50ياشلىق ئادەمنىڭ 3 قېتىم ساۋاتسىز بولىشى .

`aytulun

	50 ياشلىق ئادەمنىڭ  3 قېتىم ساۋاتسسىز بۇلىشى مەن بىر كۈنى بىر دوستۇمنىڭ ئويىگە مىھماندارچىلىققا بارسام تۇيۇقسىزلا 50 نەچچە ياشلارغا كىرگەن بىر ئادەم كىرىپ كەلدى ،بىز بىلەن سالاملىشىپ بولۇپ گەپنى ئىنتايىن مەنىلىك قىززىق گەپتىن باشلىدى ،ئاداش مەن يەنە بىر قېتىم ساۋاتسىز بولۇپ قاپتىمەن دەپ كۈلۈپ كەتتى ،بىز دەرھال نىمە دىمەكچى بولغىنىنى چۈشىنەلمەي قالدۇق ،ئۆي ئىگىسى ۋوي نىمە دەيسەن ئاداش چۈشىنىكسىز گەپتىن بىرنى قىلدىڭغۇ ئەمدى دىگەنتى ئۇ ئادەم كۈلۈپ تۇرۇپ ،مەن ئەسلى باشلانغۇچ ئوتتۇرا مەكتەپنى يېڭى يېزىقتا ئوقۇغان، ئەمدىلا خىزمەتكە چىقىپ بىر نەچچە يىلدىن كېيىن يېڭى يېزىق ئەمەلدىن قېلىپ كونا يېزىقنى  يولغا قۇيىشى بىلەن مېنىڭ ساۋاتسىزلىق ھاياتىم يەنە باشلاندى ،ئىدارىدىن مائاش تارقاتقاندا ۋە باشقا ئىشلاردا قول قۇيۇشقا توغرا كەلسەئۆزەم يازالمىغاندىكىن باشقىلار ماڭا ياردەم قىلىپ قول قۇيۇپ  بېرەتتى ،مەن ھەر قېتىم مائاش ئالغىلى كاسىر قېشىغا كىرسەم بىر قېتىم خىجىللىق ھىس قىلاتتىم ،باشقىلارنىڭ ساۋاتسىز دەپ كوزگە ئىلماسلىقىدىن ئەنسىرەيتىم ،توي قىلىپ  بالىلىق بولۇپ ئوغلۇممۇ مەكتەپكە كىردى ،مەندىن كىتاپتىن بىلەلمىگەن ئوقالمىغان خەتلەرنى دائىم سورايدىغان بولىۋالدى ،مەن بۇ خەتلەرنى تونىمايمەن بالام دىسەم سەن مېنىڭ دادام تۇرۇپ نىمىشقا خەت تۇنىمايسەن ؟سەن مەكتەپتە ئوقۇمىغانمۇ ؟دىگەندەك سۇئال نەزىردىكى كۆزلىرىدىن ھەمىشە ئوزەمنى قاچۇراتتىم ۋە بۇ كىچىك بالىغا نىمە دەپ چۈشەندۈرۈشنى بىلەلمەي قاتتىق ئوڭايسىز ھالغا چۈشۈپ قالاتتىم، شۇنىڭ بىلەن كونا يېزىقنى ئۈگۈنۈپ ساۋاتسىزلىق ھاياتىمنى ئاخىرلاشتۇرۇش قارارىغا كەلدىم ،شۇنداق تىرىشچالىق كورسىتىپ ئاخىرى كونا يېزىق  ساۋادىمنى چىقاردىم ،ئىدارىدا قول قويىدىغان ئىشلار بولسا تىنىمەستىن ئوزەم قول كۇيدىغان بولدۇم ،ئوزەمنىڭ ساۋاتسىزلىقتىن قۇتۇلۇپ ساۋاتلىق ئادەم بولالىغانلىغىمدىن ئىنتايىن خوشال بولۇپ زىممەمدىن ئېغىر يۈكنى ئېلىۋەتكەندەك ھىس قىلغان ئىدىم ،كىم بىلدى بۇ ساۋاتسىزلىق ھاياتىمنىڭ يەنە بىر قېتىم باشلىنىشىنى ،بۈگۈن ئىدارىدىن چاقىرتىپتىكەن بىر ئانكىتنى توشقۇزۇپ قول قوي دەپ ،ئوزەمچە پوچى ئوز يېزىقىمىزدا توشقۇزىۋاتسام ئىدارىنىڭ خەنزۇ كاسسىرى خەنزۇچە توشقازغىن دەيدۇ ،مەن نىمىشقا ئۇيغۇرچە توشقازمايمەن دىسەم ھازىر ئۇيغۇرچە ئىشلەنمەيدۇ بۇندىن كېيىن چۇقۇم خەنزۇچە توشقۇزىسەن دىگەنتى مېنىڭ بېشىمدىن بىر قاپاق سۇ تۆكۈلگەندەك سوغۇق تەرگە چۆمۈپ كەتتىم ،مەن يەنە بىر قېتىم ساۋاتسىز بولۇپ قاپتىمەن-دە دەپ ،ئاداش ئويلاپ باقە بۇ قانداق گەپ بولۇپ كەتتى، ئەمدى 50تىن ئېشىپ يېزىق ئوزگىرىش دولقۇنى بىلەن 3 قېتىم ساۋاتسىز بولۇپ قالسام بۇ نىمە دىگەن  تەڭسىزلىك ،بۇنىڭغا يىغلايمۇ يا كۈلەيمۇ سەن دەپ باققىنە دوستۇم ،بىزمۇ شۇنداق كۈلۈشۈپ كەتتۇق ،ۋە قاتتىق ئازاپلاندۇق مەن ئويگە قايتقاندىن كېيىن 50 يىل ئىچىدە  3قېتىم يېزىق ئوزگەرتكەن بىزگە ئوخشاش مىللەتتىن يەنە بىرى بارمىدۇ دۇنيادا دەپ ئويلىنىپ قالدىم ،ئۇزۇنغىچە بۇ ئىش خىيالىمدىن زادىلا چىقمىدى ،بۇ 50ياشلىق ئادەم ئوقۇمىدى ئەمەس ئوقۇدى لىكىن يېزىقنىڭ ئالمىشىشى بىلەن بىر كېچىدىلا ساۋاتسىز ئادەمگە ئايلىنىپ قالدى ،مۇشۇ يېزىق ئالمىشىش تۈپەيلى 10يىل ئۆگەنگەن بىلىمىدىن ئايرىلدى ،بۇنىڭدىن باشقا شۇ دەۋىردىكى ئادەملەرچۇ؟ 70،60-يىللىردا يېزىلغان يېڭى يېزىقتىكى رومانلارنى ئوقۇيدىغان شۇ زامان كىشىلىرى  يېزىق ئوزگەرگەندىن كېيىن كىتاپ ئوقۇشتىن مەھرۇم قالدى دىگەن گەپ ،كىتاپ ئوقۇشتىن مەھرۇم قالدى دىگەلىك دۇنيانى چۈشۈنىش پۇرسىتىدىن مەھرۇم قالدى ،بىلىمدىن يىراقلاپ كەتتى دىگەن بولمامدۇ ،تىل يېزىق دىگەن بىر مىللەتنىڭ تارىخىنى دەۋىر –دەۋىرلەرگە ئۇلايدىغان ئەنئەنىۋى مەدەنىيەتنىڭ يىپ ئۇچى تۇرسا ،بىز نىمە ئۈچۈن مۇشۇ مەسىلىگە ئىنتايىن ئىتىبارسىز قارايمىز ،ئەمىلىيەتتە يېزىق بىلەن ئانا تىل بىر مىللەتنىڭ جىېنى شۇنداقلا پەخرى ،بۇنىڭدىن ئايرىلغان مىللەت سۇ كوپۈكچىسىگە ئوخشاش ھامان بىر كۈنى يەر شارىدىن غايىپ بولىدۇ ۋە يوقۇلۇپ كىتىدۇ ،50يىل ئىچىدە 3قېتىم ساۋاتسىز بولۇپ قالىدىغان تەغدىرنىڭ قايتا تەكرارلانماي مەڭگۈ بىزدىن يىراقلاپ كىتىشىنى تولىمۇ ئۈمۈت قىلىمەن.

jiuxing

	بەكمۇ جايىدا يېزىلغان ياخشى ماقالىكەن ....مۇشۇنداق يېزىقنىڭ تولا ئۆزگىرىشى بىلەن ساۋاتسىزلىق تۈگۈمەيۋاتىدۇ ئەمەسمۇ؟ ھازىرچە 3 قېتىم ساۋاتسىز بولغان بىلەن يەنە بىر مەزگىل ئۆتسە ئېنگىلىسچىنى ئۇقماي 4 - قېتىم ساۋاتسىز بولۇشىمۇ مۈمكىن....ئەرەپچىنى ئۈگەنمىسە 5 - قېتىم ساۋاتسىز بولۇشىمۇ مۈمكىن..... شۇڭا دەيمەن ھەممەيلەن ساۋاتسىز قېلىشنىڭ ئالدىنى ئېلىش ئۈچۈن بىر قانچە خىل تىل - يېزىقنى ئۈگۈنۈپ قويۇڭ....

xamal316

	ئاجايىپ مەنىلىك ئەسەر يوللاپسىز،رەھمەت ،اللا ئەجرىڭىزنى بەرسۇن!!!!

-ئۈمىد-

	نىمە ئۈچۈن ھەممە ئىشلارنى شۇقېرىنداش مىللەتلەر باشقۇردىغاندۇ،   پۇل دىسە بىزنىڭ شىنجاڭ دىمۇبا،  شۇكان، شۇگازلارنى  پالان پۇلغا ساتتۇق دەيدىكەنۇ، ئەمەلىي بىرئىش قىلسا بولمامدىغاندۇ، بىنا سالدۇقدەپ ھەممىمىزنى كاتەككە سولىۋىلىپ بۇرۇنقىدەك ئىشلار قالماپتۇ...

بىئوگېن

	شۇنداق، مىنىڭ داداممۇ ھەربىي لىكىن ساۋاتسىز ئىكەن

1arman

	تىمىدا تىلغا ئېلىنغان ئاۋۇ ئادەم ھەر ھالدا ساۋاتسىز ئەمەسكەن،ئۆز ئانا تىل-يېزقىنى بىلدىكەن، باشقا تىل-يېزىققا كەلسەك مەجبۇرلانمىساقمۇ تىرشىپ ئۈگەنگەن ياخشى،ھېچ بولمىغاندا ئۆز ئارا تىل-يېزىق ئالاقىمىزدا بولسىمۇ ‹    ›لىقىمىزنى پەش قىلماي ئۆز ئانا تىل-يېزىقىمىزنى ئىشلىتەيلى! خەخ ئۆز ئانا     تىل-يېزقىمىزغا بولغان مىھىر-مۇھاببىتىمىزنى كۆرسۇن.

بەردەم

	توغرا دەيسىلەر. ياخشى جايىدا يېزىلغان، ئەمەلىيەتنى چىقىش قىلغان تېما ئىكەن.

yikqi

	ئەھمىيەتلىك تىما ئىكەن ،رەھمەت

!UYGHURJAN

	بىر مىللەت يەنە بىر مىللەتنى ئىدارە قىلىۋاتقان بۈگۈنكى جەمىيەتتە بۇنداق ئىشلار بوپ تۇردۇ . بىزنىڭ ساۋاتسىز بوپ قېلىشىمىز ئۈزىمىزنىڭ مەيلى ئەمەستە ! ؟؟؟؟؟؟؟؟؟؟؟؟