ئەسسلامۇ ئەلەيكۇم مۆھتىرەم تورداشلار:
تور ئارىلاۋېتىپ بىر ئەرەپ مۇنبىرىگە يېزىلغان بىر ھېكايىنى ئوقۇپ قېلىپ نەچچە كۈنگىچە ئۇيقۇم كەلمەي قالدى، شۇ ھامان قۇدرىتىمنىڭ يېتىشىچە تەرجىمە قىلىپ ئۆزلەشتۈرۈپ سىلەرگە ئېلىپ كەلدىم ، مەقسىدىم ، ئاشۇنداق ئاچچىق تۇرمۇش ساۋاقلىرىدىن ئىبرەت ئالساق، تۇرمۇشىمىز تېخىمۇ گۈزەل ۋە خاتىرجەم بولسا دىمەكچىمەن.
خالىد ئىشخانىسىدا چوڭقۇر غەملەرگە پاتقان، رەڭگى روھى تاتارغان ھالدا ، ئېغىر ئۇف تاترىپ ئولتۇراتتى ،نەچچە كۈندىن بېرى ئۇنى كۈزۈتۈپ كەلگەن دوستى سابىر ئاخىرى چىدىماي ئۇنىڭغا ئاستا يېقىنلاشتى ، ۋە :
_ خالىد نەچچە كۈن بولدى، قارىسام بىر ئىچ پۇشۇقۇڭ باردەك قىلىدۇ ، يا بىزگە گەپ قىلمايسەن ، يا گەپكە جاۋاپ بەرمەيسەن، خۇددى پۈتۈن دۇنيانىڭ غېمىنى سەنلا كۆتۈرە ئالغاندەك بېشىڭنى قۇچاقلاپ ئولتۇرغىنىڭ ئولتۇرغان ، بىز دىگەن ئۇزۇن يىللىق ئاغىنە، قانداقلا ئىش بولسا دىگىن، بىز بىرلىكتە ھەل قىلايلى،- دېدى. خالىد بىر ئازدىن كېيىن ئاستا بېشىنى كۆتۈرۈپ :
_ رەھمەت ساڭا دوستۇم ،راست دەيسەن، مەنچىمۇ مەن ھازىر ماڭا ئاقىلانىلىك بىلەن يول كۆرسىتەلەيدىغان بىرىگە ئېھتىياج بولىۋاتقاندەك قىلىمەن،- دېدى-دە ، قەددىنى رۇسلاپ < دۇنيا غەملىرى> ھەققىدە سۆز باشلاشقا تەمشەلدى ، سالىھ پىيالدە چاي قۇيۇپ ئالدىغا قويدى، خالىد گەپ باشلىدى:
_ ئاداش سەنمۇ بىلىسەن، توي قىلغىنىمغا سەككىز ئايمۇ بولمىدى ، ئەر-ئايال ئىككىمىز بۇ شەھەردە ئاتا-ئانىمىزدىن ئايرىم تۇرىمىز ، بېشىمنى قاتۇرۋاتقان مەسىلە ، 20 ياشلىق كىچىك ئىنىم سابىر بۇ يىل تۇلۇق ئوتتۇرىنى پۈتتۈرۈپ ، مۇشۇ شەھەردىكى بىر ئالىي مەكتەپكە قوبۇل قىلىندى، بىر نەچچە كۈندىن كېيىن كېلىپ ئوقۇش باشلىماقچى، ئاتا-ئانام ياقا يۇرتلاردا يالغۇز يۈرۈپ ياخشى -يامان بالىلار بىلەن ئارلىشىپ قېلىپ ، تۇيۇق يولغا كىرىپ قالارمۇ ، دەپ ئەنسىرەپ ، ئۇنى بىزنىڭ ئۆيدە دەپ بەكلا چىڭ تۇرىۋېلىۋاتىدۇ ،مەن قەتئىي رەت قىلدىم ، ئويلاپ باقە، مەكتەپنىڭ مۇنتىزىم ئوقۇغۇچىلار ياتىقى بار تۇرسا ،جىقراق پۇل تۆلىسەممۇ ، ئۇنى ياخشى ياتاققا ئورنلاشتۇرۇپ قويسام بولمىدىمۇ ؟ ئىنىمنى ئەسكى دەۋاتقىنىم ئەمەس ئاداش ، ئۇ ئەمدى كىچىك بالا ئەمەس ، بەلكى بالاغەتكە يەتكەن، قېنى ئۇرغۇپ تۇرغان ياش يىگىت، سەن-بىزنىڭمۇ ياشلىق ۋاقىتلىرىمىز بولغان دىمىسەممۇ بىلىسەن ، ئۆيدە گاھىدا ئايالىم ئۇخلاپ قالغاندا، خىزمەت سەۋەپلىك سىرتقا چىقىپ كېتىدىغان ئىش بولۇپ قالىدۇ ، يەنە بەزىدە كاماندىروپكىغا چىقىپ كەتسەم بىر نەچچە ئايلاپ ئۆيدە بولالمايمەن ، ۋە بەزىدە... ۋە بەزىدە...
