يامغۇردىكى بەخىت (ھېكايە)

ahsaxum

	يامغۇردىكى بەخىت ھېكايە ئاخسا شۇم تاڭ سۈزۈلمىگەن ، زىبا تۇنجى ئەزان ئاۋازىنى ئاڭلاپلا ئورنىدىن تۇردى ، تاھارەتكە سۇ تەييارلاپ يولدىشىنىڭ ياتاق ئۆيىگە چىقتى ، بىراق ئەكرەم ياتاق ئۆيىدە يوق ئىدى . زىبا ياتاق ئىشكىگە يۆلەنگىنىچە ھەشەمەتلىك ياسالغان ئۆيگە بىر قۇر نەزەر تاشلىغىنىچە كۆزلىرىگە لىققىدە ياش ئالدى ، بىر كېچە ئۇخلىماي <<تىرىق >> قىلغان ئاۋازنى نەقەدەر ئارزۇ قىلغان ، ئەكرەمنىڭ قايتىپ كېلىشىنى كېچە-كېچىلەپ كۈتكەن ، بىراق ئۇ ئاۋازنى ئاڭلىيالمىدى . سەھەر تۇرۇپلا ئۆز سەزگۈللىرىدىن گۇمانلاندى ۋە زور ئىشەنچ بىلەن ئەكرەمنىڭ ياتاق ئۆيىگە كىردى . ئۇلار قاچاندىن باشلاپ ئايرىم ياتقاندۇ ؟ بۇ زىباغا مەلۇم . ئۈچ-تۆت يىللار بولدىمىكىن . تۇنجى ئوغلى ئېليار تۇغۇلغاندىن باشلاپ ، توغرىسى مۇشۇ يېڭى ئۆيگە كۆچكەندىن باشلاپ ئۇلار ئايرىم يېتىۋاتىدۇ . زىبا تاھارەت ئېلىپ نامازلىرىنى ئۆتەپ بولغاندىن كىيىن يەنە ئەكرەمنى ساقلاشنى داۋاملاشتۇردى . بۈگۈن ئۇ ئەكرەم بىلەن ئارىنى ئوچۇق قىلماقچى ، ئاجراشماقچى ئىدى . نىمە سەۋەبتىنلىكى ئۇنىڭغا ناھايتى ئېنىق ، بۇ ئۆيدىن ، يولدىشى ئەكرەمدىن مېھرى قالغان ئىدى . ياق ، زىبانىڭ ئەمەس ، ئەكرەمنىڭ مېھرى قالغان ئىدى . زىبا توي قىلغان دەسلەپكى ۋاقىتلىرىنى ئەسلىدى ، ئۇلار بىر-بىرىگە شۇنداق كۆيۈنەتتى ، بىر-بىرىنى شۇنداق قەدىرلەيتتى ، بىر-بىرىنى شۇنداق ھۆرمەتلەيتتى ، تېخى ئەكرەم پات-پات زىبانى ئەركىلىتىپمۇ قوياتتى ، ئۇلارنى بىرلا كۆرگەن كىشى ئۇلارنى بىر-بىرىنى كۆرمەي تۇرۇپ توي قىلغان دىسە ئىشەنمەيتتى .. راست ئۇلار ئاتا-ئانىلىرىنىڭ دىيىششى ئارقىلىقلا توي قىلغان ئىدى . ئەكرەم بىلەن زىبا قارشى تۇرغان بولسىمۇ بىراق بۇ توي بولدى . تويدىن كىيىنلا ئۇلارنىڭ مۇھەببەتلىك ، قىزغىن تۇرمۇشى باشلاندى . بىراق يېڭى ئۆيگە كۆچكەندىن كىيىن ئەكرەمنىڭ بۇ ئۆيدىن رايى ياندى . كېچىلەپ كەلمەيدىغان ، كەلسىمۇ ئايرىم ئۆيگە كىرىپ ياتىدىغان بولىۋالدى . زىباغا چىش يېرىپ بىر نىمە دىمەيتتى ، ئەتىگىنى تامىقىنى يەيتتى ، ئىشقا ماڭاتتى . بىر نەچچە كۈن ئۆيگىمۇ كەلمەيتتى ، دەسلەپ زىبا تىلفۇن قىلىپ سورايتتى . بارا-بارا تىلفۇنمۇ قىلماس بولدى ، ھەتتا ئەكرەمنىڭ تىلفۇن نۇمۇرىنىمۇ ئۇنتۇپ قالدى . ئېليار تۇغۇلغاندا قولىغا ئېلىپ ئەركىلىتىپ كۈلۈپ يۈردى ، كىيىنچە ئەكرەمنىڭ ئېليارغا بولغان كۈلكىللىرىمۇ يوقالدى . نىمىشقىكىن ئەكرەمنىڭ رايى ، مېھرى بۇ ئۆيدىن يانغان ئىدى . زىبا كۆزلىرىگە ياش ئالغىنىچە سائەتكە قارىدى ، سائەت 10 ئىستىرىلكىسىنى كۆرسىتىپ تۇراتتى . ئەكرەم تېخى قايتىپ كەلمىگەن . زىبا چۈشلۈك تاماققا تۇتۇش قىلدى . بىراق ئاز ئۆتمەيلا ئىشىكنىڭ تاراقلاپ ئېچىلىشىدىن ئۇ ئۇن يۇقى قوللىرى بىلەن ئاشخانا ئۆيدىن چىقتى . -    قايتىپ كەپسىز دە ؟ - زىبا ئەكرەمنى كۆرۈپلا شۇنى سورىدى . ئەكرەم ئۈستى بېشى يۆل ھالدا ئۆينىڭ ئوتتۇرسىدىلا تۇراتتى . زىبا ئاشخانا ئۆيگە كىرىپ قولىنى يۇيۇۋېتىپلا چىقتى ۋە ئەكرەمنىڭ چاپىننى ئالغاچ ، ئەكرەمنىڭ يەڭگىل تىتىرەۋاتقىننى سەزدى . -    بېرەر پىيالە چاي ئىچۋالامسىز ؟ ئىسسىپ قالىسىز . – ئۇنىڭ بۇ سۇئالى باشقا بىرىگە ئېيتىلغاندەك ئەكرەم جاۋاپسىزلا ياتاق ئۆيىگە كىرىپ كەتتى . زىبا كۆزلىرىگە ياش ئالغىنىچە ئاشخانا ئۆيگە قاراپ ماڭدى . ئەكرەم ئۈستى بېشىنى يەڭگۈشلەپ چىققاندىن كىيىن تاماق ئۈستىلىگە ئولتۇردى ، زىبا ھورى كۆتۈرلۈپ تۇرغان چۈچۈرىنى ئەكرەمنىڭ ئالدىغا قويدى . ئەكرەم ئۈن – تىنسىزلا چۆچۈرىگە قوشۇق سالدى . زىبامۇ يەنە بىر ئورۇندۇقتا ئولتۇرۇپ چۆچۈرىنى مالتىلاپ ئولتۇراتتى . ئۇ گېپىنى دىمەكچى بولدىيۇ ، بىراق ئەكرەمنىڭ تامىقىنى يەپ بولۇشىنى كۈتتى . ئەكرەم تامىقىنى يەپ بوپلا دۇئاغا قول كۆتۈردى ، زىبانىڭ خىياللىرى ھەر ياققا چېچىلدى ، تىنىقى بۇرۇنقىدىن ئىتتىكلىدى ، ئۇ ئەكرەم ئورنىدىن تۇرشىغىلا   -    ئەكرەم ، سىزگە دەيدىغان گېپىم بار ئىدى . ئەكرەم كەينىگە قارىدى ، زىبانىڭ كۆز ياشلىرىنى كۆرۈپ ئۆزىنى قويىدىغان جاي تاپالمىغاندى << كۆزۈڭدىن تامچە ياش ئاققۇزسام ئۆزۈمنى كەچۈرمەيمەن >> ئەينى ۋاقىتتا زىباغا شۇنداق دىگەن ئىدى ، بىراق ھازىرچۇ ؟ -    بىز ئاجىرشىپ كېتەيلى . ئەكرەم زىباغا بىر ھازا قارىدى ، خۇددى زىبانى تۇنجى كۆرۈۋاتقاندەك نەزەردە قارىدى . بىراق ئۇنىڭ سۆزىگە ھەيران بولمىدى . ئەكرەم كۈلىۋاتاتتى ، ئىچ-ئىچىدىن چىقىرىپ كۈلۈۋاتاتتى . زىبا ئەكرەمگە قاراپ ھەيران بولدى . كۆز ياشلىرىنى يۇشۇرۇشقا شۇنچە تىرىشسىمۇ بىراق ئامال قىلالمىدى . -ئاجرشايلى دېدىڭمۇ زىبا ؟ - ئەكرەم كۈلكىسىنى توختۇتالماي شۇنداق دېدى – نىمەڭگە يەنە نىمەڭ يېتىشمەي قالدى زىبا ؟ - ئەكرەم ئاچچىق بىلەن شۇنداق دېدى ، ئۇنىڭ بۇ سۆزلىرىنى چۈشىنەلمىگەن زىبا ئۇنىڭ ئاغزىغا قاراپ قېتىپلا قالغان ئىدى . - نىمە دەۋاتىسىز ئەكرەم ؟ مېنىڭ نىمەمگە نىمە يېتىشمەي قاپتۇ ؟ - ئەمسە نىمىگە ئاجىرشىسەن ، تۇتسا سېپى ، چاقىرسا ئېتى بار ، خىزمىتى بار يولدۇشۇڭ تۇرسا ، ئەنە ئوماق بىر ئوغلۇڭ ، 170 پىڭپاڭلىق ياسىداق ئۆيۈڭ بار . يەنە نىمەڭگە-نىمەڭ كەملىك قىلىپ ئاجىراشماقچىسەن ؟ زىبا شۇندىلا ئەكرەمنىڭ نىمە دەۋاتقانلىقىنى چۈشەندى . كۆز  ئالدىغا بۇندىن تۆت يىل بۇرۇنقى ئاشۇ 50 پىڭپاڭلىق كىچىكلا ئۆيىدە ئەكرەم بىلەن تۇنجى قېتىم گەپ تالاشقىنى يادىغا كەلدى . -    نىمە دەۋاتىسەن ؟ - ئەكرەم شۇنداق دىگەن ئىدى – ئۆي كىچىكلىك قىلىۋاتامدۇ ؟ مەندەك بىر يېتىمەككە خىزمەت ئورنۇمدىن بەرگەن ئۆي بۇ زىبا ، مېنىڭ سېتىۋالغان ئۆيۈم ئەمەس . بىلەمسەن ؟ مەن ساڭا شۇنداق كەڭرى ، ياسىداق ئۆي ئېلىپ بېرىمەن . -    قاچانلىققا ؟ مېنىڭ چىدىغۇچلىكىم قالمىدى ، دادام بىر نەچچە كەلدى ، بىر قوندۇرالمىساق ، مېھمانلار كەلسە ئۆينىڭ تۆرى قايسى ، پەگىرى قايسى بىلگىلى بولمىسا سەت ئەمەسمۇ ؟ ئەكرەم كۆزلىرىنى چىڭ قىسقىنىچە -    دادام قاتناش ۋەقەسىگە ئۇچرىغاندا نىمىلەرنى دېمىدىڭ زىبا ؟ دادام ئوڭشۇلدىغانلا ئىش بولسا ئۆي مۈلۈك ھەممىنى ساتايلى دېمىدىڭمۇ ؟ مانا ئەمدى قوپۇپ مۇشۇ گەپنى قىلىۋاتامسەن ؟ دادام كەتتى ، ئۇزاتتۇق . ئاناممۇ مېنى تاشلاپ يېتىمەك قىلىپ كەتتى ، شۇ ۋاقىتتا تويلۇق زىبۇ زىنەتتلىرىڭنى ساتمىدىڭمۇ ؟  قېنى سېنىڭ شۇ چىدام غەيرىتىڭ . قېنى ماڭا ھەمراھ بولغان دەملىرىڭ ؟ -    بولدى قىلىڭ ئەكرەم ، بالا ئويغۇنۇپ كەتتى – ئېليار بىر بۇلڭدا تېپىچەكلەپ يىغلاۋاتاتتى . كۆپ ئۆتمەيلا ئەكرەم ئىلغار بولۇپ باھالاندى . تىرىشپ ئىشلىدى ، ئۆستى ، مائاشىمۇ ماس قەدەمدە ئۆستى بىراق چىرايىدىن كۈلكە غايىپ بولدى . زىبا ئەنە شۇلارنى ئويلىدى ، ئەكرەم ئالدىدا ئۇنىڭغا سۇئال نەزىرى بىلەن قاراپ تۇراتتى . -    تاپالىدىڭمۇ ساڭا يەنە نىمە كېرەككەن ؟ - ئەكرەم زىباغا قادىلىپ تۇراتتى . -    ماڭا سىز كېرەك ئەكرەم ، ئائىلە مېھرى كېرەك . -    كەچۈر زىبا ، مەندە بۇ نەرسىلەر يوق ، مەندە پۇل بار ، پۇلغا سېتىۋالغىلى بولىدىغان نەرسىلەرنى دە . -    مېنى كەچۈرۈڭ بولامدۇ ئەكرەم ؟ مەن خاتا قىپتىمەن ئەكرەم زىبانىڭ كۆز ياشلىرىغا چىدىمىدى ، ئۇنىڭمۇ كۆزلىرى نەمدەلدى بىراق ئۇ يىغلىسا بولمايتتى . زىبا ئۆكسۈپ – ئۆسۈپ يىغلاۋاتاتتى . ئەكرەم ئورنىدىن تۇردى ۋە ياتاق ئۆيىگە كىرىپ كەتتى . ئەكرەم ياتاق ئۆيىگە كىرىپلا ئاغزىنى چىڭ تۇتۇۋالدى ، ئۆزىنى قويۇۋېتىپ تازا بىر يىغلىغۇچى بار ئىدى ،بىراق  ئاۋازىنىڭ سىرىتقا چىقىپ كېتىشىدىن ئەنسىرەيتتى . نەچچە كېچلەر دېرىزە سىرتىدىن زىبانىڭ ناماز ئوقۇۋاتقىنىغا قاراپ تۇرمىدى ، زىبا جاينامازدا ئاللاھقا يىغلاپ دۇئا قىلغىنىدا ئەكرەممۇ دېرىزە سىرتىدىن تەڭ يىغلىمىدىمۇ ؟ نەچچە كېچە ئۇ ئۇخلاپ قالغاننىڭزى كىرىپ چاچلىرىنى سىلاپ يىغلىمىدىمۇ ؟ قوللىرىنى ئالقانلىرىغا ئېلىپ سۆيمىدىمۇ ؟ نىمىشقا يەنە شۇنداق قىلىدۇ ؟ نىمىشقا زىبانى كەچۈرەلمەيدۇ ؟ ياق ، ئۇ زىبانى ئەمەس ئۆزىنى كەچۈرەلمەيدۇ .   ئەكرەم ياتاق ئۆيدىن چىققاندا زىبا تېخىچە يىغلاۋاتاتتى . ئەكرەم زىباغا بىرلا قارىدى دە سىرىتقا چىقىپ كەتتى . سىرىتتا سىم-سىم يامغۇر يېغىۋاتاتتى . ئەكرەم يامغۇردا قايسىدۇر بىر نىشاننى نىشانلاپ ماڭدى . چېقىلىۋاتقان قۇرلۇشلار ماڭدامدا بىر ئۇچرايتتى . ئۇ باشقىلارنىڭ ئۆزىگە قايسى نەزەردە قاراۋاتقىننى بىلمەيتتى . خىياللار ئۇنى قاپسايتتى . ئالدىدىكى دوقىدىن ئوڭغا قايرىلىپ جايىدا تۇرۇپلا قالدى ، چۈنكى ئالدىدىكى قۇرلۇش ئۇنىڭ ئاشۇ 50 پىڭپاڭلىق ئۆيى ، زىبا بىلەن مۇشەققەتلىك تۇرمۇشنى بىللە كەچۈرگەن ئاشۇ ئۆيى ئىدى . ئۇ قۇرلۇش چېقىلىۋاتاتتى . ئۇنىڭ قەلبىدىكى ھەر –بىر قورغانمۇ چېقىلىشقا باشلىدى . ئۇنىڭ زىباغا نىمىلەرنىدۇر دىگۈسى كېلىۋاتاتتى . ئۇ كەينىگە ئۆرلۈپ ھەيران قالدى . كۆزلىرىگە ئىشەنمەيتتى . ياق بۇ ئىشەنمىگۈدەك مەنزىرە ئەمەسقۇ ؟ كەينىدە ئەكرەمنىڭ بېشىغا كۈنلۈك تۇتۇپ تۇرغان زىبا ئۆزى يامغۇردا تۇراتتى ، ئۇ كۈلۈمسۈردى ، ئۇنىڭ بۇ كۈلۈمسىرىشى ئەكرەمنى تەمتىرتىپ قويدى . -    كۈنلۈك ئېلىشنى ئۇنتۇپ قاپتىكەنسىز ؟ ئەكرەمنىڭ كۆزلىرىگە ياش لىققىدە كەلدى . ئۇ زىبانىڭ كۈنلۈك تۇتقان قولىدىن ئۆزىگە تارتتى . زىبانىڭ قولىدىن كۈنلۈك چۈشۈپ كەتتى . زىبا ئەكرەمنىڭ قوينىغىلا چۈشتى . -    مېنى كەچۈر زىبا ...... – ئەكرەم يىغا ئارىلاش ئەنە شۇلارنى دېدى . زىبانىڭ كۆزلىرى ياش بىلەن نەمدەلدى . بىراق نىمىشقىكىن ئۇيالدى . -    ئەكرەم بۇ چوڭ يولدا ..... باشقىلار قاراۋاتىدۇ ئەكرەم ئەتراپىغا قارىۋەتكەندىن كىيىن -    مېنىڭ نىكاھلاپ ئالغان خوتۇنۇمغۇ سەن ؟ نىمىدىن قورقىسەن ؟  يامان بولسا ئۇلارمۇ چوڭ يولدا خوتۇننى قۇچاقلىسۇن ! يامغۇردا ئىككى گەۋدە بارا-بارا سىڭىشىپ كەتتى . ئەتراپتىن ئۆتۈۋۈتقانلار ئۇلارغا ھەيرانلىق ، ھەۋەس قىلىش ۋە قارغاش نەزىرى بىلەن ئۆتۈۋاتاتتى . بىراق ئۇلارنىڭ قانچىلىك خۇشال بولىۋاتقىننى ئۇلار بىلمەيتتى ......

