تورداشلىرىڭىزنى ئەسلىيەلەمسىز ؟!
توردىن ئىبارەت بۇ غايىۋى دۇنياغا قەدەم باسقىنىمغىمۇ سەككىز يىلدىن ئېشىپ قاپتۇ . بۇ جەرياندىكى شېرىن ئەسلىمىلەر مېنى بەزىدە تاتلىق كۈلدۈرسە ، بەزىدە ئىچىمنى ئاچچىق قىلىدۇ .
تۇنجى توردىشىمنى ئەسلەش مەن ئۈچۈن ئەڭ خۇشاللىنارلىق بىر ئىش. ئىككىمىز تەڭ دېمەتلىك بۇلۇپ، ئۇ باشقا بىر شەھەردىن ئىدى. ئىككىمىزنىڭ قىسمىتىدىكى ئوخشاشلىقتىنمۇ ئىشقىلىپ، پىكىر بىرلىكىمىز بارئىدى . ئىككىمىز ساق بەش يىل خەت-ئالاقە قىلىشتۇق . ھەر يىلى ھېيت -بايرام بولغاندا، ئۇ ماڭا تېلفۇن قىلىشنى ئۇنتۇپ قالمايتتى . تۇغۇلغان كۈنۈم ۋە يېڭى يىل كۈنى كەچ سائەت 12 بولغاندا مەن
ھەرقېتىم تۇنجى بۇلۇپ ئۇنىڭ تەبرىكىنى تاپشۇرىۋالاتتىم . ئۇنىڭ ماڭا يازغان ئۈچىنچى پارچە خېتى يۈرىكىمنى ھازىرغىچە ئاجايىپ بىر شېرىن ھېسلارغا سالىدۇ . گەرچە خېتىمىزنىڭ مەزمۇنى مۇھەببەت تېمىسىدىن خالىي بولسىمۇ ، ئەمما ،ئۇنىڭ ئۈچىنچى پارچە خېتىدە بىللە ئەۋەتكەن بىر تال قىپقىزىل قۇرۇتۇلغان ئەتىرگۈل مېنى بەكلا خۇش قىلىۋەتكەنىدى . ئەمما مېنىڭ پۇشايمان قىلىدىغىنىم ، مەن ئۇنىڭغا بىرەر قېتىم تېلفۇنمۇ قىلىپ باقمىغانىدىم .
ئىككىنچى توردىشىم : ئۇمۇ باشقا شەھەردىن بۇلۇپ مەندىن نەچچە ياش چوڭ ئىدى. خىزمىتى شۇنداق ئالدىراش بولسىمۇ تورغا چىقىپ مەن بىلەن پاراڭلىشىشنى ئۇنتۇپ قالمايتتى. ئۇنىڭ بىلەن پاراڭلىشىش مەن ئۈچۈن ئەڭ كۆڭۈللۈك بىر ئىش ئىدى. ئۇنىڭ يۇمۇرىستىك گەپلىرى مېنى كۈلدۈرۈپ، بارلىق كۆڭۈلسىزلىكلەرنى ئۇنتۇلدۇراتتى. ئۇ پەقەت توردىلا شۇنداق يۇمۇرىستىك ئىدى ، تېلفۇندا دۇدۇقلاپ قەتئىي گەپ قىلالمايتتى. ئۇ ھەركۈنى كەچتە چاقىرغۇمغا سۆز قالدۇراتتى. مەنمۇ ئۇنىڭ قالدۇرغان سۆزىنى كۆرگەندىن كېيىنلا ئاندىن ئۇخلاپ قالاتتىم . لېكىن بىر يىلدىن كېيىن مەن
ئۇنى تور دۇنياسىدا يۈتتۈرۈپ قويدۇم .
ئۈچۈنچى توردىشىم : ئۇ ئوقۇتقۇچى بۇلۇپ ، باشقا شەھەردىن . مەن ھازىر ئىشلىتىۋاتقان QQ رىمنى ئۇ ماڭا بەرگەن . ھازىرغىچە بىر-بىرسىمىزنىڭ ھۆرمىتىنى قىلىپ ،ئىزدىشىپ ئۆتىۋاتىمىز .
تۆتىنچى توردىشىم : ئۇ مەن بىلەن بىر يۇرتلۇق بۇلۇپ، لېكىن ئىچكىرىدە تىجارەت قىلاتتى. ئىككىمىز تۇنۇشقان چاغلار مېنىڭ تازا ئۇيقۇم بۇزۇلغان ۋاقىتلار بولغاچقا ، كۆپىنچە تورغا كېچىلىرى چىقاتتىم . ئەمما ئۇ مېنىڭ كېچىسى تورغا چىقىشىمغا قارشى ئىدى .شۇڭىمۇ ھەركۈنى كەچتە ئۇ ياتىقىمغا تېلفۇن قىلىپ تېلفۇندا ناخشا ئېيتىپ بېرەتتى. بەزىدە يېرىم كېچىلەردە ئۇنىڭ ناخشىسىنى ئاڭلىغاچ تېلفۇننى تۇتقان پېتى ئۇخلاپ قالاتتىم ،بەزىدە ناخشا ئاڭلاپ تاڭمۇ ئېتىپ كېتەتتى، ئۇ زېرىكمەيتتى. ئۇ پەقەت بىرلا جۇملىنى تەكرارلايتتى< مېنىڭ بۇنداق قىلىشىم، سىزنىڭ كومپىيوتېرنىڭ ئالدىدا ئۇزۇن ئولتۇرىشىڭىزنى توسۇش ئۈچۈن، بۇ سالامەتلىككە زىيانلىق. ئۇيقۇڭىز كەلمىگەندە مەن ناخشا ئېيتىپ بېرەي ، سىز خۇش بولسىڭىزلا مەنمۇ خۇش > . كېيىن كىچىككىنە بىر خاتالىقىم تۈپەيلى ئىككىمىزنىڭ ئالاقىسى ئۈزۈلۈپ قالدى .