سەندىن يوشۇرمايمەن سالىھ، مەن بىر ئەھلى ئىلىم كىشىدىن بۇ ھەقتە مەسلىھەت سوراپ باقتىم ، ئەرنىڭ بىر تۇغقان قېرىنداشلىرى، ئاكىسى، ئىنىسى، تاغىسى ۋە ئۇلارنىڭ ئوغۇللىرىنىڭ ئايال كىشىگە ئەڭ چوڭ خەتەر ئىكەنلىكىنى ،چۈنكى ئۇلار ئۆيگە بىمالال كىرىپ چىقسىمۇ ، ھېچكىم ئۇلاردىن گۇمان قىلىپ قالمايدىغانلىقىنى ،مانا مۇشۇنىڭدىن ئەڭ ئەشەددىي ئاقىۋەت كېلىپ چىقىدىغانلىقىنى، پەيغەمبىرىمىزنىڭمۇ بىزنى بۇ ھەقتە قاتتىق ئاگاھلاندۇرغانلىقىنى ئېيتىپ ، مېنى كۈچۈمنىڭ بارىچە بۇ ئىشقا قارشى تۇرىشىمنى تەۋىسسىيە قىلدى .
يەنە شۇنىمۇ يوشۇرۇش ھاجەت ئەمەسكى، ئەر-ئايال دىگەن ، بولۇپمۇ بىزدەك يېڭى توي قىلغان ئەر-ئاياللار ئايرىم ، ئارام خۇدا كۈن ئۆتكۈزۈشنى خالايدۇ ، سابىر ئۆيدە بولسا قانداقمۇ راھەت بولغىلى بولىدۇ ؟ دەپ باققىنە ؟
خالىد جىمىپ كەتتى ،پىيالىدىكى چاينى ئوتلىۋېتىپ سۆزىنى يەنە داۋام قىلدى :
_ئاتا-ئانامغا بۇ ھەقتىكى ئويلىغانلىرىمنى چىرايلىق چۈشەندۈرۈپ ئېيتتىم ، پەقەت شۇ ئىنىم ئۈچۈن ياخشى بولسۇن دەپ شۇنداق قىلدىم ، دەپ ئاللاھ نامىدا قەسەم ئىچىپمۇ كەتتىم .لېكىن ئۇلار ماڭا قاتتىق ئاچچىقلاپ تۇغقانلارنىڭ ئادىدىلا <ئاتا-ئانىسىغا ۋاپاسى يوق، قېرىنداشلىرىغا كۆيۈمى يوق،نىيىتى يامان، كۆڭلى قارا، گۇمانخور ...> دەپ تىللاپلا كەتتى، ماڭا ھەممىدىن ھار كەلگىنى دادمنىڭ < خەلق ئالەم ئالدىدا نىمە سەتچىلىك بۇ ؟ سېنىڭ ئۆيۈڭ بار تۇرۇپ ئىنىڭ يادلار بىلەن بىللە تۇرسا مەن بۇ يۈزۈمنى قانداق كۆتۈرۈپ يۈرىمەن ھە ؟ ئەگەر ئىنىڭنى ئۆيۈڭدە تۇرغۇزمىساڭ ئاپاڭ ئىككىمىز ساڭا مەڭگۈ لەنەت ئوقۇيمىز ،قىيامەتكىچە سەن بىلەن ئادا جۇدا بولىمىز، سېنىڭدەك بالىمىز يوق...>دەپ تەھدىد سېلىشلىرى بولدى.
خالىد بېشىنى تۇتۇپ ئۇزۇنغىچە ئولتۇرۇپ كەتتى،-دە :
_شۇ تۇرقىدا بېشىمنىڭ ئىچىمۇ تېشىمۇ قېتىپ كېتىۋاتىدۇ ،يۈرۈكۈم ئىككى بىسنىڭ ئارىسىدا لەختە-لەختە قان بولىۋاتىدۇ، بىر تەرەپكە قارىسام ئاتا-ئانام ، ئۇلارنىڭ رازىلىقىنى ئالمىسام بولماس ، يەنە بىر تەرەپكە قارىسام بەخىتلىك ئائىلەم ، ئۇنى ۋەيران قىلغۇم يوق ،سەن دەپ باقە ئاداش قانداق قىلىشىم كېرەك ؟
سالىھ ئولتۇرىشىنى رۇسلىۋېلىپ :
_ماڭا قارا خالىد ،مېنىڭ بەك ئىچىڭ كۆچلۈك، بەك كۆپ ئويلاپ كېتىپسەن ،ئاتا-ئاناڭ بىلەن قارشىلىشىپ ، شۇنچە كۆپ كۆڭۈلسىزلىكلەرنى تەرگۈدەك ئىشمۇ بۇ ؟ئاتا- ئانىنى رازى قىلغاندىن ئاللاھمۇ رازى بولىدۇ ، ئۇلارنى قاقشىتىپ ، غەزەپلەندۈرگەنگە ئاللاھمۇ غەزەپ قىلىدۇ، بۇنى بىلمەمسەن ؟ ئىنىڭ سىلەر بىلەن تۇرسا نەرى يامان ؟ ئەكسىچە تالا- تۈزنىڭ يۈگۈر يېتىملىرىغا چاپىدۇ،ئۆيدە يوق ۋاقتىڭدا ئورنىڭدا ئائىلەڭنى قوغدايدۇ ئەمەسمۇ ؟-دېدى .