armi

	بەك  يارىدى  تېمىڭىز  ماڭا .

0998xayda

	تۇگىدىما؟؟؟؟

88asra

	تۇنجى بۇلۇپ ئىنكاس يىزىپتىمەن.ياخشى يىزىپسىز ئاخىرى بارمۇ ياكى تۈگىدىمۇ؟

tulpar12

	ياخشىكەن رەخمەت

يولتۇز

	ياخشى چىقىپتۇ  ، بارلىق نىكاھتىكى چۈشەنمەسلىك ئۇڭۇشسىزلىق مۇشۇنداق ياخشى نەتىجە بىلەن  ئاياقلاشقان بۇلسا بەك ياخشى بۇلاتتى .

ahsaxum

	88asra يوللىغان ۋاقتى  2013-3-6 04:08 PM تۇنجى بۇلۇپ ئىنكاس يىزىپتىمەن.ياخشى يىزىپسىز ئاخىرى ب ... ياقتۇرۇپ ئوقۇغىنىڭىزدىن خۇرسەن بولدۇم ، رەھمەت !  ھېكايە مۇشۇنىڭ بىلەن تۈگىدى

ahsaxum

	0998xayda يوللىغان ۋاقتى  2013-3-6 04:07 PM تۇگىدىما؟؟؟؟ ھەئە ، تۈگىدى

ferdawishan

	ياخشى چىقىپتۇ،ھەم قىسقا ھەم چۈشىنىشلىككەن.

ayfar

	ياخشى يىزىپسىز