بەشىنچى توردىشىم : مەن ئۇنى تورداشلىرىمنىڭ ئىچىدە ئەڭ ئامراق ۋە ئەڭ يېقىن ئادىمىم ھېساپلايمەن .ئۇنى خۇددى ئۆزەمنىڭ ئاكىسىدەك ،بىرەر يېقىن تۇققىنىمدەك ھېس قىلىمەن . ئۇ باشقا شەھەردىن بولغاچقا بىزنىڭ كۆرۈشۈش پۇرسىتىمىز يوق ئىدى. بىر يىلى تۇغۇلغان كۈنۈم بولدى . مەن خۇددى بۇ دۇنيادا ھەممە ئادەمنىڭ ئېسىدىن كۆتۈرۈلۈپ كەتكەندەك ، دوستلىرىم بۇ كۈننى ئۇنتۇپ قالغان ئىدى .كۆڭلۈم ناھايىتى يېرىم ، ئۆزۈم يالغۇز تورخانىغا كەلدىم . QQ نى ئەمدىلا ئېچىشىمغا ،ئۇ ماڭا خەت يازدى ۋە مەندىن بۇ تورخانىنىڭ ئېنىق ئادرىسىنى سورىدى .
- نىمە بولدى ئادرىسىمنى سوراپ قالدىڭغۇ؟-ئۇنىڭدىن سۇغاقلا قىلىپ سورىدىم.
- قارىسام IP رىڭ بۇرۇنقىغا ئوخشىمايدىچۇ ،شۇ سېنى نەدىن تورغا چىقىۋاتىدىكىن دەپ ئەنسىرەپ سوراپ باقتىم .
ئارىدىن بىرەر سائەت ئۆتكەندىن كېيىن، تېلفۇنۇم سايراپ قالدى .
- كىم ؟
- ھە .. مەن***گۈلخانىسىدىن . مەن ھازىر سىز تۇرۋاتقان تورخانىنىڭ ئىشىكى ئالدىدا . بىر ئەپەندىم سىزگە گۈل ئەۋەتكەنىدى.
تېلفۇننى قۇيۇپلا ئىشىك ئالدىغا چىقتىم . يۇغان بىر دەستە ئەتىرگۈل تۇتقان قىزچاق ماڭا قاراپ كۈلۈمسىرەپ تۇراتتى .
- تۇغۇلغان كۈنىڭىزگە مۇبارەك بولسۇن !
ئۇ قىزغا بىرمۇنچە رەھمەتلەرنى ئېيتىپ، گۈلنى ئالدىم . گۈلنىڭ ئارىسىدا بىر تەبرىك ئاتكىرتكىسى تۇراتتى .ئاتكىرتكىنى ئېچىۋېدىم ، يۈز سوم پۇل سېيرىلىپ چۈشتى. تورخانىغا قايتىپ كىرىپ ئۇنىڭغا خەت يازدىم .
-ساڭا نىمە دېيىشىمنى بىلەلمەيۋاتىمەن . رەھمەت . مەن پەقەت مۇشۇ سۆزنىلا دېيەلەيدىكەنمەن .
- ھا ھا ھا ... سەن خۇش بولدىڭمۇ، ئەگەر خۇش بولساڭلا شۇ كۇپايە. سەن كۈلسەڭ مەن كۈلگەنگە ئوخشاش. سەن باشقىلارنىڭ سېنى تۇيۇقسىز خۇشال قىلىشىنى ياقتۇراتتىڭغۇ . گەرچە ، بۇ گۈلنى مەن ئۆز قۇلۇم بىلەن بېرەلمىگەن بولساممۇ، ئەمما بۇ مېنىڭ كىچىككىنە كۆڭلۈم .
ئۇنىڭ بۇ سۆزىلا مەن ئۈچۈن ھەرقانداق قىممەت سوۋغىدىن ئەۋزەل ئىدى .
ئارىدىن نەچچە يىل ئۆتۈپ ، مەن ئانچە-مۇنچە مۇنبەر ئارىلايدىغان بولدۇم . كېيىن مۇنبەردە بىرىنى ئۇچراتتىم. ئۇنىڭ پىكىر قىلىش ئۇسۇلى تور دۇنياسىدا تۇنجى بۇلۇپ دىققىتىمنى تارتتى. بەزىدە ئۇنىڭ كىچىك بالىلارغا ئوخشاش ئىنكاسلىرى ئامراقلىقىمنى كەلتۈرسە، بەزىدە پىشقان ئادەملەرنىڭكىدەك تەپەككۇرى ،تەھلىللىرى مېنى قايىل قىلاتتى. مېنىڭ ھەرقانداق بىر سۇئالىم ئۇنىڭ ئالدىدا جاۋاپسىز قالغان ئەمەس ئىدى. مەن ئۇنى ھەرخىل ئوبرازلاردا تەسەۋۋۇر قىلاتتىم. شۇڭىمۇ ئۇنىڭ بىلەن پاراڭلىشىشنى ياقتۇراتتىم. شۇنداق قىلىپ،مەن تور ئۇيۇنلىرىدىن، تۇگىمەس دوستلار يىغىلىشلىرىدىن ئاستا-ئاستا ئۆزۈمنى تارتىپ، مۇنبەرگە باغلاندىم . باشقا دوستلارنىڭ يازمىلىرىغا قاراپ ، مېنىڭمۇ بىر نەرسىلەرنى يېزىپ باققۇم كەلدى. ئانچە-مۇنچە بىرنىمىلەرنى جىجىلاپ ئەسلىمىلىرىمنى يېزىپ قويدۇم . مۇنبەر ھاياتىم مېنى كىشىلىك قەدىر-قىممەت، ھايات توغرىسىدا قايتا ئويلىنىشقا مەجبۇر قىلدى. ئۆزۈمدىكى ئۆزلۈك ئاڭنى ئىزدەشكە باشلىدىم .
خەير ! ئەگەر ھايات < گۈزەللىك بىلەن رەزىللىك ، يورۇقلۇق بىلەن قاراڭغۇلۇق، پاكلىق بىلەن چىرىكلىك>بىر-بىرىگە كەسكىن سېلىشتۇرۇلغان ھالدا مەۋجۇت بولسىدى، ياشاش بەكمۇ ئاسانغا توختىغان بۇلاتتى . ئەپسۇسكى ھايات كۆپ ھاللاردا ئۆزىنىڭ ھادىسە بىلەن ماھىيەت ئوخشاش بولماسلىقتەك مۇرەككەپ ، ئارلاشما ھالىتى بىلەن بىزنى ئاچچىق ساۋاقلارغا مۇپتىلا قىلىدۇ . ھاياتتا بىز گۈزەل دەپ قارىغان نەرسىلەر رەزىل ، چىن دېگەن نەرسىلەر ساختا بۇلۇپ قالىدىكەن.

