ۋېن جياباۋ ئىراقنىڭ باش مىنىستىرى بىلەن سۆھبەتلەشتى
Rk8oshS+2 دۆلەت ئىشلىرى مەھكىمىسىنىڭ باش مىنىستىرى ۋېن جياباۋ 18-ئىيۇل خەلق سارىيىدا ئىراقنىڭ باش مىنىستىرى مالىك بىلەن سۆھبەتلەشتى. ۋېن جياباۋ مۇنداق دېدى: يېقىنقى يىللاردىن بۇيان، ئىراق ھۆكۈمىتى ۋە خەلقى ئىچكى ۋەزىيەتنى مۇقىملاشتۇرۇشقا كۈچ چىقىرىپ، مىللىي يارىشىشنى ئىلگىرى سۈرۈپ، ئىقتىسادنى قايتا قۇرۇشنى تېزلىتىپ، قوشنا دۆلەتلەر ۋە خەلقئارا جەمئىيەت بىلەن بولغان مۇناسىۋىتىنى پائال راۋاجلاندۇرۇپ، كۆرۈنەرلىك ئۈنۈمگە ئېرىشتى. جۇڭگو ئىراق خەلقىنىڭ ئارزۇسى ۋە تاللىشىغا ھۆرمەت قىلىپ كەلدى، ئىراقنىڭ دۆلەتنىڭ مۇستەقىللىقى، ئىگىلىك ھوقۇقى ۋە زېمىن پۈتۈنلۈكى، مۇقىملىق ۋە تەرەققىياتنى ئىشقا ئاشۇرۇش ئۈچۈن كۆرسەتكەن تېرىشچانلىقىنى قوللايدۇ.
2C@ui728 ۋېن جياباۋ مۇنداق دېدى: جۇڭگو ھۆكۈمىتى ئۆز دۆلەت كارخانىلىرىنىڭ ئىراق بىلەن ئۇزۇن مۇددەت مۇقىم بولغان نېفىت، گاز تەمىنات مۇناسىۋىتى ئورنىتىپ، قىدىرىش، ئېچىش، چەككىلەش، ئەسلىھە سودىسى قاتارلىق جەھەتلەردىكى ئۆز ئارا ھەمكارلىقنى كېڭەيتىشىگە ئىلھام بېرىدۇ. جۇڭگو ئىراقنىڭ ئىقتىسادىنى قايتا قۇرۇشقا داۋاملىق چامىنىڭ يېتىشىچە ياردەم بېرىپ، قەرزنى ئازايتىش كېلىشىمىنى ئەستايىدىل ئەمەلىيلەشتۈرۈپ، ئىراقنىڭ ئاساسىي ئەسلىھە قۇرۇلۇشىغا ئاكتىپ قاتنىشىدۇ ھەم ئىراقنىڭ ئۆزىنى تەرەققىي قىلدۇرۇش ئىقتىدارىنى كۈچەيتىشى ئۈچۈن تۈرلۈك ئىختىساسلىقلارنى تەربىيەلەپ بېرىدۇ.
/c&;WlE/n مالىك مۇنداق دېدى: ئىراق قىيىنچىلىققا ئۇچرىغان چاغدا، جۇڭگو ھۆكۈمىتى ۋە خەلقى قىممەتلىك قوللاپ ۋە ياردەم بېرىپ، ئىراقنىڭ مۇقىملىقنى ئىشقا ئاشۇرۇش، ئەسلىگە كەلتۈرۈش، قايتا قۇرۇش ئىشلىرىدا مۇھىم رول ئوينىدى، ئىراق بۇنىڭغا رەھمەت ئېيتىدۇ. ئىراق يەنىمۇ تەدبىر قوللىنىپ، جۇڭگونىڭ ئىراقتىكى خادىملىرىنىڭ بىخەتەرلىكى ۋە جۇڭگو كارخانىلىرىنىڭ مەنپەئەتىنى قوغدايدۇ. بىز تېخىمۇ كۆپ جۇڭگو كارخانىلىرىنىڭ ئىراققا بېرىپ مەبلەغ سېلىپ، ئىككى تەرەپنىڭ نېفىت، گاز، ئېلېكتىر، قاتناش-تىرانسپورت ، ئۆي، تېلېگراف، يېزا ئىگىلىكى قاتارلىق ساھەلىرىدىكى ھەمكارلىقىنى كېڭەيتىپ، ئۆز ئارا نەپ يەتكۈزۈشىنى ئۈمىد قىلىمىز. ئىراق ھۆكۈمىتى بىر جۇڭگو سىياسىتىدە قەتئىي چىڭ تۇرىدۇ.
