قىرانى غەزەللىرى

kirani

	خاھلىساڭ،جىسمىمنى پايخان ئەيلىگىن، خاھلىساڭ،بارىمنى ۋەيران ئەيلىگىن. رازىمەن، ئۆمرۈم بۇيى خۇرسەندىمەن، مەيلى تا، ھەجرىڭدە سەرسان ئەيلىگىن. سەن ئۈچۈن روھىم مىنىڭ مەجرۇھ ھامان، كەت، ئەقىدەمنى پەرىشان ئەيلىگىن. گۈل ئارا قاچقان تىكەندىن،مەرد ئەمەس، مەن ئۈچۈن ھەجرىڭنى مەيدان ئەيلىگىن. بۇ يۈرەك سەندىن بۆلەكنى خالىماس، يار! پىراقىڭدا ئۇنى قان ئەيلىگىن. ئال يۇلۇپ،كەتكىن،يوقالسۇن سەن بىلەن، يا كېلىپ،ئۆزۈڭنى جانان ئەيلىگىن…                          2 سېنى ھەر ئويلىسام دىلبەر دىگەيمەن، يۈرەك غەمىڭ ئۈچۈن مۇنبەر دىگەيمەن. پىراقتىن سارغىيىپ ، مىسكىن غازاڭمەن، سېنى پەرۋازدىكى كەپتەر دىگەيمەن. نىگاھىڭ جان ئالۇر،مۇشتاقىمەن،ئۇ ــــــ يۈرەك تەشنا،شېرىن نەشتەر دىگەيمەن. نە بەخت ، دىلبەر،ناگاھ ئۆتسەڭ كوچامدىن، ئاياغىڭدا ئۆزۈم خاك ـــــ يەر دىگەيمەن. نە ھەددىم ئەيلىمەك زىكرىڭنى تىلدا، سىياھ قانىم،دىلىم دەپتەر دىگەيمەن. پىراقىڭدا كۆڭۈل ئۆلدى،نىھايەت داۋاسى كۆكسۈمە خەنجەر دىگەيمەن. كېتەرسەن ئاقىۋەت،ئەمما ئاشۇ چاغ، قىرانىچۈن،قارا مەھشەر دىگەيمەن.                                      ئۇستازلار تەكلىپ پىكىرلىرىنى ئايىمىغاي.                                                                                     ــــــ رۇسۇل ئۆمەر قىرانى

dawranim

	قۇلىڭىزغا دەت كەلمىسۇن ياخشى يېزىپسىز

tuman1995

	شىئىردىكى ھىسيات پۇراق ئىنتايىن ياخشى،ئەڭ ئاخىردىكى تۆت مىسرادىكى مۇئەللىپنىڭ مەقسىتى نىمىدۇ ئويلاپ قالدىم،مۇئەللىپ قىرىندىشىمىز شەرھىلەپ بەرسىكەن دىگەن ئۈمۈددە

zulnuri

	قەلىمىڭىز بەركەتلىك بولسۇن!

tarimyigiti

	ئاشىق يۈرەكنىڭ سەۋدايىلەرچە تەلپۈنۈشى ئىنتايىن جايىدا يېزىلىپتۇ.

bulaksu2

	شېئىرىڭىزدا ھېسسىيات خېلى قويۇق ئىكەن. «خالىساڭ» دېگەن سۆزنى «خاھلىساڭ» دەپ يېزىۋاپسىزغۇ؟ توخسۇندا شۇنداق دەمدۇ-يا؟!

mamatkurban

	ياخشى چىقىپتۇ

99sahrayi99

	bulaksu2 يوللىغان ۋاقتى  2015-1-14 06:22 PM شېئىرىڭىزدا ھېسسىيات خېلى قويۇق ئىكەن. «خالىساڭ» ... تۇلۇقى خۇاھلاش دەپ يېزىلىدۇ چاغاتايچىدا،  بۇ سۆز قىسقىراپ خالاش دەپ يېزىلىدىغان بولدى ھازىر. غەزەل بەك ياخشى چىقىپتۇ. بولۇپمۇ ئەڭ ئاخىرقى تۆت مىسرا شۇنداق قاملىشىپتۇ!. تىما ئىگىسىنىڭ قولىغا دەرت كەلمىسۇن!..

جۈرئىتى

	ئىسىل .