ئاگاھ بولۇڭ،يىگىتلەر، قىزلار،
ئەسقاتمايدۇ ئۈجمە كۆڭۈللەر.
يۈرەكلەرگە چېچىپ قار - مۇزلار،
ئەسقاتمايدۇ ئۈجمە كۆڭۈللەر.



شاختىن شاخقا قونۇپ يۈرگەن قۇش،
مەڭگۈ ئەمەس، بىردەم كۆڭلى خۇش.
كۆرۈنگەنگە ۋەدىسى قوش - قوش،
ئەسقاتمايدۇ ئۈجمە كۆڭۈللەر



ئېيتقان بىلەن ناخشىنى باشلاپ،
تۈگىمەستىن قاچىدۇ تاشلاپ.
سىز قالىسىز كۆزىڭىز ياشلاپ،
ئەسقاتمايدۇ ئۈجمە كۆڭۈللەر.



كۆتۈرگىنى كۆرۈنمەس ئارقان،
ئايرىلمايدۇ قوينىدىن قاپقان.
شېرىن سۆزنى قىلىدۇ قالقان.
ئەسقاتمايدۇ ئۈجمە كۆڭۈللەر.



تالاي يىگىت چۈشتى قىلتاققا،
تالاي قىزلار ئىلىندى شاخقا.
يالغان سۆزلەپ مىندۈرەر ئاتقا،
ئەسقاتمايدۇ ئۈجمە كۆڭۈللەر



بۈگۈن مەندىن قايتسا گۈل پۇراپ،
ئەتە سىزگە بارار گۈل سوراپ،
يۈرەر يەنە كىمنىدۇر توراپ،
ئەسقاتمايدۇ ئۈجمە كۆڭۈللەر.



جۈپتى بىلەن يارالغان ھەركىم



قايغۇرمىغىن يارسىز قالساڭمۇ ،
بىر مېنڭلا جۈپتۇم يوقكەن دەپ .
ئىشىكىڭنى چېكىدۇ خەقلەر،
بولسا سەندە غۇرۇر ھەم ئەدەپ .



تالاي جۈپلەر ياندىشىپ ماڭسا،
يانلىرىڭغا قارايسەن دائىم .
ياشلىقڭنىڭ ھەۋەسلىرىدە،
چاچلىرىڭىنى تارايسەن دائىم.


تاھىر كۆيگەن زۆھرە ئوتىدا،
شېرىنگىمۇ يارالغان پەرھات .
سەن ئۈزەڭنى باشقۇرالىساڭلا ،
سېنى ئىزدەر بولساڭلا ھايات .


ئاقساقنىڭمۇ ئىگىسى باردۇر ،
چولاقنىڭمۇ سۆيىدۇ بىر كىم .
سېنى ئىزدەر ئاشىقىلار تولا،
جۈپتى بىلەن يارالغان ھەركىم.



مەن بۇ شئېرنى بەك ياختۇرغانلىقىم ئۈچۈن رېتىم تور بېتىدىن يۆتكەپ ئەكەلدىم .


مەنبە : رېتىم تور بېتى