<<ئامى>>بىلەن<<نايى>>لارغا سۆزۈم بار

   ھازىر جەمئىيىتىمىزدە ،خۇسۇسەن ئىدارە-ئورگانلاردا ئىشلەيدىغان ئۇيغۇرلىرىمىزنى ئەتراپىدىكى خىزمەتداشلىرى ئۆز تىلىغا قولايلىق قىلىپ <<ئابلىمىت>>نى <<ئامى>>،دەيدىغان،<<تۇرسۇنئاي>>نى <<نايى>>دەيدىغان... بىمەنە ئەھۋاللار كۆپىيىپ قالدى،ئادەمنى ھەممىدىن بەك ئەپسۇسلاندۇرىدىغىنى شۇ ئىسىملىك كىشىلەرنىڭ بۇنىڭغا رازى ھەتتا خۇرسەن بولۇپ قۇبۇل قىلىشى-ھەقىقەتەن بىر پاجىئەدۇر. ]'M B3@T  
    مەلۇمكى كىشى ئىسىملىرى-ئىجتىمائىي مۇناسىۋەتتە كىشىلەرنى بىر-بىرىدىن پەرقلەندۈرۈپ ئاتايدىغان ناملا بولۇپ قالماستىن بەلكى شۇ كىشىنىڭ بىر ئۆمۈرلۈك بەخت-تەقدىرىگە تەسىر كۆرسىتىدىغان مۇھىم ئىرىم دەپ قارىلىدۇ.ئاتا-ئانا بولغۇچى ئۆز پەرزەنتلىرىنىڭ كەلگۈسى ئىستىقبالى ئۈچۈن ئالىم-ئۆلىمالارنىڭ يېتەكچىلىكىدە مۇقەددەس كىتابلاردىن ۋە ئۆز تارىخىدىن ئېسىل-مەنالىق ئىسىملەرنى كۆڭۈل قويۇپ ئىزدىنىپ تېپىپ ،بالىلىرىغا خاس نام سۈپىتىدە قوللىنىدۇ.ئوڭ قۇلىقىغا ئەزان،سول قۇلىقىغا تەگبىر توۋلاپ ئاللاھنىڭ ۋە پەيغەمبەرلەرنىڭ،ئەۋلىيالارنىڭ ھەم مەشھۇر كىشىلەرنىڭ ئىسىمى قويۇلغان بۇ كالتە پەم پەرزەنتلەر ھازىر بولسا ئۆز  ئىسمىنىڭ زىيادە ئۇزۇنلىقىدىن ئاغرىنىپ ئۆز بېشىمچىلىق بىلەن ،باشقىلارنىڭ تىل قولايلىقى ئۈچۈن ئۆزىچە قۇربان بېرىپ ئەسلى ئاتاشتىن چەتنەپ،ھىچقانداق مەنە بېرەلمەيدىغان پۈچەك ناملارنى ئۆز ئىسمى قىلىشقا رازى بولماقتا.بىلسەك ئىدۇق <<ئابلىمىت>>دىگەن بۇ ئىسىمنى قىسقارتىپ تېخىمۇ خۇنۇكلەشتۇرمەي،ئەكسىچە كىتابلىرىمىزدا كۆرسىتىلگەندەك<<ئابدۇلھەمىد>>(يەنى ماختاشقا ئەڭ لايىق بولغان ئاللاھنىڭ بەندىسى)دەپ ئۇزارتىپ تاكامۇللاشتۇرساق توغرا بولاتتى.قارىغاندا ئەتراپىمىزدىكى خىزمەتداشلىرىمىزنىڭ كۆڭلىنى ئاياش -ئاللاھنىڭ رازىلىقىغا ئېرىشىشتىن مۇھىمدەك بىلىنگەن ئوخشايدۇ.