ھاياتتا بىز گۈزەل دەپ قارىغان نەرسىلەر رەزىل ، چىن دېگەن نەرسىلەر ساختا بۇلۇپ قالىدىكەن.
  بۇ سۆزىڭىز بەك توغرا ئىيتلغان ....بەك ياخشى يىزىپسىز   ئوقوپ ئىچىگە چۆكۈپ كىتەي دىدىم   بۇنداق ياخشى تىمىلىرىڭىز ئۈزۈلمىسۇن دوستۇم.

سىز  بۇرۇن چ چ  غا  بەك  قىزىقىپ قاپتىكەنسىز ئەمدى مۇنبەرگە بۇتەرپىمىز  ئوخشىشىدىكەن.............مەنمۇ بۇرۇن دائىم تۇردا ئۇيۇن ئوينايتىم ياكى چ چ دا پاراڭلىشاتتىم........مۇنبەرگە باغلىنىپ قالغانلارنى بولسا زاڭلىق قىلاتتىم بىراق بىر كۈنى دۇستۇم مۇنبەرگە كىرەيلى دەپ مىنى مىسىرانىمغا  قىزىقتۇرۇپ قۇيدى........شۇندىن بىرى مىسىرانىمغا باغلىنىپ قالدىم مۇنبەردىكى ھەرخىل قىزىقارلىق ۋە يېڭى نەرسىلەر مىنى رام قىلىۋالدى..........

