ھەسرەتلىك سادا

گۈلزارلىق مىنى تۈنجى قىتىم ئۆز قوينىغا چىللىدى،گۈلزارلىقتىكى گۈللەر خۇددى يىگىتلەرنىڭ بويىغا يەتكەن چېغىدەك جىلۋىلىك ھەم شوخ،كىشى قەلبىنى ئوغرىلاپ قاچىدىغان دىلبەردەك نازۇك،شۈنچە خۇيلۇق شۈنچە خۇشپۇراق ئىدى. ~a7@O^q4  
مەن گۈلزارلىقتىكى گۈللەرنىڭ خۇشپۇراق ھىدى بىلەن ئىختىيار تىزگىنىم قولۇمدىن قاچماقتا ئىدى.دۇنيا پەقەت مەن ئۈچۈنلا يارالغاندەك ھەممە نەرسە ئۆز ئەركىنى مىنىڭ ئەقلى ھۆكۇمرانلىقىمغا  تاپشۇرۇپ بەرگەندەك شۇقەدەر مۇلايىم،شۇقەدەر رايىش بىلىنەتتى.گۈللەر بەرگىدىكى قۇياش نۇرىدا جىلۋە قىلىپ تۇرغان سۈزۈك شەبنەم تامچىلىرى ئىچىدىن سىنىڭ تاڭ سەھەرنىڭ جانغا راھەت بەخش ئەتكۈچى شامىلىنىڭ يەلپۈشى بىلەن ئىچىلغان غۇنچىدەك تەبەسسۇم بىلەن ۋىللدە كۈلۈشلىرىڭ نامايەن بولدى.مەن گۈلزارلىقتا ئۆز ئەركىم بىلەن خالىغىنىمنى قىلىپ مەغرۇر ۋە ھاكاۋۇرلۇق بىلەن يۈرۈپ بەخت ئالىمىنىڭ پولات قوۋۇقىنى چىكىپ ئۈلگۈردۈم. بىراق ئىختىيار تىزگىنىنى باشقۇرالماي گۈلزارلىقتا مەئىشەت شارابىنىڭ جامىنى تاشقا ئۇرۇپ گۈللەرنى دەسسەپ چەيلەپ گۈللەر شىخىدىن قان تامدۇرۇپ خازان ئەيلىدىم .ئاھ... گۈزارلىق ماڭا ياشلىق شەربەتلىرىنى تېتىتىپ دۇنيانىڭ نەقەدەر تاتلىق ھەم شىرىنلىكىنى ھىس قىلدۇرغانتى ھە! ئۇنىڭ ئەكسىچە مەن ۋاپاغا جاپا قىلدىم.ئاقىۋەت تەبىئەت مەندىن دەھشەتلىك ئۆچ ئالماقچى بولغاندەك قىلاتتى،بىردىنلا كۈن ئۆزىنىڭ قاناتلىرىنى يىغىپ مەغرىپ سارىيىغا ئورۇن ئىلىشى بىلەن كېچە قاغىلىرى قارا پەيلىرىنى پۈتۈن ئالەمگە ياپتى. ھەممە قاراڭغۇلىشىپ ھىچنىمىنى كۆرەلمەي تۈن قاراڭغۇسىدا ئايىغىم ئاستىدىكى چەيلەنگەن گۈللەر غولىدىكى تىكەنلەر قىساس ئالماقچى بولۇپ تاپىنىم ئاستىدىن بىر-بىرلەپ سانچىلماقتا،پۈتۈن ئەتراپتىكى گۈللەرنىڭ تىكەنلىرىمۇ نەشتەردەك سانچىلىپ مىنى قاتتىق ئازاپلىماقتا ئىدى.بۇ گۈلزارلىق ماڭا قىلغان ئىلتپاتلىرىغا قانائەت ئەيلىمەي قىلغان ئەسكىلىكىمنىڭ مۇكاپاتى سۈپىتىدە مەندىن ھىساپ ئىلىشى ئىدى،مەن قاتتىق ئاغرىق ئازابىغا چىدىماي ئاسمانغا ئۈمىد بىلەن قاراپ ئۆزۈمنىڭ نىجاتلىق يۇلتۇزۇمنى ئىزدەپ «قۇتقۇزۇڭلار..» دەپ قاتتىق نالە قىلدىم.بىراق مىنىڭ بۇ نالەمگە جاۋابەن گۈلزارلىقتا بىرگە شاتلانغان-كۈلگەنلەردىن ھىچ بىر سادا چىقمىدى.ئەكسىچە ھەممە ماڭا نەپرەتلىك كۆزلىرى بىلەن قارىماقتا ئىدى.مەن ئامالسىز سۈكۈتكە چۆمدۈم،يۈرىكىم ئازاپ ئوتىدا پۇچىلىنىپ ئۆلۈم تىرناقلىرىم بىلەن گىلىمنى بوغۇشقا باشلىدىم،ھەسرەت-پۇشايماندا كۆزلىرىمدىن قانلىق ياش ئاقماقتا ئىدى. .u7grC C  
گۈلزارلىق باشتا شىرىن-شەربەت تېتىتقان بولسا ئەمدىلىكتە مۇكاپات سۈپىتىدە ئاچچىق زەھەر تېتىتىپ قانائەت تاغلىرىمنى غۇلىتىپ نادامەت تېغى ئاستىدا پۇشايمان-ھەسرەت ۋە قايغۇ-ئازاپ زىندانلىرىغا دەپنە قىلىۋەتتى. po]<sB  
مەنبە:نۇردۇن ئابدۇراخمان

        بۇنى نەسىر دەمدۇق ياكى چۆچەك

؟   رەخمەت

بىر مىنۇتلۇق بىخۇتلۇق ، مانا مۇشۇنداق مەڭگۈلۈك غەپلەتكە قويۇدۇ . شۇڭا ، مىھىر ئالىمىدىكى سېھىرلىك قەلبلەرنىڭ غازان بولماسلىقى ئۈچۈن ، بەخىت ئىشىكلىرىڭىزنى ئېچىۋېتىڭ . ئوچۇق تۇرغان ئىشىكتىن ھامان نۇرلۇق ئاپتاپ كىرمەي قالمايدۇ . قەلب ئىشىكلىرىنى ئېچىش ئۈچۈن ، مىھىرلىك ئاچقۇچلىرىڭىزنى يېنىڭىزدىن ئايرىماڭ . دىللار ئېرىسۇن . قەھرىتان قىشتىكى جۇتمۇ ھامان كەتكىنىدەك سىزلەرگە باھاردىكى ئىللىقلىقنى تىلەيمەن . NbUbLzE  
@ 3,:G$,  
L=V.@?  

رەخمەت

تۈنجى قىتىملىق يوللىشىم بولغاچقا ماۋزۇ ۋە ژانىرىنى يازماپتىمەن (نەسىر) تەنقىدى پىكرىڭلارنى قوبۇل قىلىمەن.