مىللەت ۋە دۆلەت خەكقلىرىنىڭ سادىق دوستى ۋە ھىماتچىسى، ئامرىكا جاھانگىرلىگى ۋە ساختا  بۇرژىئا دىمۇكىراتىيەسىنىڭ كۆزىگە قادالغان مىق،  نىجات ئەخمىدى ۋە كازافىنىڭ يىقىن بۇرادىرى، ھەقىقى ئەركىنلىك جەڭچىسى چاۋىس ئامرىكا سۈيقەستچىىرى تەرىپىدىن سۇيقەست قىلىنىپ راك كىسىلىگە گىرىپتار قىلىنىپ سىرلىق ئۆلۈپ كەتتى، بۇ سىرمۇ بىر كۈنى ئاشكارلانغۇسى ھىلىراقتا مۇشۇنداقراق ئىنكاستىن بىرى چۈشۈشى بار

Xaparang

	بىر قىسىم تورداشلارغا ئامىرىكا ياكى ياۋرۇپانى تىللاپ بەرگۈچىلەرنىڭ سەممىسىلا  قەھرىمان  ۋە ئىسلامنىڭ دوستى ھىساپلىنىدۇ .

tulpar12

	ياخشىكەن تىما يۇللىغۇچىغا رەخمەت

xopul

	چاۋېسنىڭ ھايات ماماتىنىڭ سىزگە قىلچە پايدا-زىيىنى يوق،سەنمۇ بىركۈنى ئۈلىسەن.

makanim75

	ھەقىقەتەن بەلەن بىر تىمىنى يوللاپسىز قېرىندىشىم.خەلىقئارا مۇناسىۋەتلەرنى ماھىيىتى بىلەن چۈشۈنۈش بىز ئۇيغۇر مۇسۇلمانلىرى ئۈچۈن ئىنتايىن مۇھىم.ئاللاھ ئەرجىڭىزنى بەرسۇن!

مىژگان

	Xaparang يوللىغان ۋاقتى  2013-3-7 10:52 PM بىر قىسىم تورداشلارغا ئامىرىكا ياكى ياۋرۇپانى تىللاپ  ...    ئۇنداق دېگەنلىكمۇ ئەمەس، ئامېرىكىدەك «خوجا ئاكا»دىن قورقماي تىللايدىغان ياكى دېپلوماتىك مۇناسىۋەت ئورناتمايدىغان دۆلەتلەرگە ئادەم باشقىچە  نەزەردە بولۇپ قالىدىكەنچۇ؟ مەسلەن: بىقىنىدا تۇرۇپ  ئەھۋالى دېگەندەك بولمىسىمۇ يەنە ئۇنىڭغا تايانمايدىغان ھەتتا سالاممۇ قىلىپ قويمايدىغان مىكسىكا دېگەندەك.

TIRIXQANBALA

	چاۋىس زۇڭتۇڭ خىرىستىيان دىنىدىنما ، ئىۋۇ جەسەت ساندۇغىنىڭ بېشىدا ،كىرىست بەلگىسىنى قاداپ قۇيۇپتۇ .

سەفەر

	ياخشى تېما يوللاپسىز ، چاۋىسنىڭ ئۆلەر ھالەتتە ئېيتقان  سۆزلىرىدىنمۇ خەۋەر تاپتۇق .بىراق بىزگە بەرى _بىر ئەمەسمۇ ...

hiyal0097

	مەن تېخى ‹‹ بۇ ئادەم ئۇلۇغۋار شۇئاردىن بىرنى دەپ ئۈلۈپ كەتكەندۇ ( يالغاندىن بولسىمۇ )دەپ ئويلاپتىكەنمەن  ، ئەھۋالى شۇنچىلىككەنغۇ ؟ لىكىن دىمەككە ئوڭاي ، ھەقىقەتەن شۇ بىر دەقىقە يىتىپ كەلگەندە مانا مەن دىگەن ئەركەكمۇ قورقۇنۇچتىن تىتىرەپ كېتىدۇ ، ئىنسان شۇ ئەڭ ئاخىرقى بىر دەقىقىدە پۇشايمان قىلىدۇ ، ئەسكىللىرى ياخشى ياشىسام بولمامتى ، دەيدۇ ، ياخشىللىرى بولسا تېخىمۇ ياخشىراق ياشاپ ئۆتسەم بولمامتى ، دەيدۇ .