ئۇ ئاچاڭنىڭ ئېرى (ھېكايە)

musilina

	- مەن ماڭدىم ئەمسە رىشات ، رەئىسە تاپشۇرىقىنى ئىشلەپ بولىشى بىلەنلا ئۇخلۇتۇڭ ، بولمىسا ئەتە ئورنىدىن تۇرالمايدۇ ،مەربىيە سەن قاچا - قۇچىلارنى يۇغۇشتۇرۇپ بولۇپ ئىمتاھاناڭغا تەييارلىق قىل -كەچلىك نۆۋەتچىلىك قىلىش ئۈچۈن مەكتەپكە ماڭغان مەرزىيە ئايىقىنى كەيگەچ يۇقارقى ئىشلارنى تاپىلاشنى ئۇنتۇمىدى . - ۋاي -ۋۇي ، بولىدۇ باشلىق خوتۇن ، بۇيرۇقىڭىزنى بىجاندىل ئورۇندايمىز ، خاتىرجەم بولۇپ مېڭىۋېرىڭە ، بىز يا كىچىك بالا بولمىساق - دېدى رىشات ۋە مەرزىيەنىڭ مۆرىسىدىن تۇتۇپ ئىشىك تەرەپكە يېنىككىنە ئىتتىردى . - ئىتتىرىپ يۈرىيسىز ، مەندىن زېرىككەن ئوخشىمامسىز ؟ - دېدى مەرزىيە . - ۋاي ، نېمىلەرنى دەيدىغانسىز ، سىزنى كېچىكىپ قالمىسۇن دېدىم شۇ ،سىزدىن بىر ئۆمۈر زېرىكمەيمەن ئاپپاق خوتۇن - رىشات شۇنداق دېگىنىچە مەرزىيەنىڭ ئېڭىكىنى تۇتۇپ ئەركىلەتتى . - سەتلىكىنى -دېدى مەرزىيە رىشاتقا قاراپ تاتلىققىنا ئەركىلەپ ، شۇ ئارىلىقتا رىشاتنىڭ كۆزى ئاشخانا ئۆي ئالدىدا ئۆزلىرىگە قاراپ تۇرغان مەدىنەنىڭ كۆزى بىلەن ئۇچرۇشۇپ قالدى ،مەدىنە ئۇنىڭغا بىرنى ئالىيىۋېتىپ كەينىگە ئۆرۈلۈپلا ئۆزىنىڭ ھوجرا ئۆيىگە كىرىپ كەتتى ،مەرزىيە چىقىپ كەتكەندىن كېيىن رىشات ئالدى بىلەن قىزىنىڭ قېشىغا بېرىپ ، تاپشۇرۇق ئىشلىگىنىنى كۆزدىن كەچۈرۈپ بولۇپ ، ئاستاغىنە مەدىنەنىڭ ھوجرىسىغا كىردى ،ئۇ كىرگەندە مەدىنە ئىشىككە ئارقىسىنى قىلىپ كىتابقا قاراپ ئولتۇرغىنىچە خىيالغا چۈشكەن ئىدى ، رىشات پۇتىنىڭ ئۇچىدا دەسسەپ مەدىنەنىڭ قېشىغا كەلدى - دە ، ئۇنىڭ ئارقىسىدىن يېنىككىنە قۇچاقلىدى . - ۋىييەي ،- مەدىنە كەينىگە قاراپ رىشاتنى كۆردى ۋە قولىنى سىلكىپ چۈشىرىۋېتىپ ، تەتۈر قاراپ ئولتۇرىۋالدى . - ماڭا قارىڭا جېنىم ، مەندىن خاپا بولۇپ قالدىڭىزما ؟ - دېدى رىشات مەدىنەنىڭ ئېڭىكىدىن تۇتۇپ ئۆزىگە قارىتىپ . - كىم سىزنىڭ جېنىڭىزكەن ، جېنىڭىز باياملا چىقىپ كېتىپ بولدى - دېدى مەدىنە ئۇنىڭغا قاراپ ئالىيىپ . - خاپا بولمىڭە ،‹‹جېنىم›› دېمەي‹‹ تاتلىقىم ، شېكىرىم ،گۈلۈم ››دەي ،سىز دېگەن مەن باش ئۇرۇپ تاۋاپ قىلىدىغان مەدىنەرىم ، ماڭا قاراڭ، مەن سىزدىن گۇناھىمنى تىلەپ تاۋاپ قىلغىلى كىردىم مانا - رىشات شۇنداق دېگەچ راستىنلا يۈكۈنىدىغاندەك قىياپەتتە تىزىنى ئەگدى . - ساراڭ ، قىپ كەتكەن قىلىقلىرىنى، خوشەمەت قىلىپ - مەدىنە شۇنداق دېگەچ رىشاتقا قاراپ پىسسىڭدە كۈلدى . - جېنىم مەدىنە،سىزگە كۈلكىدىن باشقىسى ياراشمايدىكەن ، بايام خاپا بولغان ۋاقتىڭىزدا سەتلىشىپ كەتكەن ئىدىڭىز، ئەمدى كۈلىۋېدىڭىز، پورەكلەپ ئېچىلغان گۈلگە ئوخشىدىڭىز ، ئۇھ ، مۇشۇ كۈلگەن ھالىتىڭىز يۈرىكىمنى ئېرىتىۋەتتىغۇ - رىشات شۇنداق دېگەچ مەدىنەنى ئۆزىگە تارتىپ ئاغزىنى يېقىن ئەكەلدى . - ئۇنداق قىلماڭ رىشات ئاكا ، ھېلى رەئىسە كىرىپ قالمىسۇن ، مەن چىقىپ چىنە -قاچىلارنى يۇيىۋېتەي ،- مەدىنە شۇنداق دېگەچ رىشاتنى ئۆزىدىن نېرى ئىتتىرىپ ئورنىدىن تۇردى . - بولدى ،سىز دەرسىڭىزنى تەكرارلاۋېرىڭ ، قاچىلارنى ئۆزەم يۇيىمەن ، سىزنى قاچا يۇيغۇزۇشقا قانداقمۇ يۈرىكىم چىدايدۇ مېنىڭ - دېدى . - نەچچە ۋاقىتتىن مەن قاچا يۇيغاندا ئەجەپ چىدىغانتىلە ، ئەمدى چىدىماس بولۇپ قاپتىغۇ بۇ يۈرەكلىرى - دېدى مەدىنە قەستەنگە . - ھەي دۆت ، يۈرىكىم چېدىمىدى دەپ ئاچىڭىز بار يەردە سىز ئولتۇرۇڭ ، قاچىنى مەن يۇياي دېسەم بولامتى ؟