مىسرانىم ئەزالىرىغا دوستانە ئەسكەرتمە

ئەسسالامۇ ئەلەيكۇم مىسرانىم تور بېكىتنىڭ ئەزىز كۆرۈرمەنلىرى سادىق قوللىغۇچىلىرى!
مۇنبىرىمىزنى ئۇيغۇر تور دۇنياسىدىكى ئەڭ ياخشى بايراقدار مۇنبەر قىلىپ قۇرۇپ چىقىش ئۈچۈن باشتىن تارتىپ بىز بىلەن تەڭ ئىلگىرلەپ بىزگە قولمۇ قول ياردەم قىلىپ ،مۇنبەرنى ئاۋات قىلىپ كېلىۋاتقان ئومومىي تورداشلار ساداسىغا دىققەت قىلىپ ۋە يۈكسەك ئېتىبار بېرىپ يۇقارقى ئۇقتۇرش يولغا قويۇلدى.(يېقىندىن بۇيانقى ئالاھىدە ئىشلارنى كۆزدە تۇتۇپ بىر قىسىم ئۇقتۇرۇشلار كۆپرەك يوللىنىپ كەتتى،توغرا چۈشەنگەيسىلەر).

باشقۇرغۇچىلار مۇنبەردە تېمىلارنى رەتلەش ،تەستىقلاش،مۇنبەر تەرتىۋىنى ساقلاشتا مۇھىم رول ئوينايدۇ ..باشقا ھوقۇقلاردىن ئەزالاردەك تەڭ بەھرىمان بولىدۇ. بىر قىسم باشقۇرغۇچىلىرىمىز مۇنازىرىدە يېڭىلىپ قېلىش ياكى ھەل قىلالماسلىق بىلەن بىر قىسىم ئەزالارنى چەكلەش ھەم قاتتىق چارە كۆرۈش قاتارلىق مەشغۇلاتلارنى قىلغىننى ئارقا سەپ خاتىرىسىدىن ئېنىق كۆردۇق. مىسرانىم خىزمەتخانىسىدىكى خادىملار بۇ ئىشلار توغۇرلۇق قاتتىق ئويلىنىپ بىر قىسىم باشقۇرغۇچىلارغا ئالاھىدە ئەسكەرتىش بەردۇق.

مۇنبەر -- مۇنازىرە ... بۇ بىر ئەركىن پىكىرلىشىش سەھنىسى . شەخسىي ئىددىينى ھەممىگە زورلاپ تېڭىش ئەمەس،ئەركىن تەپەككۇر جەريانىدا ئۆزىدىكى يېتەرسىزلىك ،پىكىر ئاجزلىقىنى تەبىي تونۇتۇش خالاس..
شۇنداق بولغان ئىكەن مەن خاتالاشقان ئىكەنمەن،قارشى كۈچلەر ،مېنىڭ ئاجزلىقىمنى دەل ۋاقتىدا تاپالىسا شۇنىڭ ئۆزى كۇپايە. شۇنىڭغا ئوخشاش بىر قىسىم ئەزالار باشقۇرغۇچىلارنىڭ يېتەرسىزلىكلىرىنى سەمىمىي ياكى مەلۇم ۋاستىلەر بىلەن كۆرسىتىپ بېرىۋاتىدۇ.. بىراق بىر قىسىم باشقۇرغۇچىلىرىمىز بۇ ئىشلاردا سەل قېنى ئىتتىكلىك قىلىۋاتىدۇ. بىز يۇقارقى ئىشلارنى كۆزدە تۇتۇپ ،ئالدىنقى قېتىملىق چىقارغان بەزى بىر قارارلىرىمىزنىڭ بەكلا يۈزەكى بولۇپ قالغانلىقىنى ھېس قىلدۇق ھەم ئالدىنقى تېمىدا دېيىلگەن 3 نەپەر ئەزانى ئەسلى پېتى قالدۇرۇپ ،ئالىي ئەزالىق ئۇنۋانى بارلارغا شۇ ئۇنۋاننى ۋە بىر قىسىم مېداللارنى ۋاقتىدا قايتۇرۇپ بەردۇق.

