بەتخەج بالا

                                                                             بەتخەج بالا

                                                              بەزىلەر دەيدۇ مىنى بەتخەج بالا،

                                                              راس مەن ئاشۇنداق بەتخەج بالا.

                                                              ئۆتكەن كۈنۈم ئىچىپ چىكىپ بۇزۇش بىلەن،

                                                              بۇ دۇنيادىكى ئەڭ نادان ئازغۇن بالا.      

كۆڭلۈمنىڭ ئارامى يوق كۈنلەردە شۇنداق گەپلەر قۇلىقىمغا يىتىپ تۇردى. ئۇزۇندىن بىرى ئۆزۈم سىرتلاردا يۈرۈپ ئويۇن تاماششاغا بىرىلىپ تاپقان پۇلۇمنى ئۇدۇللۇق خەجلەپ دىگۈدەك كۈن ئۆتكۈزەتتىم. مانا بۈگۈن يەنە يىنىمدا پۇل يوق يەن خوجايىندىن پۇل سوراشقا مەجبۇر بولدۇم. ئەمەلىيەتتە ئۇ پۇل ئۆزۈمنىڭ ئىش ھەققى بولسىمۇ بىراق مەن ئىشلىگەن بۇ نەچچە ئايدىن بىرى بىر پۇڭ چاغلىق ئىقتىساد توپلىمىغان ئىدىم. بۇنداق ئەھۋال داۋاملىشىۋىرىشنى خالىمىغان ئەتراپىمدىكى ئاچىلىرىم ۋە ئۇستازىم مىنىڭ كۈندىن كۈنگە بەتخەج بولۇپ كەتكەنلىكىمدىن ئاغرىنىپ مىنىڭ تۇرمۇش خىراجىتىمنى قىسىپ بىرىدىغان، ھەم ۋاقىت بەلگىلەپ بىرىدىغانلىقىنى ئىيىتقان ۋاقىتتا مەن ئۆزۈمگە شۇنداق سۇئالىنى قويدۇم.-مەن ئاشۇنداق بەتخەج بالىمۇ؟ -راس دىمىسىمۇ مەن دەل ئاشۇنداق بەتخەج بالىلاردىن بولۇپ قالغان ئىدىم. ئائىلەمدىن ئايرىلغان بۇ يىرىم يىلدىن بىرى، دەسلەپكى بىر قانچە ئايدا باشقا يۇرتلاردا بىكار يۈرۈپ يامان ئادەتنى يۇقتۇرۋالغان ئىدىم. لىكىن شۇ ۋاقىتلاردا يالغۇزلۇق ئازابى تارتمىغان، كۆڭلۈم توق، ھەر قاچان كەيپىياتىم ياخشى يۈرەتتىم. بىر قانچە ئاي بىكار يۈرۈپ يىنمدىكى خىراجىتىم تۈگىگەندىن كىيىن مەن بىر كومپىيۇتىر مۇلازىمەت ئورنىغا ئىشقا چۈشتۈم. ئىشقا چۈشكەندىن تارتىپ تا ھازىرغا قەدەر مەن بىر نەرسىدە قىسىلىپ باقمىغان  بولمىغاچقا، ھەر ئايلىق مائاشىمنى ئۇدۇللۇق ئىلىپ خەجلەپ يۈردۈم. گەرچە يىنىمدىن پۇل ئۈزۈلمىگەن بولسىمۇ، مەن يەنىلا بۇرۇنقىدەك خۇشال بولالمىدىم. چۈنكى مىنىڭ چىن يۈرۈگۈمدىن ياخشى كۆرگەن ئادىمىم مىنى تاشلاپ كەتكەن ئىدى. مىنى بۇ يات شەھەردە تاشلاپ كەتكەن ئىدى. بۇ يالغۇزلۇق مىنىڭ بەتخەج بولۇپ قىلىشىمغا سەۋەب بولدى. ئىچمەيدىغان چەكمەيدىغان بىر نادان بالا ئىدىم. بۇ ساختا مۇھەببەت ئازابى مىنى بۇ يولغا باشلاپ كىردى. ئۆزۈمنىڭ قىز تۇرۇپمۇ ئوغۇللاردەك يۈرۈگىنىمدىن تولىمۇ ئەپسۇسلىناتتىم. ھەتتا بەزىلەر بۇنداقلار ئوغۇللارغا ھەۋەس قىلىپ مۇشۇنداق يۈرۈيدۇ،- دەپ مازاق قىلىدىغان ئىشلارمۇ يۈز بەردى. بەرھەق بۇنداق دىگىنى ھەقىقەت ئىدى. لىكىن مىنىڭ بۇنداق يۈرۈشۈم بىر ھەۋەس بولغان بولسىدى،- مەن بۈگۈنكى كۈندە ھەرگىزمۇ بۇ جايدا بولمىغان، ھەر گىزمۇ بۇنداق ئەھۋالدا يۈرمىگەن ئىدىم. مىنىڭ ئانا يۇرتۇم بولغان جايدا قىز بالىنى ئوغۇللاردىن تۆۋەن كۆرىدىغان، ھەتتا كەمىستىدىغان ئىشلار تولىمۇ كۆپ ئىدى. ھازىرقى بۇ جەمئىيەتتە ئۇيغۇر قىزلىرىمىزنىڭ مۇشۇنداق بولۇپ قىلىشىغا مىللىتىمىزنىڭ بىر قىسىم يىگىتلىرى سەۋەب بولدى. ئۆز مىللىتىمىزنىڭ يىگىتلىرى ئۆز قىزلىرىمىزنى تۆۋەن كۆرۈپ، كەمسىتىپ يۈرگەچكە مىللىتىمىز بۇرۇنقى ئەنئەنىمىزنى تاشلاپ غەربچىلىشىپ كەتكەنلىكىنى كۆرۈپ ئۆزۈمنى شۇنداق خورلۇق ھىس قىلدىم. ئاشۇنداق ئۇيغۇر قىزلىرىمىزنىڭ مىللىتىمىزنىڭ يۈزىنى چۈشۈرگەن قىزلارنى كۆرۈپ شۇنداق خورلۇق ھىس قىلدىم. ھەتتا قىزلىرىمىز ئۇياقتا تۇرسۇن، بىزنىڭ ئەلمىساقتىن ئۇلۇغلاپ كىلىۋاتقان مىللىتىمزنىڭ ئاياللىرى ۋە ئانىلىرىمىزمۇ غەربچە تۇرمۇشنى ئارزۇ قىلىدىغان، ئىنتىلىدىغان ئىستەكتە بولۇپ، يىشى بىر يەرگە بىرىپ قالسىمۇ، ساپلا يىرىم يالىڭاچ كىيىملەرنى كىيشىپ، يۈز كۆزلىرىنى ئالا يىشىلدا بوياپ، ئۆزلىرىنىڭ شۇنداق يۈرگەنلىكىدىن پەخىرلىنىپ يۈرەتتى. ھەتتا بىر-بىرىگە بەس قىلاتتى. جەمئىيتىمىزدىكى رىقابەت ھەر قايسى جەھەتلەردە ئەكىس ئىتەتتى.