- دېدى رىشات . - چاخچاق قىلىپ قويدۇم- دېدى مەدىنە ئۇنىڭغا قاراپ ئەركىلەپ . - مۇشۇ يەرلىرىڭىز يۈرۈىكىمنى كۆيدۈرىدۇ جۇمۇ سىزنىڭ ، ئاچىڭىزدا سىزچىلىك خۇلق پەقەتلا يوق - دېدى رىشات مەدىنەنى يەنە ئۆزىگە تارتىپ ، ‹‹ئاچىڭىز ›› دېگەن گەپنى ئاڭلاپلا ،مەدىنەنىڭ چىرايى يەنە ئۆزگەردى . - ئاچىڭىز دېگەن گەپنى ئاڭلاپ يەنە خاپا بولغىلى تۇردىڭىز مانا ، بولدى مۇشۇ ئاغزىمنى ،ئەمدى سىزنىڭ قېشىڭىزدا ھەرگىز ئۇنداق دېمەيمەن ، يەنە شۇنداق دەپ سالىدىغان بولسام مۇشۇ تىلىمنىلا كېسىۋېتەرمەن ، ئاپپاق تاتلىقىم ، مېنى كەچۈرۈڭ - دېدى رىشات ۋە مەدىنەنىڭ مەڭزىگە بىرنى سۆيىۋالدى . - قېلىن ، ساراڭ ، ھېلى رەئىسە كۆرۈپ قالىدۇ ، بولدى چىقىڭ - مەدىنە شۇنداق دېگەچ رىشاتنى ئىتتەردى . - خوپ مەدىنە مەلىكەم، مەن چىقىپ كەتتىم ئەمسە داۋامىنى ھېلى - ھە - رىشات شۇنداق دېگەچ ئۇنىڭغا سۆيۈش بەلگىسىنى كۆرسىتىپ تۇرۇپ چىقىپ كەتتى ، رىشات مېھمانخانىدىن ئۆتىۋاتقاندا قىزى دەپتىرىنى كۆتۈرۈپ چىقتى ۋە - دادا ، تاپشۇرۇقۇمنى ئىشلەپ بولدۇم ، كۆرۈپ باقامسىز ؟ - دېدى . - ماقۇل ، ئەكىلىڭ كۆرۈپ باقاي - دېدى رىشات ۋە رەئىسەنىڭ قولىدىكى تاپشۇرۇق دەپتەرنى ئېلىپ كۆزدىن كەچۈرۈپ بولۇپ - توغرا ئىشلەپسىز قىزىم ، ئەمدى كىرىپ ئۇخلاڭ - دېدى قىزىغا . - ئوبدان دادا ،سائەت 8:40 مىنۇت ئۆتۈپتۇ ، 20 مىنۇت تېلىۋوزور كۆرۈۋېلىپ ئاندىن ئۇخلاي ماقۇلمۇ ؟- دېدى رەئىسە دادىسىغا يېلىنىپ . - ماقۇل قىزىم ،تاپشۇرۇق ئىشلەپ چارچاپمۇ كەتكەنسىز ، بىردەم تېلىۋوزور كۆرسىڭىزمۇ كۆرۈڭ - دېدى رىشات قىزىغا قاراپ . - مېنىڭ دادام دۇنيا بويىچە ئەڭ ياخشى دادا جۇمۇ - رەئىسە شۇنداق دېگەچ دادىسىنىڭ بوينىدىن قۇچاقلاپ ، مەڭزىگە سۆيۈپ قويدى . قىزى خەنزۇ باشلانغۇچ مەكتەپنىڭ 1- يىللىقىدا ئوقۇيتتى ، خەنزۇ مەكتەپلەرنىڭ بېرىدىغان ئائىلە تاپشۇرىقى كۆپ ،تۈزۈمىمۇ بەك چىڭ بولغاچقا ، ئادەتتە مەرزىيە بولسا ،رەئىسە تاپشۇرۇق ئىشلەپ بولىشى بىلەنلا ،تېلىۋوزور كۆرىشىگىمۇ يول قويماي مەجبۇرى ئۇخلىتاتتى ،رىشات رەئىسەنى تاپشۇرۇق ئىشلەپ بولغاندىن كېيىن ،مۇۋاپىق ھالدا تېلىۋوزور كۆرگىلى قويۇش توغرۇلۇق مەرزىيە بىلەن نەچچە قېتىم قىزىرىشىپمۇ قالغان ئىدى ، قىزى رىشاتقا بەكلا ئامراق ئىدى ، رىشاتمۇ قىزىغا قەۋەتلا ئامراق ئىدى ، ھەرقانداق يەرگە بېرىپ قالسا قىزىغا سوۋغات ئالماي كەلمەيتتى ، بۈگۈن كەچتە مەرزىيە يوق بولغاچقا ، رىشات رەئىسەنىڭ بىردەم تېلىۋېزور كۆرىۋېلىشىغا يول قويدى ، ئۇنىڭ نەزىرىچە كىچىك بالىلارنىڭ ئەركىنلىكىنى چەكلەپ قويۇش ئۇلانىڭ نورمال ئۆسۈپ يېتىلىشىگە توسقۇن بولاتتى ، شۇڭا ئۇ قىزىنى ئانچە - مۇنچە ئىختىيارى پائالىيەتكە قويۇپ بېرىشنىڭ ئۆزىنى قىزىنىڭ جىمغۇر بولۇپ قالماسلىققا ، ئەركىن ئۆسۈپ يېتىلىشىگە پايدىسى بار دەپ قارايتتى . رىشات ئىشخانىدا قاچا يۇيىۋاتقان ،قىزى تېلىۋىزور كۆرگىلى تۇرغاندا ، مەدىنە ھوجرىسىدا رىشات بىلەن ئىككىسى ئوتتۇرىسىدىكى مۇناسىۋەتنى ئويلاپ بىر تەرەپتىن ئۆزىنى ئەيىپلەيتتى ، بىر تەرەپتىن ئاچىسىغا ئىچ ئاغرىتاتتى ،رىشاتتىن ئۆزىنى تارتىش توغرىسىدا ئۆزىنى - ئۆزى ھەيدەيتتى . مەدىنە بىلەن مەرزىيە ئەسلى بۇ شەھەرگە قاراشلىق بىر ناھىيىنىڭ ،مەلۇم بىر يېزىسىدىن بولۇپ ، بىر قورساق ئاچا - سىڭىللاردىن ئىدى ، ئىككىسىنى ئارىسىدا بىر ئوغۇل قىزىل بىلەن ئاغرىپ داۋالاش ئۈنۈم بەرمەي ئۆلۈپ كەتكەن ئىدى ، مەدىنە تۆت ياشقا كىرگەن يىلى دادىسىمۇ كېسەل سەۋەبىدىن ئۆلۈپ كەتتى ، بىچارە ئانىسى ئاچا - سىڭىل ئىككىسىنى دادىسىنىڭ يوقلىقىنى بىلىندۈرمەي ئۆزى ھەم دادا ، ھەم ئانا بولۇپ جاپا - مۇشەققەتلەر ئىچىدە باقتى ، مىڭبىر جاپالار بىلەن مەرزىيەنى شىنجاڭ تىببى ئۇنۋېرستتا ئوقۇتتى .