ئەڭ ئاۋال ئۆزىمىزدىكى ئىللەتنى تۈزىشىمىز ،ئۆزىمىزنىڭ بىلىم قۇرۇلمىمىزنى ئۆستۈرۈپ، ئىلمىي مۇنازىرىلەر بىلەن ئەزالارنى قايىل قىلىش كېرەكلىكىنى يەنە بىر قېتىم ئىلگىرلىگەن ھالدا چۈشىنىپ يەتتۇق .

شۇنىڭ ئۈچۈن ئالدىنقى قېتىملىق ئەزالارغا بولغان تەلەپنى ۋاقتىدا ئۆچۈرۈپ ، ئەڭ ئاۋال مۇنبەر ھەركەتلەندۈرگۈچ كۈچىدە مۇھىم ۋەزىپە ئۆتۈپ كېلىۋاتقان باشقۇرغۇچىلار قوشۇنىنى سەرخىللاشتۇرۇشنى خىزمەتلەرنىڭ ئەڭ ئالدىغا قويدۇق.

ئەزالارنىڭ ئالدىنقى بىر قانچە كۈن ئىچىدە كۆڭلى رەنجىپ قالغان يەرلەر بولسا ۋە ياكى بىر قىسىم ئىشلار تۈپەيلى چېچىلىپ قالغان بولسا ، كەڭ قورساقلىق ،ئەپۇچانلىق تۇيغۇسىدا تۇرۇپ ئۆز - ئارا يول قويۇشىنى ئۈمۈد قىلىمەن. شۇنداقلا بىر قانچە كىشىلەر بىلەنلا چىقىرىلىپ قالغان بىر قىسىم يەكۈن ھەم ئۇقتۇرۇشلارنى توغرا ھەزىم قىلىشىنى تۆۋەنچىلىك بىلەن ئۈمۈد قىلىمەن.

_________________

مىسرانىم باشقۇرغۇچىلىرىنى تۈپتىن رەتكە سېلىپ ،ئەڭ ياخشى باشلامچىلارنى مۇنبەر باشقۇرغۇچىلىق ۋەزىپىسىگە ئولتۇرغۇزۇپ ،، ئىناقلىقنى كۈچەيتىش ئۈچۈن خىزمەت گۇرۇپپىمىز بىر قىسىم ئەمەلىي قوللىنىدىغان تۈزۈملەرنى تۈزۈپ چىقتۇق.

1- باشقۇرغۇچىلار ئۆز ئالدىغا تېمىلارنى نادىرلاپ ياكى تەۋسىيەلىشى قاتتىق چەكلىنىدۇ. چوقۇم مەسلىھەت بىلەن ئىش قىلىشى كېرەك.
2- بىلىم قۇرۇلمىسى ھەم ياش چەكلىمىسىگە ئاساسەن مۇنبەردىكى بىر قىسىم باشقۇرغۇچىلارغا قەرەللىك سۆھبەتلەرنى ئېلىپ بارىمىز..
3- ھەر جۈمە كەچ سائەت 7 دە باشقۇرغۇچىلار سۆھبەت يىغىنى ئۆتكۈزۈلىدۇ.
4- قەرەللىك ھالدا باشقۇرغۇچىلارغا بېلەت تاشلاش تېمىسى يوللىنىپ ئەزالارنىڭ يۈرەك سۆزلىرى بىۋاستە خىزمەت گۇرۇپپىمىزنىڭ تەھلىل قىلىشى ھەم ئورۇندىشى ئۈچۈن سۇنىلىدۇ.
5- ھەرقانداق باشقۇرغۇچىنىڭ بىرەر مۇنازىرىدە يېڭىلىپ قالغانلىقنى باھانە قىلىپ ياكى ئاقماس ئىشلار ئۈچۈن ئەزالارنى چەكلىشى قاتتىق چەكلىنىدۇ.
6- ھەرقانداق ئەزالارنىڭ باشقۇرغۇچىلارغا سەمىمىي مەسلىھەت بېرىش ھوقوقى بولىدۇ..

مۇكاپاتلاش ھەم جازالاش ئېنىق ئايرىلغان بولۇپ ئىككى قېتىملىق باھالاشتا ئۇدا ئەزلارنىڭ قوللىشىغا ئېرىشەلمىگەن باشقۇرغۇچىلارنى ۋاقتىدا قالدۇرۇش ،شۇنداقلا ئەزالارنىڭ ئىزچىل قوللىشىغا ئېرىشكەن باشقۇرغۇچىلار نى ماددىي بويۇنلار بىلەن مۇكاپاتلاش ئىشلىرىنى ئېلىپ بارىمىز.

