‹‹ 2 ›› مايۈننىڭ ئىگىلىك تىكلەش دەرىسخانىسى

WWW.UYHQT.COM

	‹‹ 2 ›› مايۈننىڭ ئىگىلىك تىكلەش دەرىسخانىسى يەتتىنچى باب بەشىنچى پارگىراف كىچىك ئىشلاردىنمۇ پايدا ئالغىلى بولىدۇ بىر قىسىم ئىگىلىك تىكلىگۈچىلەر ئىگىلىك تىكلەشنىڭ دەسلەپكى قەدىمىدە بازار كۆلىمى ۋە تىجارەت ئەندىزىسىنى بېكىتكەن چاغدا ھەمىشە باشقىلارنىڭ مۇۋەپپەقىيىتىنى ئۆرنەك قىلماقچى بولىدۇ، ھەمدە ئۇلارنى كۈچىنىڭ بارىچە تەقلىد قىلىدۇ. ئەلۋەتتە بۇ خىل ئۇسۇلنى خاتا دېگىلى بولمايدۇ، بىراق ئۆزىمىزگە خاس ئۇسۇلدا تەھلىل قىلماي تۇرۇپلا قارىغۇلارچە كۆپ سانلىققا ئەگەشسەك، بۇنداق ئۇسۇلدا تىجارەت قىلىش ناھايىتى قىيىن. مايۈننىڭ مۇۋەپپەقىيەت ئەندىزىسى بىزگە شۇنى ئېيتىپ بېرىدۇكى: بەزىدە باشقىلار ئويلاپمۇ باقمىغان ئۇسۇل بويىچە تىجارەت قىلىش كارخانىنى مۇۋەپپەقىيەتكە تېخىمۇ يېقىنلاشتۇرىدۇ. ئىنتېرنېت ئەمدىلا جۇڭگودا قەد كۆتۈرۈشكە باشلىغان ۋاقىتتا، بۇ ساھەدىكى كىشىلەرنىڭ ھەممىسى چەتئەللەرنىڭ ئۇسۇلىنى تەقلىد قىلىشقا باشلاپ، چوڭ كارخانا، چوڭ شىركەتلەرنىڭ تىجارەت ئەندىزىسى بويىچە تىجارەت قىلىشقا باشلىغان. ئەمما بۇ چاغدا مايۈن ئويلىمىغان يەردىن چىقىپ،نىشانىنى باشقىلار بەك كۆزگە ئىلىپ كەتمەيدىغان ئوتتۇرا-كىچىك كارخانىلارغا يۆتكىگەن. مايۈن مۇنداق دېگەن: «مەن راك تۇتۇپ باي بولغاننى كۆرگەن، ئەمما تىمساھ تۇرۇپ باي بولغاننى كۆرمىگەن. چەتئەللەرنىڭB2B  سودا شەكلى چوڭ كارخانىلارنى ئاساس قىلغان، ئەمما مەن ئوتتۇرا-كىچىك كارخانىلارنى ئاساس قىلىشنى قارار قىلدىم. چوڭ كارخانىلارنىڭ مەبلەغ، ئادەم كۈچى ۋە تېخنىكىسى يېتەرلىك، COMMERCEONE,ARIBA قاتارلىق ياۋروپا-ئامېرىكا شىركەتلىرىنىڭ جۇڭگوغا كېلىشتىكى مەقسىتى چوڭ كارخانىلار ئۈچۈن مۇلازىمەت قىلىشتىن ئىبارەت. ئەمما جۇڭگودا بۇنداق چوڭ كارخانىلار ئاز، بولغان تەغدىردىمۇ مۇكەممەل ئەمەس، چوڭ كارخانىلاردا ئەشيا ئوبوروتى ئوخشىماسلىق،ئۇچۇرلىشىش دەرىجىسى تۆۋەن بولۇش قاتارلىق مەسىلىلەر ساقلانغان.» مايۈننىڭ قارىشىچە، ئەگەر كارخانىنىمۇ باي ۋە نامرات دەپ ئايرىغىلى بولسا، ئۇنداقتا ئىنتېرنېت تورى دەل نامراتلارنىڭ دۇنياسىدۇر. چوڭ كارخانىلارنىڭ مەخسۇس ئۇچۇر تورى، غايەت زور ئېلان خىراجىتى بار، ئەمما كىچىك كارخانىلارنىڭ ھېچنىمىسى يوق، شۇڭا ئۇلار ئىنتېرنېتقا ئەڭ ئېھتىياجلىق كىشىلەر ھېسابلىنىدۇ.مايۈن دەل مۇشۇنداق ئوتتۇرا-كىچىك كارخانىلار ئۈچۈن مۇلازىمەت قىلىشنى كۆڭلىگە پۈككەن. مايۈننىڭ يېڭىلىق يارىتىش ئەندىزىسى ئۇنىڭ جۇڭگونىڭ ئوتتۇرا-كىچىك كارخانىلىرىغا بولغان چۈشەنچىسى ۋە ئۆزىنىڭ ئىگىلىك تىكلەش قوشۇنىنىڭ بارلىققا كېلىش  تەجرىبىسىدىن ھاسىل بولغان. ئۇ مۇنداق دېگەن: «ئاسىيا دۇنيادىكى ئەڭ چوڭ ئېكىسپورت بازىسى، شۇڭا بىز ئېكىسپورتنى ئاساس قىلىشىمىز كېرەك.