مەرزىيە تىببى ئۇنۋېرستىتتا ئوقۇۋاتقاندا، ئانىسىنىڭ ئۆزى ئۈچۈن چەككەن رىيازەتلىرىنى كۆز ئالدىغا كەلتۈرۈپ تۇردى ، ئۇنىڭ كۆڭلىدە‹‹چوقۇم ياخشى ئوقۇپ ئانامنىڭ ئۈمىدىنى ئاقلايمەن›› دېگەن بىرلا ئوي بار ئىدى ،دېگەندەك ئوقۇش جەريانىدا ،ئۇ باشقا ئوقۇغۇچىلاغا ئوخشاش ياشلىق، مۇھاببەت ، ئويۇن - تاماشا دېگەنلەرگە بېرىلمىدى ،پۈتۈن ۋۇجۇدىنى، زېھنىنى ئوقۇشقىلا قاراتتى ،شۇنىڭغا يارىشا ناھايتى ياخشى ئوقۇدى ، تەقدىرنىڭ كاج قىسمىتى شۇنداقمۇ ،ئۇ ئوقۇشقا بېرىپ 5- يىلى ، مەدىنە باشلانغۇچنىڭ 5- يىللىقىدا ئوقۇۋاتقاندا ، رەھىمسىز تەقدىر ،بىر ئومۈر مەرزىيە بىلەن مەدىنە ئۈچۈن جان پىدا قىلىپ، جاھاننىڭ خوۋلىقىنى كۆرۈپ باقمىغان ئاقكۆڭۈل ، جاپاكەش ئانىنى نىجىس بالىياتقۇ راكى بىلەن ئۇ دۇنياغا ئەكەتتى ، بۇ خەۋەر مەرزىيەگە يەتكۈزۈلگەندە ھۇشىنى يوقاتتى، چاچلىرىنى يۇلۇپ ئۆزىنى ئۆزى كاچاتلاپ يىغلىدى ، بىر قانچە كۆيۈمچان ساۋاقداشلىرىنىڭ تەسەللىسى ، مەكتەپ رەھبەرلىكىگە ئېيتىپ رۇخسەت ئېلىپ بېرىشى ۋە پويىز بېلىتىنى ئېلىپ بېرىپ يولغا سېلىپ قويۇشى بىلەن يۇرتىغا كېلىپ ئۇرۇق - تۇققان ، قۇلۇم - قوشنىلىرى، يېزا كادىرلىرىنىڭ غەمخورلىقىدا ئاپىسىنىڭ مېيىتىنى ئۇزاتتى ،نەزىرنىڭ ئالدى -كەينىدىكى ئىشلار تۈگەپ بولغاندىن كېيىن يىغا -زارە ئىچىدە سىڭلىسى مەدىنەنى بىر تۇققىنىنىڭ ھامىيسىگە تاپشۇرۇپ قويۇپ مەكتىپىگە كەتتى ، ئۇ مەكتەپكە بارغاندىن كېيىن بىرقانچە ۋاقىتلارغىچە ئاپىسىنى ئويلاپ كۆڭلى بەسەرامجان يۈردى ، كېيىن ئۆزىگە - ئۆزى مەدەت بېرىپ ، ئىلگىركىدىنمۇ تىرىشىپ ئوقۇدى ۋە ئوقۇش پۈتتۈرگەندىكى نەتىجىسى مەكتەپ بويىچە ئالدىنقى ئورۇندا تۇردى ، ئۇ ئوقۇش پۈتتۈرگەندە ئاتا –ئانىسى يوق بىچارە قىزغا اللاھنىڭ رەھمى كەلدىمۇ ياكى ئۆزىنىڭ ئالاھىدە ئوقۇش نەتىجىسى سەۋەپ بولدىمۇ ، باشقا ساۋاقداشلىرىغا ئوخشاش ئارقا ئىشىكنىڭ ‹‹ئىشىكى›› نى كۆرمەيلا ، ۋىلايەتلىك تىببى تېخنىكومنىڭ ئوقۇتقۇچىلىقىغا قوبۇل قىلىندى ، مەرزىيەنىڭ شۇ ۋاقىتتىكى خوشاللىقلىرىنى تىل بىلەن تەسۋىرلەش تەس ئىدى ، مەدىنە ئاچىسىنى مەھكەم قۇچاقلاپ كۆز يېشى قىلىش بىلەن بۇ خوشاللىققا جۆر بولدى.مەدىنە خىزمەتكە ئورۇنلاشقاندىن كېيىن ، مەكتەپ رەھبەرلىرى بىر مەزگىل كۈزۈتۈپ بېقىپ ، مەدىنەنىڭ نەزىرىيە ۋە ئەمىلىيەتتىكى قابىلىيىتىگە قول قويدى ۋە تىببى تېخنىكومنىڭ بىر كىشىلىك ياتاق ئۆيىدىن بىرنى تەقسىم قىلدى ،ياتاق ئۆي تەقسىم بولغاندىن كېيىن مەرزىيە مەدىنەنى ئۆز يېنىغا قايتۇرۇپ كەلدى ، مەدىنە ئاپىسىنىڭ ئىچ ئاغرىقىنى تارتىپ قالدىمۇ ياكى ئۆزىنىڭ ئۆيىدە تۇرمىغاچقا ،كۆڭۈل يېرىمچىلىقىدا شۇنداق بولۇپ قالدىمۇ نامەلۇم ، دەرستە بەكلا چېكىنىپ كەتكەن ئىدى ، ئۇنىڭ ئۈستىگە شەھەر بىلەن يېزا مەكتەپلىرىنىڭ ئوقۇتۇشىدا پەرق زور بولغاچقا، مەرزىيە شۇ تەرەپلىرىنى نەزەردە تۇتۇپ ، مەدىنەنى تەكرار ئوقۇتۇش ئۈچۈن شەھەر مەكتىبىگە ئالدۇردى ۋە ئۆگىنىشىگە ئۆزى بىۋاستە يېتەكچىلىك قىلدى ، مەدىنە ئوتتۇرا مەكتەپكە چىققاندىن كېيىن ماتىماتىكا ،خەنزۇچە قاتارلىق بىر قىسىم پەنلەرگە يېتىشەلمەي قالدى ، شۇنىڭ بىلەن مەرزىيە شۇ مەكتەپتىكى بىر ئوقۇتقۇچى بىلەن كۆرۈشۈپ ،ئايدا 250 يۈئەن ئوقۇش ھەققى بېرىش ھېسابىغا دەرستىن سىرتقى ۋاقىتلاردا ، مەدىنگە دەرس تولۇقلاپ بېرىش توغرۇلۇق توختاملاشتى .