مىسرانىم مۇنبىرىمىز ئۆزىنى توختاتقان ،شەخسي ھېسياتنى ئارلاشتۇرمايدىغان ،بىلىملىك كىشىلەرنىڭ داۋاملىق مۇنبىرىمىزدە باش بولۇپ ،ئەزالارنى يېتەكلەپ مېڭىشىنى خالايدۇ...شۇنداقلا شۇنداق ئەزالىرىمىزنىڭ دادىللىق بىلەن بىزگە ياردەملىشىشىنى سەمىمىي ئۈمۈد قىلىدۇ.

ئەزلارنىڭ بارلىق كۆڭۈلسىزلىكنى كۆڭلىدىن چىقىرۋىتىپ ،مىسرانىمنىڭ ئەتىسى ئۈچۈن تېخىمۇ كۈچىشىنى سەمىمىي ئۈمۈد قىلىمىز!

خەلق گويا بىر دەريا( دېڭىز )غا ئوخشايدۇ . ھۆكۈمرانلار بولسا دەريا( دېڭىز ) ئۈستىدىكى پاراخوت-كېمىلەرگە ئوخشايدۇ . خەلق گاھىدا پەرۋاز قىلدۇرسا گاھىدا چۆكۈرۈپمۇ ئالالايدۇ .
باشقۇرغۇچى بولغان كىشىدە شەخسىيەتچىلىك ئىدىيىسى بولسا بولمايدۇ ، بولۇپمۇ مۇنبەردە تېخىمۇ شۇنداقكەن ، نېمىشقا دېگەندە مۇنبەرگە چوڭمۇ كىچىكمۇ ، زىيالىيمۇ دېھقانمۇ ئىشقىلىپ ھەرساھە كىشىلەرنىڭ ھەممىسى كىرىپ ئۆزىگە كېرەكلىك ئۇچۇرلارنى ئىزدەيدىكەن ، يازمىلارغا ئاۋاز قوشىدىكەن . شۇنداق بولغاچقا تەڭپۇڭلۇقنى ساقلاش مۇرەككەپ بىر ئىش . ھەممە كىشى ئاقىلانە بولسا ھەممە نەرسە كۆزىمىزگە چىرايلىق كۆرۈنگەن بۇلاتتى !
ئىشقىلىپ نېمىلا بولمىسۇن ، مىسرانىم مۇنبىرىنىڭ تور دۇنيارىمىزدا كۆڭۈل بېتىمىزنىڭ بىرى بولۇپ بىز بىلەن تەڭ ئالغا ئىلگىرىلىشىگە ئىشىنىمەن .  

ھەقىقەت ئىگىلىدۇ، سۇنمايدۇ.

بۇلۇتلار تارقاپ ھاۋا ئېچىلسا، قۇياش پارلىسا ھەممەيلەن خوشال بولغان بولاتتۇق ...

بەزى بىر كۆڭلىمىزدىكى ساقلانغان تۈگۈنچىلەر مانا ئەمدى سىز تەرىپىدىن يېشىلدى ، باشقۇرغۇچىلارمۇ بەك جاپا تارتىۋاتىدۇ ، ھەممىسى مىسرانىم مۇنبىرىنىڭ سان-سۈپەت جەھەتتە ياخشى بولىشى ئۈچۈن قوشقان تۆھپىسى ئەلۋەتتە.
مىنىڭ قىسقىچە تەكلىۋىم : مەيلى ئادەتتىكى ئەزالار بولسۇن ياكى باشقۇرغۇچىلار بولسۇن مۇنازىرە قىلىشقاندا گەپ سۆزدە سىلىق -سىپايە ، ئىززەت-ھۆرمەت بىلەن مۇنازىرلەشسەك ، ھەم قىنىمىزنى قىززىق قىلمىساق .

ناھايتى ئوبدان باشلىنىش بوپتۇ ...

