جاھان بىلەن بىللە يۈرەر ئاجايىب گۈزەل ئېقىم،
بۇ ئېقىمدا بىللە بولغاي مېھنەتلىك قان تەرلىرىم.

  يېڭىلىق مەردانىلىق، ئەل بابىدا سەن يېگانە بول،
يارەنلىرىڭ يايرىسۇن . دۈشمىنىڭ تامام رېتىم!
شۇندا ياڭرار زەپ يېقىملىق ، بەك گۈزەل جاراڭلىق كۈي ،
ئاڭا بولغاي جاھان يار، مەڭگۈگە گۈللىگىن رېتىم!



سەندە خىسلەت ، مۆجىزە، كىشىنى ھەيران ئەيلىگەن،
ھەجەپ كەڭرى مەيدانكەن، بىزگە سەھنە تەڭلىگەن .
ئۇندا باركەن جىمى مەزمۇن، كۆزلەرنى قاماشتۇرۇپ،
كۈيلىرىڭگە ھەمراھ بولۇپ، بۇلبۇلمۇ خەندان ئەيلىگەن.
شۇندا ياڭرار زەپ يېقىملىق ، بەك گۈزەل جاراڭلىق كۈي ،
ئاڭا بولغاي جاھان يار، مەڭگۈگە گۈللىگىن رېتىم!



قىلغاچقا سەن ئەخلاقنى يار، بارلىقىڭ روناق تاپقاي،
ئەدەپ بىلەن مېھمانلىرىڭ قەدەملىرى راۋا بولغاي .
ئەجىر مېھنەتنىڭ تامچىلىرى سەن ئۈچۈن رازى بولۇپ ،
يەنىمۇ ھېكمەت تارقىتىپ. ئەبەدىي ئەبەد چاقنىغاي .
شۇندا ياڭرار زەپ يېقىملىق ، بەك گۈزەل جاراڭلىق كۈي ،
ئاڭا بولغاي جاھان يار، مەڭگۈگە گۈللىگىن رېتىم!



ئۇشبۇ نەۋرۇز خاسىيىتىن كەلگۈسىڭ ھەم كامال تاپقاي !
بۇندىن كىيىنكى يوللىرىڭنى ئۇلۇغ ئاللاھ راۋان قىلغاي !
قېرىنداشلىق مىھرىمۇ ھەم كەڭ ئالەمگە پۇراق چاچقاي !
ئىجىل ــ ئىناق ئۆتۈپ ھەممە دۈشمەنلەرنى گۇمران قىلغاي !
شۇندا ياڭرار زەپ يېقىملىق ، بەك گۈزەل جاراڭلىق كۈي ،
ئاڭا بولغاي جاھان يار، مەڭگۈگە گۈللىگىن رېتىم!



مىڭ تەشەككۈر مېھنىتى سىڭگەن تۆھپىكار يولداشلارغا،
مۇنبرچۈن قان تەر تۆككەن، مېھنەتكار سىرداشلارغا .
مەرھەمەت ئەيلەڭ مېھمان، ئۇشبۇ كاتتا سورۇنغا ،
ئايىماڭ تەكلىپ پىكىر ، بولغاچ بىزگە ئېسىل سوۋغا .
يەنە ياڭرار تەنگە ھوزۇر ،يېقىملىق بىر كۈي رېتىم ،
ساڭا ھەمدە جۆر بولغاي ، مەڭگۈگە خەندان ئۇر رېتىم!

مەنبە..http://blog.retim.cn/446837

ياخشى يىزىلغان شىئىركەن، تىمىڭىزغا رەخمەت.
ئامان بولۇڭ دوستۇم!!!

شېئرڭىزمۇ،رىتم مەھەللىڭىزمۇ ياخشىكەن،رەخمەت..خەت قالدۇرۇپ قويدۇم،،

ياخشى شئېركەن .................رەخمەت سىزگە.