يالقۇن روزىغا جاۋاب: «تۆھپىكارلار مۇكاپاتى» تەسىس قىلىش خاتامۇ

سۈرخان1

	ناھايتتى رەھىمدىل ۋە شەپقەتلىك ئۇلۇغ ئاللاھنىڭ نامى بىلەن باشلايمەن ئىپتىدائى گۇناھلار تەكرارلانمىسۇن!                                             - راھمانىىزىم (ئابدۇراھمان ئابلىكىم) شۇنداق قىلىپ ئۇستازىم، بۇرادىرىم، ئابدۇراخمان ئابلىكىمنى ئۇزۇتۇپ قويغۇلى ئۈچ كۈن بوپتۇ، گۇناھلىرىمىز تۈپەيلى ئولتۇرۇپ ئويلانغۇدەك يۈزۈمىزمۇ قالماپتۇ. ئازاپلىرىمىزنىڭ سەۋەبىنى بىلىش شۇنداق ئاسان ئىدى، بەزىللىرىمىز مەرھومنىڭ كۆڭلىنى رەنجىتتۇق، كۆڭلۈنى ئېلىۋالىدىغانغا پۇرسەت يوق، بەزىللىرىمىز مەرھۇمغا يالغان سۆزلىدۇق، راس گەپ قىلىدىغانغا پۇرسىتىمىز يوق، بەزىللىرمىز مەنپئەتلىرىمىزنىڭ پىلانلىرىغا مەرھۇمنى قوشۇپ سوقۇشتۇق، ئىشنى تاشلاپ قويۇپ كەتتى، يەنە بەزىللىرىمىز مەرھومنىڭ دوستلىقىغا سەمىمىيەتسىزلىك قىلغانمۇ بولدۇق.   ئىشقىلىپ ئازابلىنىۋاتقان ھەممىمىزنىڭ مەرھۇمغا قايتۇرىدىغان قەرزىمىز بار ئىدى.  ياخشى ئەمەسمۇ؟ ئۆلدى. كەتتى؟ قەرىز سۈيلەيدىغان ئادەم يوق. يامان يېرى ھەممىمىز ئۇنىڭ بىزنى كەچۈرۋېتىدىغانلىقىنى بىلەتتۇق، بىزنى يەنىلا سۆيىدىغانلىقىنى بىلەتتۇق، ئىشىنەتتۇق. گۇناھ ھېسىياتلىرىمىز، پۇشايمانلىرىمىز، ئۆزىمىزنىڭ پۈچەكلىگى ئىچى- ئىچىمىزدىن ئازابلايتتى. چۇنكى ئابدۇراخمان ھەقىقەتەنمۇ كەڭ - قورساق، ئەپوچان، رەھىمدىل ئادەم ئىدى. مەنچە بولسا ئەمدى گۇناھلىرىمىزنى تونۇپ پاكلىنىدىغان ۋاقتىمىز كەلدى ، چۈنكى ئابدۇراخمان ھەممىمىزنىڭ جەننەتكە كىرىشىنى ئارزۇ قىلاتتى،   ۋە شۇنداق بولىدىغىنىغا شەكسىز ئىشىنەتتى. ئۇ دوستلۇقنى شۇنچىلىك قەدىرلەيتتى،  مەردلىكنى ئەلا بىلەتتى. داۋاملىق ھەق تەرەپتە تۇراتتى. ئۆزى بىلەن بىر كۆرۈشكەنلىكى ئادەم بولسا ئۇ كىشىگە ئۆزىنى خۇددى شۇ كىشىنىڭ ئەڭ يېقىن دوستىدەك ھېس قىلدۇراتتى. مەرھومنىڭ ئۆلۈمىنى بىلىپ - بىلمەي،  تاۋارلاشتۇرۇش، ياكى سىياسىي ئويۇنلىرىنىڭ پىچكىسىغا ئايلاندۇرۇپ قويۇشقا ئۇرۇنغانلار بولدى، ساقلىنىش ئۈچۈن، بۇ ئابزاسلارنى يىزىپ ئولتۇرۇپتىمەن. يۇشۇرۇن يۈرەك كىسىلى. ئەسلىدە  ئىشىنىشنى ئەڭ خالايدىغان، ئەڭ گۈزەل ۋارىيانتى ئىدى، ئابلىكىمكاممۇ نەزىر باغىقىدا كىسەل سەۋەبدىن دەپ ئېلان قىلغان ئىدى، ئەپسۇس، ئۇستازىمىزنىڭ ئەسلىدىكى كەسپى: تەنھەركەت، ئادەتتە كەسپى تەنھەركەتچىلەرنىڭ بەدىنىنى قەرەللىق ھالدا چوڭ تەكشۈرۈشتۈش ئېلىپ بارىدۇ. كىسەلنى بىلەلمەسلىك ئېھتىماللىقى تۆۋەن، ئىشەندۈرۈش دەرىجىسىمۇ تۆۋەن كىيىنكى باشقا ۋارىيانتلىرىنىڭ پەيدا بولىشىغا ئاسانلا پۇرسەت بېرىدۇ. قاتىل ئۇيغۇر جەمىيتى. راس گەپ قىلسام يۇقارقى سۆز بىرىكمىسىنى ياقتۇردۇم. ھىچقانداق گۇناھ تۇيغۇمىز قالمىغان بۈگۈنكىدەك كۈندە، بۇنداق سۆزلەرنىڭ چىقىپ تۇرۇشىنى يامان ئىش دىگىلى بولمايدى. ئۆزىمىز توغۇرسىدا ئويلۇنۇپ تۇرۇش بەك ياخشى ئىش، بەلكىم ھەقىقەتەنمۇ شۇنداق پاكىتلار مەۋجۇد، لىكىن بۇ ۋارىيانتى ئۇستازىم ئابدۇراخمانغا چۈشمەيدۇ. ئابدۇسەمەد ئىمىن كۆك تېكىن ئاكىمىزنىڭ <<قەھىرماننى