ماۋۇ ئۇقتۇرۇش ماڭا ناۋاتتەك ياقتى ، چاڭقاپ كەتكەندە مۇزدەك سۇ ئىچكەندەك خۇش بولدۇم ، ئەقلىڭىزگە ۋە مەسئۇلىيەتچانلىقىڭىزغا بارىكاللا مىسرانىم  
مۇنبەرگە مۇشۇنداق مەسئۇلىيەتچانلا بولسىڭىز مۇنبىرىمىز چۇقۇم ئالدىنقى قاتاردىكى مۇنبەرلەر قاتارىدىن چۈشۈپ قالماي ئەكسىچە ئەڭ ئالدىنقىسى ۋە ئەڭ ياخشى بۇلۇپ چىققۇسى  

مۇنبىرىمىزنىڭ كەلگۈسى تېخىمۇ  پارلاق  بولغۇسى !

ياخشى قىپسەن بۇرادەر ، ھەممە ئىشنىڭ سىلىق يول بىلەن ھەل بولغىنى ياخشى

توغرا ، شۇ تاپتا ھەممەيلەن يامغۇردىن كىيىنكى ھەسەن - ھۈسەنگە قاراپ زوقلىنىپ ئولتۇرۇپتىمىز  

   باشقۇرغۇچىلارغا بېلەت تاشلاتقۇزساق پايدىسى بولارمۇ سىلەرچە.مۇنبەردە 40مىڭ ئەزا ئىچىدە 35مىڭ ئەزانىڭ
2-3دىن كىچىك ئىسمى بار،نۇرغۇنلىرىنىڭ تېخى دەرىجىسى خېلى يۇقىرى.كىرىپ تاشلىسا بولاۋېرىدۇ بېلەت دېگەننى.
  مېنىڭچە باشقۇرغۇچىلار ئۈستىدىمۇ نازارەت قىلدىغانغا ئادەم بەلگىلەپ قويۇڭلار،لېكىن بۇنى ھېچكىم بىلمەيدىغان
بولسۇن،ھەتتا 4 نازارەتچى بولسا شۇ نازارەتچىلەرمۇ بىر بىرىنى بىلمىسۇن.بۇنىڭغا ياش،مەدەنىيەت سەۋىيە دېگەندەك ئاقماس چەكلىمىلەرنى قويۋالماڭلار.بۇلارنىڭ تېما تەستىقلاش،تەھرىرلەش ،ئادەم چەكلەش ھوقۇقى بولمىسۇن.
  باشقۇرغۇچىلارنىڭ ئادەم چەكلەش ھوقۇقىغا چەك قويۇڭلار.10باشقۇرغۇچىنىڭ ئىچىدە 5 باشقۇرغۇچىنى تاللاپ تۇرۇپ
شۇلارغابۇ ھوقۇق بېرىلسۇن،باشقا باشقۇرغۇچىلارنىڭ تېما تەستىقلاش،تەھرىرلەش ھوقۇقى بولسۇن.ئىپادىسى ئىزچىل
3 ئاي ياخشى بولسا بۇ ھوقۇق بېرىلسۇن.
  ئالى ئەزالارنى تاللاش،چۇشۇرۇش ئىشلىرىغا باشقۇرغۇچى،ئەزالار ئارلاشمىسۇن.مۇنبەر باشلىقلىرى ئۆزى كۈزىتىپ
چىقىرىش-چۈشۈرۈش ئىشلىرىنى قىلسۇن،مېدال بېرىش ئىشلىرىدىمۇ شۇنداق.
  بۇرۇن چىققان بىر تېمىدا كىشىنى ھاقارەتلىسە،زىتىغا تەگسە دەرىجىسى چۈشۈرلىدۇچەكلىنىدۇ دەپ ئۇقتۇرۇش قىلىنغان
ئىدى،لېكىن ئۇزاق ئۆتمەي ئالى ئەزادىن ئىككىسى ئىككى ئەزانى ھاقارەتلەپ زىتىغا تەگسە بۇنىڭ سورىقى بولمىدى،لېكىن مەن قىلىپ قويغان ئىككى ئېغىز گەپكە 2 سائەت چەكلەندىم.بىر كىشىنىڭ دەرىجىسىگە قاراپ مۇئامىلە قىلىدىغان ئىشلارنى باشقۇرغۇچىمۇنبەر باشلىقلىرى قىلمىسا.مۇنبەردە قىلىمىز دېگەن گېپىگە ئىگە بولسا.
ساقچى بولسىمۇ ئاتىمىز دېگەندەك لىللا ئىش قىلسا.