شۇنداق قىلىپ مەدىنەنىڭ ئۆگىنىشىمۇ بارا -بارا ئەسلىگە كېلىشكە باشلىدى . مەرزىيە بىلەن رىشات مەرزىيەنىڭ بىر خىزمەتدىشىنىڭ توي مەرىكىسىدە تونۇشقان بولۇپ ، رىشات دەل تويى بولغان يىگىتنىڭ يېقىن ئاغىنىسى ئىدى ، مەرزىيەنىڭ يېقىملىق ، ئېغىر - بېسىق ، ئاددى -ساددا تۇرقى ( مەرزىيە ياڭزىمۇ - ياڭزا گىرىم قىلىپ ، مودا يۈرۈۋېلىشنى پەقەتلا ياقتۇرمايتتى ) رىشاتقا يېقىپ قالدى ، كېيىن رىشات مەرزىيەنىڭ ئەھۋالىنى مەرزىيەنىڭ ھېلىقى تويى بولغان خىزمەتدىشىدىن سۈرۈشتۈرۈپ كۆرگەندىن كېيىن ئۇنىڭغا بولغان ھۆرمىتى تېخىمۇ ئاشتى ، ئۇنىڭ نەزىرىە ھازىرقى ۋاقىتتا مەرزىيەگە ئوخشاش خىزمەتكە چۈشۈپ ئۇزاق ئۆتمەيلا كۆزگە كۆرۈنگەن  بىلىملىك ، ئەخلاقلىق ، ئاددى -ساددا قىز ئاز ئىدى ، شۇڭا ئۇ مەرزىيەنى قوغلۇشۇپ ، مەرزىيەنىڭ ھېلىقى خىزمەتدىشىغا مەرزىيە بىلەن كۆرۈشتۈرۈپ قويۇشنى ئۆتۈندى ، مەرزىيەنىڭ خىزمەتدىشىنىڭ تونۇشتۇرۇپ قويۇشى بىلەن ئىككىسى بىر -بىرىنىڭ مىجەزىنى ياقتۇرۇپ قېلىشتى ۋە بىر مەزگىل ئارىلىشىش ئارقىلىق بىر -بىرىنىڭ ئىچكى ئەھۋالىدىن تولۇق خەۋەردار بولۇشۇپ ئۆزئارا چىقىشىپ كېتىدىغانلىقىغا كۆزى يەتكەندىن كېيىن توي قىلىشقا پۈتۈشتى ، رىشات ۋىلايەتلىك پىلانلىق تۇغۇت كومېتېتىدا ئىشلەيتتى ، ئۇنىڭ بوي -بەستى قاملاشقان ، ئەڭ مۇھىمى مىجەزى ئوچۇق ،چىقىشقاق بولغاچقا مەرزىيەگە رىشاتنىڭ مۇشۇ تەرەپلىرى يېقىپ قالدى ، ئۇلار توي قىلغاندىن كېيىن رىشاتنىڭ ئاتا- ئانىسىنىڭ ئادەتتىكى كورپۇس ئۆيىدە ئولتۇرۇپ تۇرۇشتى ،( رىشاتنىڭ ئاتا - ئانىسى بىنا ئۆي ئېلىپ كۆچۈپ كەتكەندىن كېيىن ، ئۆيىنى ئىجارىگە بەرگەن ئىدى، ئىككىسى توي قىلغاندا مەدىنە باشلانغۇچنىڭ 6-يىللىقىدا ئوقۇاتاتتى ، ھازىر ئۇلارنىڭ توي قىلغىنىنىغا سەككىز يىل بولۇپ قالدى ،بىنادىن بىر يۈرۈش ئولتۇراق ئۆيمۇ سېتىۋالدى ،  تۇمۇش ئەھۋالى شۇنداق ياخشى ، بانكىدا قويغان ئېشىنچى پۇللىرىمۇ بار ، بۇ ئەلۋەتتە كۆپرەكى مەرزىيەنىڭ ئىقتىزادچانلىقى ئاستىدا بارلىققا كەلگەن دەپ قاراشقا بولىدۇ )ئۇلار توي قىلغاندىن باشلاپ مەدىنە ئۇلار بىلەن بىر ئۆيدە تۇردى ، رىشاتمۇ مەدىنەنى ئۆزىنىڭ سىڭلىسىدەكلا كۆرۈپ ئۇنىڭغا كۆيىنەتتى ،رىشاتنىڭ قوشۇلىشى بىلەن مەدىنەگە ئائىلە ئوقۇتقۇچىسى تەكلىپ قىلىشنى توختۇتۇپ قويماي داۋاملاشتۇرىۋەردى،مەدىنە تولۇقسىزنى پۈتتۈرگەندىن كېيىن ئۈچەيلەننىڭ باش قوشۇپ مەسلەھەتلىشىشى بىلەن تېخنىكوم ئىمتىھانىغا قاتناشتۇرۇپ ، مەرزىيە ئۆزى ئىشلەيدىغان تىببى تېخنىكومغا قوبۇل قىلدۇردى ،مەدىنە تىببى تېخنىكومدا ئوقۇۋاتقان مەزگىللەردە رىشات بىلەن مەرزىيەنىڭ ئىقتىزادى ئۇنچە كۆپ ئەمەس ، ئۇنىڭ ئۈستىگە قىزى كىچىك ، بالا باققۇچىغا بېرىلىدىغان ئىش ھەققى، بىنا ئۆي سېتىۋېلىش ئىشى .... قاتارلىق قىيىنچىلىقلار بولسىمۇ رىشاتنىڭ ئاكتىپ پوزىتسىيىسى بىلەن تىببى تېخنىكومغا تۆلەيدىغان ئوقۇش ھەققى ، ئوقۇش ماتېريال پۇلى ، تاماق ، ياتاق ھەققىلىرى ۋاقتىدا ، تولۇق تاپشۇرۇلدى ،( مەدىنە ھەر ھەپتىدە بىر قېتىم ئۆيگە كېلىپ تۇراتتى ) شۇنداق قىلىپ ئاچىسى ۋە رىشاتنىڭ غەمخورلىقى ئاستىدا تىببى تېخنىكومنى پۈتتۈرگەن مەدىنە ھازىر شەھەرلىك دوختۇرخانىدا ۋاقىتلىق سېستىرا بولۇپ ئىشلەۋاتقان بولۇپ ، بىر تەرەپتىن ئىمتىھانغا تەييارلىق قىلىۋاتاتتى ،ئىمتىھان ۋاقتىمۇ يېقىنلىشىپ قالغان ئىدى مەنبە :ئۆز قەلىمىم ئەسكەرتىش:تور ئۈزۈلۈشتىن ئىلگىرى(2009-يىللاردىن ئىلگىرى  )يازغان ھېكايەم ئىدى،تور ئۈزۈلگەندە يازغانلىرىمنىڭ ھەممىسى يوقاپ كەتتى دەپ يۈرسەم،ئۆزۈم يوللىغان ئىككى ھېكايەمنى مەلۇم بىر مۇنبەردە ئۇچرۇتۇپ قالدىم،شۇڭا بۇ مۇنبەرگە يوللاپ قويدۇم. تەكلىپ –پىكىرىڭلار بولسا ئايىمىغايسىلەر... داۋامى بار....