كىم ئۆلتۈردى >> ناملىق تېمىسىنىڭ روياپقا چىقىشىغا سەۋەپچى بولغان جۈرئەت ئوبۇلقاسىم ئاكىمىزنى شەخسەن ئابدۇراخمان ئارقىلىق  تونۇيمەن. ئاكىمىزمۇ قەيسەرلىكتە ئابدۇراخماندىن قېلىشمىغۇدەك بىر ئەركەك. رىۋايەتلىرىنى جىق ئاڭلىغان، ھەۋەس قىلغۇچىلىكى بار يەنە بىر ئۇستاز. ئابدۇراخمانمۇ بۆلەكچە ھۆرمەتلەيدىغان، ئاكا يوللۇق ئەڭ كونا دوستىدىن بىرى. لىكىن ئۇشتۇمتۇت كەلگەن مۇسبەت خەۋىرى ھەمىمىزنىڭ ئەقلىنى توسۇپ، ئازاب ھىسياتىدىن چىقالماس قىىلدى. ھىچكىمدىم يامانلىغىلى بولمايدۇ، ئۈستىدە دەپ ئيىتقاندەك ھەمىمىزنىڭ ئازدۇر كۆپتۇردىن گۇناھلىرى بار ئابدۇراخمانغا قىلغان سەمىمىيەتسىزلىكىم، يالغانچىلىقلىرىم تۈپەيلى ئۈچ كۈننى ئازاب ئىچىدە ئۈچ يىلدەك ئۆتكۈزدۈم يالغانچىغا ئىشىنىش؟ قىززىققارلىق ھە؟ پەيلاسوپلارغا يېڭى مۇنازىرە تېمىسى چىققاندەك قىلىدۇ. جۈرئەت ئاكا سىزنىڭ ئازابلىنىپ تۇرۇپ دىگەن سۆزلىرىڭىز، ئىنىڭز، ئۇستازىم ئابدۇراخماننىڭ كىشىلەرنىڭ ھېسداشلىقىغا قېلىشىغا سەۋەب بولۇپ ئېغىز - ئېغىزلاردا ئېقىپ يۈرمەكتە... ئابدۇراخماننى كىشىلەنىڭ بىر ھايات كەچۈرۈش ئىقتىدارىمۇ يوق مەغلۇبىيەتچىكەن دەپ ئويلاپ قېلىشىغا سەۋەپچى بولماقتا...  بەلكىم ھېلىھەم ئازابلىنىپ تۇرىۋاتقانسىز، گەپلىرىم شۇنچىلىك يېقىمسىز ئاڭلىنىۋاتقاندۇ. كەچۈرۈڭ. لىكىن دىگىنىڭىزگە قوشۇلالمايمەن. ئەگەر ئالتىنجى قەۋەتتىكى ئۈيىنىڭ دېرىزىسىدىن ئۆزىنى تاشلىۋالغان بولسىدى ؟ ئا شۇ روھى بېسىملار، ئىقتىسادى بېسىملار جېنىنى ئالدى دىسىڭىز ھەرگىز گۇمان بىلەن قارىمايمەن... لىكىن سىز ئۆز ئىنىڭىز، دوستىڭىزنىڭ ئېرادىسىگە شەكلەنگەنلىكىڭىز. قانچىلىك ھەقنى بىلىدىغانلارنى نائۈمۈددە قويىۋاتقانلىقىڭىز توغۇرسىدىمۇ ئويلىشىپ قويۇڭ. ئەگەر ئابدۇراخماننى دوستۇم دەپ تۇرۇپ ئۆزىڭىز دەپ ئۆتكەن سەۋەبلەردىن قازا قىلغانلىقىغا ئىشەنسىڭىز ئۆزىڭىزنىڭ دوستلۇق ئۇقۇمىڭىز توغۇرسىدىمۇ ئويلىشىپ قويۇڭ، پولاتكام، كامىلكام، غېنىكام، ئوسمانكام،  پەرھات خالىق،ئىسىمى ئاتالغان -ئاتىمىغان  15 يىللىق قەدىناسلىرى قاراپ تۇرارما؟ ھەقىقەتەن شۇنداق بولغان بولسىدى. .مۇسىبەت خەۋىرىدىن بىر نەچچىنى ئارتۇق ئاڭلىغان بولاتتۇق.   ئابدۇراخمان ئاشخانىدا كۈتكۈچىلىك قىلمىدى. يېقىن دوستى ئوسمانجاننىڭ چاھارباغ تاماقخانىسىدا ئوسمانجاننىڭ ئورنىدا ۋاقىتلىق باشقۇرغۇچى دېرىكتورلۇق قىلىپ ياردەملىشىپ بەردى.  ئىشلارنى ئېنىقلىماق شۇنداق ئاسان.  تەكشۈرگۈلى بولمىغۇدەك پاكىتلار ئەمەس. قالغىنى ئۆزىمىزنىڭ پوزىتسيىسىگە باغلىق. ئۆمۈرۈمدە iPod دىگەن نەرسىنىڭ نىمىلىكىنى ئاڭلاپمۇ باقمىغان ۋاقتىمدا ئابدۇراخماننىڭ قولىدا كۆرگەن، ئارامگاھىڭىزنىڭ چاقچۇق يەرلىرىدە ئايلاپ ياتقان ۋاقىتلىرىدىمۇ ئۇچۇسىدا 2000يۇئەنلىك خارلېي دەيۋىدسوننىڭ خۇرۇم چاپىنى بار ئىدى.  ئۇ ئىشلارنى ئۆزى تاللىغان، ئىرادىسىنى تاۋىلاش ئۇچۇن قىلغان مەشىقلىرى دەپ چۈشەنگەن بولسىڭىز ئابدۇراخماننى بىچچەرە دەپ ئويلىماس بولغىيتىڭىز. ئاشۇ ئۆزى تاللىغان ھايات يوللىرى ھازىرىقى بۈيۈك ئابدۇراخماننى ياراتقان. ئۇ بىچارە ئەمەس، خولۇق كۆرمىگەن ئەمەس، ئۇ دۇنيانى كۆرگەن، ھەقىقەتنى كۆرگەن. ئاز ساندىكى كۆزى ئوچۇق، دۇنيانىڭ رەڭگىنى كۆرگەن، ئاۋازلىرىنى ئاڭلىغان، ھاياتلىقنىڭ گۈزەللىكلىگىنى ھېس قىلغان ئادەملەرنىڭ بىرى.   