ئۈمىد غەنى ‹‹ كۆڭۈلدىكى سۆز ›› پىروگىراممىسىغا يەنە قايتىپ كەلدى .

    شىنجاڭ تېلېۋىزىيە ئىستانىسىنىڭ ئاتاقلىق رىياسەتچى ئۈمىد غەنى «كۆڭۈلدىكى سۆز» پىروگىراممىسىغا يەنە قايتىپ كەلدى . ئۇ  رىياسەتچىلىك قىلغان تۇنجى سان پىروگىرامما «يېمەكلىك بېخەتەرلىكى» تېمىسى ھەققىدىكى فىلىم بۇ ھەپتە رەسمى سۈرەتكە ئېلىندى .

      ئۈمىد غەنى يېڭى ئىسلاھ قىلىنغان «كۆڭۈلدىكى سۆز» پىروگىراممىسىدا بۇرۇنقى تېلېۋىزىيە سۆھبەت پىروگىراممىسى رىياسەتچىلىكىدىكى ئەنئەنىۋى رىياسەتچىلىك ئۇسلۇبىنى تۈپتىن بۇزۇپ تاشلاپ ، سوئال سوراپ قويۇپلا بولدى قىلىش ئۇسلۇبىدىن ، پىروگىراممىغا ئالاھىدە تەكلىپ قىلىنغان مېھمانلار بىلەن مەلۇم مەسىلە ئۈستىدە بىرلىكتە مۇلاھىزە قىلىش ، بىرلىكتە پىكىر يۈرگۈزۈش ۋە باھا بېرىشتەك رىياسەتچىلىك ئۇسلۇبىنى قوللاندى . بۇ ئۇسلۇپ گەرچە رىياسەتچىدىن ئۇنۋىرىسال قابىلىيەت ، يۇقىرى ساپا ۋە مول بىلىم تەلەپ قىلسىمۇ ، ئەمما رىياسەتچى ئۈمىد غەنى «يېمەكلىك بېخەتەرلىكى»  ھەققىدىكى تۇنجى سان پىروگىراممىنى بۇ خىل رىياسەتچىلىك ئۇسلۇبىدا ناھايىتى مۇۋەپپەقىيەتلىك ئېلىپ چىقتى .

   بۇ قېتىمقى سۆھبەتكە ئۇيغۇر كارخانىچىلىرى ئىچىدىكى داڭلىق كارخانىچى رادىل ئابلا ، شىنجاڭ ئۇنۋىرسىتىتى ھاياتلىق ئىلمى ئىنىستىتۇتىنىڭ پىروفىسورى ئابدۇللا ئابباس قاتارلىق ئەزىز مېھمانلار ئالاھىدە تەكلىپ بىلەن قاتناشتى ۋە ئۇلار جەمىئىيەتتە يېقىندىن بۇيان غۇلغۇلا بولىۋاتقان يېمەكلىك بېخەتەرلىك مەسىلىلىرى ئۈستىدە ئەتراپلىق مۇلاھىزە قىلىشتى .

    ئۈمىد غەنى يەنە قايتىدىن رىياسەتچىلىك قىلغان بۇ سان «كۆڭۈلدىكى سۆز» پىروگىراممىسى 8 – ئاينىڭ 27 – كۈنى ( شەنبە ) كەچ سائەت 8:00 دە ( شىنجاڭ ۋاقتى ) كەڭ تېلېۋىزور كۆرگۈچى دوستلار بىلەن يۈز كۆرۈشىدۇ . شۇڭا بۇ فىلىمىنى كۆرۈپ بېقىش ئارزۇسى بار تورداش دوستلارنىڭ فىلىمنى ۋاقتىدا كۆرۈشىنى ئۈمىد قىلىمەن .