مەيلىمۇ (سۇلتاننۇر)

sultannur

	مەيلىمۇ نۇر ئەھمەدجان روزى  سۇلتاننۇر ئىھ،يار سىنىڭ دەردىڭنى،ئۆلگىچە تارتسام مەيلىمۇ، ھەر كۈن سىنىڭ ئىشقىڭدا،قوشاق قاتسام مەيلىمۇ. ھىجرانىڭدا قىينالغاچ،بىتاپ بولۇپ يىقىلدىم، دەردىمگە ھىچ داۋا يوق،ئاغرىپ ياتسام مەيلىمۇ. سەن بىرەر رەت كەلمىگەچ،دەرتلىرىمگە دەرمان بوپ، يالغۇزلۇقتا باشقا  بىر ھەمراھ   تاپسام    مەيلىمۇ. ئوخشىتاتتىڭ سەن مىنى،خۇشپۇراقلىق گۈللەرگە، ئەمدى   ئاشۇ  پۇراقنى،خەققە  چاچسام    مەيلىمۇ. ئۈمىد ئۈزۈپ سىنىڭدىن،يايرىم يوق دەپ يۈرۈپمەن، يۈرەكىگە   ئۆزگىنىڭ،  ئوتلار  ياقسام   مەيلىمۇ. چىدالامسەن سەن ماڭا،  سۆيسەم ئەگەر   باشقىنى، تۈڭلۈكىدىن ئاي بولۇپ  ،  قىيا باقسام  مەيلىمۇ. چىقىرۋىتىپ سۆيگۈڭنى،يۈرۈكۈمنىڭ قىتىدىن، يەنە باشقا سۆيگۈگە ،  ئىشىك ئاچسام  مەيلىمۇ. ساڭا  بەرگەن كۆڭۈلنى ،  بىرىپ  يەنە  باشقىغا، ئوتتا  كۆيۈپ  سۈيىدە،  بىللە  ئاقسام  مەيلىمۇ. توختا كۆڭلۈم بولدى بەس،مىنى تولا ئازدۇرما، يارغا بەرگەن  ۋەدەمدىن  شۇنداق  يانسام  مەيلىمۇ. لەۋزى ھالال ئەركەككە،  مەن  ساقلايمەن  يايرىمنى، ئازدۇرسا گەر  شەيتانلار،  تاشنى ئاتسام  مەيلىمۇ. 2013-يىلى6-فىۋرال       (ئۈرۈمچى)

mahatjan

	توختا كۆڭلۈم بولدى بەس،مىنى تولا ئازدۇرما، يارغا بەرگەن  ۋەدەمدىن  شۇنداق  يانسام  مەيلىمۇ. لەۋزى ھالال ئەركەككە،  مەن  ساقلايمەن  يايرىمنى، ئازدۇرسا گەر  شەيتانلار،  تاشنى ئاتسام  مەيلىمۇ.    دىگەن مىسرالاردىكى مەزمۇن قارمۇ-قارشى بولۇپ قالدىمۇ قانداق.مەسىلەن؛     لەۋزى ھالال ئەركەككە،  مەن  ساقلايمەن  يايرىمنى،

18099736949

	mahatjan يوللىغان ۋاقتى  2013-2-7 12:09 AM توختا كۆڭلۈم بولدى بەس،مىنى تولا ئازدۇرما، يارغا بەرگ ... مەنمۇ  شۇنداق  قاراشتا  لىكىن ياخشى يىزىلىپتۇ ،تىخىمۇ   تىرىشىڭ

musilina

	تىلى يېنىك،يېقىشلىق،جەلپ قىلارلىق چىقىپتۇ شېئىرىڭىز،ھوزۇرلىنپ  ئوقۇۋەتتىم.... قەلىمىڭىز توختاپ قالمىغاي..... مەخەت مۇئەللىم دېگەندەك‹‹لەۋزى ھالال ئەركەككە،  مەن  ساقلايمەن  يايرىمنى››دېگەن مىسرانى ‹‹لەۋزى ھالال ئەركەكمەن،  مەن  ساقلايمەن  يايرىمنى››دەپ ئالسىڭىز مۇۋاپىق بولغۇدەك....

DiLgiYaR

	كۆڭلۇمدىكىنىلا  يېزىپسىز،رەخمەت

abaytarim

	ماخمۇت سۇلايمان مۇزىكا ئىشلەپ ئېيتسا بولغىدەك مۇشۇ تېمىدىكى ناخشىسىغا ئۇلاپلا ، ياخشى چىقىپتۇ ...

teneklerem

	مەيلى دەرمەن تانساڭ مەندىن ئۇنتۇپ ۋەدىنى، تاشلاپ كەتسەڭ مەيلى تاتسام سۆيگۈ دەردىنى. قەدىرسىز قويسەڭ نە ئيتىمەن داتلاپ ئۆزگىگە، بىلەرسەن بىركۈنى تاشلىغاننىڭ شۇ قەدرىنى.