ئۇ بىچچەرە ئەمەس. ئۇ ھايات ۋاقتىدىمۇ قەدرىنى قىلاتتۇق، ھېلىھەم كۆڭلۈمىزنىڭ تۆرىدىن ئورۇن ئېلىپ تۇرۇپتۇ. . ئابدۇراخمان ھەرگىزمۇ قەلەندەر ئەمەس، ئەكسىچە ھەممىمىزدىن باي. ھەممە ئۇقۇملار قالايمىقان، خاتا چۈشۈنۈشلەر دۇنيانىڭ ھەممە جايلىرىدا ئەۋج ئالغان بۇ دەۋىردە، باي ئۇقۇمىمۇ ئەكسىچە چۈشۈنىلىۋاتىدۇ. ئۇيغۇر خەلىق چۆچەكلىرىدە ئېيتىلىشىچە، بۇرۇننىڭ بۇرۇنىسدا بىر باي بولغان ئىكەن، ئۇ مال- دۇنيانى دوست تۇتمايدىكەن.... دەپ تۇرۇپ چۆچەك باشلىناتتى. شۇ لوگىكىغا سالساق. باي دىگەن ئابدۇراخماندەك ئادەملەرنى كۆرسۈتىدۇ.  پۇلنى ئارتۇق يىغىۋېلىپ قانداق خەجلەشنىمۇ بىلمەي گۆرىگە ئەكىرىپ كېتىدىغانلارنى ئادەتتە،  ئاچكۆز، دۆت، پىخسىق دىگەن ناملار بىلەن ئاتايمىز. ئابدۇراخمان بىلەن بىۋاستە مۇناسىۋىتى بارلاردىن، ئابدۇراخماننىڭ پۇلىنى خەجلەپ باقمىغان دىگۈچىلەر بولسا مەيدىسىگە ئۇرۇپ چۈشۈپ باقسۇن. ئابدۇسەمەد ئىمىن كۆك تېكىن ئاكا تېمىڭىزنىڭ ئاخىرىدا " بىزنىمۇ ئۆلتۈرۈۋەتمىسۇن دەپ بۇ تېمىنى يېزىپ قويدۇم، "  دەپسىز، ئەگەر ئابدۇراخماننى ھەقىقەتەنمۇ بىلگەن بولسىڭىز ئۆزىڭىزنى مەرھوم بىلەن بىر يەرگە قويۇشقا پېتىنالمىغان بولاتتىڭىز. سىزنى سودىگەر دەپ تونىيمەن، خاتالىشىپ قالمىغان بولسام، ھەقىقەتەنمۇ كەلگۈسىڭىزدىن ئەنسىرگەن بولسىڭىز، باشقىچە ئامال تېپىڭ. ھېلىمۇ پۇلنىڭ ئورنى دىنى ئېتقادنىمۇ بېسىپ چۈشىدىغان مۇشۇ كۈنلەردە.   ئۇستازىم ئابدۇراخماننىڭ ۋاپاتىنى، بۈيۈكلىكىنى تاۋارلاشتۇرىشىڭىزغا يول قويالمايمەن. گەپلىرىم قوپال چىقىپ كەتتى. كاللىڭىزنى سىلكىۋىتىپ ئويلىنىشىڭىزغا ياردىمى تىگىپ قالسا ئەجەب ئەمەس. ئەيىبكە بويرىمغايسىز. ئابدۇراخمان بىر ئۆمۈر ھەققانىيەت تەرەپتە تۇرۇپ كۆرەش قىلغان، ھەقنى ئىزدەپ ئىلىم تەھسىل قىلغان ئۇلۇغ ئادەملەردىن بىرى. ئۇيغۇرىمىزنىڭ پەخىرى. مىللىي قەھىرمانىمىز دەپ جار سېلىۋاتقان يالغان ئالىيجاناب مىللەتچىلەرگە... ئەگەر ئابدۇراخمان ئۇيغۇر بولماي قازاق بولۇپ قالغان بولسىچۇ؟ يەنە قەھىرمانىمىز، پالۋانىمىز دەپ جار سالالامتىڭلار؟   بىر تۇققان قازاق قېرىنداشلىرىمىزنىڭ پەخىرى، بىزنىڭمۇ پەخرىمىز، بىزنىڭمۇ قەھىرمانىمىز، ئىنسانيەتنىڭ پەخىرى دەپ قورقماي توۋلىيالامتىڭلار؟ ئەگەر شۇنداق قىلالمىساڭلار، شۇنداق قىلالىشىڭلارنى. يالغان سايىلەردىن ئۇركۈپ يۈرمەسلىكىڭلارنى، قاراڭغۇلۇقتىن چىقىپ، يالغان ئۆچمەنلىكلەرنى يوقۇتۇشۇڭلارنى، يالغانچىلىقلاردىن قۇتۇلۇشىڭلارنى ئۈمىد قىلىمەن. چۈنكى ئۇستازىممۇ شۇنى ئۇمىد قىلغان ۋە شۇنىڭ ئۈچۈن كۆرەش قىلغان... تۆۋەندە ئابدۇراخمان ئابلىكىم ئۆزى يازغان. بىر ئابزاسنى قىستۇرۇپ قويدۇم.. ---------------------------------------------------------------------------------          مەن، مىللەت ۋە دوستلۇق      مەن قايتىپ كەلدىم.  