جۇڭگو كارخانىلىرىنىڭ ئېكىسپورتىغا، بولۇپمۇ ئوتتۇرا-كىچىك كارخانىلارنىڭ ئېكىسپورتىغا ياردەم قىلىش بىزنىڭ نىشانىمىز. بىز چوقۇم كارخانىدىن كارخانىغا بولغان تور سودىسى شەكلىنى ئاساس قىلىشىمىز كېرەك. <جۇڭگو ئۇچۇر بېتى > نى قۇرغان ۋاقىتتا بولسۇن ياكى تاشقى سودا بۆلۈمىدە تەشۋىقات ئىشلىرى بىلەن شۇغۇللانغاندا بولسۇن، بىر دۆلەت ئىلكىدىكى كارخانىنىڭ رەھبىرى 13 قېتىملىق ئىلتىماس ئارقىلىق ئاخىرى مېنى سۆھبەتلىشىشكە كۆندۈرگەن، بىراق جېجياڭدىكى ئوتتۇرا-كىچىك كارخانىلار ئۈچ قېتىم سۆھبەتلىشىپلا ئىشلىرىنى پۈتتۈرگەن ئىدى. بۇ مېنى شۇنىڭغا ئىشەندۈردىكى: ئوتتۇرا-كىچىك كارخانىلارنىڭ تور سودىسىدا ئۈمىد تېخىمۇ زور، تېخىمۇ ئاسان مۇۋەپپەقىيەت قازانغىلى بولىدۇ. مەن سىنگاپوردىن قايتىپ كەلگەندىن كېيىنلا شۇنداق قارار قىلغان: تور سودىسىنى جۇڭگونىڭ ئوتتۇرا-كىچىك كارخانىلىرى ئۈچۈن مۇلازىمەت قىلدۇرۇش كېرەك. بۇ ئالى بابانىڭ يېڭى قۇرۇلغان ۋاقتىدىكى نىشانى ئىدى.» مايۈن ئوتتۇرا-كىچىك كارخانىلارغا قارىتا تەپسىلىي تەكشۈرۈش ئېلىپ بېرىش ئارقىلىق، ئوتتۇرا-كىچىك كارخانا خوجايىنلىرىنىڭ كاللىسىنىڭ ئوچۇق،كۈچ-قۇۋۋىتىنىڭ ئۇرغۇپ تۇرىدىغانلىقىنى ۋە پىكىرىنىڭ جانلىق ئىكەنلىكىنى بايقىغان.ئۇلارنىڭ ھەر قانداق ئىستىراتېگىيە بىلەن كارى يوق بولۇپ، ئۇلار پەقەت تېخىمۇ كۆپ پۇل تاپقىلى بولىدىغان ۋاستىنىلا تونۇيىتتى. ئۇ مۇنداق دېگەن: «بىز تۇيۇقسىز ئوتتۇرىغا چىقاندىن كېيىن دۇنيا تور سودىسى ساھەسىدە بىرىنچى ئورۇنغا چىقتۇق، مەيلى زىيارەت قىلىنىش مىقدارى ۋە خېرىدارلار سانى جەھەتتە بولسۇن ئالدىنقى ئورۇننى ئىگىلىدۇق. بۇنىڭ سەۋەبى ناھايىتى ئاددى: ئامېرىكا تور سودىسى ساھەسىدىكىلەرنىڭ ھەممىسى چوڭ كارخانىلار ئۈچۈن مۇلازىمەت قىلىدۇ، بىراق مېنىڭچە چوڭ كارخانىلار ئۈچۈن مۇلازىمەت قىلىش ناھايىتى قىيىن. بىرىنچى، چوڭ كارخانىلار تور سودىسىنى قانداق قىلىشنى ئۆگىنىۋالغان چاغدا ھەمىشە بۇنى ئۆزى قىلىدۇ-دە، سىزنى تاشلىۋېتىدۇ. ئىككىنچى،ئامېرىكىنىڭ تور سودىسى ساھەسىدىكىلەرنىڭ ھەممىسى چوڭ كارخانىلار ئۈچۈن پۇل تېجەپ بېرىدۇ، ئەمما بىز جۇڭگودا ئوتتۇرا-كىچىك كارخانىلار ئۈچۈن مۇلازىمەت قىلىشىمىز كېرەك، چۈنكى جۇڭگودا ئوتتۇرا-كىچىك كارخانىلار ناھايىتى كۆپ بولغاچقا، ئۇلار ياردەمگە ئەڭ ئېھتىياجلىق. چۈنكى سىز ھەشەمەتلىك داچا بەرپا قىلسىڭىز، ئۇنىڭدا تۇرۇشنى خالايدىغانلارنىڭ سانى ناھايىتى چەكلىك، ئەمما سىز نۇرغۇنلىغان كوللىكتىپ تۇرالغۇلارنى بەرپا قىلسىڭىز، نۇرغۇنلىغان كىشىلەر بۇنىڭدا تۇرۇشنى خالايدۇ. شۇڭا مەن كوللىكتىپ تۇرالغۇ بەرپا قىلىپ ئوتتۇرا-كىچىك كارخانىلار ئۈچۈن مۇلازىمەت قىلىشنى قارار قىلدىم. ئوتتۇرا-كىچىك كارخانىلارغا نىسبەتەن، بىز ھەرگىزمۇ پۇل تېجەشنى ئەمەس، بەلكى قانداق قىلىپ ئۇلار ئۈچۈن پۇل تېپىپ بېرىشنى ئويلىشىشىمىز لازىم. ئوتتۇرا-كىچىك كارخانىلار ئۈچۈن مۇلازىمەت قىلىشتىكى مەخسەت-ئۇلار ئۈچۈن پۇل تېپىپ بېرىش، ئۇلارنى بىزنىڭ تور بېكىتىمىز ئارقىلىق باي قىلىشتىن ئىبارەت.» ھالبۇكى، كارخانا نىشانى بېكىتىلگەندىن كېيىن بازار ئېچىش كېرەك. نۆۋەتتىكى غايەت زور تور سودىسى بازىرىغا يۈزلەنگەندە، قانداق قىلىپ ئۆزىگە خاس كارخانىدىن كارخانىغا بولغان تور سودىسى سۇپىسىنى قۇرۇپ چىقىپ، تېخىمۇ كۆپ ئوتتۇرا-كىچىك كارخانىلارنى جەلپ قىلىش-مايۈن ئويلىنىشقا تېگىشلىك مۇھىم مەسىلىگە ئايلانغان. ئالى بابا مەھسۇلاتنى تەشۋىق قىلىش، سېتىۋالغۇچىلار سانى ۋە ئۇچۇرى، بازاردىكى ئورنى، باھا ئەۋزەللىكى ۋە كەسپ ئەۋزەللىكى قاتارلىق نۇرغۇنلىغان تەرەپلەردىن ئويلىشىپ، ئۆزىگە خاس بولغان تىجارەت