QQ  دىگەنگە بۇرۇن سەت قىززىقاتتىم بۇرۇن، يى تىيەن يى گې ... دىگەندەك كۈندە بىرى بىلەن تۇنۇشۇپ ئاخىرى يالغۇز قالدىمغۇ مانا ... قىززىق مەنمۇ بۈگۈنگە كەلگەندە مۇشۇ مۇنبەرگە باغلىنىپتىمەن ئويلاپ باقسام ......

ھەممىمىز  ئوخشاشمۇ نىمە ؟    مەنمۇ  شۇ   ئىلگىرى  چ چ  دا  نۇرغۇن كىشىلەر بىلەن تونۇشۇپ ، ۋاي  تىلفۇنلىشىپ .......ئەجەپ ئەخمەقكەنمەن        
   ھازىر   چ چ نى ئاچساممۇ گەپ قىلىش خۇش ياقماسلا بوپ قالدى ماڭا .....
  ماڭا  پەقەت  مۇنبەر بولسىلا  بولدى

ئادەمنى چۇشۇنۇش ئۈچۈن بىر ئۆمۇر ۋاقتىمىز ئاز كىلىپ قېلىشى مۇمكىن ~~بىز بۇگۇن قارىساق ئەتىسى باشقىچە تۇرىشىدىكى سەۋەپ ئادەمنىڭ ئۆزگۇرۇشچانلىقىدا شۇنداق ئۆزگۇرۇشچانلىقى نۇرغۇن ئاچارىچىلىقلارنى تۇغدۇرىدۇ ~~ئادەمنى ئازاپقا ئېلىپ بارىدۇ ~~ئەلۋەتتە ئۆزگۇرۇشنىڭ ھەممىسىنى ناچار دەپ كەتكىلىمۇ بولمايدۇ ~~ھازىر چ چ دا تۇنۇشۇپ  مۇھەببەتلىشىدىغانلار كۆپىيىۋاتىدۇ ~~ئەمما ئىككىسى بىر  يۇتتا بولسا كۆرۇشۇشكە پۇرسەت بولسا بۇ ياخشى ئىش ئەمما كۆرۇشەلمەيدىغان يىراق جايدا تۇرۇپ مۇھەببەتلاشسە بۇ مۇھەببەتكە ھاقارەت كەلتۇرگەنلىك ~~

رەخمەت سزگە  بەك ياخشى يېزىپسىز ..............!! سىزنىڭ چ چ دىكى ئىسمىڭىزمۇ جالات خېنىم مۇ ياكى؟؟ ..........................!! مەن مۇشۇنداق ئىسمى بار بىرسىنى كورگەن .......!!!