بۇ كۈنلەردە مەن ئاللاھتىن ئۆزمنىڭ ئىنسابىنى تىلىدىم. تىزراق ئۆزۈمنىڭ ئىگىلىكى بولسا، ئەسلىمگە قايتىۋالسام، ئاتا-ئانامنى رازى قىلسام دەپ ئويلۇدۇم. شۇنىڭ بىلەن بىرگە ماڭا ئوخشاش ئازغۇن ياشلارنىڭ يەنە ئىزىپ كەتمەسلىكى ئازراق بولسىمۇ بىر ئىش قىلسام دىگەندەك ئۈمىدلىرىم بار ئىدى. ئۇ كۈنلەر ئۆتۈپ بۇگۈنگە كەلگەندە مەن ئۆز يولۇمنى تاپاي، ئەسلى ھالىتىمگە قايتاي دەپ تىرىشچانلىق كۆرستىۋاتقاندا ئۆزۈمنىڭ بىر بەتخەج بالا بولۇپ قىلىشىمنى ئويلىمىغان ئىدىم. بۇرۇن بەتخەج بالا دىگەنلەرنى پەقەت كىنو فىلىملەردىلا كۆرەتتىم. ئەمدىلىكتە ئۆزۈمنىڭمۇ شۇنداق بەتجەج بالا بولۇپ قىلىشمنى ئويلىمىغان ئىدىم. ئۇستازىمنىڭ ياردىمىدە ئۆزۈمنىڭ راستىنلا شۇنداق بەتجەج بالىلارغا ئوخشاپ قالغانلىمنى ھىس قىلىپ، تىزدىن شۇنداق بىر ئەسەر يازغۇم كەلدى. باشقىلارنىڭمۇ مەندەك بەتخەج بولۇپ قىلىشنى خالىمىدىم.