ئەندىزىسىنى بارلىققا كەلتۈرگەن، ھەمدە تور سودىسىنىڭ سەردارىغا ئايلانغان. «1999-يىلى، جۇڭگونىڭ دۇنيا سودا تەشكىلاتىغا كىرىش ئىلتىماسى رەت قىلىنغان ۋاقىتتا، بىز دەل خاڭجۇنىڭ خۇپەن گۈللۈكىدە ئىگىلىك تىكلەش ئۈچۈن كۆرەش قىلىۋاتاتتۇق. بۇ خەۋەر يېتىپ كەلگەندە كۆپچىلىك ناھايىتى ئۈمىدسىزلەندى، گەرچە بىز كەلگۈسىنىڭ قانداق بولىدىغانلىقىنى بىلمىسەكمۇ، تاشقى سودىغا پىششىق بولغان بىزگە نىسبەتەن ۋە ئالى بابادىكى ئەڭ جانلىق سودىگەرلەر توپى بولغان چەتئەل كارخانىچىلىرىغا نىسبەتەن بۇ ياخشى خەۋەر ئەمەس ئىدى. بىراق مايۈن جۇڭگونىڭ دۇنيا سودا تەشكىلاتىغا كىرىشىگە نىسبەتەن ناھايىتى ئۈمىدۋار ئىدى، ئۇ بۇنىڭ ئالى بابانىڭ ئۆسۈپ يېتىلىشىنىڭ پەقەتلا ۋاقىت مەسىلىسى ئىكەنلىكىگە ئوخشاشلا ۋاقىت مەسىلىسى ئىكەنلىكىنى ئوتتۇرىغا قويغان ئىدى.» ئالى بابانىڭ قۇرغۇچىلىرىدىن بىرى شۇنداق دېگەن. مايۈننىڭ تەھلىلى ناھايىتى توغرا چىققان. جۇڭگو غايەت زوربازار، دۇنيا جۇڭگوغا مۇھتاج، جۇڭگومۇ دۇنياغا ئېھتىياجلىق. 2001-يىلى جۇڭگو ناھايىتى تېزلا دۇنيا سودا تەشكىلاتىغا ئەزا بولغان. ئەمگەك زىچلىقى تىپىدىكى كەسپلەرنىڭ تەرەققىياتى جۇڭگونى ناھايىتى تېزلا دۇنيانىڭ زاۋۇتىغا ئايلاندۇرۇپ،«جۇڭگوچە ياساش» ئۇسلۇبى يەر شارىنى قاپلىغان. ئاسىيانىڭ ئۆزىگە خاس ئەندىزىسى ۋە تەرەققىي قىلىۋاتقاندۆلەتلەرنىڭ ئۆزگىچە سودا ئەندىزىسىنىڭ ھەممىسى ئوتتۇرا-كىچىك كارخانىلارنى ئاساس قىلغان كارخانىدىن كارخانىغا بولغان تور سودىسى شەكلى بولۇپ ھېسابلىنىدۇ. مايۈن دەل بۇنىڭ ئەۋزەللىكىنى تونۇپ يېتىپ، ئوتتۇرا-كىچىك كارخانىلارنىڭ ئاسىيا ۋە تەرەققىي قىلىۋاتقان دۆلەتلەرگە ناھايىتى ماس كېلىدىغانلىقىنى ھېس قىلغان.تەرەققىي قىلغان دۆلەتلەر مەبلەغ، كۆلەم قاتارلىقلارغا ناھايىتى ئەھمىيەت بېرىدۇ،ئەمما تەرەققىي قىلىۋاتقان دۆلەتلەر ئۇچۇر دەۋرىدە كۆلەمنى ئەمەس، بەلكى تىجارەتتىكى جانلىقلىقنى تەكىتلەپ، سان ئۆزگىرىشى ئارقىلىق سۈپەت ئۆزگىرىشىنى مەخسەت قىلىدۇ، شۇڭا كۆپچىلىك بۇنى «چۈمۈلە جېڭى» دەپ ئاتىغان. ئالى بابانىڭ ھەر يىللىق ۋېزا ئۇزارتىش نىسبىتى %75 كە يەتكەن، ئەمما ئوتتۇرا-كىچىك كارخانىلارنىڭ ۋەيران بولۇش نىسبىتى %15 كە يېتىدىغان بولۇپ، ئۇلارنىڭ ۋېزا ئۇزارتىشى ئوتتۇرا-كىچىك كارخانىلارنىڭ ھاياتىنى ساقلاپ قالغانلىقىدىن دېرەك بېرەتتى. مايۈن مۇنداق دېگەن: «باشقىلار تىمساھ تۇتسۇن. ئەمما بىز پەقەت راك تۇتساقلا بولدى، بىز ناھايىتى تېزلا 500 مىڭ نەپەر ئىمپورت-ئېكىسپورت سودىگىرىنى توپلىيالايمىز، بىز قانداقمۇ ئۇلاردىن پايدا ئالالمىغۇدەكمىز؟»مايۈننىڭ بۇ خىل ئاقىلانە رەھبەرلىكى ئاستىدا، ئالى بابا ئاخىرىدا بۈگۈنكى غەلبىگە ئېرىشكەن. مەنبە:چېڭدۇ دەۋر نەشىرياتى 2014-يىلى 7-ئايلىق تۇنجى نەشىرى <<مايۈننىڭ ئىگىلىك تىكلەش دەرىسخانىسى>>ناملىق كىتاب تەرجىمە قىلغۇچى:ئەقىدە قاشگەرلىكى-ئويغۇر قاشتېشىتورى تەرجىمان:ئابدۇللائۆمەر تور بەت ئادرېسى:WWW.UYHQT.COM تەرجىمە تەھرىرى:ئەقىدە قاشگەرلىكىدىن رەيھانگۈل نىزام مايۈننىڭ ئىگىلىك تىكلەش دەرىسخانىسى 1- قىسىمنىڭ كۆرۈش ئادرىسى : /thread-131024-1-1.html 2015-يىلى 2-ئاينىڭ 20-كۈنى جىياڭسۇ ئۆلكىسى ۋۇشى شەھىرى