ئايرودرومدا ئالدىمغا ئالغىلى چىققان دوستلۇرۇمنى 15مىنۇتلار ئەتراپىدا ساقلىدىم.  بىلىمەن نۇرغۇن دوستلۇرۇم كېلەلمىدى. ....  مەن ئۆزۈمنىڭ بۇنچىلىك خاتا قىياس قىلغانلىقىمدىن سەل چۆچۈگەنمۇ بولدۇم. مەن مىللەتچىلىكنىڭ يالغانلىقىغا ئىشەنگەن بولساممۇ دوستلۇقنىڭمۇ  بۇنچىلىك نىسپيلىكىنى    بەك ئويلاپ كەتمەپتىكەنمەن..        ئەينى چاغدا ئۆزۈم ئۈچۈن زەپەر قۇچۇپ قايتىپ كەلگەندە تونۇمايدىغان ئادەملەر مۆرىلىرىگە ئېلىپ بۇ نەتىجەمدىن تەڭ بەھىرلەنمەكچى بولغاندا ياقمۇ دېمىگەن ئىدىم.  لېكىن ئۇلارغا بۇنىڭ ئاللاھنىڭ سوۋغىسى ئىكەنلىكىنى دېگىنىمدە ئۇلار پارتىيەنى ئۇنتۇماسلىقىمنى سەمىمگە سالغان ئىدى.      مېنىڭ غايەم ، مۇھەببىتىم ۋە ھەققانىيتىمنىڭ مىللەت بىلەن مۇناسىۋىتى يوق ئىدى. لېكىن نۇرغۇن يىللار مەجبۇرى باغلاندى، مېنى شۇنىڭغا ئىشەندۈرمەكچىمۇ بولۇشتى، لېكىن مەن قايتىپ كەلگەن شۇ كۈن خېلى نەرسىلەر ئەپسۇسلىنارلىق ھەم خوشاللىنارلىق ھالدا ئىسپاتلاندى.    خوشال بولغىنىم  مىللەتچىلىكنىڭ بىر يالغانچىلىق ئىكەنلىكىنى تېخىمۇ جەزىملەشتۈرگەنمۇ بولدۇم. ئەپسۇسلانغىنىم بۇ ساختا نەرسە مەن ئامراق دوستلۇقنىمۇ بىللە ئېلىپ قاچقان ئىدى.          مەن پەقەت ھەر ۋاقىت ئىنسانلارنى سۆيۈشكە تىرىشىمەن. بەلكىم بۇنىڭ ئىچىگە مىللەتنىڭ ئىچىدىكى يامانلارمۇ كىرىپ كېتىشى مۈمكىن. پۇتۇم يارىدار بولغان رەسىمنى ۋىشىندا يوللاپ قويۇشۇمدىكى سەۋەپ مېنى يامان كۆرىدىغانلارنىڭ خوشال بولۇشى ئۈچۈندۇر.  راست چىن كۆڭلۈمدىن شۇنداق ئويلايمەن ھازىر. ئەينى چاغدا ئۆزىنىڭ ھەسەتخورلۇقىنى پەخىرلىنىش ئارقىلىق باسقان شۇ بۇرادەرلەرنى  يەنە بىر قېتىم ھەقىقى خوش قىلىپ قوياي دېدىم.   ...   لېكىن ئالدىمغا چىقىڭلار دەپ تېلفون ئۇرغان دوستلۇرۇم قېنى سىلەر؟؟؟؟؟؟؟؟؟      مەن دوستلۇق ئۈچۈن ھېچ ئىش قىلماپتىمەن دەپ ئويلۇدۇم....    كەچۈرۈڭلار دوستلۇرۇم... ------------------------------------------------------------------------------------------------- مەرھۇمنىڭ ئۆلۈمىنىڭ گۈللۈگ ۋارىيانتى. ئىپتىدائى گۇناھلار تەكرارلانمىسۇن!                                               - راھمانىىزىم   نۆۋەتتىكى ۋارىيانتى بىر ئاز فانتازىيىلىك ھىكايىدەك ھىسيات بېرىدۇ. چۈنكى ئابدۇراخماننىڭ مۇشۇنداق بىر دەۋىردە، مۇشۇنداق بىر تارىخى پەيىتتە، شۇنداق بىر ماكاندا مەۋجۇد بولىشىنىڭ ئۆزىلا بىر فانتازىيە ئىدى. (ئامال بار ئوقۇپ تۈگۈتىۋىتىشكە تىرىشىڭ، چۈشۈنەلمەي قېلىشىڭىزمۇ مومكىن، بۇنىڭدىن ئەنسىرمەڭ. ئابدۇراخمان غايىسى بار ياشلارنى روھى ئوزۇق بىلەن،  يولى قاراڭغۇلارنى نۇر بىلەن تەمىنلىگەن، شۇ غايىلىكلەر،شۇ ئۇمۇدۋارلار ۋە بىزلەر بۇ ھەقىقەتنى  چۈشەندۈرىمىز، ئابدۇراھمان بىزگە ئىشەنگەن، سىزگە ئىشەنگەن، بىزمۇ سىزگە ئىشىنىمىز، سىزمۇ بىزگە ئىشىنىڭ! ئاللاھ خالىسا ھەممىمىز جەننەتكە كىرىمىز. ئامىن!)   