musilina

	داۋامى يوللاندى ئەمدى ئۇنىڭ ئاچىسىنىڭ ئېرى بولمىش رىشات ئاكىسى بىلەن بولغان دەرجىدىن تاشقىرى مۇناسىۋىتىگە كەلسەك ، بۇ خىل غەيرى مۇناسىۋەت مەدىنە تىببى تېخنىكومنى پۈتتۈرىدىغان يىلى پاراكتىكا قىلىش ۋاقتى توشاي دېگەندە باشلاپ باشلانغان ئىدى ،ئۇ ۋاقىتلاردا مەدىنە كەچلىك سىمىنىلاردا ئىشلىگەن بولسا رىشات موتوتسېكىلىت بىلەن بېرىپ ئەكىلەتتى ، مەدىنە ئاچىسىغا قارىغاندا ئوچۇق ، شوخ ، گەبدان قىز ئىدى ، ئۇنىڭ ئۈستىگە ياراشتۇرۇپ گىرىم قىلىپ خېلى مودا يۈرەتتى ،شۇ تەرەپلىرى رىشاتنىڭ كۆزىگە باشقىچە كۆرۈنۈپ كەتكەن بولسا كېرەك ، دەسلەپتە رىشات ئۆزىنىڭ مەدىنەگە نىسپەتەن باشقىچە ئويدا بولىۋاتقانلىقىنى ھېس قىلغاندا : -مەن نېمە بولدۇم ؟ ئۇ دېگەن ئايالىمنىڭ سىڭلىسى ، ئۇنىڭغا قارىتا نېمىلەرنى ئويلاپ كەتتىم ، بۇ خىياللىرىمنى ئاستا يۇغۇشتۇرىۋالاي ،- دەپ ئۆزىنى جىملىگەن ئىدى ،مەدىنەمۇ رىشاتنىڭ ئوچۇق مىجەزىنى ، يۇمۇرلۇق گەپلىرىنى ، مۇھىمى ئاچىسىغا بولغان كۆيۈمچانلىقىنى ياقتۇراتتى ، ئۇنى ئۆزىنىڭ ئاكىسىدەك كۆرەتتى ،كېيىن پاراكتىكا قىلىش جەريانىدا ئۆزىنىڭ رىشاتنى ئاكىسىدەك ياخشى كۆرەلمەيدىغانلىقىنى ھېس قىلىپ قالدى ، ئاچىسى بىلەن ئىككىسىنىڭ چاخچاق قىلىشقىنى ياكى يېقىن تۇرغىنىنى كۆرسىلا خۇيى تۇتۇپ قالاتتى ، ئاچىسىغا ئاچچىقى كېلەتتى ، ئۇ بۇ خىيالللارنى ئۆزىدىن نېرى قىلىشقا ئۇرۇنۇپ باقسىمۇ ئامال بولمىدى ،كېچىلىرى ئۇيقۇسى قاچقان چاغلاردا رىشاتنى خىيال قىلاتتى ، خىيال قىلىپ بولۇپ : - مەن نېمە دېگەن ۋىجدانسىز ! ئۇ دېگەن ئاچامنىڭ ئېرى تۇرسا ، نېمىشقا قالايمىقان ئويلاردا بولىمەن ،- دەپ ئۆزىگە ئاچچىقلايتتى ، لېكىن ئۆزىنى ئەپقاچقانسېرى كاللىسىنىڭ ھەممە يېرىدە بىر رىشاتلا چۆرگىلەپ تۇرغاندەك بىلىنەتتى ،شۇنداق قىلىپ بۇ ئىككىسىنىڭ سۆيگۈ پىلتىسىگە ئوت تۇتاشقان كۈنى باشلاندى، بىر كۈنى كەچ سائەت 10:00 ئەتراپىدا رىشات كەچلىك سىمىنىدىن چۈشكەن مەدىنەنى ئالغىلى باردى ، ئۇلار يولدا كېلىۋاتقاندا رىشات موتوتسېكىلىتنىڭ سۈرئىتىنى بىردىنلا تېزلەتتى ، بۇ تۇيۇقسىز تېزلىكتىكى سۈرئەتتىن مەدىنە قورقۇپ كەتتى ، ئۇ رىشاتقا چىڭ چاپلىشىپ - رىشات ئاكا ئۆتۈنۈپ قالاي ، ئاستا ھەيدەڭ ، مەن قورقىدىكەنمەن !- دېدى. - مېنى چىڭ تۇتىۋالسىڭىز قورقمايسىز ، چىڭراق تۇتۇڭ - دېدى رىشات سۈرئەتنى ئاستىلاتماي ، قورقۇپ كەتكەن مەدىنە كۆزىنى يۇمۇپ ،رىشاتنى چىڭ قۇچاقلاپ تۇتىۋالغان ئىدى ،بىرئازدىن كېيىن رىشات‹‹ غاچ›› لا قىلىپ ، موتوتسېكىلىتنى توختاتتى ، تېخىچە ئەسلىگە كېلەلمىگەن مەدىنە ئۇنىڭغا چاپلىشىپ قۇچاقلىغىنىچە ئولتۇراتتى ،رىشاتنىڭ بەدىنىدە باشقىچە بىر سېزىم پەيدا بولدى ، ئۇ بېشىنى بۇراپ مەدىنگە قارىدى ، ئۆزىنىڭ تېخىچە رىشاتنى قۇچاقلاپ ئولتۇرغىنى ئېسىگە يەتكەن مەدىنە بىردىنلا خىجىل بولۇپ قولىنى ئىتتىكلا قويۇۋەتتى . - مېنى ئۆز ئاكىڭىزدەك ياخشى كۆرەمسىز مەدىنە ؟- دېدى رىشات . -ھە ، ئاكامدەك ياخشى كۆرىمەن - دەپ جاۋاپ بەردى مەدىنە . - لېكىن مەن سىزنىڭ ئۆز ئاكىڭىز ئەمەس ، مەنمۇ سىزنى ئۆز سىڭلىمدەك ياخشى كۆرەلمەيمەن ،سىزمۇ مېنى ئۆز ئاكىڭىزدەك ياخشى كۆرمەيسىز ، مەن بۇنى نەچچە ۋاقىتتىن بېرى ھېس قىلدىم ، ئاچىڭىز بىلەن ئىككىمىزنىڭ يېقىن تۇرغىنىمىزنى كۆرسىڭىزلا خاپا بولۇپ قالىسىز ، بۇنىڭدىن سىزنىڭ مېنى ياخشى كۆرۈپ قالغىنىڭىزنى بىلدىم ، راستىنى ئېيتسام ، مەنمۇ سىزنى ياخشى كۆرۈپ قالدىم ، قاچانلاردىن تارتىپ شۇنداق بولۇپ قالغانلىقىمنى بىلمەيمەن ، مەن ‹‹مەدىنە دېگەن مېنىڭ ئايالىمنىڭ سىڭلىسى›› دەپ بۇ ھەقتە ئويلىماسلىققا تىرىشتىم ، لېكىن ئويلىماي دېسەممۇ يەنىلا كاللامغا كىرىۋالدىڭىز مەدىنە ، كۆڭۈلنىڭ ئىشىغا بىر نەرسە دەپ بولغىلى بولمايدىكەن ، ئۇنىڭ ئۈستىگە