~+~^ c| سۆھبەتتىن كېيىن، ئىككى دۆلەتنىڭ باش مىنىستىرلىرى ئالاقىدار ھەمكارلىق ھۆججەتلىرىنى ئىمزالاش مۇراسىمىغا قاتناشتى. سۆھبەتتىن ئىلگىرى، ۋېن جياباۋ خەلق سارىيىنىڭ شىمالىي زالىدا مالىكنىڭ زىيارەتكە كەلگەنلىكىنى قارشى ئېلىش مۇراسىمى ئۆتكۈزدى.
1MPn{#F f شى جىنپىڭ پابالا گېلىلاڭجې ۋە زاڭزۇ رەھبىرىي كادىر رېدى بىلەن كۆرۈشتى
M[= #%U3*N جۇڭگو كومپارتىيىسى مەركىزىي كومىتېتى سىياسىي بىيۇروسى دائىمىي كومىتېتىنىڭ ئەزاسى، دۆلەتنىڭ مۇئاۋىن رەئىسى، مەركىزىي ھەربىي ئىشلار كومىتېتىنىڭ مۇئاۋىن رەئىسى، مەركەز ۋەكىللەر ئۆمىكىنىڭ باشلىقى شى جىنپىڭ پارتىيە مەركىزىي كومىتېتى ۋە باش شۇجى خۇ جىنتاۋنىڭ ھاۋالىسىگە بىنائەن، تۈنۈگۈن چۈشتىن كېيىن دىنىي ساھەدىكى داڭلىق ۋەتەنپەرۋەر زات پابالا گېلىلاڭجې ۋە زاڭزۇ رەھبىرىي كادىر رېدىنىڭ ئۆيىگە مەخسۇس بېرىپ ئۇلاردىن سەمىمىي ھال سورىدى.
]\ .3<^ O$K ?2- شى جىنپىڭ ئۇلارنىڭ نوپۇزلۇق زاڭزۇ رەھبەرلەر بولۇش سۈپىتى بىلەن زاڭزۇ ئاممىسى ئارىسىدىكى ئابرويى ۋە يېڭى شىزاڭنىڭ قۇرۇلۇشى ئۈچۈن قوشقان مۇھىم تۆھپىلىرىنى مۇئەييەنلەشتۈردى. شى جىنپىڭ: پارتىيە ھۆكۈمەت يېڭى شىزاڭنىڭ قۇرۇلۇشى ئۈچۈن زور تۆھپە قوشقانلارنى ئۇنتۇپ قالمايدۇ دېدى. پابالا گېلىلاڭجې ۋە رېدى پارتىيەنىڭ مەركەزنىڭ غەمخورلۇقىغا رەھمەت ئېيتىپ، شىزاڭنىڭ ھالقىما تەرەققىياتى ۋە ئۇزۇن مۇددەتلىك ئامانلىقى ئۈچۈن ئىزچىل تۆھپە قوشۇدىغانلىقىنى بىلدۈردى.
J ;|i6q q جيا چىڭلىن ئاۋسترالىيە يېڭى جەنۇبىي ۋېلىس شىتاتىنىڭ باشلىقى بىلەن كۆرۈشتى
/SvB
w>gQ مەملىكەتلىك سىياسىي كېڭەشنىڭ رەئىسى جيا چىڭلىن 18-ئىيۇل خەلق سارىيىدا ئاۋسترالىيە يېڭى جەنۇبىي ۋېلىس شىتاتىنىڭ باشلىقى ئوفارى بىلەن كۆرۈشتى. جيا چىڭلىن مۇنداق دېدى: يېڭى جەنۇبىي ۋېلىس شىتاتىنىڭ بايلىقى مول، ئىقتىسادى تەرەققىي قىلغان، پەن-تېخنىكىسى ئىلغار، بولۇپمۇ پۇل مۇئامىلە، ئېلېكتىر، تەبىئىي گاز، يېزا ئىگىلىكى، كانچىلىق قاتارلىق ساھەلەردە كۈچلۈك ئەۋزەللىككە ئىگە بولۇپ، جۇڭگو-ئاۋسترالىيە ئىقتىساد-سودا ھەمكارلىقىدا ئىنتايىن مۇھىم ئورۇنغا ئىگە. مەن ئىككى تەرەپنىڭ ئۆز ئۈستۈنلۈكلىرىنى تولۇق جارى قىلدۇرۇپ، ھەمكارلىق يوشۇرۇن كۈچىنى ئەمەلىي ھەمكارلىق نەتىجىلىرىگە ئايلاندۇرۇپ، ئىككى دۆلەت خەلقىگە تېخىمۇ ياخشى نەپ يەتكۈزۈشىنى ئۈمىد قىلىمەن. جۇڭگو ئاۋسترالىيە بىلەن بىرلىكتە، ھازىرقى ياخشى ئاساستا، ئىككى تەرەپنىڭ ھەر قايسى ساھەلەردىكى دوستلۇق ئالماشتۇرۇشى ۋە ئەمەلىي ھەمكارلىقىنى ئۆزلۈكسىز ئىلگىرى سۈرۈشنى خالايدۇ.