Ay.sadap

	كۆپ رەھمەت ، مەن داۋامىنى كۈتىۋاتقان ئىدىم ، كەچتە ۋاقىت چىقىرىپ تەپسىلىي ئوقۇي، ھارمىغايسىز، بەكمۇ ئەھمىيەتلىك تىمىلارنى يوللاۋاتىسىز...

turmux.net

	مەن راك تۇتۇپ باي بولغاننى كۆرگەن، ئەمما تىمساھ تۇرۇپ باي بولغاننى كۆرمىگەن. ماۋۇ گەپ بولىدىكەن ھە

IZDIGUQI

	بىلىم بايلىق دىمەكتۇر  تىرىشىش كىرەك !

WWW.UYHQT.COM

	يەتتىنىچى باب ئالتىنچى پارگىراف ئۆزگىرىشنى قوبۇل قىلىش، يېڭى يوللاردا مېڭىشقا ماھىر بولۇش كېرەك    ئادەمنىڭ سودا ساھەسىگە كىرىشى ئۇنىڭ دولقۇندەك داۋۇلغۇپ تۇرىدىغان تۇرمۇش شەكلىنى تاللىغانلىقىدىن دېرەك بېرىدۇ. سودا دۇنياسى تېز سۈرئەتتە ئۆزگىرىۋاتقان بولغاچقا، بىز شۇغۇللىنىۋاتقان كەسپ، تۇرىۋاتقان مۇھىت، رىقابەتچىلىرىمىز، ھەتتا ئۆزىمىزمۇ ئۆزگىرىپ تۇرىمىز... ئەتراپىمىزدىكى بارلىق نەرسىلەر ئۆزگىرىش ئىچىدە تۇرىۋاتقان بولىدۇ!    بولۇپمۇ ئەينى ۋاقىتتىكى ئىقتىساد يەر شارىلىشىۋاتقان ئارقا كۆرۈنۈش ئاستىدا، سودا دېڭىزىدە ئۈزۈۋاتقان كىشىلەر ھەر دائىم «ۋاقىت مېنى ساقلىمايدۇ» دېگەن جىددىيلىك ھالەتتە تۇرۇشى كېرەك، كۈنسېرى ئۆزگىرىش يۈز بېرىۋاتقان بازاردا، بىز باشتىن-ئاخىرغىچە «ئىلگىرلىمىسەم چېكىنىمەن» دېگەن كىرىزىس تۇيغۇسىدا بولۇشىمىز كېرەك. شۇ سەۋەبتىن، بىز ھەر ۋاقىت ئۆزگىرىشكە كۆڭۈل بۆلۈشىمىز، ئۆزگىرىش كەلگەن چاغدا ئۆزگىرىشكە ماسلىشىشىمىز، تاقابىل تۇرۇشىمىز، ئۆزگىرىش ئىچىدىن يېڭىلىق يارىتىش پۇرسىتىنى ئىزدىشىمىز لازىم. پەقەت شۇنداق بولغاندىلا، بىز ئاندىن سودا يولىدا تېخىمۇ ئۇزۇنغا ماڭالايمىز.    ئالى بابا ئەمدىلا قۇرۇلغان ۋاقىتتا، نۇرغۇنلىغان تور سودىسى شىركەتلىرى چوڭ كارخانىلار ئۈچۈن مۇلازىمەت قىلىشنى باشلىغان. ئەمما مايۈننىڭ قارىشىچە، تورنىڭ ئومۇملىشىشى ئېھتىمال چوڭ شىركەت شەكلىنىڭ ئاخىرلىشىشى ئىدى.چۈنكى ئىنتېرېنت دەۋرىدە، بىر شىركەتنىڭ باشقا دۆلەت بازىرىغا كىرىشى كۆپ پۇلغا ئېھتىياجلىق ئەمەس ئىدى، توردىكى زور مىقداردىكى ئۇچۇرلار ئوتتۇرا-كىچىك كارخانىلارنى تېخىمۇ كۆپ بازار پۇرسىتىگە ئېرىشتۈرەتتى.    باشقىلار ئىنتېرنېتنىڭ تۈرتكىلىك كۈچىنى تېخى تونۇپ يەتمىگەن ۋاقىتتا، مايۈن ناھايىتى سەزگۈرلۈك بىلەن ئىنتېرنېت ئېلىپ كېلىدىغان ئۆزگىرىشنى ھېس قىلغان. شۇ سەۋەبتىن، مايۈن ئەينى ۋاقىتتا باشقىلار سەل قارىغان ئوتتۇرا-كىچىك كارخانىلارغا نەزىرىنى تىككەن. شۇنداق قىلىپ، ئەينى ۋاقىتتىكى ھەر قانداق تور سودىسى شەكلىگە ئوخشىمايدىغان، مەخسۇس ئوتتۇرا-كىچىك كارخانىلار ئۈچۈن مۇلازىمەت قىلىدىغان «ئالى بابا» مەيدانغا كەلگەن.    2000-يىلى، مايۈن يەنە سەزگۈرلۈك بىلەن خەتەرلىك سېگنال-ئىنتېرنېتنىڭ قايتا ئۆزگىرىشى-نى ھېس قىلغان. بۇ يىلى، ئىنتېرنېت ئىقتىسادى كۆپۈكلىشىپ، دۆلەت ئىچى-سىرتىدىكى ئىنتېرنېت شىركەتلىرىنىڭ تىجارىتى كاساتلىشىشقا باشلىغان.    بۇ ۋاقىتتا، ئىگىلىك تىكلەۋاتقان دوستلىرى مايۈندىن «نېمە ئىش قىلىمىز؟» دەپ سورىغاندا، مايۈن شۇنداق جاۋاب بەرگەن: «بىرىنچىدىن، ئالى بابادىن پايدىلىنىپ ئىشلەپچىقىرىش ئېلىپ بېرىمىز، ئىككىنچىدىن، خەتەردىن مۇداپىئەلىنىدىغان ئىستىراتېگىيە سىستېمىسى قۇرۇپ چىقىمىز.    