ئابدۇراخمان ئەخلاقى، سەمىمىيلىكى، راسچىللىقى، تىرىشچانلىقى، ئەقىللىقلىقى، چوڭقۇر ۋە ئۆزگۈچە تەپەككۇرلىرى ۋە باشقا نۇرغۇن پەزىلەتلىرى بىلەن ئەتىراپىدىكىلەرنى ئۆزىگە مەھلىيە قىلىۋاتقىلى بەك ئۇزۇن يىللار بولدى، ئاساسلىق سەۋەبى يەنىلا گۈزەل يۈرىكى ۋە ئىنسانپەرۋەرلىكى باشقا پەزىلەتلىرىنىڭ يېتىلىشىگە تۈرۈتكە بولغان. بۇلار ئۈچۈن ئابدۇراخماننىڭ دادىسى ئابلىكىم داداملار ۋە ئاپىسى ئاتىكەم ئاپاملارنىڭ گۈزەل يۈرىكى ۋە ئىنسانپەرۋەرلىكىگە، ئابدۇراخمانغا يارىتىپ بەرگەن شۇ گۈزەل، پاكىز موھىتىغا ئاپرىنلار ئوقۇماي تۇرالمايمىز. رەھمەت... ئاللاھ سىلەردىن رازى بولسۇن... ئاللاھ خالىسا ئابدۇراخمان بىلەن جەننەتتە كۆرۈشىسىلەر ۋە كۆرۈشىمىز. (قوشۇمچە: بارلىق ئاتا- ئانىلارغا:  ھەممە ئادەمنىڭ بېشىغا كەلگەن كۈن ئوخشىمايدۇ، يالغان- ياۋاىداقلار بىلەن ئاڭلىۋالغان پىتنىلەر بىلەن كىچىك نارىسىدىلەرنىڭ پاك، ساپ يۈرەكلىرىنى ئۆچمەنلىكلەرگە تولدۇرمايلى، ئامال بار ئۆزىمىزنىمۇ قۇتۇلدۇرايلى، بەك دىگىمىز كىلىپ كەتسە، بەك ئىچلىرىمىزنى بوشاتقىمىز كەلسە، پەقەت بولمىسا شۇ نارسىدىلەرنىڭ ئالدىدا بولسىمۇ دىققەت قىلايلى. ئەگەر ھەقىقەتەنمۇ ئۆز پەرزەنتلىرىمىزنى ياخشى كۆرسەك، مەن تارتقان جاپانى تارتمىسۇن دىگەننىڭ ئورنىغا، ، مەن تارتقان ئازاپنى تارتمىسۇن دەپ ئويلايلى) يۇقۇرىدا دىگەندەك ئابدۇراخمان كىچىكىدىن گۈزەل موھىتتا قىززىققان نەرسىللىرىنىڭ ھەممىسىنى سىناپ، ئۆگۈنۈپ چوڭ بولغان، بۇنىڭغا قوشۇلۇپ تەنھەركەت ئۇنىڭ ئىرادىسى، پىرىنسىپچانلىقلىرىغا ئالاھىدە تەسىر قىلغان ۋە ئۇلارنى مۇستەھكەملىگەن، ئۇستازىم ئابدۇراخمان يېڭى تور دۇنياسىغا كىرگەن ۋاقىتلىرىغا ساھىبخان بولغانمەن. ئاشۇ يوغان قوللىرى بىلەن كونۇپكا تاختىسىدىكى ھەرىبلەرنى ئاستا، كالامپاي بېسىشلىرى ھېلى- ھەم ئېسىمدە. بىر بېسىشىدا ئۈچ، تۆت ھەرىپلەرنى بىرلا بېسىۋالاتتى تېخى. ئىشىلىتەلەيدىغىنى ئىككى بىگىز بارمىقى. چوقۇم كونۇپكا تاختىسىغا قاراپ بېسىشى كىرەك. بىر جۈملە تۈگىگەندە ئىكىرانغا بىر قارايدۇ. بەزىدە بىسمىللىسىغىلا خاتا كىتىپ قېلىپ بىشىنى كۆتۈرۈپ ئېكرانغا قاراپ كۆك كۆزلىرىنى چەكچەيتىپ تۇرۇپ خەتلەرنى قايتا ئوقۇپ خاتالىقلارنى بايقىغان ۋاقتىدىكى بېشىنى ئارقىغاراق تارتىپ،  كۆزىنى نورماللاشتۇرۇپ، قاپاقلىرىنى بىلىنە بىلىنمەس تۇرۇپ قويۇشلىرى بۇ گىگانت مەخلۇقنىڭمۇ ئۇماق يەرلىرىنىڭ بارلىقىنى يوشۇرالمايتتى. مانا ھازىر كەسپىي پروگراممىرلاردەك خەتلەرنى كود يازغاندەك يېزىپ، بەلگە،ئىپادىلەرنى جاي جايلىرىغا قويۇپ، سان ساناقسىز نادىر تېمىلارنى ھوزۇرلىنىشىمىزغا، تەپەككۇر قىلىشىمىزغا، تەتقىق قىلىشىمىزغا قالدۇرغانمۇ بولدى.   توردىكى نامى ئاكىللىس ئىدى. (ئابدۇراخماننىڭ چۈشۈنىشىدە ئازىراق پەرىق باتتى، كىيىن پۇرسەت بولسا ئۇ ئىسىم توغۇرسىدىمۇ بىر نىمىلەرنى يازارمەن) تۇنجى بۇلۇپ گۈلۈستان مۇنبىرىدە مۇنازىرلەرنى قىلغاچ مۇنبەر سىستىما، كومپيۇتېر ئاساسى مەشخۇلاتلىرىنى ئۈگۈنۈشنى باشلىغان.2006،2007 - يىللىرىغۇ دەيمەن. ئۇزۇن ئۆتمەي مۇنبەر تاقالغان بولدى، ئېنىق سەۋەبىنى بىلمەيدىكەنمەن. 2008-يىلى "گۈللۈگ"نى قۇرغان بولدۇق. تەپسىلاتىنى ئەسەرلىرىدىن كۆرىۋالغايسىلەر، پات- يېقىندا ئابدۇراخماننىڭ گۈللۈگ ۋە گۈلۈستاندىكى تېمىللىرى رەتلىنىپ، گۈللۈگنىڭ مەخسۇس قۇرۇلغان سەھپىسگە توپلىنىدۇ. باشقا مۇنبەرلەردىكى ئەسەرلىرى بولسا مەنبەسىنى ئەسكەرتكەن ھالدا تولۇقلاپ قويۇلىشى قىزغىن قارشى ئېلىنىدۇ. 2014-يىلى يىل بېشىدا توپ ئويناۋاتقاندا يۈگۈرەۋىتىپ پاچاق ئوشۇقى ئارقىسىدىكى ئاكىللىس دەپ ئاتىلىدىغان چوڭ پېيى ئۈزۈلۈپ كېتىدۇ. ياتاقتا يېتىش جەريانىدا بۇنىڭ پىشكەنلىك ئەمەسلىكىنى ئۆزىنىڭ يېڭى بىر بۇرچىنىڭ بارلىقىنى ھېس قىلىدۇ. تەنھەركەتنى تاشلاپ روھھەركەت بىلەن شۇغۇنلىنىشنى رەسمى باشلايدۇ. ئىشنى ئاۋال ئاكىللىسنى ئۆلتۈرۈشتىن باشلايدۇ. تولىراق كۆڭۈل ئىچىش، ئۇنۋىرسال بىلىملەر توغۇرسىدا تېمىلارنى يوللىغان بېشىغا تاۋۇز شاپىقىنى دۇبۇلغىدەك قىلىپ كىيىۋالغان ئاق رەڭلىك خاپا مۇشۇك تورداشلار بىلەن خوشلىشىدۇ. ئەمدى يېڭى بىر ئېقىم، راھمانىزىم  نامىدا، ئاللاھنى ئىزدەش، ھاياتلىق توغۇرسىدىكى پەلسەپىۋى ئىدىيەىلىرى ياكى شۇ تېمىدا ئېيتىلغان بۇرۇنقى پەيلاسوپلارنىڭ ئىدىيىلىرىنى ئەڭ ئاددى، ئەڭ چۈشۈنۈشلۈك يوللار بىلەن يېشىپ بېرىشنى باشلايدۇ. چوڭقۇر، چۈشۈنۈشلۈك، سەنئەتلىكلىگى يۇقىرى بولغان ئىدىيەلىرى، ئۇچۇرلىرىغا ئەگىشىۋاتقان ئوقۇرمەنلەرنىڭ ھەققانىيەت تۇيغۇللىرىنى قايتىدىن ئويغۇتىدۇ.  ھەققانىيەت بىر بولىدۇ، ياراتقۇچى تەرىپىدىن كەلگەن، لىكىن ئۇ داۋاملىق غالىبىيەتچىلەر تەرىپىدىن خىلمۇ-خىل بېزىلىپ تۇرىدۇ. سىنچىلاپ قارىمىسا ھەققانىيەتنىڭ سىرتقى بىزىكىنىلا كۆرگۈلى بولىدۇ. ھەقىقىي ھەققانىيەتنى كۆرۈش ئۈچۈن ئىزدىنىش كىرەك، ئويلاش كىرەك، تەپەككۇر قىلىش كىرەك، نۇرغۇن ماتېرياللارنى كۆرۈش ئارقىلىق پەرىق ئېتىشنى بىلىش كىرەك ئىدى، ئابدۇراخمان مۇشۇ يولدا قېتىرقىنىۋاتقانلارنىڭ بىرى ئىدى. ئۇ دۇنيانىڭ ھەممە يەرىدە بىزگە ئوخشاش ھەقنى ئىزدەۋاتقانلارنىڭ كۆپلىكىگە ئىشىنەتتى ۋە قولىدىن كىلىشىچە  ئۇلارنىڭ مېۋىللىرىىنى ئىزدەيتتى ۋە بىزگە ئۈزۈپ بېرەتتى. 2015-يىلى 21-قەھرىتان ئەتىگەندە بامدات نامىزىدىن يېنىپ، يېتىپ ئارام ئالاي دەپ كارۋىتىغا چىقىپ يىتىۋالىدۇ، لىكىن كۆزۈنى يۇممىدى، تەپپەككۇرلىرىنى داۋاملاشتۇردى. ئۇئۆزىنىڭ بۇرچىنى ئادا قىلىپ بولغان ئىدى بىزگە بېرىدىغاننىڭ ھەممىنى بېرىپ بولغان ئىدى، ئەمدىلىكتە ئۆزىگە كىرەك نەرسىلەر ئۇچىراۋاتاتتى... ئۇ كەينىگە قارىلىپ بىزگە قارىدى، بىزنىڭ مېۋىلەرنى تېپىپ يىيەلەيدىغانلىقىمىزغا شەكسىز ئىشەندى. ۋە كەينىدىن يېتىپ بارىدىغانلىقىمىزغىمۇ شەكسىز ئىشىنەتتى، ئۇ ئۈنلۈك ئاۋازدا ئاللا خالىسا ھەممىمىز جەننەتتە كۆرۈشىمىز دەپ ۋاقىرىدى. ۋە ھەققانىيەتنى كۆرۈش ئۈچۈن مەۋقامىغا كېتىپ قالدى ئۇ قايتىپ كىلەلمەيدىغانلىقىنى بىلەتتى، ھەققانىيەتنى كۆرۈپ ئۇنىڭ گۈزەللىكىدىن ھوزۇرلانغاندىكى ھەيران قالغان، مەمنۇن بولغان ھېسياتلىرى شۇ چىرايىغا چىقىپ تۇراتتى، بىزگە ئىشەنگەنلىكى ئۈچۈن خاتىرجەم كەتتى.... ئاللا خالىسا ھەممىمىز جەننەتە كۆرۈشىمىز. بۇ ئۇنىڭ روھى تېنىدە ئەيتقان ئەڭ ئاخىرقى سۆزلىرى ئىدى..