4# fgUlV ئوفارى مۇنداق دېدى: يېڭى جەنۇبىي ۋېلىس شىتاتلىق ھۆكۈمەت ئۆز ئەۋزەللىكىدىن پايدىلىنىپ، جۇڭگونىڭ ھەر قايسى ساھەلىرى بىلەن بولغان ئۆز ئارا نەپ يەتكۈزىدىغان ھەمكارلىقنى ئۆزلۈكسىز كۈچەيتىپ، ئىككى تەرەپلىك مۇناسىۋەتنىڭ ئومۇميۈزلۈك، چوڭقۇر راۋاجلىنىشىغا تۆھپە قوشۇشنى خالايدۇ.
gz~)v\5D/ شىزاڭنىڭ تىنچ ئازاد بولغانلىقىنىڭ 60 يىللىقىنى تەبرىكلەش سەنئەت كېچىلىكى ئۆتكۈزۈلدى
?j:g. a+U تۈنۈگۈن كەچتە، شىزاڭ خەلق سارىيى چىراقلار چاقناپ خوشاللىق كەيپىياتىغا چۆمدى. شىزاڭ ئاپتونۇم رايونى شىزاڭنىڭ تىنچ ئازاد بولغانلىقىنىڭ 60 يىللىقىنى تەبرىكلەش ئۈچۈن «پارتىيە ئۈچۈن يەنە ناخشا ئېيتىمىز» ناملىق سەنئەت كېچىلىكى ئۆتكۈزدى. جۇڭگو كومپارتىيىسى مەركىزىي كومىتېتى سىياسىي بىيۇروسى دائىمىي كومىتېتىنىڭ ئەزاسى، دۆلەتنىڭ مۇئاۋىن رەئىسى، مەركىزىي ھەربىي ئىشلار كومىتېتىنىڭ مۇئاۋىن رەئىسى، مەركەز ۋەكىللەر ئۆمىكىنىڭ باشلىقى شى جىنپىڭ شىزاڭ ئاپتونۇم رايونىدىكى 850تىن ئارتۇق ھەرمىللەت خەلق ئاممىسى بىلەن بىرلىكتە ئويۇن كۆردى.
;+Mee ^E>! }Y=X{3+~. كېچىلىك «قانداقمۇ ناخشا ئېيتماي تۇرالايمىز» دېگەن نومۇر بىلەن باشلاندى، پۈتكۈل كېچىلىك «قارلىق تاغدىكى ناخشا»، «ئېگىزلىك باھارى»،«ئىناق ماكان» قاتارلىق ئۈچ مەزمۇندىن تۈزۈلگەن، كېچىلىك «پارتىيە ئۈچۈن يەنە ناخشا ئېيتىمىز» ناملىق ناخشا بىلەن يۇقىرى دولقۇنغا كۆتۈرۈلدى. كېچىلىك ئاخىرلاشقاندىن كېيىن، شى جىنپىڭ قاتارلىقلار شىزاڭ ئاپتونۇم رايونىدىكى مەسئۇل يولداشلار بىلەن بىرلىكتە سەھنىگە چىقىپ، كېچىلىكنىڭ مۇۋەپپەقىيەتلىك بولغانلىقىنى تەبرىكلىدى ھەمدە قولىدا خادا تۇتقان بارلىق ئارتىسلار بىلەن خاتىرە سۈرەتكە چۈشتى.
H7}@56 
h%[1V U'Mxf'q مەنبە:جۇڭگو ئۇيغۇرچە رادىيو تورى
