مانا بۇ رېئىستوراننىڭ ئايرىم خانىسى ،
                      ئاڭلىنىدۇ ئىچىدە  قىقس -سۈرەن ئاۋازى .
                   بۇ  ئېسىل سۈپەت بىر توپ خانىم -قىزلارنىڭ ،
                  تۈگىمەس قاتار چاي ، ئولتۇرۇش نۆۋىتى .


                                              سىن قويغۇچ ئىچىدە بىچارە ،مىسكىن ناخشىچى ،
                                              ئېيتىپ بېرىۋاتىدۇ ئۇلارغا مۇڭلۇق كۈي ، ناخشا .
                                              ئېيتقان ناخشىسىنى بىر ئۆزىلا تىڭشاۋاتامدىكىن ،
                                              لېكىن  بۇ ناخشا كىرمەس  خانىملارنىڭ قۇلىقىغا .
            
          مانا سورۇننىڭ باشچىسى خۇش چىراي، قىزىقچى  مىراب خانىم ،
         <<خوش >> بىلەن باشلىۋەتتى ئېغىزغا ئالغۇسىز سېرىق يۇمۇرنى .
         << ۋەيت - ۋەيت >> << ھا، ھا، ھا >> تېقىملىرىغا ئۇرۇشۇپ ،  
         ئايرىم خانىدىن سىرتقا پارتلاپ چىقتى ئۇلارنىڭ  خوشال كۈلكىسى .

                          ئەنە ئاۋۇ چاچلىرىنى بويىۋالغان ئالتۇنباش خانىم ،
                         جايىدا  ئورۇنلاشتۇرىۋەتكەن ئۆيىدىكى ئىشلىرىنى .
                       بۇ قاتار چايدا خاتىرجەم ، كۆڭۈللۈك  ئېچىلىپ- يايرار ،
                         بالىلىرىغا تاماق ئېتىپ بېرىپ ئۆيدە تۇرغاچ ئۇنىڭ ئېرى .

       مانا ماۋۇ قەلەمقاش غەمسىز ئولتۇرغان   خانىم  ،
     ئۈستەلدىكى نازۇ -نېمەتلەرگە بەھوزۇر باقماقتا .
     يولدىشى  خاپىچىلىقىدا  ئاچچىق ھاراققائۆزىنى ئۇرار ،
    ئۆيىدە بىچارە بالىلىرى قاتتىق ناننى تەستە يۇتماقتا .

                       ياندىكى ئايرىم خانا تېخىمۇ  كەتكەن قىزىپ،
                       ئاڭلىنىدۇ نازلىق كۈلۈش ، قوپال چاخچاقلار .
                     بۇلارنىڭ بەزىلىرى بىر -بىرىگە چىرمىشىپ كەتكەن ،
                     ئىكەنغۇ ئەسلىدە رەڭلىك قاتار چايدىكى ئاشىق -مەشۇقلار .

      ئەنە ئاۋۇ ئېسىل سۈپەت كېلىشكەن   ئەپەندى ،
       ئاشىقىنىڭ پىچىرلاپ  ئاجرىشىشقا بەرمەكتە ۋەدە.
        ئايالى ئۆيدە ئۇخلۇتۇپ قويۇپ ئوماق ئوغلىنى ،
        چ چ دا تونۇشقان ئەر دوستىغا دەرتلەر تۆكمەكتە .

                        ئەر دوستى چ چ دا  ئايالغا بەرمەكتە   تەسەللى ،
                      << بولد ى جېنىم  ئۇنى ئويلىما ، بولمىغىن خاپا .
                          ئۇ  ئوينىسا سىرتلاردا قىز دوستى  بىلەن ،
                        ئىككىمىزمۇ   بەخت پەيزىنى سۈردۇققۇ مانا .  >>
  
      مانا شۇ تەرىقىدە قىزىپ  كەتكەن بۇ   قاتار چايلار  ،
     قاتار چاي ئىشتىراكچىلىرى كۆرۈنۈشتە  ئاجايىپ خوشال .
     لېكىن بۇ قاتار چاي بەزىلىرىگە  ئېپ كەلگەن قايغۇ   ،
     تېشىدا كۈلۈپ تۇرسىمۇ ، غەملىرى  باردۇر ئىچىدە بىر تالاي .

                   بۇ قاتار چايدا ئوينىغانلار  ،يايرىغانلارنىڭ ،
                    بەزىلىرى ئالىي مەلۇماتلىق زىيالىلاردۇر .
                     بەزىلىرى كارخانىچى ،كاتتا ئەربابلار ،
                   يەنە بەزىلىرى سودىگەر ،داڭلىق بايلاردۇر .

  ئۇلارنىڭ  كۈنلىرى ئالدىراش قاتار چايلاردا ،
  پەرزەنتلىرى باشباشتاق ،ئوينار ھەر جايدا .
مانا شۇنداق  داۋاملىشسا بۇ قاتار چايلار ،
مىللىتىمىز ئاقىۋەتتە بولار قايسى ھالدا .

                  مۇشۇنداق داۋاملاشسا  تۈگىمەس قاتار چاي،
                   مىللىتمىزنىڭ ئېسىل ئادىتىنى كېتىدۇ تۈگەپ .
                  يوقالسۇن ئۇنداق پەسكەش قاتار چاي ،
                  پىيالىدە سۇنغان چايلار ئەلگە بەرسۇن نەپ .