سۈرخان1

	تېما ئېگىسىنىڭ تېمىغا قىستۇرغان رەسىمىدىن كۆرۈنۈپ تۇرىدۇكى ئۇنىڭ يالقۇن روزى بىلەن تونۇشلۇقى بار، ياكى ئىزدەپ تاپالايدۇ، بۇيەردە داۋراڭ سېلىپ پىكىر ئىختىلاپى قىلغۇچە بېرىپ ئۆزى بىلەن پىكىرلىشىپ باققان بولسىڭىز قايىل قىلارلىق جاۋابقا ئېرىشەر بولغىيتىڭىز؟ سىزنىڭ مەقسىتىڭىز تۆھپىكارلار فوندى قۇرۇپ مىللەت ئاۋانگارتلىرىنى قوللاشمۇ ياكى نام قازىنىشمۇ؟ يەنە كېلىپ يالقۇن روزىنىڭ يازمىسىدىكى ئابدۇشۈكۈر مىجىت ئاكا دېگەن گەپلەرنى يالقۇن روزىنى دېگەن دەپسىز، سىز شۇ تېمىنى تولۇق ئوقۇدىڭىزمۇ؟ مەزمۇنىنى چۈشەندىڭىزمۇ؟ يالقۇن روزىنىڭ نېمە دېمەكچى ئىكەنلىكىنى ھېس قىلالىدىڭىزمۇ؟ نام چىقىرىش ئۈچۈن غورۇرى ۋە شان شەرىپى بىلەن كەتكەن بىر ئىنساننى ۋە ئۆز پەرزەنتلىرىنى چىن دىلىدىن سۆيىدىغان، ئۇنى ئىللىق قوينىغا ئالىدىغان بۈيۈك بىر مىللەتنىڭ ھېسياتىنى دەسمايە قىلماقچى بولىۋاتىسىز، بۇ دەسمايە بەك چوڭ بولۇپ كەتتىمۇ قانداق؟ بۇ سودىڭىزدا سىزنىڭ ئۇتتۇرغىنىڭىز ئۇتتۇرغان، زىيان تارتقىنىڭىز تارتقان. چۈنكى تارىختىن بۇيان ئۇيغۇر مىللىتىنىڭ ھېسياتى بىلە ئوينىشىپ ھېچكىم پايدا ئالالمىغان، بۇنىڭدىن كېيىنمۇ ھەم شۇنداق بولىدۇ.

tograk266

	بۇمۇخبىرغا ھەققىقەتەن ئاپرىن.قەلىمىڭىز ھىرىپ قالمىسۇن. يالقۇنكاممۇ مىللىتىمىزنىڭ پەخىرلىك ئوبزورچىسى، بۇ يازمىنى ياخشى كۆرۈپ ياردەم قىلسا بولىدىكەن. يەنە بىر گەپ ، بەزەنلەرنىڭ ھىچ ئىشتىن ھىچ ئىش يوق ‹‹بەغەرەز››دىيشى بەك ئىشىپ كىتىپتۇ،

hayat

	مېنىڭچىمۇ بۇ مۇخبىر ئىنىمىز سەل ئالدىراپ قالغاندەك تۇرىدۇ. بىز ئىش قىلغاندا ھېسسىياتقا تايىنىپ قىلىشتىن ساقلىنىشىمىز كېرەك. قارىغاندا سىز ئائىلە ئەزالىرى بىلەن ئەمەس بەلكى باشقىلار بىلەن قىلغان سۆھبىتىڭىز ،باشقىلار يوللىغان تېمىلار ئاساسىدا مەرھۇمغا ئائىت تېمىلارنى يوللاپسىز. بۇغۇ ناچار ئىش ئەمەس.بىراق يوللىغان تېمىدىكى بىر قىسىم تەرەپلەر ھەقىقەتەن يالقۇن روزى زىيارەت قىلغان شەخسىلەر تىلغا ئالغان تەرەپلەرگە بېرىپ چىتىلىدۇ. سىزمۇ ۋاقتىدا بىرىپ بۇ ھەقتە چۈشەنچە بەرسىڭىز بولغۇدەك.