شۇ چاغدا قاچقان ئەزالارمۇ قايتىپ كېلىدۇ،كىرمەيۋاتقان ئەزالارمۇ قايتا كىرىدۇ.باشقا گەپ بولسا يەنە دېيىشەرمىز.
ئۆزۈڭلارنى ئاسراڭلار،ئالى ئەزالار سىلەرنى تارتىپ قويدۇم خاپا بولماڭلار.

     ئەسسالامۇئەلەيكۇم، مىسرانىم مۇنبىرىدىكى بارلىق مۇنبەرداشلار، مىسرانىمنىڭ تۆۋەنچىلىك بىلەن بۇ يازمىنى يوللىشى ئۇنىڭ مۇنبەرگە ئىگە بولۇش، ئومۇملىقنى كۆزدە تۇتۇش، مۇنبەرنىڭ تىنچ، سۈپەتلىك تەرەققىي قىلىشىغا بولغان قۇربان بېرىش، تىرىشىش، باراۋەر ئادىل بولۇش روھىنىڭ ئىپادىسى دەپ قارىدىم.
    مىسرانىم مۇنبىرىدە سانداندا كۆرسىتىلىۋاتقان ساندىكى ئەزا شۇنچىلىك بولمىغان تەقدىردىمۇ 30000ئەتراپىدا ئىكەنلىكىنى ھەممىمىز ئىتراپ قىلىمىز. دېمەك، شۇنچە كۆپ ئادەم ئىچىدە بىز كۆزگە ئىلمىغان، ئۆزىمىزنى قارشى تەرەپتىن ئاقىل چاغلىغان كىشىلەر بەلكىم بىزنىڭ ئالىملىرىمىز بولىشى مۇمكىن، بىز گەپ - سۆزىگە قاراپ چوڭ بىلگەن كىشىلەر بەلكى ھەممە ناچار سۈپەتلەرنى ئۆزىگە يۇقتۇرغان نادان كىشىلەر بولىشىمۇ مۇمكىن. شۇڭا، بىز مۇئامىلىدە ئادىل بولىشىمىز، گەپ - سۆزدە قارشى تەرەپنى ھۆرمەت قىلىشىمىز كېرەك. مەيلى باشقۇرغۇچى بولسۇن، ئادەتتىكى ئەزا بولسۇن ھەممىسىنىڭ ئۆز كۆز قارىشى ، ئۆز تارازىسى بار. مىسرانىم تورىنىڭ بىر چوڭ تەركىبى بولغان مۇنازىرە مۇنبىرى ھەممەيلەن ئويلىغىنىنى دەيدىغان، كۆز قاراشنى ئوتتۇرىغا قويۇپ ئۆزىگە مەنتىقە بېكىتىدىغان جاي. شۇنداق بولغانكەن، نېمىشقا ئۆز كۆز قارىشىمىزنى باشقىلارغا زورلاپ تاڭىمىز؟! نېمىشقا باشقىلارنىڭ خاتالىقىنىلا تېپىپ ، ئارتۇقچىلىقىنى ئاز تىلغا ئالىمىز؟! سۆز قىلغاندا ئىلمىي ، سىلىق بولساق ، سىزنىڭ يازغىنىڭىزنى كۆرگەن ھەر بىر ئادەم سىزدىن سۆيۈنسە ، ئاندىن ئۇلار سىزنىڭ كۆز قارىشىڭىزغا قوشۇلۇپ، سىز دېمەكچى بولغان مەنانى چۈشىنەلەيدۇ. سىزگە دوستلۇق كۆزى بىلەن قارايدۇ.
   باشقۇرغۇچىلارنىڭ ئىشىمۇ ھەقىقەتەن ئاسان ئەمەس ئىكەن. مەن بۇنى باشقۇرغۇچى بولغان بىر نەچچە كۈن ئىچىدە ھىس قىلدىم. دۆلەت، جەمئىيەتنىڭ سىياسى تەلىپى، مۇنبەرنىڭ خاسلىق تەلىپى، يازمىلارنىڭ مەزمۇن، شەكىل، ھەجىمى قاتارلىقلارغا قويىلىدىغان تەلەپ... ، مۇشۇنداق نۇرغۇن تەلەپلەرگە ئۇيغۇنلاشتۇرۇپ، بېكىتىپ ئاندىن بىر تېمىنى تەستىقتىن ئۆتكۈزۈش جەريانى ھەقىقەتەن بىر سىناق. ئەگەر ئىملانى توغرىلاپلا چىقىرىدىغان ئىش بولسىدى، ئۇ چاغدا باشقۇرغۇچىلارنىڭ ئەزالاردىن ئۇچرىغان "دەشنام"لىرى ئاز بولغان بولاتتى. مۇنبەرداشلارنىڭ ئۆزى ئەۋەتكەن يازمىنىڭ سۈپىتىنى قايتا - قايتا ئويلىشىپ، ئاندىن ئۆزۈڭلارغا بېرىلگەن ئەسكەرتىش، ئۆچۈرۈلۈش مەشغۇلاتى ئۈستىدە ئاغرىنشىڭلارنى ئۈمىد قىلىمەن.
   مۇنبەرداشلارنىڭ بىر تېمىنى يېزىپ پۈتتۈرۈپ، ئىپتىخارلىق بىلەن مۇنبەرگە يوللىشىمۇ كۆپ ئەجىر، سەۋرىچانلىقتىن، مۇنبەرگە بولغان بىر خىل يېقىن ھىسياتتىن كېلىدۇ. مەيلى قانداق تېما يوللاڭ، سىزنى كۈن بويى توردا ئەھمىيەتسىز نەرسىلەرنى كۆرۈپ، ئايىغى چىقماس ئويۇنلارنى ئويناپ ۋاقىت ئۆتكۈزىۋاتقان كىشلەردىن مىڭ ھەسسە ئەقىللىق، پەزىلەتلىك، تىرىشچان دەپ بىلىشكە بولىدۇ. باشقۇرغۇچىلارمۇ ھەر دائىم سىلەرنىڭ مۇشۇنداق تەرىپىڭلارنى كۆزدە تۇتۇپ، كۆپ ئويلىنىش، تەھرىرلەش، مەسلىھەتلىشىش بىلەن ئىمكان بار تەستىقلاشقا لايىق قىلىپ مۇنبەرگە چىقرىدۇ. بەزى گەرچە سىزنىڭ ئەمگىكىڭىز بولسىمۇ، لېكىن ، يۇقىرىدا دېيىلگەن ئۆلچەم ، تەلەپلەرگە مۇۋاپىق بولمىسا، ئۆچۈرۈشكە مەجبۇر بولىدۇ.(ئۆچۈرۈشتە سىزگە ئۇقتۇرىدۇ. مەشغۇلات خاتالىقى بولۇپ قالسا بۇ باشقا گەپ). شۇڭا، سىلەرنىڭ تېماڭلارنىڭ تەستىقتىن ئۆتۈش، ئۆتمەسلىكى توغرىسدا توغرا چۈشەنچىدە بولۇشىڭلارنى ئۈمىد قىلىمەن.
   مەيلى باشقۇرغۇچى بولسۇن، مەيلى ئاددى ئەزا بولسۇن، ھەممىمىز ئادەم. بەزىدە تاياقتىن تىل يامان. سىز باشقىلارغا نارازى بولۇپ، قوپال، تەنە، ھاقارەت سۆزلىرىنى ئىشلىتىپ ، پىكىرىڭىزنى ئوتتۇرىغا قويغاندا، ئەگەر سىزگە بىرى شۇنداق گەپ قىلسا قانداق ھىسىياتتا بولىدىغانلىقىڭىزنى بىلەلىشىڭىز مۇمكىن. يەنە بىر جەھەتتىن، ھازىر قانۇن تەكىتلىنىۋاتىدۇ، تۇرمۇشتىكى تالاش-تارتىش دەۋا ئىشلىرىدىمۇ، ئەرز قىلىش، دوكلات قىلىش يوللىرى، قائىدىسى بار. مەيلى كىم بولسۇن، قانداق پىكىر-تەكلىپىمىز بولسا، ئۆزىڭىز مۇۋاپىق دەپ قارىغان ئادەمگە سۆزىڭىزنى سىلىق، يولى بىلەن ئىنكاس قىلسىڭىز. مىسرانىم مۇنبىرى ئىگىلىرى سىزنىڭ ئىنكاسىڭىزغا ئەڭ قىسقا ۋاقىت ئىچىدە جاۋاب قايتۇرالايدۇ دەپ ئىشىنىمەن.