<<تۇرسۇنئاي>>دىگەن چىرايلىق ئىسىمنىمۇ <<نايى>>دەپ قىسقارتىۋالىدىغان مىللەتداشلىرىمىدىن سوراپ باقايلى:<<سىز ئۆزگەرتىپ بولغاندىن كېيىنكى نامىڭىز ئۆز تىلىمىزدا<ناي>بولىدىكەن.<ناي>نىڭ مەنىسىنى چىقىرىپ بېقىڭ،ياكى سىز ئىدارىڭىزدە<ناي-ناي>غا ئۇسسۇل ئوينايدىغان ئارتىسمۇ-يا>؟بۇ نامىڭىزدىن زادى نىمە مەنە چىقتى؟... UZrEFpi  
   دەرھەقىقەت،ھازىر جەمئىيىتىمىزدە ئىناق جەمئىيەت قۇرۇپ،ئىتتىپاقلىشىپ ياخشى ئۆتۈش تەكىتلىنىۋاتىدۇ.بۇنى ھەممىمىز قارشى ئالىمىز .شۇنداق بولغانلىقى ئۈچۈن باشقىلار ئىسمىڭىزنى تېخىمۇ توغرا-تولۇق تەلەپپۇز قىلىپ سىزنى ھۆرمەتلىشى كېرەك.سىزمۇ ئۇلارنىڭ كىچىك ئىسمىنى ياكى ئۇلار ياقتۇرمايدىغان نامىنى چاقىرماستىن ئىسىم- فامىلىسىنى ئەسلى تەلەپپۇزى بويىچە تولۇق چاقىرىڭ،شۇنداقلا سىزمۇ ئۇلارغا ئىسمىڭىزنى توغرا چاقىرىش توغرىسىدا چۈشەنچە بېرىپ قويۇڭ.مانا بۇنىڭدا كاۋاپمۇ كۆيمەيدۇ،زىخمۇ كۆيمەيدۇ.ئېسىڭىزدە بولسۇنكى،سىزگە ئىسىم قويغۇچىنىڭ ھەم قويدۇرغۇچىنىڭ ئەجرىنى،ئارزۇسىنى ھەرگىز ئېسىڭىزدىن چىقىرىۋەتمەڭ.ئاتا-ئانىڭىزنى،ئەجدادلىرىڭىزنى ،تىلىڭىزنى ھەم دىنىڭىزنى ھۆرمەتلىگىنىڭىز-ئۆزىڭىزنى ھۆرمەتلىگىنىڭىز ،شۇلارغا مەسئۇل بولغىنىڭىز ئەمەلىيەتتە ئەۋلادلىرىڭىزغىمۇ مەسئۇل بولغانلىقىڭىزدۇر. 9H/R@i[E  
   مەنبە:خىزمەتداشلار سۆھبىتى.10ماي،شەھرى ئۈرۈمچى. 

ما تېمىدىكى ئىنكاسلار  بىرمۇنچە تۇرىتتى ، بىر دەمدە تاز قىپقۇيۇپتىغۇ ؟..........

بۇ  قانداق  گەپ  چۇقۇم  باشقۇرغۇچى زۇلبىقارنىڭ  قىلغان  ئىشى بۇ ؟  بۇنداق  قىلسا  قەتئىي  ياخشى بۇلماياۇ  دەرھال ئەسلىگە  كەلتۈرۇلسۇن !

مەزكۇر تېمدىكى ئىنكاسلارنىڭ مەزمۇنى بەلگىلەنگەن دائىرە ئىچدىكى مۇنازىردىن ھالقىپ كەتتى. ئەمدى ئۆزىمىزنى سەل بېسىۋالايلى......  مۇشۇ يەردىلار ئەسكەرتەي،  زۇلپىقار ۋە باشقا بىر قىسىم ئەزالار ئىنكاسلاردا دىققەت قىلىڭلار.

        كىشى ئىسمىنى توغرا ئاتاشنىڭ ئۆزىمۇ بىر پەزىلەتتۇر.