«كىچىك پەرىشتە فوندى» ئاپتونوم رايونىمىزدىكى  ئاق قان كېسىلىگە گىرىپتار بولغان 58 بالىنىڭ

«ماڭا كۆڭۈل بۆلگەن، ياردەم قىلغان ئاپتونوم رايونلۇق قىزىل كىرىست جەمئىيىتىدىكى ئاكا-ھەدىلىرىمگە چىن كۆڭلۈمدىن رەھمەت ئېيتىمەن» بۇ 26-سېنتەبىر ئاپتونوم رايونلۇق خەلق دوختۇرخانىسى بالىلار بۆلۈمىدە داۋالىنىۋاتقان ئاق قان كېسىلىگە گىرىپتار بولغان مەكىت ناھىيەسى دۆڭباغ يېزىسىدىن كەلگەن «كىچىك پەرىشتە فوندى»نىڭ ياردىمىگە ئېرىشكەن مەربىيە ئابلىزنىڭ ئاپتونوم رايونلۇق قىزىل كىرىست جەمئىيىتىدىكى خادىملار يوقلاپ بارغاندا ئېيتقان يۈرەك سۆزى ئىدى. \~j(ui|  
  ئۇقۇشىمىزچە، 2009-يىلى 11-ئايدا مەربىيەگە ئاق قان كېسىلى دەپ دىئاگنوز قويۇلغان بولۇپ، مەربىيەنىڭ ئاتا-ئانىسى بانكىدىن، ئۇرۇق-تۇققان، دوست-بۇرادەرلىرىدىن قەرز ئېلىپ ئۇنى ئاپتونوم رايونلۇق خەلق دوختۇرخانىسىغا داۋالاتقىلى ئەكەلگەن. دوختۇر ئۇلارنىڭ ئائىلە ئەھۋالىدىن خەۋەر تاپقاندىن كېيىن، «كىچىك پەرىشتە فوندى»غا ئىلتىماس قىلىپ بېقىشىنى ئېيتقان. بۇلتۇر 9-ئايدا ئۇ ئاپتونوم رايونلۇق قىزىل كىرىست جەمئىيتىگە ئىلتىماس سۇنغان. بۇ يىل 9-ئايدا ئۇ «كىچىك پەرىشتە فوندى» نىڭ 30مىڭ يۈەن ياردىمىگە ئېرىشكەن. 10 قېتىملىق خىمىيىلىك داۋالىنىش ئارقىلىق ھازىر ئۇنىڭ كېسىلى ياخشىلىنىشقا قاراپ ماڭغان. V+5 n|L5  
ئىگىلىشىمىزچە، «كىچىك پەرىشتە فوندى» جۇڭگو قىزىل كىرىست جەمئىيىتىنىڭ 2005-يىلى مەملىكىتىمىزدە تۇنجى يولغا قويغان ئائىلىسىدە قىيىنچىلىقى بار، 14 ياشتىن تۆۋەن ئاق قان كېسىلىگە گىرىپتار بولغان بالىلارنى قۇتقۇزۇش، ياردەم بېرىش مەخسۇس فوندى بولۇپ، بۇلتۇر 8-ئايدىن باشلاپ ئاپتونوم رايونىمىزدا يولغا قويۇلۇشقا باشلىغان. Xn'>k[} 
ئاپتونوم رايونلۇق قىزىل كىرىست جەمئىيىتى كەسپىي تەرەققىيات بۆلۈمىنىڭ مۇدىرى مەنسۇر ناماننىڭ تونۇشتۇرۇشىچە، ئاپتونوم رايونلۇق قىزىل كىرىست جەمئىيىتى جۇڭگو قىزىل كىرىست جەمئىيىتىگە ئاپتونوم رايونىمىزدىكى 108 ئاق قان كېسىلىگە گىرىپتار بولغان بالىنى قۇتقۇزۇش، ياردەم بېرىشكە ئىلتىماس سۇنغان بولۇپ، ھازىرغىچە، ئاپتونوم رايونىمىزنىڭ ھەر قايسى جايلىرىدىن كەلگەن ئائىلىسىدە قىيىنچىلىقى بار، ئاق قان كېسىلىگە گىرىپتار بولغان 58 بالا «كىچىك پەرىشتە فوندى»نىڭ 30 مىڭ يۈەن ياردىمىگە ئېرىشكەن.       (\Zo"x;(  
  مەنبە: شىنجاڭ گېزىتى.

بۇ بەرگەن پۇلى كىرا پۇلىغا يېتىدىكەن.300مىڭ يىۋەن بولغان بولسا قانداق بولاركىن.مۇشۇ ئاق قان كېسىلى دىگەن ناكەس كېسەلگە ئەسلى دۆلەت مەخسۇس مالىيە ئاجىرتىپ پۇخرالارنى بىر تىينمۇ خەجلەتمەي داۋالىشى كىرەك ئىدى.مۇشۇ كېسەل سەۋەبلىك داۋالىنالماي ئۆلۈمنى كۈتۈپ ياتقانلار نۇرغۇن.بۇكېسەلگە پۇل توشىمىسا.خۇدايىم ساقلىسۇن ھازىرقى تۇرمۇش شارائىتىمىزدا مۇشۇنداق نىجىس كېسەلگە گىرىپتار بولغىلى.بولمىسا ئەسلى ۋەسلىمىزدىن ئايرىىلىپ قالىمز.