ئۇيغۇر ئوغلانى ئەزىز جانباقىېۋ خەلقئارا كىنو فېستىۋالىدا «كۈمۈش...

kuktulpar

	ئۇيغۇر ئوغلانى ئەزىز  جانباقىېۋ خەلقئارا كىنو فېستىۋالىدا «كۈمۈش ئېيىق» مۇكاپاتىغا ئېرىشتى ئۆتكەن ھەپتىنىڭ ئاخىرىدا 63-قېتىملىق  «بېرلىن — 2013» خەلقئارا كىنو فېستىۋالى ئۆز ئىشىنى يەكۈنلەپ، غەلىبىلىك يېپىلدى. مەزكۇر فېستىۋالغا بۇ يىل دەسلەپكى قېتىم قازاقىستاندىن ش ئايمانوۋ نامىدىكى «قازاق فىلىم» كىنو ستۇدىيىسى قاتنىشىپ، رېژىسسور ئېمىر بايغازىننىڭ «ئۇيغۇنلۇق ساۋاقلىرى» («ئۇروكى گارمونىى») فىلىمى «ئەڭ ياخشى ئوپېراتورلۇق» نامزاتى بويىچە مۇكاپاتلاندى ۋە فىلىمنى سۈرەتكە ئالغان قازاقىستانلىق ئۇيغۇر يىگىتى، تالانتلىق ئوپېراتور ئەزىز جانباقىېۋ خەلقئارا كىنو فېستىۋالنىڭ «كۈمۈش ئېيىق» مۇكاپاتىغا سازاۋەر بولدى. ئۇيغۇر ئوغلى ئەزىز جانباقىېۋ مۇكاپات لوڭقىسىنى ئالدى ئەزىز جانباقىېۋ (ئوڭدىن ئىككىنچىسى)بىرلىندىكى 2013 خەلقئارا كىنو فېستىۋالىدا خەلقئارالىق كىنو فېستىۋالى  بۇيىل كىنو فېستىۋالىغا ئىشتىراك قىلغان 400 فىلىمنىڭ ئىچىدىن 19 فىلىمنى مۇكاپاتلاشقا لايىق فىلىم دەپ قارىغان. جۈملىدىن كىنو فېستىۋالىنىڭ باش مۇكاپاتى — گران-پرى دانىس تانوۋىچنىڭ «تۆمۈر-تەرسەك يىغقۇچىنىڭ ھاياتىدا يۈز بەرگەن ۋەقە» ناملىق ھۆججەتلىك فىلىمگە بېرىلگەن. «ئالتۇن ئېيىق» مۇكاپاتىغا رۇمىنىيىلىك كالىن پىتېر نېسېرنىڭ «بالا مەۋقەسى» فىلىمى ئېرىشتى. «ئەڭ ياخشى رېژىسسورلۇق فىلىمى» نامزاتىغا ئامېرىكىلىق دېۋىد گوردون گرىننىڭ «كۆچكۈننى بويسۇندۇرغۇچى» فىلىمى لايىق دەپ قارالدى ۋە مۇكاپات بىرىلدى. ئىرانلىق دژافار پاناخى «يېپىق پەردە» فىلىمى «ئەڭ ياخشى سسېنارىيە» نامزاتى بويىچە مۇكاپاتلاندى. ئەزىز جانباقىېۋ  خىزمەتداشلىرى بىلەن بىرگە كىنو فېستىۋالىنىڭ «كۈمۈش ئېيىق» مۇكاپاتى ئۇيغۇر يىگىتى ، داڭلىق ئوپىراتور ئەزىز جانباقىېۋغا بىرىلگەندە مۇكاپاتنى ئېلىش ئۈچۈن سەھنىگە چىققان ئۇيغۇر يىگىتى ئەزىز جانباقىېۋ ئۇشبۇ فىلىمنىڭ رېژىسسورى ئېمىر بايغازىنغا، پروديۇسېرى ئاننا كاچكوغا ۋە «قازاق فىلىم» كىنو ستۇدىيىسىنىڭ رەھبىرى ئېرمېك ئامانشاۋقا ئۆزىنىڭ مىننەتدارلىقىنى ئېنگلىزتىلىدا ئىزھار قىلدى. ئۆز نۆۋىتىدە ئەزىز مۇھەممەتجان ئوغلىنىڭ  بۇ چوڭ ئۇتۇقى بىلەن تەبرىكلەيمىز ۋە قازاقىستانلىق ئۇيغۇر ئوغلانى بۇ قېتىملىق خەلقئارا كىنو پېستىۋالىنىڭ مۇكاپات ساھىبى ئەزىز مۇھەممەتجان جانباقىېۋنىڭ بۇنىڭدىن كىيىنكى خىزمىتىگە زور ئوتۇقلارنى تىلەيمىز. ئەزىز جانباقىېۋ مۇكاپاتلانغاندا چۈشكەن رەسىملەر ئۇيغۇر ئوغلى ئەزىز جانباقېۋ خىزمەت ئۈستىدە. مەنبەسى: شوخ كىنو تورى

!UYGHURJAN

	چەتئەللەردە بولسىمۇ تۇنۇلغاچ تۇرسۇن . مۇبارەك بولسۇن !

xamal113

	شۇ چەتئەلدە بولسىمۇ تۇنۇلسۇن، مۇبارەك بولسۇن.

фросс

	ياخشى بوپتۇ ... مۇشۇ ئۇيغۇر خەق يۇرتىدىن چەتكە ئايرىلىپ چىكەتسە بەك يامان بولاپ كىتىدىكەن .... مۇشۇ ھۆكىمتىمىز بىر تەتقىق قىلىپ باقسا بولماسمۇ دەيمەندە..نىمە ئۈچۈن!؟

tulpar12

	ياخشىكەن رەخمەت سىزگە

jalipkar!

	رەسىملىرى چىقمىدىغۇ .

arman100

	شۇ كىنونى يوللىۋەتكەن بولساڭلار ئالامەت بولاتتى جۇما گۈلى  گۈلىگە كىلەتتى.

sabir786

	مۇبارەك بولسۇن.....

abdul915

	фросс يوللىغان ۋاقتى  2013-3-6 04:13 PM ياخشى بوپتۇ ... مۇشۇ ئۇيغۇر خەق يۇرتىدىن چەتكە ئايرىلىپ ... ئۇ يەردىمۇ ئاسان ئەمەس قېرىندىشىم،  ئەسلى ئوبدان بىر چۆچۈمىدۇقمىكىن  دەيمەن