ناھايىتى شەپقەتلىك ۋە مېھرىبان ﷲنىڭ ئىسمى بىلەن باشلايمەن
بارلىق ماختاش ۋە ئۇلۇغلۇق ئالەملەرنىڭ پەرۋەردىگارى ﷲغا خاستۇر.ﷲ ناھايىتى شەپقەتلىك ۋە مىھرىباندۇر.رەببىمىز ساڭىلا ئىبادەت قىلىمىز ۋە سەندىنلا ياردەم سورايمىز،بىزنى سەن ئىنئام قىلغان،سەن رەھىم قىلغان،نىجاتلىققا ئېرىشتۈرگەن كىشىلەرنىڭ يولىغا باشلىغىن،ئامىن!
سالام ۋە دۇرتلار ئالەملەرگە رەھمەت قىلىپ ئەۋەتىلگەن،بىزلەرگە توغرا ھەق يولنى كۆرسىتىپ بەرگەن پەيغەمبىرمىز مۇھەممەد مۇستاپا ئەكرەم سەللەلاھۇ ئەلەيھى ۋەسسەللەمگە ۋە ئۇ زاتنىڭ ئائىلە تاۋابىئاتلىرىغا،شۇنداقلا ساھابە كىراملىرمىزغا،ھەمدە تا قىيامەتكىچە ئۇل زاتقا ئەگىشىپ ھەقتىن تېيىپ كەتمىگەن،ﷲغا بەرگەن ۋەدىسىدە ئۈزۈل-كېسىل تۇرۇۋاتقان بارلىق ياخشى كىشلەرگە بولسۇن،ئامىن!
ئەسسالامۇئەلەيكۇم ھۆرمەتلىك ئېزىز قېرىنداشلار قېرندىشىڭلار مۇھەممەد ئەلى دەستۇر دىن سىلەرگە سالام.ئاللاھنىڭ ھەق ۋەدىسى شۇكى "زامان بىلەن قەسەمكى،ئىمان ئېيتقان،ياخشى ئەمەللەرنى قىلغان بىر-بىرىگە ھەقنى تەۋسىيە قىلىشقان،بىر-بىرىگە سەۋرىنى تەۋسىيە قىلىشقان كىشىلەردىن باشقا ھەممە ئادەم زىيان ئىچىدىدۇر".ئۇشبۇ ئايەت كەرىمىنىڭ ئىلھامى ۋە دىن يولىدا ئۈزلۈكسىز تېرىشىپ تۆھپە قوشۇپ كېلىۋاتقان بىر قىسىم قېرىنداشلىرىمىزنىڭ ئۇيغۇر مۇسۇلمانلىرىنىڭ بەختى ئۈچۈن كۆيگەن ئوتلۇق يۈرىكى پېقىر مۇھەممەد ئەلىنى ھەم ﷲ يولىدا مىللىتىمىزنىڭ خىزمەتلىرىدىن بولغان ئازراق تىلغا ئالغۇچىلىكى بولمىغان بىر ئىشقا ئۆزنى قىزىقتۇرۇپ كەلدى دەپ ئېيتقان ئىدىم ﷲنىڭ ئىلتىپاتى بىلەن بۈگۈن ساھابىلەر ھاياتى دېگەن كىتاپنىڭ لۇغەت نۇسخىسىنى سىلەر بىلەن يۈز كۆرۈشتۈرۈشكە نىسىپ بولۇپتۇ،گەرچە بۇ كىتاپ ئاللىبۇرۇن ئاندرويد دېتالى قىلىپ ئىشلەنگەن بولسىمۇ،لېكىن باشتا دەپ ئۆتكىنىمدەك بۇ مەن ئۆزۈم سۆيۈپ ئوقۇيدىغان ئۈچ كىتاپنى ئۆزۈم قول سېلىپ ئىشلەش نىيتى كۆڭلىمگە پۈكۈپ كەلگەن ۋە تۇنجى بولۇپ ياخشى كىشلەرنىڭ باغچىسى ناملىق كىتاپنى ھوزۇرۇڭلارغا سۇنۇشقا مۇۋەپپەق بولغان ئىدىم.نىمىلا بولمىسۇن مەن بۇ ئىشنى ﷲنىڭ ئىلتىپاتى بىلەن پۈتكۈزۈشكە نىسىپ بولدۇم،گەرچە بۇ كىتاپ ئاللىبۇرۇن بولسىمۇ،مەن تۈزگەن بۇ نۇسخا ماتىريال تۆۋەندىكىدەك بىر قانچە جەھەتتىن ئارتۇقچىلىقلارغا ۋە ئۆزگىچىلىككە ئېگە بولغانلىقتىن يەنلا كۆپچىلىكنىڭ ھوزۇرغا سۇنۇشنى لايىق تاپتىم.
