سوزۇلما توسۇلۇش خاراكتېرلىك ئۆپكە كېسىلىنى چۈشىنەمسىز

     جۇڭگو ساغلاملىق تەربىيەسى مەركىزى بىلەن سەھىيە مىنىستىرلىكى ئاخبارات تەشۋىقات مەركىزى بىرلىكتە ئۇيۇشتۇرغان، ئاپتونوم رايونلۇق جۇڭگو تېبابىتى دوختۇرخانىسى ئۈستىگە ئالغان «<ئەركىن نەپەس> جۇڭگو سەپىرى پائالىيىتى» 20-ئاۋغۇست ئاپتونوم رايونلۇق جۇڭگو تېبابىتى دوختۇرخانىسدا رەسىمي باشلاندى. ماتېرىياللاردىن مەلۇم بولۇشىچە، مەملىكتىمىزدە 40ياشتىن يۇقىرى بولغان ھەر 100 كىشى ئىچىدىكى سەككىز كىشى سوزۇلما توسۇلۇش خاراكتېرلىك ئۆپكە كېسىلىگە گىرىپتار بولغان بولۇپ، بۇ كېسەللىك بىلەن ئۆلۈش نىسبىتى ھەر خىل كېسەللىكلەرنىڭ ئىچىدە 4-ئورۇندا تۇرىدىكەن. سوزۇلما توسۇلۇش خاراكتېرلىك ئۆپكە كېسىلى بىمارنىڭ ساغلاملىق ۋە كۈندىلىك تۇرمۇشىغا نۇرغۇن قولايسىزلىقلارنى كەلتۈرۈپلا قالماي، ھاياتىغىمۇ ئېغىر تەھدىت ئېلىپ كېلىدىكەن.     f{P?|8u  
      ئاپتونوم رايونلۇق جۇڭگو تېبابىتى دوختۇرخانىسى نەپەس يولى كېسەللىكلىرى بۆلۈمىنىڭ دوختۇرى لو جيەنجياڭ مۇنداق دېدى: سوزۇلما توسۇلۇش خاراكتېرلىك ئۆپكە كېسىلى ئۇزۇن مۇددەت تاماكا چېكىش، ئۇزۇن مەزگىل چاڭ-توزان، ئىس-تۈتەكلىك مۇھىتتا خىزمەت قىلىش، مۇھىتنىڭ بۇلغىنىشى قاتارلىق سەۋەبلەردىن كېلىپ چىقىدىغان كېسەل بولۇپ، كۆپ قىسم ئاغرىقلاردا ئۇزۇن مەزگىل يۆتۈلۈش، ھاسىراش، يۈرەك سىقىلىش بىلەن نەپەس يولى ۋە قوۋرۇغا ئارىلىق موسكۇلى قاتارلىقلار تارىيىشنى كەلتۈرۈپ چىقىرىدۇ. ئاغرىقلاردا يۆتەل، بەلغەم كۆپ بولۇش، كۆكرەك سىقىلىش، نەپەسلىنىش قېيىن بولۇش قاتارلىق ئالامەتلەر كۆرۈلىدۇ. بۇ كېسەللىكنىڭ دەسلەپكى مەزگىلىدىكى ئالامەتلىرى يوشۇرۇن بولۇپ، ئادەتتە 50ياشتىن 70ياشقىچە بولغان ئارىلىقتا ئاندىن كېسەللىك ئالامەتلىرى ئېنىق كۆرۈلىدۇ. بۇنىڭ ئىچىدە تاماكا چېكىش سەۋەبىدىن بۇ كېسەلگە گىرىپتار بولۇپ ئۆلۈپ كېتىدىغانلار ئەڭ كۆپ نىسبەتنى ئىگەللەيدۇ. سوزۇلما ئۆپكە مەنبەلىك يۈرەك كېسلى تارىخى بار كىشلەرنىڭمۇ بۇ كېسەلگە گىرىپتار بولۇش ئېھتىماللىقى يۇقىرى بولىدۇ. 6-+wfrN2  
      ئۇقۇشىمىزچە، سوزۇلما توسۇلۇش خاراكتېرلىك ئۆپكە كېسىلىنىڭ ئالدىنى ئېلىشتا ئالدى بىلەن تاماكا تاشلاش، بەدەنگە زىيانلىق خىميەلىك ماددىلار بىلەن ئامال بار ئۇچراشماسلىق، بېسىمىنى يەڭگىلىتىپ، چارچاپ كېتىشنىڭ ئالدىنى ئېلىش، چېنىقىشقا ئەھمىيەت بېرىش، زۇكام بولۇشتىن ساقلىنىش، ئوزۇقلۇق قىممىتى يۇقىرى بولغان يېمەكلىكلەرنى كۆپرەك يېيىش كېرەككەن. بۇ كېسەلنى داۋالاشتا ئۆپكە ئىقتىدارىنى ئەسلىگە كەلتۈرۈش مەشىقى قىلىش، ئوكسگېن سۈمۈرۈش قاتارلىق داۋالاش ئۇسۇللىرى قوللىنىدىكەن. ئاخىرقى باسقۇچتىكى سوزۇلما توسۇلۇش خاراكتېرلىك ئۆپكە كېسىلىنى تۈپ يىلىتىزدىن داۋالاش ئىمكانىيتى ئىنتايىن تۆۋەن بولغاچقا،  كېسەلنى بالدۇر بايقاش ھەممىدىن مۇھىم بولۇپ، ئاغرىقتا كېسەللىك ئالامەتلىرى كۆرۈلگەندە چوقۇم ۋاقتىدا دوختۇرغا كۆرۈنۈپ داۋالىنىشى كېرەككەن. /NxuNi;5  
be?Bf ^O>  
  مەنبە: شىنجاڭ گېزىتى. بۇ ئۆزەم ئىگەللىگەن خەۋەر

«تاماكا چېكىش،سالامەتلىككە زىيانلىق»دەپ تۇرسىمۇ يەنە چېكىدىغانلار ئوبدان كۆرسە بولغۇدەك

ئۇلۇغ ئاللاھ!  ئۆزەڭ شىپالىق بەرگەيسەن.