ھېسيات دېگەن ئۆزگەرمەس نەرسە ئەمەس ، بىرسىنى ياخشى كۆرۈپ قېلىش گۇناھ ئەمەس ھەم ياخشى كۆرۈدىغان كىشىنى‹‹ سەن پالانىنى ياخشى كۆرۈشۈڭ كېرەك ››دەپ بەلگىلەپ بەرگىلىمۇ بولمايدۇ ، ياخشى كۆرۈش دېگەن كۆڭۈلنىڭ ئىشى ، ھەر ئىككىلىمىز ئۆزىمىزنى ئۇنداق قىيناپ ئۆتمەيلى ، بىز ئاكا -سىڭىل ئەمەس ، ياخشى كۆرگەن كىشىلەردەك ئۆتسەك بولىدۇ ، بولمىسا مەن بەرداشلىق بېرەلمىگۈدەكمەن ، بىز ئاچىڭىزغا ئۇقتۇرماي تۇرۇپ بىر -بىرىمىزنى ياخشى كۆرسەك بولىۋېرىدۇ ، مېنىڭ ئاچىڭىزدىن ئاجرىشىپ كېتىش ، قىزىمىزنى يېتىم قىلىش مەقسىدىم يوق ، ھەم سىزگە باشقىچە نىيەتتىمۇ بولمايمەن ، پەقەت سىزنىڭ ئۆز ئاغزىڭىزدىن‹‹مەنمۇ سىزنى ياخشى كۆرىمەن ›› دېگەن گەپنى ئاڭلىغۇم بار، - دېدى رىشات مەدىنەنىڭ كۆزىگە تىكىلىپ ،مەدىنە كۆزىنى ئېپقېچىپ باشقا ياققا قارىۋالدى . - مېنى ياخشى كۆرمەمسىز ، كۆرمەمسىز مەدىنە ،گەپ قىلىڭە ! بولمىسا مەن بەك قىىينىلىپ كېتىدىكەنمەن ،ئەگەر ياخشى كۆرمىسىڭىز باشقا ياققا قارىۋالماي كۆزۈمگە قاراپ تۇرۇپ ‹‹سىزنى ياخشى كۆرمەيمەن ›› دەڭە قېنى ؟- دېدى رىشات مەدىنەنى مۆرىسىدىن تۇتۇپ ئۆزىگە قارىتىپ تۇرۇپ، رىشاتنىڭ ئوتلۇق كۆزلىرى مەدىنەگە تىكىلگەندە ، ئۇنىڭ پۈتۈن بەدىنى تاتلىق بىر خىل سېزىمدىن غۇژۇلداپ كەتتى ۋە خۇددى جېنى يوق ئادەمدەك ئۆزىمۇ سەزمىگەن ھالدا رىشاتنىڭ قۇچىقىغا كىرىپ قالدى ، تەشنا لەۋلەر جۈپلەشتى ، ئۇلار ئۆزلىرىنىڭ كوچىدا تۇرىۋاتقانلىقىنىمۇ ئۇنتىغان ئىدى ، شۇ تاپتا ھەر ئىككى نومۇسسىزنىڭ كاللىسىدا‹‹ئاچامنىڭ ئېرى ››‹‹ ئايالىمنىڭ سىڭلىسى ››دېگەن ئوي يوق ئىدى. - سىزنى ياخشى كۆرىمەن رىشات ئاكا ، چىن يۈرىكىمدىن ياخشى كۆرىمەن - دەيتتى مەدىنە بوشقىنە شىۋىرلاپ ، تۇيۇقسىز بېرىلگەن ماشىنا سىگنالىدىن ھەر ئىككىسى چۆچۈپ ئەسلىگە كېلىشتى ،چالا مەس شوپۇردىن بىرسى مەسخىرە قىلغاندەك ئۇلارنىڭ يېنىغىلا كېلىپ قاتتىق سىگنال بەرگەن ئىدى ، ھەر ھالدا ھەر ئىككىسى مەلۇم مەدەنىيەت سەۋىيىسىگە ئىگە بولغاچقا ئۆزلىرىنىڭ چوڭ كوچىدىلا بۇنداق تۇرۇشقىنىدىن سەل خىجىل بولۇپ قېلىشتى ،مەدىنە قولى بىلەن يۈزىنى توسىۋالدى . -جۈرۈڭ ،ئۆيگە كېتەيلى - دېدى رىشات مەدىنەنىڭ قولىنى پەسكە چۈشۈرۈپ ، ئۇلار موتوتسېكىلىتقا مىنىشىپ مېڭىشتى ،ئەمدى سۈرئەت تېز بولمىسىمۇ، مەدىنە رىشاتنى چىڭ قۇچاقلاپ تۇتىۋالغان ئىدى ، شۇ تاپتا ھەر ئىككىسى بايىقى لەززەتنىڭ ھوزۇرىنى ئويلاۋاتاتتى ، ئەنە شۇنداق قىلىپ ئۇلار ئوتتۇرىسىدىكى ‹‹ئېرى ئايالى››غا ‹‹ سىڭلىسى ئاچىسى››غا تۇيدۇرماي يوشۇرۇن مۇھاببەتلىشىش داۋاملىشىپ ، باشتا تىلغا ئېلىپ ئۆتكەندەك نەتىجىگە كەلگەن ئىدى . مەدىنە يۇقارقى خىياللارنى قىلىپ بولغۇچە ،رىشات قاچا -قۇچىلارنى يۇغۇشتۇرۇپ بولۇپ ، قىزىنى ئۆزىنىڭ ھوجرىسىغا ئەكىرىپ ئۇخلۇتۇپ قويۇپ چىقتى ،ئۇ مەدىنەنىڭ قېشىغا كىرگەندە ئۇ يەنە چوڭقۇر خىيالغا پېتىپ ئولتۇراتتى . - يەنە نېمە بولدىڭىز گۈلۈم ، خاپا چىراي تۇرىسىزغۇ ؟ئۇنداق قىلماي بىر كۈلۈپ بېرىڭە ، مەن خوش بولۇپ كېتەي ، مەن سىزنىڭ كۈلۈپ تۇرغان تۇرقىڭىزنى كۆرۈشكە بەك ئامراق - دېدى رىشات مەدىنەنى ئۆزىگە تارتىپ . - ئۇنداق قىلماڭ ، ھېلى رەئىسە كىرىپ قالمىسۇن - دېدى مەدىنە ئۆزىنى سەل ئەپقېچىپ . - خاتىرجەم بولۇڭ ، مەن رەئىسەنى ئۇخلۇتۇپ قويدۇم ، مەنمۇ ئۇنچىۋالا گالۋاڭ ئەمەس جۇمۇ - دېدى رىشات مەدىنەنىڭ ئېڭىكىنى ئۈستۈن كۆتۈرۈپ . - ۋاي ، سىلە دېگەن ، دۇنيادا بىر دانىشمەن ، چېچەن - دېدى مەدىنە ئۇنىڭغا ئەركىلەپ . - راست ، مەن دانىشمەن ، چېچەن بولغاچقا مەدىنەرىم مېنى ياخشى كۆرۈپ قالغان - دېدى رىشات ئۇنى باغرىغا چىڭ بېسىپ . - سەتلىكىنى ، سىزچۇ ؟ مېنى دەيسىز ، ئۆزىڭىز ئۇنداق ئەمەسما ؟