جاللات خېنىم سىز نىمانداق چاققان . مەن مۇنبەرنى بىر قېتتىملا ئاتىشىمغا ئەزا بوپ تېخى تېما چىقىرىپمۇ بوپسىز قالتىس جۇمۇ سىز.يەنە بىر مۇنبەردە ئوينايدىغان بولدۇق ھە.

  بۇرۇن مەنمۇ چ چ غا شۇنداق قىزقىپ قالغان......  مۇشۇ مۇنبەرگە كىرگەندىن كىيىن چ چ گە ئانچە قىزقىپ كەتمىدىم.....  مۇشۇ مۇنبەر مىنى ئۆزىگە جەلىپ قىلۋالدى..... بۇنىڭغا كىرىپ دوسلار بىلەن پاراڭلاشسام، كۆڭلۇم شۇنداق ئېچىلىپ قالىدۇ...  دوسلارنىڭ يازغان ئەسەرلىرىنى ئوقۇپ نەزەر دائىرەممۇ خېلى كېگەيدى.....  جاللات خېنىم ... ئەسەرلىرىڭىز مىسرانىمدىن ئۈزۈلمىسۇن.....  

توغرا دەيسىز  مەنمۇ تورغا ئالامەت قىزىقىمەن ، مۇشۇنداق بىر دەۋىردە ياشاۋاتقانلىقىمدىن  تور ئارقىلىق دۇنيانىڭ ھەرقايسى جايلىرىدىن دوستۇتۇپ ئۆزەمنى ناھايىتى بەخىتلىك ھېس قىلىمەن

مەرھابا جاللات خېنىم مەرھابا.......
سىزنى بۇمۇنبەردە ئۇچرىتىپ سالامە دەپ ئويلاپمۇ باقماپتىكەنمەن......
راس گەپنى قىلسام بۇرۇنقى مۇنبەردە  سىزنىڭ تېمىلىرىڭىزھەقىقەتەن ئادەمنى قايىل قىلاتتى...
 ھەممە تېمىلىرىڭىز ئۆزگىچە ئىشقىلىپ پەقەتلا بىكا پاراڭ ياكى قۇرۇق سۆز دېگەنلەر يوق ئىدى.
سىزنىڭ تېمىلىرڭىزنى ئوقۇشقا ئامراق ئىدىم........
ئەمدى ياخشى بولدى
يەنە بىر مۇنبەردە ئويناش نىسىپ بولغان چېغى......
بولسا داۋاملىق ............

ھەي، ھەجەپ ئاخىرى باردەكلا بىر ئەسەركەنتۇق. مەن ئاخىرنى ئوقىيالمغاندەك يۈرۈگۈم بىر قىسىمىلا بولۇپ قالدى. بولسا داۋاملىق يېزىپ قويسىڭىز بوپتىكەن!!

نۇرغۇنلىغان تورداشلار مىنى تۇنۇيدىكەن ئەمما مەن بىرەرسىڭلارنىمۇ تۇنمدىمغۇ ئىزاھات بىرىپ قويساڭلار تۇنۋالسام بوپتىكەن

خـــى  تۇنىمىغان بۇلسىڭىز  خالسىڭىز  تۇنۇشۇپ قالساق بۇلىدۇ قانداق  ... تارتىنماڭ ھە ... كىيىنچە تۇنۇشپ قالىمىز تىخى خالسىڭىزلا قاندىغى ....

ھې ھې ھې  
   مېنى تونىمىدىڭىزما بۇرۇنقى مۇنبەردىكى !DARTMAN!    قالغان گەپنى ھېلى چچ رىڭىزغا..........