ئۇلارنىڭ كۆپ قىسىمى مېنىڭ جاۋابىمنى (ئۇلۇغ شۇئار) دەپ قاراپ ئىشەنمىدى، ئەمما مېنىڭ پۈتۈنلەي توغرا ئىدى.» مايۈن بۇ سۆزلەرنى قىلغاندا ئىشەنچكە تولغان ئىدى. ئەمەلىيەتتە، بۇ ئالى بابانىڭ 2001-يىلىدىكى ۋەزىپىسى ئىدى، 2001-يىلى ئالى بابا «جۇڭگو تەمىنلىگۈچى سودىگىرى» تۈرىنى ئاخىرلاشتۇرغان. 2001-يىلى 9-ئايدا، مايۈن ئاخبارات ساھەسىدىكىلەرگە شۇنداق جاكارلىغان: «بۇ يىل ئالى بابا چوقۇم نۇرغۇن پۇل تاپالايدۇ.»    نىشان بەلگىلەنگەندىن كېيىن، مايۈن يەنە كېيىنكى قەدەم ئۈچۈن تەييارلىق قىلىشقا باشلىغان، ئۇ مۇنداق دېگەن: «200-يىلى، مەن ئالى بابا (ئىنتېرنېت كاساتچىلىقى) دىن قۇتۇلۇش ئۈچۈن چوقۇم (قېلىچ مەشىقى) قىلىش كېرەك دەپ ئويلايىتتىم. ھازىر بۇنى قانداق مەشىق قىلىشنى ئويلايدىغان ۋاقىت كەلدى. يېڭىچە ئىقتىسادنىڭ پايدىلىق تەرىپى (يېڭى) دا، پايدىسىز تەرىپىمۇ (يېڭى) دا. مېنىڭچە ئەڭ دەسلەپتىكى ئالى بابا خۇددى لاڭشەن تېغىدىكى 108 قەھرىمانغا ئوخشايىتتى، ھازىر بىز بۇ (پارتىزان قوشۇن) نى (رەسمىي قوشۇن) غا ئۆزگەرتىشىمىز كېرەك، چۈنكى ماھارەتنى قانداق ئىشلىتىش ماھارەت ئۆگەنگەندىن مۇھىم.» ئۇ يەنە ناھايىتى ئۈمىدۋارلىق بىلەن مۇنداق دېگەن: «ئىنتېرنېت كاساتچىلىقىغا رەھمەت، ئۇ بىزگە ئۆگەنگەن ماھارىتىمىزنى قانداق ئىشلىتىشنى مەشىق قىلىدىغان پۇرسەت بەردى، بىز بۇ پۇرسەتتىن پايدىلىنىپ قىلىشقا ئۈلگۈرەلمىگەن ئىشلارنى قىلىۋالدۇق.»    مايۈن جۇڭگونىڭ دۇنيا سودا تەشكىلاتىغا كىرىشى دۇنيا ئىقتىسادىي ۋەزىيىتىنى ئۆزگەرتىدىغانلىقىغا، دۇنيادىكى بارلىق زاۋۇتلارنىڭ ئاسىياغا توپلىنىدىغانلىقىغا، جۇڭگونىڭ ئەڭ مۇھىم توپلىنىش بەلۋىغىغا ئايلىنىدىغانلىقىغا ئىشەنگەن. شۇ سەۋەبتىن، 2000-يىلىغا كەلگەندە مايۈن ئىستىراتېگىيەنى دۆلەت ئىچىگە قارىتىپ، «دۇنياغا قاراش، جۇڭگودا ياساش» تەدبىرىنى يۈرگۈزۈشنى باشلىغان، ھەمدە «مەن جۇڭگودىن كەلدىم» دېگەننى ئۆزىگە سايە قىلغان.    سودا مەيدانى جەڭ مەيدانىغا ئوخشاشلا تۈرلۈك-تۈمەن ئۆزگىرىشكە تولغان. مايۈن بۇ خىلدىكى كەسكىن بازار رىقابىتىنى ئۇزۇنغا يۈگۈرۈش مۇسابىقىسىگە ئوخشىتىپ، گەرچە ئۇزۇنغا يۈگۈرۈش بولغان بولسىمۇ، بۇ مۇسابىقىنىڭ دۆڭ-چوڭقۇرى بولىدىغانلىقىنى تەكىتلىگەن. ئۆزگىرىش كەلگەن ۋاقىتتا، يەنى كارخانا «دۆڭ» دە تۇرغان ۋاقىتتا، بىزنىڭ باشقىلاردىن ئېشىپ كېتىش پۇرسىتىمىز بار بولىدۇ، باشقىلارنىڭمۇ بىزدىن ئېشىپ كېتىش ئېھتىماللىقى بولىدۇ. ئۇنداقتا بىر كارخانا قانداق قىلىپ «دۆڭ» لەردىن ھالقىپ ئۆتەلەيدۇ؟ بازاردىكى كەسكىن رىقابەتتە قانداق قىلىپ يېڭىلمەس ئورۇندا تۇرالايدۇ؟ بۇ بازاردىكى ئۆزگىرىش ئىچىدە تۇرۇۋاتقان بارلىق كارخانىلار ئويلىنىشقا تېگىشلىك قىيىن مەسىلىلەرنىڭ بىرى بولۇپ ھېسابلىنىدۇ.    بۇ ۋاقىتتا، بىزنىڭ تاللاش يولىمىز پەقەت بىرلا: يېڭىلىق يارىتىش ئىدىيىسىنى ئىزچىل چوڭقۇرلاشتۇرۇپ، يېڭىلىق يارىتىش ئارقىلىق تەرەققىي قىلىش يولىدا داۋاملىق مېڭىشتىن ئىبارەت. يېڭىلىق يارىتىش ئارقىلىق كارخانىنىڭ رىقابەت ئەۋزەللىكىنى بەرپا قىلىش، كارخانىنىڭ يادرولۇق رىقابەت كۈچىنى جارى قىلدۇرۇش كېرەك، پەقەت شۇنداق قىلغاندىلا بىز ئاندىن بازاردىكى دولقۇنلارغا تاقابىل تۇرۇپ، ئۆتكۈنچى مەزگىلدىكى كىرىزىسدىن ئۆتەلەيمىز-دە، كەسكىن رىقابەتتە ئەۋزەللىكىمىزنى ساقلاپ، كارخانىنىڭ سىجىل تەرەققىياتىنى ئەمەلگە ئاشۇرالايمىز.    