غۇرۇرۇم ئاتام        (بىر قىز تىلىدىن)

     تۇنجى قېتىم بۆشۈككە بۆلىگەندە،قارا بېسىپ قالمىسۇن،نۇزۇگۇمدەك باتۇر،قورقۇمسىز قىز بولسۇن دەپ،بۆشۈكۈمنىڭ باش تەرىپىگە پىچاق قويۇپ قويۇشنى ئۇنتىمىغان پاسىبانىم ئاتام.ئانام بۆشۈكۈمنى تەۋرىتىپ،مېنى ئۇيقۇغا بەزلىگەن چاغلاردا،مىللىتىنىڭ بىباھا سەنئىتىنى چۈشۈنۈپ چوڭ بولسۇن دەپ،ئۈنئالغۇدا ئۇيغۇر مۇقاملىرىنى قۇيۇپ بىرىشنى ئادەت قىلغان قۇۋانچىم ئاتام.ساغلام ،بىجرىم چوڭ بولسۇن،ھاياتنىڭ ئۇزۇن مۇساپىلىرىنى باسقىچە،ئويمان _دۆڭلەردە مۈدۈرۈپ كەتمەيدىغان بولسۇن دەپ،تىزلىرىمغا كەپتەر باچكىسىدا ‹‹قان قىلىشنى ››ئۇدۇم قىلغان نىجاتچىم ئاتام.تەمتىلەپ ماڭغان چېغىمدا يىقلىپ چۈشسەم،يېقىلغان يەردىن تۇرۇشنى،باشقىلارغا تايانماي ،مۇستەقىل ياشاشنى ئۆگەنسۇن دەپ،ئىچ ئاغرىتىشلىرىنى،تاشبېغىرلىق بىلەن ‹‹قېنى تۇرۇڭ،چۇقۇم تۇرۇپ كېتەلەيسىز››دەپ ئۆگەتكەن تەلەپچان ئاتام.ئلىم_بىلىمنى قەدىرلەشنى،كىتاپنى ئۇلۇغلاشنى بىلسۇن دەپ،ئاخشاملىرى قېشىمدا ئولتۇرۇپ،‹‹ئاندېرسىن چۆچەكلىرى››نى زېرىكمەي ئوقۇپ بەرگەن ئۇستازىم ئاتام. _%w-y(Sqn  
     ھايات يوللىرىدا ئازماس بولسۇن،ئۆزى يول تېپىپ ماڭالايدىغان بولسۇن دەپ،قولۇمدىن يېتىلەپ مەكتەپكە ئاپىرىپ،ئەكەلگەن،يولنى قانداق مېڭىشنى،ئۆينى قانداق تېپىپ كىلىشنى ئۆگەتكەن يولباشچىم ئاتام.پوچېركىسى ئۇز بولسۇن،‹‹ئاتا››نى توغرا يازسۇن دەپ،قېرىنداش تۇتقان قولۇمنى ئۆز قولى بىلەن مەشىقلەندۈرگەن ئۇستازىم ئاتام.ساۋاقداشلىرىم بىلەن ئەپ _ئىناق ئۆتسۇن،كىشىلىك مۇناسىۋەتلەرنى ياخشىلاشنى بىلسۇن دەپ،قەلەم قاپچۇقىنى بۇزۇپ قويغان ساۋاقدىشىمدىن مەجبۇرى ئەپۇ سوراتقۇزغان پەدەرىم ئاتام.
&F9BaJ  
   بالىلىرىم كۈدە بىلەن بۇغداينى،قارىمۇق بىلەن ئارپىنى  پەرىقلەندۈرۈپ،ئاشنىڭ،ناننىڭ نەدىن كېلىدىغانلىقىنى بىلسۇن ،تۇرمۇشنى چۈشۈنۈپ چوڭ بولسۇن دەپ،كانىكوللاردا ئائىلىمىزدىكىلەرنى ئۆزى تۇغۇلۇپ چوڭ بولغان سەھرا-دالىلاردا سەيلە قىلدۇرغان پۇشتىپاناھىم ئاتام.بالىلىلىرىمنىڭ مۇھەببەت -نەپرىتى ئېنىق بولسۇن،كىملەرنى ئۇلۇغلاپ،كىملەردىن ئۇدۇم ئېلىشنى بىلسۇن دەپ،كەتمەن چاپقان دېھقاننى،ھوسۇل ئالغان باغۋەننى،شەرەپ قۇچقان ئاگرانومنى مەدىھلەپ،قەسىدە ،داستان توقىغان ئاتام.بالىلىرىم كىشى ھەققىگە قارا ساناشنى ئۆگىنىپ قالمىسۇن،ناننى ھالاللاپ تېپىپ يەيدىغان مېھنەتكەش بولسۇن دەپ بىزگە ئۈلگە كۆرسىتىپ،كېچىنى كۈندۈزگە ئۇلاپ،تۇمشۇق تىرەپ ئىشلىگەن جاپا كەش ئاتام. n(l!T 7  
   باشقىلارنىڭ چاپىنىدا تەرلەشنى ئەمەس ،ئۆزىنىڭ ھالال مېھنەت -ئەجرى بىلەن كۆكلەشنى،تەمە خورلۇق ۋەسۋەسىدە بىراۋلارغا سايىدەك ئەگشىپ ئەمەس،چىناردەك تىك تۇرۇپ ياشاشنى ئۆگەتكەن پەخرىم ،ئىپتىخارىم،غۇرۇرۇم ئاتام. $r*7)/  
HGfV2FtTz  
&Z/aM?  
R}c,ahd  
m]} E0  
مەنبە:شىنجاڭ ياشلىرى            ئاپتورى: ئۆركەش جاپپار

بەك ياخشى تېما ئىكەن.ھارمىغايسىز.

اللاھ بىزلەرنىمۈ سىز تەرىپلىگەندەك ئۈلگىلىك ئاتىلاردىن قىلغاي .

ھەقىقەتەن  ئېسىل  ئىكەن

رەھمەت ..ئاتامنى ئەسلىتىپ قويدىڭىز ....

ئاتا ئۇمۇ ئانىدەك ئۇلۇغ