تاققا -تۇققۇلار

qaraxani

	تاققا -تۇققۇلار قاراخان سۇنىڭ پۇلى سۇغا كەتتى، قالدى بەش پۇل قېتىققا. نەق ئېلىپ نەق ساتالماي، پاتما نېسى پېتىققا. .ئۆتمەس پىچاق ئاسقۇچە ، چىشلەپ يىگىن ئۇيالماي. ئۈچ قوي سويۇپ قاسساپ بول، يۈرمە توخۇ سويالماي. ئۆتكەن ۋاقىت –ئۆچكەن ئوت، ئېسىڭ باردا ئېتەك ياپ. جېنى بارنىڭ گېلى بار، بىر نان تاپساڭ چالما داپ. ئامانەتكە خىيانەت، قىلما جېنىڭ چىقسىمۇ. قۇلدەك ئىشلەپ بەگدەك يە، يوقلۇق گالنى سىقسىمۇ. ئات تاپقۇچە ئىشەك مىن، توختاپ قالغان بەك يامان. توپا ئالساڭ دۆڭدىن ئال، يات قولىدا تۇت يىلان. قۇرۇق قالما تاقىدىن، مىخنى ئاياپ ئولتۇرۇپ. يازدا ئۇخلاپ قىشتا مۇز يالاپ يۈرمە ئاھ ئۇرۇپ، ئۇنى يوقنىڭ خۇنى يوق، قىمىرلىغان قىر ئاشار. ئاچ قورساققا ئاچچىق سۇ، بىكارچىدىن ئەل بىزار. ئات ئىگەردىن پەس ئەمەس، پۇل تاپقۇچە ھېساپ تاپ. ئىچى تارنىڭ گۆرى تار، ئەل يەكلىسە بەك ئازاپ. ياماندىن يار بويى قاچ، كۈل تۇتقىچە چوغ تۇتقىن. ھۇشيار بولساڭ ئاپەت يوق، گاھ ئۇتۇلساڭ گاھ  ئۇتقىن. زامانداشنىڭ زارى بىر، ئوت بار يەردە تۈتۈن بار. ھەقىقەتكە دەۋا يوق، تاش تومۇزدا يېرىلار. قېنى يوقنىڭ جېنى يوق، بېشى بارنىڭ بۆكى بار. پاقا سىيسە كۆل تاشماش، قوي بۆرىگە گۈناھكار. دوستى كۆپنىڭ ئەقلى كۆپ، دوستۇڭ ئۈچۈن زەھەر يۇت. دىلى مايماق دوست بولماس، دوست يىغلىسا ھازا تۇت. 2015-يىلى 27-فېۋرال

Kharluk

	ھەقىقەتەن تىلى يۇمشاق ۋە ئاددى قوشاق ئىكەن.ئادەم بىر ئوقىسىلا چۈشەنگىلى بولىدىغان چۈشنىشلىك قىلىپ يىزىلىپتۇ.

mahatjan

	سۇنى سۆۋەتتە ساقلىساڭ، مۇزنى سۆگەتتە باغلىساڭ. گۈلدەك ئېچىلار چىرايىڭ، كۆزنى كىپەكتە ياغلىساڭ.

mingbexi

	خېلى بولىدىغان تاققا-تۇققۇلاركەن

turmux.net

	ياخشى يېزىپسىز تاققا -تۇققۇلارنى، شۇنداق مەنىلىك بولۇپتۇ...

guxad

	ياخشى يېزىپسىز؟

sanjay

	تاققا - تۇققىلارنى قوشۇقتا يىمەڭلار   دىسەم    ،     بىز  قەنىت يىمەيمىز        كىنو كۆرىمىز  دىيىشىپ ،    ھەممىسى     يولدا  يېتىپ قاپتىكەن  .   تۇتمىغان  كۆچەتلەرنى  مانا ئەمىسە  دەپلا   ،     يانچۇققا سېلىپ  پاتمىغىنىنى   ،    مۈرىگە  ئارتىپ        يېرىم قوينىڭ گۆشىنى ،  كاۋاپ قىلدۇق .

kaqvr

	sanjay يوللىغان ۋاقتى  2015-2-27 09:54 PM تاققا - تۇققىلارنى قوشۇقتا يىمەڭلار   دىسەم    ،     بىز   ... بۇنداق تېمىدا سىز ھەرگىزمۇ كەم ئەمەس .

kaqvr

	ھەر  كۇپلىتتا بىر ھەقىقەت ، بىر مىسرادا بىر مەنا ..... قايىلمەن قارىخانى ئەپەندىمگە . سالامەت بولسىلا .

زىبا.

	ياخشى  تاققا   -تۇققۇلاركەن  .