2004-يىلى 9-ئايدا، ئالى بابا قۇرۇلغانلىقىنىڭ بەش يىللىق خاتىرىسىدە، مايۈن ئەلى بابا ئىستىراتېگىيەسىنىڭ «Meet at Alibaba» (ئالى بابادا توپلىنىش) تىن «Work at Alibaba» (ئالى بابادا خىزمەت قىلىش) قا ئۆزگەرگەنلىكىنى جاكارلىغان. مايۈن بۇ خىل تىپ ئۆزگىرىشىگە قارىتا مۇنداق چۈشەنچە بەرگەن:    «Meet»-خۇددى ئامباردىكى سۇلارغا ئوخشاش خېرىدارلارنى بىر جايغا جۇغلاشنى كۆرسىتىدۇ، بۇنداق سۇدا بېلىق بېقىلسا ھېچقانداق قىممىتى قالمايدۇ؛ ئەگەر ساياھەتچىلىك ئۈچۈن ئىشلىتىلسە، ئۇ ھالدا يەنە سۇ، توكقا پۇل خەجلەشكە توغرا كېلىدۇ؛ شۇنىڭ ئۈچۈن «Meet» ئارقىلىق كۆپ پۇل تاپقىلى بولمايدۇ؛ ئەمما «Work» سۇ ئامبىرىنى تۇرۇبا ياتقۇزۇپ سۇنى ئائىلىلەرگە يەتكۈزۈشنى، بۇ ئارقىلىق سۇ ئامبىرىدىكى سۇغا قارىغاندا كۆپ پۇل تېپىشنى كۆرسىتىدۇ. مەن تور سودىسىنىڭ ھەر بىر ئوتتۇرا-كىچىك كارخانىغا نىسبەتەن خۇددى ئائىلىلەرگىچە كېلىدىغان سۇدەك قولايلىق بولۇشىنى ئۈمىد قىلىمەن.    «بۇ قېتىملىق تىپ ئۆزگەرتىش تېخىمۇ كەسپلەشكەن يۆنىلىشكە قاراپ تەڭشىلىدۇ. بىزنىڭ قارىشىمىزچە، 2003، 2004 ۋە كېلەر يىلى تور سودىسىنىڭ جۇغلىنىش دەۋرى بولۇپ ھېسابلىنىدۇ، 2008 ۋە 2009-يىلىغا كەلگەندە بۇ چوقۇم پارتىلاش خاراكتېرلىك ئۆزگىرىشنى كەلتۈرۈپ چىقىرىدۇ. شۇنىڭ ئۈچۈن بىز چوقۇم بۇ خىل ئۆزگىرىشنىڭ ئالدىدا مېڭىشىمىز، مەسىلە پەيدا بولۇشتىن بۇرۇن ئۇنى تۈپ يىلتىزىدىن يوقىتىشىمىز كېرەك. بۇ ئالى بابانىڭ ئۆزگىرىشكە ماسلىشىش ئىقتىدارىنى يېتىلدۈرۈشتىكى ئاچقۇچ بولۇپ ھېسابلىنىدۇ.    مايۈن يەنە مۇنداق دېگەن: «ئالى بابانىڭ ئۆتكەن يەتتە يىلى ۋە ئۆزۈمنىڭ 10 يىلغا يېقىن ئىگىلىك تىكلەش كەچۈرمىشلىرى ماڭا شۇنى ئېيتىپ بېرىدۇكى، ئۆزگىرىشنى بىلىشكە ماھىر، ئۆزگىرىشكە ماسلىشالايدىغان كىشىلەر ناھايىتى ئاسانلا مۇۋەپپەقىيەت قازىنالايدۇ، ئەمما ھەقىقىي تالانت ئىگىسى ئۆزگىرىش پەيدا قىلالايدۇ، ھەمدە ئۆزگىرىش پەيدا بولۇشتىن بۇرۇن ئۆزىنى ئۆزگەرتەلەيدۇ!»    شۇ سەۋەبتىن، مايۈن ئىگىلىك تىكلەش ئىرادىسى بار كىشىلەرگە شۇنداق ئاگاھلاندۇرۇش بەرگەن: كونترول قىلىشقا ئامالسىز ھەرخىل ئۆزگىرىشلەرگە نىسبەتەن، ھەقىقىي ئىگىلىك تىكلىگۈچى ئاكتىپلىق ۋە ئۈمىدۋارلىق بىلەن ئۆزگىرىشكە ماسلىشىدۇ! ئەلۋەتتە ئۆزگىرىش دائىم ئازابلىق بولىدۇ، ئەمما پۇرسەت دائىم ئۆزگىرىش بىزگە ئېلىپ كەلگەن ئازاب-ئوقۇبەت ئىچىگە يوشۇرۇنغان بولىدۇ! مەنبە:چېڭدۇ دەۋر نەشىرياتى 2014-يىلى 7-ئايلىق تۇنجى نەشىرى <<مايۈننىڭ ئىگىلىك تىكلەش دەرىسخانىسى>> ناملىق كىتاب تەرجىمە قىلغۇچى:ئەقىدە قاشگەرلىكى-ئويغۇر قاشتېشى  تورى تور بەت ئادرېسى:WWW.UYHQT.COM تەرجىمان:ئابدۇللا ئۆمەر تەرجىمە تەھرىرى:ئەقىدە قاشگەرلىكىدىن رەيھانگۈل نىزام جىياڭسۇ ئۆلكىسى ۋۇشى شەھىرى 2015-يىلى 2-ئاينىڭ 10-كۈنى