1-مەزكۇر ماتىريال Bluedict لۇغىتىنىڭ ساندانى قىلىپ ئىشلەنگەن بولۇپ سىز پەقەت شۇ لۇغەتنىڭ ساندان ھۆججەت قىسقۇچ ئىچىگە ساقلاش ئارقىلىق،پەقەت شۇ دېتال بولسىلا ئايرىم دېتالىنى قاچلىماي تۇرۇپمۇ پايدىلىنالايسىز.
2-سىز لۇغەتنى قوزغۇتۇپ ساھابلەرنىڭ ئىسمىنى كىرگۈزسىڭىزلا شۇ ساھابىنىڭ ھاياتى بىلەن تونۇشۇش مەخسىتىگە يىتەلەيسىز.
17 مىنۇت ئالدىدا چىقىرىش
چۈشۈرۈش (130.35 KB)
17 مىنۇت ئالدىدا چىقىرىش
چۈشۈرۈش (229.2 KB)
3-ئالاھىدە تەكتلەشكە تىگشلىك يەنە بىر تەرپى بولسا ئايرىم مۇنەرىجە بىرىلگەن بولۇپ سىز پەقەت لۇغەتنىڭ ئىزدەش سۇپۇسىغا مۇندرىجە دېگەن سۆزنى كىرگۈزسىڭىز بارلىق ساھابلەرنىڭ ئىسملىرى رەت تەرتىۋى بوينچە تەمنلەنگەن بولۇپ،سىز شۇ مەزمۇندىكى كۆك خەت مەزمۇنىنى چەكسىڭىز بىۋاستە شۇ ساھابە كىراملىرمىزنىڭ ھاياتى تونۇشتۇرۇلغان سەھىپىگە بىۋاستە ئۇلاپ بىرىدۇ.
16 مىنۇت ئالدىدا چىقىرىش
چۈشۈرۈش (102.77 KB)
16 مىنۇت ئالدىدا چىقىرىش
چۈشۈرۈش (129.51 KB)
16 مىنۇت ئالدىدا چىقىرىش
چۈشۈرۈش (187.82 KB)
ﷲنىڭ ئىلتىپاتى بىلەن بۇ خىزمەتنى قولىمىزدىن كېلىشىچە سۈپەتلىك قىش ئۈچۈن تىرىشتۇق،گەرچە قولىمىزدىن كېلىشچە تىرىشقان بولساقمۇ،لېكىن بىلىم سەۋيىمىزنىڭ تۆۋەن بولىشى،تىرشچانلىقىمىزنىڭ يېتەرلىك بولماسلىقى سەۋەبلەر تۈپەيلىدىن بۇ ماتىريالنى تەييارلاش، رەتلەش جەريانىدا يەنە نۇرغۇنلىغان مەسىلىلەر ساقلانغان بولىشى مۇمكىن,شۇڭا قېرىنداشلارنىڭ ساقلانغان مەسىلىلەرگە قارتا قىممەتلىك تەكلىپ-پىكىرلەرنى بېرىشلىرىنى تۆۋەنچىلىك بىلەن سورايمىز،ھەمدە بۇ ماتىريالدىن ئازدۇر-كۆپتۇر مەنپەت ئېلشىڭلارغا تىلەكداشمىز .