  
     بۇ شېئىرنى ھازىرقى تۇرمۇشىمىزدا يۈز بېرىۋاتقان ،ئىناقلىقنىڭ دۈشمىنى بولغان ، بىر قىسىم بولمىغۇر ، چەكتىن ئاشقان  قاتار چاي ئولتۇرۇشلىرىغا قارىتا يازدىم .
مەنبە : ئۆز قەلىمىم
                  
                

مۇشۇ قاتار چاي سەۋەبىدىن ئىناق ئائىلىسنى ۋەيران قىلغان،،ئوماق باللىرنى يىتىم قىلغان ئاتا ئانلار كۆپ جۇمۇ،،مەنمۇ دەيمەن يوقالسۇن قاتار چاي،،،،،،

بۇنداق قاتارچايلارنىڭ نۇرغۇنلىرى ھەشەتخۇرلۇق بۇزۇپ چېچىش بولسىمۇ ~~ھازىر بىر كۇركۇم ياخشى مېھرىبان ئانىلىرىمىز شۇنداق قاتار شەكىلدە سورۇن ئۇيۇشتۇرۇپ مەبلەخ توپلاپ خەيرى_ساخاۋەتكە ئىشلىتىدىكەن ~~~ئەمما ئۇ ھەرگىزمۇ رىستۇرانلاردا پۇل بۇزۇش ئەمەسكەن ~~~كىچىڭ ئاشخانىلاردا بىرەر ۋاخ تاماق يەپلا  تۇگىتىدىكەن ~~~بۇ نىمە  دىگەن  ياخشى ئىش ~~

مەنمۇ ياختۇرمايمەن قاتار چاينى...بەك ياخشى يىزىپسىز   بەك جانلىق چىقىپتۇ .....رەخمەت سىز گە.

سەردار ئېيتىقاندەك ئىشلارمۇ بار لىكىن بۇنداقلار 100نىڭ ئىچىدە چىقسا 1ياكى بولمىسا 2سى چىقدۇ بولمىسا ھەممىسى شۇ ئىسراپخورلوق،ھەشەمەتچىلىك.شۇنداقلارنى ئافرىقا چۆلىگە ئاپىرىپ بىر ھەپتە ئاچ قولسا بولدۇ. مەنغۇ پەقەتلا ياقتۇرمايدۇ.

شۇ ئەمەسمۇ ..........بۇ قاتار چاينىڭ نېمىگە پايدىسى باردۇ؟؟ئارتۇچە ئىسراپچىلىق قىلىپ..............ھەي بىر قىسىم ئادەملەر نېمىشقا ھوشۇنى يىغمايدىغاندۇ...

ھەقىقەتەن بەك ياخشى يېزىپسىز....................

ھەقىقەتەن ياخشى قامچىلاش بۇلۇپتۇ ، مۇشۇ جانىم قىزلىرىمىز تۈگەتسە بۇلاتتى بۇقاتار چاينى .

ھەي مۇشۇنداق تۈگۈمەس خاتالىقنى ياقلاۋاتقان قاتار چايلار قاچانمۇ تۈگەر ھە، شۇ قاتار چايلارغا قاتناشقان ئاياللار پەرزەنتلىرىنىڭ لاياقەتلىك ئاپىسى بولالارمۇ؟ دادىلارچۇ..................ئۇلارنىڭ ئوقۇغۇچىلىرى بولغان پەرزەنتلەرنىڭ ئاقىۋىتى قانداق بوپ كېتەكىن تاڭ..............     
بەكلام جانلىق يېزىپسىز مۇسىلىنە، ھارمىغايسىز................رەھمەت ھە....................!!!!!

قاچانمۇ  تۈگە  بۇ  قاتار  چايلا...................   
مۇشۇنداق  قاتار  چايلارنىڭ دەستىدىن  نۇرغۇنلىغان  ئۆيلەر  بۇزۇلۇپ  ۋەيران  بولماقتا..........

...............شۇنداق مەنمۇ قاتارچايغا ئۆچ ...........................
..................شۇڭا بۇنداق ئىشلارنى چەكلەيلى.......گوگو غەيرەت قىل

قاتار چاي _ خاتا چاي،
پۇلغا ئوتنى ياقار چاي.
تۈگىمىسە ۋاقتىدا ،
پەزىلەتنى بۇزارچاي.

قاتار چايلار سەۋەبىدىن بىز خېلىلا چېكىندۇق  
قىز-چوكانلىرىمىز ياۋروپالىشىپ كەتتى
ھەي~!~        

مەنمۇ ياختۇرمايمەن بۇنداق قاتار چايلارنى....
بىكار ۋاقىت ئسىراپ قىلىپ.......

    قاچانمۇ ئاخرلاشاكىن مۇشۇ قاتار چاي دىگەن نىمە؟؟؟؟  توۋا شۇنىڭغا نۇرغۇن پۇللىرىنى ئىشلىتىدىغان سېخى ئاچىللىرىمىز كوچىدا بىر يىتىم بالا  ئۈچراپ قالسا  قارىماسقا سېلىپ ئۆتىپ كىتىدۇ......  ئاشۇ پۇللارنى جەمىيەتتىكى يىتىم يىسىرلەرگە بەرسە نىمە دىگەن ياخشى بۇلاتتى-ھە!!!!  رەھمەت سىزگە ھەدە، بۇنى بەكلا ياخشى يېزىپسىز......  ھارمىغايسىز.......

مۇسىلىنە  ھەدە، بۇ  شېئىرىڭىز  ھەقىقەتەن  گەپتىن  ئىشىلگەن،مۇشۇنداق  بولمىغۇر، چەكتىن  ئاشقان  قاتار  چايلارنى  قامچىلايدىغان  قامچا  بولسا  بولغۇدەك، دىمىسىمۇ  قاتار  چاي  كقىشىنى  بەكلا  زىرىكتۈرىدۇ، ئاپام  دائىم  قاتار  چايغا  دەپ  1000يۈەن  ئەتراپىدا  پۈلنى  ئۆزىگە  قىسىۋالىدۇ.