feruq

nazigul8

	مايۈن ئىگىلىك تىكلەشتە غايەت زور نەتىجىگە ئېرىشىپلا قالماي، شۇ  جەريانىدا ئەمىلىيەتتىن ئېرىشكەن ھىكمەت سۆزلىرىمۇ خېلى جىق. بولۇپمۇ ئۇنىڭ «ئادەم پۇل تېپىشنى ئۈگىنىش ئالدىدا، ئالدى بىلەن ئادەم بولۇشنى ئۈگىنىش كېرەك» دىگەن گېپىگە بەكلا قايىلمەن! ئۇنىڭ مۇشۇ مىزانى، ئۇنىڭ زور نەتىجىلەرنى قولغا كەلتۈرىشىگە تۈرتكە بولدى دەپ قارايمەن!

WWW.UYHQT.COM

	يەتتىنچى باب يەتتىنچى پارگىراف يېڭىلىق يارىتىش رىقابەتچىنى مەغلۇب قىلىش ئۈچۈن ئەمەس، بەلكى ئەتىدىكى كۈرەش ئۈچۈندۇر نۇرغۇنلىغان كىشىلەر ئىگىلىك تىكلەشنى باشلىغان ۋاقىتتا قانداق قىلىپ جان بېقىشنى ئويلايدۇ، ئەمما ئىگىلىكى مۇقىملىشىپ بولغاندىن كېيىنقانداق قىلىپ رىقابەتچىلىرىنى يوقىتىشنى ئويلايدۇ. بۇ خىل كىشىلەرنىڭ قارىشىچە،بىر كارخانىنىڭ نىسبەتەن يۈكسەك ئورۇنغا چىقىش-چىقالماسلىقى، مەزكۇر كارخانىنىڭ ئەمەلىي كۈچى ئۆزىگە تەڭداش بولغان، ھەتتا ئۆزىدىنمۇ ھالقىپ كەتكەن رىقابەتچىسىنى يېڭىش-يېڭەلمەسلىكىگە باغلىق. بۇنىڭغا نىسبەتەن، مايۈننىڭ ئۆزىگە خاس كۆز قاراشلىرى بار.ئۇنىڭ قارىشىچە، يېڭىلىق يارىتىش رىقابەتچىنى مەغلۇب قىلىشتىن ئەمەس بەلكى يېڭىچە قىممەت يارىتىشتىن دىرەك بېرىدۇ. يېڭىلىق يارىتىش تېخىمۇ كۆپ شەخسى مەنپەئەتكە ئېرىشىش ئۈچۈن ئەمەس، بەلكى جەمئىيەت، خېرىدار ۋە كەلگۈسى ئۈچۈندۇر. يېڭىلىق يارىتىش رىقابەتچى بىلەن رىقابەتلىشىش ئۈچۈن ئەمەس، بەلكى ئەتە بىلەن رىقابەتلىشىش ئۈچۈندۇر. ھەقىقىي يېڭىلىق يارىتىش چوقۇم بۇرچ تۇيغۇسىنى ئاساس قىلىشى كېرەك، شۇندىلا ئۇ تېخىمۇ ئۇزۇن داۋاملىشالايدۇ. شۇ سەۋەبتىن، 1999-يىلى مايۈن يېڭىچە تور سودىسى شەكلى ئارقىلىق ئىنتېرنېت ساھەسىگە كىرىپ كەلگەن، ھەمدە «80 يىللىق تارىخقا ئىگە شىركەتكە ئايلىنىمىز» دەپ بىۋاستە جاكارلىغان. بۇ ۋاقىتتا نۇرغۇنلىغان كىشىلەر مايۈننى ساراڭ بولۇپ قاپتۇ دەپ قارىغان. چۈنكى، بۇ ۋاقىتتا ئىنتېرنېت كاساتچىلىقىيۈز بەرگەن بولۇپ، ئالى بابا ۋە باشقا نۇرغۇنلىغان پىشىپ يېتىلمىگەن كارخانىلار بۇنىڭ كۈچلۈك زەربىسىگە ئۇچرىغان. ئۈچ يىل ۋاقىتتىن كېيىن، بۇ كارخانىلارنىڭ ۋەيران بولغانلىرى ۋەيران بولۇپ، تەرەققىي قىلغانلىرى تەرەققىي قىلغان، ئالى بابا بۇ كارخانىلارنىڭ ئىچىدىن باش كۆتۈرۈپ چىقىپ، ھاياتىي كۈچى ئۇرغۇپ تۇرغان يېڭى نوتىغا ئايلانغان. بۇ ۋاقىتتا، جۇڭگونىڭ C2C(خېرىداردىن خېرىدارغا بولغان تور سودىسى شەكلى) تور سودىسى ساھەسىدىكى سەردار eBay تور بېكىتى يىچۈ تور بېكىتىنىڭ پېيىنى پۈتۈنلەي كونترول قىلغان.ھالبۇكى، مەزكۇر ساھە، ئاخبارات ۋاستىلىرى ۋە ئاۋام خەلق بۇنىڭدىن قاتتىق ھەيرانلىق ھېس قىلىۋاتقان چاغدا، مايۈن ئاللىقاچان چاڭجاڭنىڭ جەنۇبىدىكى شەھەر-خاڭجۇدا ھېچكىم ئويلاپ باقمىغان ئىشتىن بىرنى قىلىۋاتاتتى: مايۈن مەخپىي ھالدا يەنە بىر C2C تور بېكىتىنى قۇرۇۋاتقان بولۇپ، مەزكۇر كەسپنىڭ باشلامچىسىغا جەڭ ئېلان قىلماقچى ئىدى. 2003-يىلى 7-ئايدا، مايۈن ئالى بابا گۇرۇھىدىكىلەرنى باشلاپ خاڭجۇ، شاڭخەي ۋە بېيجىڭ قاتارلىق جايلاردا «ئالى بابا تاۋباۋ تور بېكىتىگە مەبلەغ سېلىش ئاخبارات ئېلان قىلىش يىغىنى» ئېچىپ، ئالى بابانىڭ 100 مىليون يۈەن مەبلەغ چىقىرىپ C2C ساھەسىگە كىرىدىغانلىقىنى رەسمىي جاكارلىغان. ئەينى ۋاقىتتا، eBay يىچۈنى سېتىۋالغاندىن كېيىن ناھايىتى تىزلا ھەق يىغىش سىياسىتىنى يۈرگۈزۈپ پايدا ئېلىشنى باش تېما قىلغان، ھالبۇكى مايۈن مۇنداق دېگەن: بەش يىل تەييارلىق قىلغان مەبلەغ ئارقىلىق تاۋباۋنىڭ ھەقسىز سىياسىتىنى قوللايمىز. مايۈننىڭ قارىشىچە، 2005-يىلىنىڭ ئالدى-كەينىدىكى جۇڭگو C2C بازىرى ھەق يىغىش-يىغماسلىق مەسىلىسىنى مۇھاكىمە قىلماسلىقى كېرەك ئىدى. چۈنكى ئۇ ۋاقىتتا جۇڭگونىڭ C2C بازىرى پىشىپ يېتىلمىگەن بولۇپ، ئۆسۈپ يېتىلىشكە موھتاج ئىدى. ئىككى يىللىق تېز سۈرئەتلىك تەرەققىيات ئارقىلىق، تاۋباۋ eBay دىن ئېشىپ، جۇڭگودىكى ئەڭ قارىشى ئېلىشقا ئېرىشكەن بىرىنچى چوڭ تور بېكەتكە ئايلانغان. ئەمەلىيەتتە، eBay نى يېڭىش مايۈننىڭ تاۋباۋنى ئوتتۇرىغا چىقارغاندىكى نەتىجە بولۇپ،ھەرگىز مايۈننىڭ مەخسىتى ئەمەس ئىدى. مايۈن ئىزچىل ئۆزىنىڭ مەيدانىدا چىڭ تۇرۇپ،رىقابەتلىشىشنىڭ ئەڭ چوڭ قىممىتى رىقابەتچىنى مەغلۇب قىلىش ئەمەس، بەلكى ئۆزىنى تەرەققىي قىلدۇرۇش دەپ قارىغان. ئۇ مۇنداق دېگەن: «نۆۋەتتە، مەن پەقەت بايلىق سۇپۇسى (تاۋباۋ ) قانداق قىلغاندا بازارنى پۇشۇرۇپ يېتىلدۈرەلەيدۇ، بىزنىڭ ماركىمىزنى يارىتالايدۇ ۋە مۇلازىمىتىمىزنى تېخىمۇ ياخشى قىلالايدۇ دېگەن مەسىلىلەرگە،ھەمدە كەلگۈسى ئۈچ يىلدا  ئالماس دەرىجىلىك ساتقۇچى سودىگەرلەردىن بىر مىليۇننى جۇغلاشقا ئەھمىيەت بېرىمەن.» جۇڭگو تور سودىسىنىڭ تەرەققىيات ئېھتىياجىنى قاندۇرۇش، توردا بىخەتەر ھەق تۆلەشنى ئەمەلگە ئاشۇرۇش ئۈچۈن، ئالى بابا يەنە جۇڭگودىكى ئەڭ يۇقىرى سەۋىيەدە تۇرىدىغان ئۈچىنچى تەرەپ ھەق تۆلەش سۇپىسى-ھەميان (ئالىپاي)-نى ئوتتۇرىغا چىقارغان. بۇ مەزكۇر كەسپتىكى يەنە بىر قېتىملىق ئۆزگىرىشنى كەلتۈرۈپ چىقارغان. ئىلگىرلىمىسەڭ چېكىنىسەن، بولۇپمۇ ئۆزگىرىشكە تويۇنغان ئىنتېرنېت ساھەسىدە تېخىمۇ شۇنداق. مايۈن مۇنداق دېگەن: «ئالى بابا ھەر كۈنى دېگۈدەك ھەرخىل خىرىس ۋە ئۆزگىرىشكە دۇچار بولىدۇ... مەن ئىلگىرى ئۆزۈمنى بۇلارغا نىسبەتەن كۈلۈپ تۇرۇپ يۈزلىنىشكە ۋە دەرھال ماسلىشىشقا مەجبۇرلايىتتىم. ئەمما بۈگۈن بىز ئۈمىدۋارلىق بىلەن بارلىق ئۆزگىرىشلەرگە تاقابىل تۇرۇپلا قالماستىن،يەنە ئىشلاردا ئۆزگىرىش يۈز بېرىشتىن بۇرۇن ئۆزىمىز ئۆزگىرىش پەيدا قىلىشقا ماھىر بولۇپ كەتتۇق! يېقىندا ناھايىتى قىزىپ كەتكەن ياخۇ ۋە eBay نىڭ ھەمكارلىقىغا نىسبەتەن ئېيىتقاندا، كەلگۈسى دۇنيادىكى ئىنتېرنېتنىڭ رىقابەت ۋەزىيىتى ۋە قانداق قىلغاندا مەھسۇلات ئىشلەتكۈچىلەر ۋە كارخانىلارنىڭ پايدىسىنى ئەڭ يۇقىرى چەككە چىقىرىشنىڭ مۇھىملىقىنى كۆرۈپ يەتكەنلىكىم سەۋەبلىك، مەن ئۆزۈممۇ مەزكۇر ھەمكارلىقنى ئاكتىپلىق بىلەن ئىلگىرى سۈرۈشكە ئاۋاز قوشتۇم. سودا مەيدانى جەڭ مەيدانى ئەمەس، سودا مەيدانىدا پەقەت رىقابەتچى بولىدۇ، ھەرگىزمۇ دۈشمەن مەۋجۇت ئەمەس.» مايۈننىڭ قارىشىچە، سودا مەيدانلىرىدا مەڭگۈلۈك دۈشمەنمۇ مەڭگۈلۈك دوستمۇ بولمايدۇ، كۆپچىلىك ھەممەيلەن ئۆزلىرىنىڭ ئەتىسى ئۈچۈن كۆرەش قىلىدۇ، ئەمما كىمنىڭ كىمدىن ئېشىپ كېتىشى ئاخىرقى نىشان ئەمەس، ئالى بابانىڭ نىشانى 102 يىللىق تارىخقا ئىگە شىركەتكە ئايلىنىش. مايۈن مۇنداق دېگەن: «جۇڭگوداھەقىقىي كۈچلۈك ئىنتېرنېت شىركىتىدىن تېخى بىرسى يوق. جۇڭگودىكى ئىنتېرنېتقا چىقىدىغان كىشىلەرنىڭ ئاساسى سانى 200 مىليونغا يەتكەندىن كېيىن، تېخنىكىدا يېڭىلىق ياراتقان ئەھۋال ئاستىدا، جۇڭگودا خەلقئارا دەرىجىلىك ئىنتېرنېت شىركىتى بارلىققا كېلىدۇ. بىزنىڭ ئىچكى قىسىمىمىزدا يەنە مۇنداق نىشاننى ئوتتۇرىغا قويدۇق: 10 يىل ئىچىدە، دۇنيادىكى ئۈچ چوڭ ئىنتېرنېت شىركىتىنىڭ ئىچىدە بىز چوقۇم بولۇشىمىز كېرەك. بىز ئۆزىمىزنىڭ تىرىشچانلىقىغا تايىنىپ دۇنيادىكى بەش يۈز كۈچلۈك كارخانىنىڭ ئىچىگە كىرىشىمىزنى ئۈمىد قىلىمىز، يەنە دۇنيادىكى ئەڭ ياخشى ئادەم ئىشلەتكۈچى كارخانىغا ئايلىنىشىمىز كېرەك.» 2007-يىلى 11-ئاينىڭ 6-كۈنى، مايۈن ئالى بابا شىركىتىنىڭ پېيىنى شياڭگاڭدا بازارغا سالغان. ئۇ كۈنى ئالى بابانىڭ بازار قىممىتى 20 مىليارد  دوللاردىن ئېشىپ كەتكەن. شۇ كۈندىكى پاي باھاسى بويىچە ھېسابلىغاندا، مايۈننىڭ بايلىقى 14 مىليارد شىياڭگاڭ پۇلىغا يېقىنلىشىپ قالغان. نۇرغۇنلىغان ئاخبارات ۋاستىلىرىنىڭ نەزىرى «ئەڭ پۇل تاپالايدۇ» دەپ رىۋايەت قىلىنغان بۇ كارخانىغاچۈشكەن. بىراق مايۈن بۇنىڭ بىلەن قانائەتلىنىپ قالمىغان، نىشانىنىتېخىمۇ يۇقىرىغا، تېخىمۇ يىراققا قويۇشقا ئادەتلەنگەن بۇ ئىگىلىك تىكلىگۈچى چوقۇميەنە بىر قېتىملىق مۆجىزە ئارقىلىق بىزگە ئۆزىنىڭ ئەمەلىي كۈچىنى ئىسپاتلاپ بېرىدۇ! مەنبە:چېڭدۇ دەۋر نەشىرياتى 2014-يىلى 7-ئايلىقتۇنجى نەشىرى <<مايۈننىڭئىگىلىك تىكلەش دەرىسخانىسى>> ناملىق كىتاب تەرجىمە قىلغۇچى:ئەقىدە قاشگەرلىكى-ئويغۇرقاشتېشى تورى تور بەت ئادرېسى:WWW.UYHQT.COM تەرجىمان:ئابدۇللا ئۆمەر تەرجىمە تەھرىرى:ئەقىدە قاشگەرلىكىدىنرەيھانگۈل نىزام جىياڭسۇ ئۆلكىسى ۋۇشى شەھىرى 2015-يىلى 2-ئاينىڭ 20-كۈنى

WWW.UYHQT.COM

	ئەسسالامۇ ئەلەيكۇم ، بىزنى قوللاپ كېلىۋاتقان ئەزىز قېرىنداشلار ! يېتىپ كېلىش ئالدىدىكى ئانا تىل بايرىمىڭلارغا مۇبارەك بولسۇن ! ( 2-ئاينىڭ 21-كۈنى ______ دۇنيا ئانا تىل كۈنى )

mahatjan

	بەكمۇ ئەھمىيەتلىك تىمىنى يوللاپسىز،مەن ئاخىرنى داۋاملىق ئوقويمەن.