ئاخىردا ﷲنىڭ ھەر بىر ياخشى ئىش قىلغۇچى بەندىسى قاتاردا بىزنىڭ بۇ ئەملىمىزنى قوبۇل قىلىشىنى،شۇنداقلا قېرىنداشلىرىمىزنىڭ بۇ ماتىريالدىن ھەر بىر پايدىلانغان ۋە ئوقۇغان ۋاقىتلىرىدا مۇشۇنداق ئېسىل سۈپەتكە ئىگە،بىزلەرگە ھەقىقەتكە قانداق ئېسلىپ مىڭىش،ﷲنى ۋە ﷲنىڭ رەسۇلىنى قانداق سۆيۈش،ئىسلامى قانداق يەتكۈزىش دېگەندەك چوقۇم ئۆگنىش كىرەك بولغان بىلەملەرنى بىزلەرگە يەتكۈزگەن،ئۆز ھاياتىدا پەقەتكىنا ﷲ رىزاسى ئۈچۈن ياشاپ ﷲ ھەق سۇباھنى ۋەتالانىڭ قۇرئاندا تۆۋەندىكىدەك ، يەنى:«پەيغەمبەر پەرۋەردىگارى تەرپىدىن ئۇنىڭغا نازىل قىلىنغان كىتاپقا ئىمان كەلتۈردى،مۆمىنلەرمۇ ئىمان كەلتۈردى،ئۇلارنىڭ ھەممىسى ﷲقا ۋە ﷲنىڭ پەرىشتىلىرىگە،كىتاپلىرىغا ۋە پەيغەمبەرلىرىگە ئىمان كەلتۈردى(ئۇلار)ﷲنىڭ پەيغەمبەرلىرىنىڭ ھېچبىرىنى ئايرىۋەتمەيمىز(يەنى ئۇلارنىڭ بەزىسىگە ئىمان ئېيتىپ،بەزىسىگە ئىمان ئېيتماي قالمايمىز)دەيدۇ.ئۇلار ئىھ رەببىمىز!بىز (دەۋتىڭنى) ئاڭلىدۇق ۋە(ئەمرىڭگە)ئىتائەت قىلدۇق،پەرۋەردىگارىمىز،مەغپىرتىڭنى تىلەيمىز،ئاخىر ياندىغان جايمىز سىنىڭ دەرگاھىڭدۇر،دەيدۇ.».دەپ سۈپەتلىگەنىدەك ۋە باشقا ئايەت كەرىملەردە سۈپەتلىگەندەك دۇنيا ۋە ئىنسانلار تۆرەلگەندىن تارتىپ تا بۈگۈنگە قەدەر بەلىكى تا قىيامەتكىچە بولغان ئىنسانلارنىڭ ئەڭ شەرەپلىكرەكى،ئەڭ ئېسلى كىشلىرى،ھەقنى ئەڭ ۋايغا يەكۈزىش پەقەتكىنا ھەقنى ئەڭ ۋايغا يەتكۈزۈش ئارقىلىق ئۆزلىرنىڭ ھەق ﷲ سۇبھانى ۋەتالانىڭ ئالدىدىكى ئىززىتىنى ئاشۇرغان،ئىنسانلار جەميىتنىڭ ئۈلگىسىگە ئايلانغان بۇ شەرەپلىك كىشلىرمىزنىڭ،سۆيۈملىك كىشلىرمىزنىڭ نامىدا ئۈزۈلدۈرمەي دۇئا قىلىپ تۇرۇشلىرىنى،ھەر ۋاقىت ئۇلارنىڭ سايسىدا مېڭىپ دىننى ئالى قىلىش،ھەقىقەتنى بىر ھەق سۆيەر،دىن سۆيەر،خەلق سۆيەر،مىللەت سۆيەر كەبى مىللىتىمىزگە شۇنداقلا پۈتكۈل ئىنسانىيەت جەميىتىگە يەتكڭۈزىشتە مۇستەككەم تۇرۇش ئۈچۈن جەم بولۇشلىرىڭلارنى چىن قەلبىمدىن ئۆمىد قىلىمەن! شۇنداقلا بىزلەرنىڭ ھەق يولدى تېيلىپ كەتمەسلىمىز،ﷲنى چىن سۆيگۈچىلەردىن بولشىمىز ئۈچۈن بىزلەرنىڭ نامىمىزدا ھەم خەيرلىك دۇئا قىلىپ قويۇشلىرىڭلارنى ئۈمىد قىلىمىز.
ئەڭ ئاخىردا شۇنى دېگىم كىلۋاتىدۇكى بۇ كىتاپ بولسۇن ياكى قۇرئان بولسۇن قانداق ئوقۇش مەسلىسى توغرىسىدا ئازراق توختالغۇم كىلۋاتىدۇ.چۈنكى مەن ئويلايمەنكى بۇ مەسلە بىز بىلەن ساھەبلەرنى ئايرىپ تۇرۋاتقان،بىزلەرنىڭ ئېزىپ كىتشىمىزگە سەۋەب بولۋاتقان بىر مەسلە بولشى مۇمكىن!ئۇنداق بولسا ئۇ زادى قايسى مەسلە؟بۇ دەل بىزنىڭ بۇ كىتاپلارنى قاندەق پوزىتسىيەدە ئوقۋاتقانلىقىمىز.ئەجبا ساھابە كىراملىرىمىز ئوقۇغان ئەمەل قىلغان شۇ قۇرئان ھازىر ھەم ھېچبىر ئۆزگەرمەستىن بىزلەرگە يىتىپ كەلدى،پەيغەمبىرمىزنىڭ سۈننەتلىرى ھەم،خوش!ئۇنداق بولسا بىز مۇسۇلمانلار نىمە ئۈچۈن بۇ دەۋىرگە كەلگەندە شۇ كىشلەر يەتكەن ئېسىل شەرەپكە،ئۇلۇغلۇققا ئىرشەلمەيمىز؟!نىمە ئۈچۈن؟!
جاۋاب بىر!يەنى مەن ئويلايمەنكى بىزنىڭ بۇ كىتاپلارنى ئوقۇش ئۇسۇلمىز ساھابە كىراملىرمىز بىلە ئوقۇش ئۇسۇلىمىز ئوخشاش بولماي قېلۋاتىدۇ.ئۇنداق بولسا ئۇلار قۇرئاننى قانداق ئوقۇغان؟ئۇلار بىزدك پەقەت ساۋاب تېپىش ئۈچۈنلا قۇرئان ئوقۇغانمۇ؟ياق!ياق!!!بەلكى ئۇلار قۇرئاننى بىلۋىلىش ئۈچۈن ئوقۇغان،بىلگەنلىرىگە ئەمەل قىلىش ئۈچۈن ئوقۇغان.بۇ توغرىسىدا مەن مەلۇم بىر ساھابىمىزنىڭ تۆۋەندىكىدەك بىر ھىكايسىنى سۆزلەپ ئۆتىمەن،ئۇ كىشى شۇنداق دەيدۇ:«قۇرئاندا ﷲ ھاق سۇبھانى ۋەتالا سىلەر باشقىلارنىڭ ئۆيگە كىرىشتە ئىجازەت سوراپ كىرىڭلار،ئەگەر ئىجازەت بىرلىمىسە قايتىپ كىتىڭلار،سىلەرنىڭ ئۇدۇللا كىرشىڭلاردىن،ئىجازەت ئېلشىڭلار تېخمۇ ياخشىدۇر دېگەن ئايەت نازىل بولغاندىن باشلاپ مەن دائىم ئىشىم بولمىسا ھەم باشقىلارنىڭ ئىشكنى چېكەتتىم،پەقەت قاچان بىرى قايتقىن،دىسە مەن ھەم شۇ ئايەتكە ئەمەل قىلغانلىقنىڭ ساۋابىنى ئالسام دەپ ئويلايتىم،لېكىن مەن بىرەر قېتىم ھەم رەت قىلىنمىدىم».ئويلاپ كۆرەيلى قېرنداشلار بۇ جۈدە كىچىك مەسلە بولسىمۇ،ئارمىزدا كىم باشقىلارنىڭ ئۆيگە بېرىپ ئىشىك چەكسە ئۆي ئىگسى ئىشىكنى ئېچىپ،كەچۈرۈڭ باشقا بىر ۋاقىتتا كىلىڭ،سىزنى ھازىر قارشى ئالالمايمەن دېگەن مۇئامىلىگە ئۇچراشنى خالايدۇ؟ئىشنىمەنكى نورغۇن قېرنداشلىرمىز بۇنداق گەپنى ئاڭلاپ قالدىغان بولسا شۇ كىشى بىلەن،ئەگەر ئۇ كىشى ئەڭ يېقىن دوستى بولسا ھەم ئالەمچە نارازلىق ۋە خاپلىق بىلەن قايتىدۇ،لېكىن ئەنە شۇ ساھابە كىراملىرمىز ئۇنداق قىلمىغان!ئۇلار كۆڭۈللىرىدە ﷲ رىزالىقى ئۈچۈن بىر ئىش قىلىشنى پۈتكەنلىكتىن ئۇلار ھەم قايتۇرۋىتلمىگەن،دوستلار شۇڭا بىز ﷲ رىزاسىنى تىلەيدىغانلا بولسا ئىنشائاللا بىزلەر ھەم ھەر جايدا قارشى ئېلىنىمىز،ھۆرمەتكە سازاۋەر بولمىز!دېمەك ساھابە كىراملىرمىزنىڭ كىتاپ ئوقۇش مەخسىتى پەقەت كىتاپ ئوقۇپلا ساۋاب ئېلىش ئەمەس،بەلكى ئوقۇغانلىرىغا ئۈزىل-كىسىل ئەمەل قىلىش ئارقىلىق ساۋاب تېپىش ۋە ﷲنىڭ رازىلىقىنى ئىزدەش ئۈچۈن.بەزى كىشلەر بىزنىڭ بۇ ئۇلۇغ كىشلىرمىزنىڭ بۇ تەرجىمھالىنى ئوقۇسا خۇددى رىيانلىقتا يۈز بىرىپ باقمىغان،ئەزەلدىن بۇنداق شەخسلەر ئۆتۈپ باقمىغان كەبى ئويلاپ قالىدۇ،چۈنكى ئۇلارنىڭ نورغۇن بەلىكى ھەر بىر ئىش ئىزلىرى دېمىسىمىۇ ھازىرقى ئىنسانلارنىڭ ئوي خىيالى بوينچە بولغاندا ئۇلارنى تارخى بىر شەخىس ئەمەس بەلكى رىۋايەتلەردىكى بىر شەخىس كەبى تۇيغۇغا سېلىپ قويدۇ ،بۇ ئەجبلىنەرلىك ئەمەس چۈنكى بىز شۇلارنى چۈشۈنىش،ئۇلارنى ھەقىقى تونۇش پۇرسىتىدىن ئۇزۇن زامانلار خەۋەرسىز قالدۇق،ئۇلارنى غايۋى شەخىس قاتاردا چۈشۈنىپ كەلدۇق،لېكىن مەن ۋە ھەقىقەت شۇنداق جاكارلايدۇكى ئۇلار تارىختا مۇشۇ يەر شاردا ياشاپ ئۆتكەن،بىزلەرگە ئوخشاش يەپ -ئىچىدىغان،بىزلەرگە ئوخشاش ﷲ تەرپىدىن يارتىلغان ھەقىقى ياشاپ ئۆتكەن شەخسلەردۇر،دۇنيانى زىلزىلىگە سېلىپ،كۇپرى،ھەقىقەتسىزلىكنى ئۆرۈپ تاشلاش ئۈچۈن ئۆزلىرىنى ھەقىقەت ئۈچۈن ئاتغان باتۇر تۆھپىكارلاردۇر!سىز ئۇلارنىڭ ھاياتنى رومان چۆچەك ئوقغاندەك ئەمەس بەلكى مەن دەۋاتقاندەك،ھەقىقەت ئۆگەتكىنىدەك ئوقيالىسىڭىز شۇندىلا سىز بۇ بۆيۈك كىشلىرمىزنى ھەقىقى تونۇش،چۈشۈنىش مەخسىتىگە يىتەلەيسىز،ﷲ ئىگەم ھەر-بىرمىزنى ھەقنى چۈشنىدىغان،ھەق-ناھەقنى ئايرىيالايدىغان كىشلەردىن قىلسۇن،بىزلەرنى ساھابە كىراملىرمىزنى چىن دىلمىزدن سۆيدىغان كىشلەردىن قىلسۇن!!!
مۇھەممەد ئەلى باشچىلىقىدىكى دەستۇر ئۇيغۇر ئىجادىيەت گۇرۇپپىسىدىن.(بۇ گۇرۇپپا بولسا مۇشۇ ئىشنى تۇنجى قىلىش مەقسىتىگە بىر يەرگە توپلانغان دوستلارنىڭ بىر يەرگە جەم بولىشى بىلەن قويۇلغان بولۇپ تېخى ھىچ بىر ئىشنى ۋۇجۇدقا چىقارماي تۇرۇپلا مۇشۇنداق نامنى قويۋالغانلىقىمىزنى مەسخىرە قىلماسلىقىڭلارنى ئۈمىد قىلىمىز،لېكىن ﷲ خالسا بىز دېنىمىمىزنى، مىللىتىمىزنى سۆيۈشتە ھەقىقەتكە مەھكەم ئېسلىپ مېڭىشتا دەس تۇرغۇچىلارمىز!بىز ئۇلۇغ دەستۇرمىز قۇرئانغا ئەمەل قىلشتا دەس تۇرغۇچىلارمىز! بىز ﷲنىڭ كالامى ۋە سۈننىتى مۇھەممەدىيەنى مىللىتىمىزگە يەتكۈزۈشتە دەس تۇرغۇچىلارمىز! )
2013-يىلى 3-ئاينىڭ 1-كۈنى
مىسرانىم توردىكى قېرنداشلارنىڭ ئۇلۇغ جۈمە كۈنسىگە مۇبارەك بولسۇن!!!
ئەسلى تىما ئالىپ توردىن كۆچۈرۈپ ئېلندى،تىما ئادرىسى:
http://alip.biz/thread-7992-1-1.html
يوللىغان ۋاقتى 2013-3-1 12:56:16 PM
