شەنىڭگە تۈمەنمىڭ تۇتاي دەستە گۈل

كالتەك

	شەنىڭگە تۈمەنمىڭ تۇتاي دەستە گۈل                                        (شېھىت كەتكەن لوتۇننى ئەسلەپ)                      ئىمام ئىسمائىل ئىبنۇرى                                       پۈتۈمەن شەنىڭگە ئالقىشتىن داستان،                                       جۈر بولۇپ كۈلمەكتە زەڭگەر نۇر ئاسمان.                                       بارچە جان تەسسەددۇق ئۆچمەس ئەجرىڭگە،                                       ئوغلانسەن،مۈشكۈلدە زەپەرلەر قۇچقان.                                      جەم بولسا تۆت ئۇيغۇر ئارام كۈنلەردە،                                      تىلىدىن سەن ئۈچۈن بالمۇ تامىدۇ.                                      ۋادىرىخ! ئەل كۆزى ئەرلەرگە ئەللىك،                                      شەنىڭگە دىلىدىن گۈللەر تۇتىدۇ.                                     يازدىڭ سەن سايرامدەك ئۆرلەپ توختىماي،                                     زايا بوپ كەتمىدى ئوقلۇرۇڭ بىر پاي ؟!                                     ئېتىپ ئۆل،نامەرتتەك يېتىپ ئۆلگۈچە،                                     ئەجرىڭگە قەلبىمدىن نۇرلار چاقنىغاي.                                    ئاققۇزدۇڭ ساپ قان-تەر ئەلنىڭ شەنىگە،                                    ھەر بېتى ئۆمرۈڭنۈڭ شاھىت ۋەتەنگە.                                    تىل-تۇمار ئاسقۇم بار،ئالتۇن بويۇڭغا،                                    تەڭرى ئوڭ كۆزدە باققان ئەرەنگە ...                                   ئىجادنىڭ بېغىدا چاپتىڭ سەن ھارماي،                                   ياز-ئاياز مېھنەت قىپ كۈن-تۈن چارچىماي.                                   تاڭلاردىن-تاڭلارغا ئاقتىڭ نۇر كەبىي -                                   ئېلىڭگە قۇياشتەك باقتىڭ خۇش چىراي.                                  چىن شائىر بولغاچقا،خانتەڭرى مىسال،                                  جۇت-بوران قەھرىڭدىن بولدىغۇ ئوسال.                                  گۈلدەستە سۇنىمىز ئەسلەپ شەنىڭگە،                                  ئەلنىڭ چىن ئاشىقى تاپتى دەپ ۋىسال.                                 تۆكىلەر زەر ئالتۇن مىسرالىرىڭدا،                                 ئەل ئويى چېچەكلەر ھەر بىر ئويۇڭدا.                                 روھىڭدىن،ئىزىڭدىن روھلىنىپ ماڭدۇق،                                 خىسلەت بار ئەتىنى كۈتكەن قوينۇڭدا...                                 دوقالدىن مەڭدىمەي كىشنەپ ئاتلىدىڭ،                                 شۇمبۇيا تىكەندىن غەمسىز ياتمىدىڭ.                                 ھەركىمنىڭ بېشىغا كەلگەن ئەلەمنى،                                 قەلەمگە ئەمىرقىپ،بىرگە تارت دېدىڭ.                                تون پىشتۇق بويۇڭغا ئۇز ۋە چىرايلىق،                                شاھىنا كۆڭلۈڭدىن كۆچسۇن گادايلىق.                                تولۇن ئاي پارلىغان ئاپئاق كېچىدە،                                سەندىن شېئىر تىلىدى،يۇرت ۋە خالايىق.                                ئەل ئوغلى ئەل ئۈچۈن ئاققۇزغاندا تەر،                                قاغجىراق چۆللەرمۇ بولار يېشىل يەر.                                ئەل كەچكەن كېچىكتىن يانمىدىڭ زىنھار،                                ئۇنتۇلماس مېھنىتىڭ ئەلدە شام-سەھەر.                               چۆللەردە تىڭرىقاپ ئازغاندا يولدىن،                               بەقۇۋۋەت سېزىمەن ئۈپسەم پېشىڭدىن.                               ئۈلگۈسى بارچىنىڭ سەن بەرگەن ئۇدۇم،                               توۋلايمەن ‹‹ياشا›› دەپ يۈرەك قېتىمدىن.                              ئەل-ئاۋام ھۈرمەتتە،ساڭا تۇتار گۈل،                              شۇ گۈلنىڭ بەرگى سەن،ساڭا ئەل ئىجىل.                              يىلتىزىڭ تارىخ بوپ ياشنايدۇ ئەلدە ؟                              روھىڭ ھەم سولمايدۇ گويا تۆت پەسىل.                              كۈچ-ئۆملۈك-ئىناقلىق،مەڭگۈلۈك تېما،                              ئىنسانغا ئاپەتتۇر ئاداۋەت رىيا.                              روھ ئېلىپ سېنىڭدىن بارچە قەلەمكەش،                              رەزىللىك تۈنىگە چاچايلى زىيا.                              رازى بول ئەزمەت،رازى بول ئەبەت،                              ئالقىشلار سەن ئۈچۈن مەڭگۈلۈك تىل خەت.                              يوق ئارمان بىز ئۈچۈن ھايات-ماماتتا،                              ئەل ئۈچۈن سەن كەبىي بەرسەك بال-شەربەت . ئاپتورنىڭ ئىجازىتى بىلەن يوللىۋېتىلدى.2013.3.1

كالتەك

	ھەي لوتۇنۇم،- ساڭا بىرەر  ئىنكاسمۇ كەلمەپتۇ.................................!!!!!!!!!!!!!!!؟؟؟؟؟؟؟؟؟؟؟

abida123

	ئوزى يازغان ئوخشايدۇ دەپتىمەن...