بەدىنىدە تۆشۈك ئەڭ كۆپ ئايال
19 – ماي ، شوتلاندىيىنىڭ مەركىزى ئىدىنبۇرگتا دۇنيا جېنىس رېكورتىغا ئېرىشكۈچى ئېلىنا داۋىسېن يۈزىگە تاقىۋالغان ھەر خىل پوسوندىكى زىننەت بۇيۇملىرىنى كۆرگەزمە قىلماقتا . ئېلىنانىڭ ئۈستىبېشىدا جەمئىي 5920 تۆشۈك بار بولۇپ ، دۇنيادىكى بەدىنىدە تۆشۈكى ئەك كۆپ ئايال بولۇپ ھېسابلىنىدىكەن .
دۇنيادىكى ئەڭ سېمىز ئەر توي قىلدى
26 – ئۆكتەبىر، دۇنيادىكى ئەڭ سېمىز ئەر مانۇئېل ۋۇنۋېر يۈك ئاپتوموبىلىغا ئولتۇرۇپ ، سۆيگىنى گىلادىيە سولىسنى كۆچۈرۈپ كەلدى. مانۇئېل ۋۇنۋېر بۇ يىل 43 ياشقا كىرگەن بولۇپ ، ‹‹جىننېس رېكورتى قامۇسى›› دا ‹‹دۇنيادىكى ئەڭ سېمىز ئەر›› دەپ خاتىرىلەنگەن.
ئىگىلىنىشىچە ، ئۇنىڭ سۆيگىنى گىلادىيە سولىس مانۇئېل ۋۇنۋېرنىڭ ھازىرغا قەدەر ھايات قالغىنىنىڭ ئۆزىنى بىر مۆجىزە دەپ قارايدىكەن. مانۇئېل ۋۇنۋېرنىڭ بەدەن ئېغىرلىقى 2006 – يىلدىكى 560 كىلوگرامدىن ئوڭۇشلۇق ھالدا 250 كىلوگرامغا چۈشكەن بولۇپ ، ئۇ بەدەن ئېغىرلىقىنى 120 كىلوگرامغا چۈشۈرۈش ئۈچۈن تىرىشىۋېتىپتۇ.
ئەڭ قىممەت يانفۇن
12–مارت ، GoldVish شىركىتى لوندوندا ئۆزىنىڭ يېڭى مەھسۇلاتى—‹‹يىگانە›› ناملىق يانفۇننى بازارغا سالغان. ئىگىلىنىشچە بۇ يانفۇن ئاز دېگەندە 150 گرام 18Kلىق ئالتۇندىن ياسالغان بولۇپ ، يۈزىگە ۋېسسېلتون برىليانتى قوندۇرۇلغان ئىكەن . بۇ يانفۇننىڭ باھاسى1 مىليون ياۋرو بولۇپ ، ئەڭ قىممەت يانفۇن ھېسابلىنىپ جېننىس دۇنيا رېكورتىغا كىرگۈزۈلگەن.
ئېگىز پاشنىلىق ئاياغ كىيىپ يۈگرەش
2 – سېنتەبىر ، ئاۋسترالىيىنىڭ سىدنېي پورتىغا يېقىن جايدا ، 265 نەپەر ئايال ماھىر 7.5 سانتېمىتىر ئېگىزلىكتىكى ئېگىز پاشنىلىق ئاياغ كىيىپ مۇسابىقە يولىدا يۈگۈرۈپ كېتىۋاتماقتا . بۇ 265 نەپەر 7.5 سانتىمېتىر ئېگىزلىكىتىكى ئېگىز پاشنىلىق ئاياغ كىيىپ 80 مېتىرغا يۈگۈرۈش مۇسابىقسى ئۆتكۈزۈپ ، دۇنيا جىنىس رىكورتىنى ياراتقان .
دۇنيادىكى ئەڭ ئۇزۇن ساقال
چەت ئەل ئاخبارات ۋاستىلىرىنىڭ خەۋىرىگە قارىغاندا ، كانادا برىتانى كولۇمبىيە شتاتى سۇررېي ۋىلايىتىدىكى شىك دىنىغا ئېتىقاد قىلىدىغان 42 ياشلىق ئەر ساۋەنت ستارسنىڭ ئۇزۇنلۇقى ئىككى مېتىرغا يېقىنلىشىدىغان ساقىلى ‹‹دۇنيادىكى ئەڭ ئۇزۇن ساقال›› سۈپىتىدە دۇنيا جىننېس رېكورتىغا ئىلتىماس قىلىنغان.
12 – نويابىر ، ئۈچ نەپەر ھۆكۈم چىقارغۇچى 200 گە يېقىن كىشىنى گۇۋاھ قىلىپ ، ساۋەنت ستارسنىڭ ساقىلىنى ئۈچ قېتىم ئۆلچىگەن ، نەتىجىدە ، ئۇنىڭ ساقىلىنىڭ ئۇزۇنلۇقى 1.895 مېتىر كەلگەن .
دۇنيادىكى ئەڭ چوڭ سۇ ئۈزۈش كۆلچىكى
چىلىنىڭ دېڭىز قىرغىقى شەھىرىدىكى بۇ سۇ ئۈزۈش كۆلچىكىنىڭ ئۇزۇنلۇقى تەخمىنەن 1000مېتىر، يۈزى 8 گېكتار ، سۇ سىغىمى 250مىڭ كۇپ مېتىر بولۇپ ، كىچىك تىپتىكى پاراخوت قاتنىيالايدىكەن . يېقىندا ، بۇ سۇ ئۈزۈش كۆلچىكى جىنىس دۇنيا رېكورتى تەشكىلى تەرىپىدىن دۇنيادىكى ئەڭ چوڭ سۇ ئۈزۈش كۆلچىكى دەپ ئېتىراپ قىلىنغان .
موتسىكلىتتا توي كۆچۈرۈش
5 – ئىيۇل ، ئۇكرائىنانىڭ پايتەختى كىيېۋنىڭ شەھەر مەركىزىدە ، كېلىنچەك لىنا گران بىلەن كۈيئوغۇل يىۋگىنى ئوۋكىۋېچ 1000 دىن ئارتۇق موتسىكلىتتىن تەشكىللەنگەن موتسىكلىت توي كۆچۈرۈش ئەترىتىگە باشلامچىلىق قىلىپ كېتىۋاتماقتا . بۇ يېڭى تويى بولغان قىز – يىگىت بۇ ئۆزگىچە موتسىكلىتتا توي كۆچۈرۈش ئەترىتىنىڭ يېڭى بىر تۈرلۈك دۇنيا جىنىس رېكورتىنى يارىتىشنى ئۈمىد قىلغان .
دۇنيادىكى ئەڭ چوڭ ئالتۇن تەڭگە
10– فېۋرال ، كانادانىڭ ئەرەب بىرلەشمە خەلپىلىكىدە تۇرۇشلۇق ئەلچىخانىسى ئېغىرلىقى 100 كىلوگرام كېلىدىغان ئالتۇن تەڭگىنى كۆرگەزمە قىلغان . بۇ ئالتۇن تەڭگىنى كانادا خان جەمەتى مېتال پۇل قۇيۇش ئىدارىسى قۇيغان بولۇپ ، ساپلىقى %99.999 گە يېتىدىكەن ، قىممىتى بولسا 970 مىڭ ئامېرىكا دوللىرى كېلىدىكەن . بۇ ئالتۇن تەڭگە دۇنيادىكى ئەڭ چوڭ تەڭگە ھېسابلىنىپ ، جېنىس رېكورتىغا كىرگۈزۈلگەن .
1000 جۈپ قىز – يىگىت
26 – ئۆكتەبىر ، مېكسىكىنىڭ پايتەختى مېكسىكا شەھىرىدىكى بىر مەيداندا 1000 جۈپتىن ئارتۇق قىز – يىگىت كوبا مۇزىكىسىغا بىر خىل رېتىمدا ئۇسسۇل ئوينىماقتا . ئۇلار بىرلىكتە كۇبا مۇزىكىسىغا ئۇسسۇل ئويناپ ، ئۇسسۇل ئويناشقا قاتناشقان ئادەم سانى ئەڭ كۆپ بولۇشتەك رېكورتنى ياراتقان .
ئەڭ چوڭ يېمەكلىك
7 – دېكابىر ، پېرۇدىكى ئاشپەزلەر پايتەخت لىمادا پېرۇلىقلارنىڭ ئەنئەنىۋى يېمەكلىكى ‹‹ئاپلېسىن سۈيىگە چىلانغان تۇزلانغان بېلىق››نى تەييارلىماقتا . بۇ ئاشپەز ئۇستاملار ئالتە توننىدىن ئارتۇق بېلىق گۆشى ، باش پىياز ۋە ئاپلېسىن ئىشلىتىپ ، ئېغىرلىقى 6.8 توننا كېلىدىغان ، دۇنيادىكى ئەڭ چوڭ ‹‹ئاپلېسىن سۈيىگە چىلانغان تۇزلانغان بېلىق››نى تەييارلىغان .
http://www.xjtsnews.com/normal/content/bak/content/2008-12/19/content_137941.htm