سالىھ بىر دەم تۇرىۋېلىپ، خالىدنىڭ بۇ سۆزلەرگە نىسبەتەن قالداق ئىنكاستا بولىۋاتقىنىنى كۈزەتكەندىن كېيىن سۆزىنى داۋام قىلدى :
-يەنە شۇنى سوراپ باقاي، نىمە ئۈچۈن بىگۇناھ بىر كىچىك بالىغا دەلىلسىز تۆھمەت چاپلاپ، قالايمىقان گۇمان قىلىسەن ؟ ئاللاھ تائالا قۇرئان كەرىمدە : { ئى ئىمان ئېيتقان كىشىلەر ،ۆۇماندىن ساقلىنىڭلار، بەزى گۇمانلار گۇناھتۇر ..} دىگەنغۇ ؟
ئاجەبا ئايالىڭغا ئىشەنمەمسەن ؟ ئۆز ئىنىڭغا ئىشەنمەمسەن ؟...
خالىد دەرھاللا سۆزىنى بۆلدى :
_ئۇنداق ئەمەس ، ئايالىمغىمۇ ، ئىنىمغىمۇ ئىشىنىمەن ، بىراق...
_ قوي ئاداش ئۇنداق قالايمىقان گۇمان، ئوي -خىيال، تەسەۋۋۇرۇڭنى ،ئىنىڭغا ئىشەن ئۇ چوقۇم ئائىلەڭنىڭ ياخشى قوغدىغۇچىسى بولالايدۇ، ئايالىڭغىمۇ ئۆ ھەدەسىگە قارىغاندەك قارايدۇ. ئۆزەڭگە سۇئال قويۇپ باقە ، ئەگەر سەن سابىر سېنىڭ ئورنۇڭدا بولسا ، سەن ئۇنىڭ ئايالىغا يامان كۆزۈڭ بىلەن قارامىدىڭ ؟ ھوشيار بول خالىد، ئەرزىمەس ئورۇنسىز گۇمانلىرىڭنى دەستەك قىلىپ ئاتا-ئاناڭغا ئازار بەرمە، قېرىنداشلىرىنىڭ دىلىنى سۇندۇرما ، كۆڭلۈڭنى ئەمىن تاپقۇزاي دىسەڭ ، ئۆيۈڭنى بوغۇپ ئادىنقى قىسمىنى خالىدقا ئورۇنلاشتۇرۇپ بەرسەڭ بولمىدىمۇ ؟
خالىد سالىھنىڭ سۆزلىرىدىن قايىل بولغاندەك قىلاتتى ، يەنە كېلىپ ئۇنىڭ شۇنىڭدىن باشقىمۇ ھېچ بىر تاللاش يولى يوق ئىدى.
بىر نەچچ كۇندىن كېيىن سابىرمۇ بۇ شەھەرگە كېلىپ، ئاكىسىنىڭ ئۆيىگىمۇ ئۇرۇنلۇشۇپ بولدى، ئوقۇشمۇ باشلىنىپ بولدى، ئاللاھنىڭ ئىلمى بىلەن شۇ تەرىقىدە تۆت يىلمۇ ئۆتۈپ كەتتى ، خالىدمۇ 30 ياشقا كىرىپ ، 3 يالىنىڭ دادىسى بوپ قالدى.
سابىرنىڭمۇ بۇ يىل ئوقۇش پۈتتۈرىدىغان ئاخىرقى يىلى بولۇپ ، ئوقۇش پۈتتۈرۈش ئىمتىھانىغا تەييارلىق كۆرىۋاتاتتى . خالىد ئىنىسىغا ئوقۇش پۈتكەندىن كېيىن ، ئۇنى ياخشى خىزمەتكە ئورنلاشتۇتۇشقا ، تاكى ئۇنىڭ بېشىنى ئوڭشاپ، ئايالى بىلەن ئۆي ئايرىپ قويغىچە ئۆزلىرى بىلەن بىللە مۇشۇ ئۆيدە تۇرىشى ھەققىدە ۋەدە بەردى .
شۇ كۈنى كېچىسى خالىد ئىشتىن چۈشۈپ قايتىۋاتقاندا مۇنداق بىر كېلىشمەسلىك بولدى ، بۇ ئۇنىڭ بەخىتسىزلىكىنىڭ مۇقەددىمىسى بولۇپ قالغان ئىدى.
داۋامىنى بار .
[ بۇ يازما گۈل-چۈشى تەرىپىدىن قايتا تەھرىرلەندى ]