- دېدى مەدىنە رىشاتنىڭ يۈزىنى چىمداپ . - مەنمۇ شۇ ، شۇنداق بولغاچقا مەدىنەرىمنى باغرىمغا مەھكەم تېڭىۋاتىمەن جېنىم مەدىنە ، مەن سىزنى جېنىمدىن ئەزىز كۆرىمەن -رىشات شۇنداق دېگەچ مەدىنەنى نەپەس ئالالمۇغىدەك دەرجىدە سۆيدى ، ئۇلار شۇنداق مەستخۇشلۇق ئىچىدە بىر -بىرىنىڭ باغرىدا ئېرىپ كەتكەن ئىدى ،مانا مۇشۇنداق ھاياجانلىق نازۇك تۇيغۇ ئىچىدە مەدىنە ئۆزىنىڭ پاك قىزلىق ھاياتى بىلەن خوشلاشتى ، ئۇ بارلىقىنى  ئاچىسىنىڭ ئېرىگە ئاتىۋەتكەن شۇ دەقىقىلەردە ئۇنىڭ خىيالىغا نە ئاچىسى ،نە ئاچىسىنىڭ قىزى ، نە ۋىجدان ، نە يۈز كېلەلمەسلىك، نە ئاچىسىنىڭ ئۆزى ئۈچۈن چەككەن رىيازەتلىرى دېگەندەك بارلىق تۇيغۇلار ئۇنىڭدىن غايىپ بولغان ئىدى ، ئۇنىڭ كاللىسىدا پەقەت رىشاتنىڭ ئوتتەك نەپىسى ،تاتلىق سۆزلىرى ، ئاجايىپ شېرىن ھېسلار ھۆكىمىران ئىدى ،تاڭ ئاتارغا يېقىن مەدىنە ئاستا ئورنىدىن تۇردى ۋە يېنىدا يېتىپ يېنىك پۇشۇلدىغىنىچە ئۇيقۇغا كەتكەن رىشاتقا قارىدى ، شۇ تاپتا ئۇنىڭ كاللىسى ھەر خىل زىددىيەتلىك خىياللارغا تولغان ئىدى ،بىر تۇرۇپ بىچارە ئاچىسىنى ئويلايتتى ، بىر تۇرۇپ ئۆزىنى تۇتالماي ، ھېسياتنىڭ كەينىگە كىرىپ يوقۇتۇپ قويغان قىزلىقىغا ئېچىناتتى ، بىر تۇرۇپ ئۆزى ياخشى كۆرگەن رىشاتقا قاراپ‹‹ مەن ئۇنى چىن دىلىمدىن سۆيىمەن ، ئۇمۇ مېنى يۈرىكىدىن ياخشى كۆرىدۇ ، ماڭا مۇشۇ كۇپايە ›› دەپ ئۆزىنى -ئۆزى بەزلەيتتى ،ئۇ شۇ خىياللار بىلەن يوتقاندىن سۇغۇرۇلۇپ چىقىپ ، كارۋاتتىن ئاستاغىنە چۈشەي دېيىشىگە رىشات ئويغۇنۇپ قالدى . - نەگە ماڭدىڭىز جېنىم ؟ تېخى بالدۇركەنغۇ ، نېمانچىلا ئەتىگەن تۇرىۋالدىڭىز ؟ كېلىڭە بىردەم ياتايلى - دېدى ۋە مەدىنەنىڭ قولىنى تارتىپ يېنىدا ياتقۇزدى ،ئۇنىڭ باغرى ئاستىدا قايتىدىن ئېرىپ كەتكەن مەدىنە بايامقى پۇشايمىنىنى تېزلا ئۇنتۇدى . ئارىدىن ئون نەچچە كۈن ئۆتكەندىن كېيىن مەدىنە ئاشكارا سېستىرا قوبۇل كەسپى ئىمتىھەنغا قاتناشتى ، بىر نەچچە ئايدىن كېيىن ئىمتىھاننىڭ نەتىجىسى چىقتى ، شۇ ئارىلىقتا رىشاتنىڭ بەكرەك كۈچىشى ۋە خېلى نۇرغۇن پۇل خەجلىشى بىلەن مەدىنە تاللاش ئىمتىھاندىن ئۆتۈپ ، يېزىدىكى بىر دوختۇرخانىغا سېستىرالىققا تەقسىم قىلىندى ، خىزمەت ئورنى تېپىشنىڭ تەسلىكىدە بۇ ئاچىسى ۋە ئۆزى ئۈچۈن بەك مۇھىم ئىدى ، ئۇلار شۇ خوشاللىق ئىچىدە مەدىنە ئىشقا چۈشۈشنىڭ تەييارلىقىنى قىلىۋاتقان كۈنلەردە ،ئۇنىڭدا باشقىچە سېزىم پەيدا بولۇپ تاماق ئالدىغا كەلسىلا قەي قىلىدىغان ،ھېچنەرسە يىگۈسى كەلمەيدىغان ... بىر خىل ئالامەتلەر پەيدا بولدى ، دەسلەپتە ئۆزى‹‹ مىجەزىم يوق بولۇپ قالغان ئوخشايدۇ ››دەپ ئانچە كۆڭۈلۈشمىگەن ئىدى ، كېيىن سېستىرالىقتا ئوقۇش جەريانىدا ئۆگەنگەن ھامىلدار ئاياللاردا بولىدىغان ئۆزگۈرۈشلەرنى ئېسىگە ئېلىپ بىردىنلا قورقۇنۇچ باستى ، شۇ ئارىلىقتا ئۇنىڭدىكى بۇ ئۆزگۈرۈشلەر مەرزىيەنىڭ كۆزىدىنمۇ قېچىپ قۇتۇلالمىدى ، ئۇمۇ دەسلەپتە تازا دىققەت قىلمىغان ئىدى ،كېيىن بېرىپ سىڭلىسىدىكى ئالامەتلەردىن باشقىچە بىر ئىشنى چۈشەندى ، ئۇمۇ مۇشۇ يېقىننىڭياقى مەدىنە بىلەن رىشاتنىڭ ئوتتۇرىسىدىكى باشقىچە غەيرى ئەھۋاللارنى ئازىراق سېزىپ قالغان ئىدى ، لېكىن سىڭلىسىنىڭ ئۇنداق قىلىشىنىغا ئىشەنمىگەن ئىدى ، ئۇ ئاخىرى ئۆزى ئارام ئالغان ،رىشات ئىشقا كەتكەن بىر كۈنى مەدىنەنى ئالدىغا ئولتۇرغۇزۇپ قويۇپ نېمە بولغانلىقىنى كوچىلاپ سورىدى ، دەسلەپتە مەدىنە ھېچنىمە دېگىلى ئۇنىمىدى ،كېيىن ئاچىسىنىڭ قىستىشى بىلەن يىغلاپ تۇرۇپ ھەممىنى ئېيتتى ،بۇ ۋاقىتتىكى بىچارە مەرزىيەنىڭ ئەھۋالىنى كۆرگەن ھەرقانداق كىشىنىڭ ئۇنىڭغا قاراپ ئىچى سېرىلەتتى ، ئۇ چاچلىرىنى يۇلۇپ ، تامغا ئۈسۈپ ئۆزىنى -ئۆزى كاچاتلاپ ئۇردى ، قوللىرىنى چىشلەپ ئېچىنىشلىق بوزلاپ تۇرۇپ يىغلىدى ،يىغلاپ تۇرۇپ قولىنى تۇتىۋالماقچى بولغان مەدىنەنى جېنىنىڭ بېرىچە ئىتتىرىۋەتتى ،مەرزىيە بىر ھازاغىچە يۈرەكنى ئەزگۈدەك يىغلاپ بولغاندىن كېيىن ، بۇلۇڭدا تۈگۈلۈپ ئولتۇرۇپ يىغلاۋاتقان مەدىنەگە قارىدى . -جېنىم ئاچا ، ئەقىلسىز سىڭلىڭنى كەچۈر ، مەن نادانلىق قىپتىمەن ، كۆڭۈلنىڭ كەينىگە كىرىپ كېتىپتىمەن ،مېنى ئۇرۇپ دەردىڭنى چىقار ئاچا ، ئۇرۇپ ئۆلتۈرىۋەت - ئەمدى مەرزىيەنىڭ بايامقى ھالىتى مەدىنەگە كۆچكەن ئىدى ، ئۇنىڭ بۇ بىچارە تۇرقىغا قاراپ مەرزىيەنىڭ سىڭلىسىغا ئىچى ئاغرىپ قالدى ،ئۇ سىڭلىسىنى كىچىكىدىنلا ئۆزىنىڭ قىزىدەك باققان ئىدى ، ئۇنىڭ سىڭلىسىغا بولغان مېھرى بەك چوڭقۇر ئىدى ، ئۇ سىڭلىسى بىلەن بىللە ئۆتكۈزگەن كۈنلەرنى ئەسكە ئالدى ، ئۇ قانداقلا بولمىسۇن ئۇنىڭ بىر قورساق سىڭلىسى ئىدى ، مەرزىيە شۇلارنى ئويلاپ مەدىنەنىڭ قولىنى تۇتىۋالدى ، مەدىنە ئاچىسىغا ئۆزىنى ئېتىپ تېخىمۇ بەك يىغلاپ كەتتى ،ئۇلار بىر -بىرىگە ئېسىلىشىپ بىر ھازاغىچە يىغا -زارە قىلىشقاندىن كېيىن ، مەرزىيە مەدىنەنى يۈزىنى يۇيۇپ چىقىشقا بۇيرىدى ،مەدىنە يۈز -كۆزلىرىنى يۇيۇپ چىققاندىن كېيىن ،مەرزىيەمۇ يۈز - كۆزلىرىنى يۇيۇپ ،چاچلىرىنى تاراپ ، مەدىنەنى باشلاپ ئۆيدىن چىقتى ،ئۇلار يولغا چىققاندىن كېيىن مەرزىيە بىر تاكسىنى توسۇپ ،مەدىنەنى چىقىرىپ ، ئۆزىمۇ ئۇنىڭ يېنىدا ئولتۇردى، مەدىنە ‹‹ ئاچام مېنى نەگە ئاپىرار ›› دېگەن دەككە -دۈككىدە ئولتۇرالماي ئارامسىزلاندى ،مەرزىيە مەدىنەنى ئۆزى بىلىدىغان بىر شەخسى دوختۇرخانىغا ئېلىپ كەلدى ،يولدا كېلىپ بولغىچە مەدىنەگە بىر ئېغىزمۇ گەپ قىلمىدى ، ئۇلار تاكسىدىن چۈشكەندىن كېيىن مەرزىيە مەدىنەگە ‹‹ سېنى دوختۇر تەكشۈرۈپ كۆرسۇن ›› دېدى ، ئاچىسىنىڭ مەقسىدىنى ئەمدى چۈشەنگەن مەدىنەنى بىر خىل خىجىللىق چىرمىۋالدى ، دوختۇر تەكشۈرۈپ ‹‹ بويىدا باركەن›› دېگەن خۇلاسىنى چىقاردى ، مۇشۇنداق بولىشىنى ئالدىن مۆلچەرلىگەن ئاچا -سىڭىل بىر -بىرىگە ئارتۇق گەپمۇ قىلىشماي ئۆيگە قايتىپ كەلدى . - تەكشۈرۈش نەتىجىسىنى سەنمۇ ئۇقتۇڭ ،ئەقىلسىزلىقىڭ بېشىڭغا ئەمەس قورسۇقۇڭغا چىقىپتۇ ئەنە ، ئويلاپ باقە مەدىنە ، ئىككىمىز دېگەن بىر قورساق ئاچا -سىڭىللار ئەمەسمۇ ؟ سەن ياخشى كۆرۈپ قالغۇدەك رىشاتتىن باشقا ئادەم چىقمامتى ؟ ئۇ دېگەن ئاچاڭنىڭ ئېرى ئەمەسمۇ ؟ سەن مەندەك بىر ئاچاڭنىڭ ئۆيىنىڭ بۇزۇلۇپ كېتىشىنى خالايدىكەنسەن شۇنداقمۇ ؟ سەن مېنى ئويلاپ باقتىڭمۇ ؟ رەئىسەنى ئويلاپ باقتىڭمۇ ؟ .. سەن ھېچنىمىنى ئويلىيالمىدىڭ ، بۇ قاپاق كاللاڭ رىشاتنى‹‹ئاچاڭنىڭ ئېرى›› نى ياخشى كۆرۈشتىن باشقىغا ئىشلىمىدى ، مۇھاببەت سېنىڭ كۆزۈڭنى قارغۇ قىلىپ قويغاچقا، شۇ مۇھاببەتكە بالدۇر ئېرىشكەن ئاچاڭنى كۆرمىدىڭ ، سەن ياخشى كۆرۈپ قالغان ئەرنى ئاچاڭنىڭمۇ ياخشى كۆرىدىغانلىقىنى ، ئۇنىڭ ئەسلىدىنلا ئاچاڭنىڭ ئېرى ئىكەنلىكىنى كۆرەلمىدىڭ ، ئەمدى قانداقلا قىلغان بىلەن ئورنىغا كەلمەيدۇ ،مەن رىشات ئۈستىدىن داۋا قىلىپ ،ئۇنى سولىتىۋەتسەم ساڭىمۇ ، ماڭىمۇ پايدىسىز ، بولۇپمۇ ساڭا بەكراق پايدىسىز ، چۈنكى سەن دېگەن تېخى توي قىلمىغان قىز ،مەن ئىككىڭلارنىڭ مۇناسىۋىتىدىن گۇمانلانغان ، لېكىن مەدىنە دېگەن مېنىڭ سىڭلىم ، رىشات دېگەن ئۇنىڭ ئاچىسىنىڭ ئېرى دەپ ئويلاپ سېنىڭ بۇنداق قىلىشىڭغا پەقەتلا ئىشىنمىگەن ئىدىم ، مەن نېمە دېگەن دۆت ، نېمە دېگەن ساددا -ھە ،ئىككىڭلار بۇرنۇمنىڭ ئاستىدىن ئۆمىلەپ يۈرۈپ ئويۇن ئوينىساڭلارمۇ ، مەن يەنىلا ساڭا ، ئۇنىڭغا ‹‹ئۇلار ئۇنداق قىلمايدۇ ›› دەپ ئىشىنىپ ئۆزەمنى بەزلەپ يۈرۈپتىمەن ، خەير ، ئۆتكەن ئىشقا سالىۋات ، مىڭ قىلغان بىلەنمۇ ئورنىغا كەلمەيدۇ ، سەن يەنە نەچچە كۈندىن كېيىن يېڭى خىزمەت ئورنىغا بارىسەن ،ئۇ يەرگە بېرىپ ئىشنىڭ ئالدى -كەينىنى ئىگىلەپ بولغىچە مەن رىشاتتىن ئاجرىشىپ بولىمەن ، ئۇ كەچتە ئۆيگە كەلسە ئۇنىