ئېغىز بوشلىقى ساقلىقنى ساقلاش بىلىملىرى(2)

kizzik99

	ئۆسمۈرلەردىكى ئېغىز كېسەلىكلەرگە سەل قارىماسلىق كېرەك. ئۆسمۈرلەرنىڭ سۈت چىشى چۈشۈپ ئورنىغا تۇراقلىق چىش ئالمىشىدىغان بولغاچقا كۆپۈنچى ئاتا- ئانىلار ئۆسمۈرلەردىكى چىش كېسەللىكلىرىگە سەل قارايدۇ. ئەمەلىيەتتە تۇراقلىق چىش سۈت چىشنى ئۆزىگە ئوزۇقلۇق قىلىپ شۈمۈرۈپ چىقىدىغان بولغاچقا، تۇراقلىق چىشنىڭ  ساغلاملىقى سۈت چىشنىڭ ساغلاملىقى بىلەن زىچ  مۇناسىۋەتلىك بولغان بولىدۇ. يەنە كېلىپ چىش ئالمىشىش  جەريانىدا كۆپۈنچى ئاتا- ئانىلار تۇراقلىق چىشلارنى ئالمىشىدىغان سۈت چىش دەپ قاراپ ئېغىز كېسەللىكلەرنىڭ تېخىمۇ ئېغىرلاپ كېتىشىگە سەۋەبچى بولۇپ قالىدۇ. كېسەللىك پەيدا قىلىدىغان ئامىللار 1.ئانىلارنىڭ ھامىلدار مەزگىلىدە ئوزۇقلۇقنى ياخشى تولۇقلىماسلىق ۋە ئېغىز بوشلىقى كېسەكللىكلىرىگە  سەل قاراش سەۋەبلىك ئىرسىيەت خارەكتىرلىك، چىشى نورمال يىتىلمەي باكتىريەگە قارشى تۇرۇش كۈچى ئاجىز بوپ قېلىشتىن  بالدۇر چىرىپ كېتىش. 2.ئۆسمۈرلەرگە كىچىدىكدىن باشلاپ ئېغىز تازىلىق ئادىتىنى يىتۈلدۈرمەسلىكتىن چىش ئويمىنى كاتاكچىلىرىدە باكتىريەلەر ئۇزۇن مۇددەت تۇرۇپ قېلىپ چىش ئېمال ماددىسى قىسمىنى غىدىقلىشى سەۋەبلىك بالدۇر چىرىپ كېتىش. 3. ئۆسمۈرلەردىكى بىر تەرەپلىمىلىك تاماق چايناش، بارماقلىرىنى شوراش، قەلەم چىشلەشتىن چىشنىڭ رەتسىز ئۆسۈپ قېلىشى سەۋەبلىك چىش بالدۇر چىرىپ كېتىش. 4.ئاتا- ئانىلارنىڭ ئۆسمۈرلەردىكى ئېغىز بوشلىقى كېسەللىكلەرگە سەل قاراپ، قەرەللىك تەكشۈرتىپ تۇرمسلىقتىن چىش چىرىپ كېتىش. 5.بازارلاردىكى تاۋارلاشقان ئەخلەت تۈردىكى يېمەكلىكلەرنىڭ زور مىقدارىدا ئومۇملىشىشى سەۋەبلىك ئۆسمۈرلەردىكى سۈت چىشنىڭ بالدۇر چۈشۈپ كېتىشى ۋە بالدۇر چىرىپ كامار شەكىللىنىشى. ئالدىنى ئېلىش. 1. ھامىلدارلىق مەزگىلدە كالتىسىي سىنىك مىقدارى، ئوزۇقلۇق قىممتى كۆپ بولغان يىمەكلىكلەرنى ئىستىمال قىلىش ياكى سىرتتىن تولۇقلاش. ھامىلدار مەزگىلدە چىش كېسەللىكلەرگە سەل قارىماي مەخسۇس چىش بۆلۈملىرىدە تەكشۈرتىپ ، ئېغىز بولىقىدىكى غەيرى ئەھۋاللارنىڭ ئالدىنى ئېلىپ تۇرۇش. 2.ئۆسمۈرلەگە كىچىدىكدىن باشلاپ ئېغىز تازىلىقى ئادىتىنى يىتۈلدۈرۈپ ئاخشىمى ۋە ئەتتىگىنى ئىككى ۋاق چىش چوتكىلاشقا ئادەتلەندۈرۈش. 3. ئۆسمۈرلەردىكى قەلەم چىشلەش ، قول شوراش، تاماق چايناش ئادەتلىرىگە دېققەت قىلىپ ھەر ئىككى تەرەپتە چاشناشنى تەشەببۇس قىلىش. 4.قەرەللىك ھالدا ئېغىز بوشلىقى بۆلۈملىرىگە ئېلىپ بېرىپ، تەكشۈرتىپ كېسەللىك ئەھۋالىنى بالدۇر بايقاپ چىش چىرىپ كېتىشنىڭ ئالدىنى ئېلىش. 5. بازارلاردىكى يىمەكلىلەرنىڭ تەركىۋىدە ئاساسەن چىرىتىش ماددىسى كۆپ بولغان بېرىكمە ھەم شىكەرماددىسى كۆپ بولغانلىقتىن چىشنى ئوڭايلا چىرتىۋېتىدۇ. شۇڭلاشقا يىمەك ئىچمەككىمۇ ئالاھىدە دېققەت قىلىش تولىمۇ زۆرۈر. تەييارلىغۇچى؛قىززىق

orkixi

	دىققەت قىلىشقا تىگىشلىك ئىشلاركەن .