karqok

	ئەسسالامۇ ئەلەيكۇم تورداشلار ،‹ يىپېك يولى› توردىشىم : پىكىرلىرىڭىزنى ،كۆز قارشىڭىزنى سەۋرىچانلىق بىلەن ئىپادىلەڭ .بىراۋغا ئۇنداق تىل سالماڭ .كۇپۇرلۇق ئۆتۈپ قالمىسۇن ........چىرايلىق مۇنازىرىشەيلى .......

hitlir

	نۇزۇگۇم. يوللىغان ۋاقتى  2015-1-26 11:17 PM ھايات ۋاقتىدا بىر قانچە قېتىم زىيارەت قىلغان، ئەھۋالى ... ھايات ۋاقتىدا بۇلارنىڭ بۇنداق قىيىنچىلىقتا قالغىنىنى كۆرمىگەندە .ھەم تەرەپپاللا پالنچى چىمپىيون جا پادا قاپتۇ ياردەم قىلايلى فوند قۇرايلى دىسە، كىم ئاۋاز قوشىدۇ،بۇ مەسىلىنىڭ مۇشۇ پەيتتە ئوتتۇرغا چىقىشى بەك يارقىن نۇقتا بولدى. بولسا تىزرەك ۋۇجۇتقا چىقىشىغا تىلەكداشمەن .ھەم ئاددى بىر تىجارەتچى  بولۇش سۈپىتىم بىلەن زور كۆچۈم بىلەن قوللايمەن ،ھەم ئىنسانىي بۇرچۇم  باھادىرلار ئالدىدىكى قەرزىم ھىسابلايمەن.

akbarjan2015

tarimyigiti

	سۈرخان1 يوللىغان ۋاقتى  2015-1-27 11:41 AM تېما ئېگىسىنىڭ تېمىغا قىستۇرغان رەسىمىدىن كۆرۈنۈپ تۇر ...    پاراڭلىرىڭىزنىڭ بەكلا ئارتۇقچە ئىكەنلىكىنى ھېس قىلالمىدىڭىزمۇ ياكى ھېس قىلغىڭىز يوقمۇ؟ ياكى بۇ بىر جاھىللىقمۇ؟     يالقۇن روزى ماقالىنى تورغا يوللىسا، بۇ ئىنىمىز جاۋابىنى تورغا يوللىماي، ئۆيىگە ئىزدەپ بارامدا؟     بۇ ئىنىمىز ۋە ئابدۇسەمەت ئىنىمىزنىڭ يوللىغان تېمىلىرىدىن خېلى كۆپ نەرسىلەرنى بىز ئەمەس، سىزمۇ بىلگەنسىز؟ شۇ تېمىدىكى بايانلارنىڭ ئوننىڭ ئىچىدە بەشىغۇ راستتۇ؟     مىللەتنىڭ ھېسسىياتىنى دەسمايە قىلدى دەيسىز، دەسمايە قىلىش ئارقىلىق، مۇخبىر ئىنىمىزغا بىرەر پايدىلىق ئىش بارما؟

tarimyigiti

	سۈرخان1 يوللىغان ۋاقتى  2015-1-27 11:28 AM ناھايتتى رەھىمدىل ۋە شەپقەتلىك ئۇلۇغ ئاللاھنىڭ نامى ب ...     مۇشۇ مەزمۇننى مەن نەچچە كۈن بۇرۇن بىر يەردە كۆرگەنىدىم، لېكىن، بۇ يازما ئىگىسى مەۋھۇم ئىسىم بىلەن يازما يازسا كېرەك، ئىسىم زاتىنى بىلىشكە زادىلا ئىمكان بولمىغان.

tarimyigiti

	مۇخبىر ئىنىم، سىزنى مەن ۋە مېنىڭ ئەتراپىمدىكى كۆپلىگەن زىيالىي ۋە سودىگەر ئاكا-ھەدىلىرىڭىز قوللايدۇ، سىز خاتا قىلمىدىڭىز! سىزنىڭ ئۆزىڭىزدىن چوڭلارنى ھۆرمەت قىلىدىغان، كىچىكلەرنى ئىززەت قىلىدىغان، باشقىلارغا قىزغىن مۇئامىلىدە بولىدىغان، باشقىلارنىڭ غېمىنى ئۆزىنىڭ تۇرمۇشىنىڭ بىر قىسمى قىلىدىغان ئوت يۈرەك ياش ئىكەنلىكىڭىزنى كۆپلىگەن (مەندىن باشقا. چۈنكى، مەن سىزنى پەقەت يازمىدىڭىزدىنلا تونۇغانمەن) ئاكا-ھەدىلىرىڭىز بىلىدۇ، سىزنىڭ ئىستىقبالىڭىز پارلاق، تەنقىد ۋە ماختاشلارنى ئۆز لايىقىدا قوبۇل قىلالايدىغانلىقىڭىزغا ئىشىنىمەن.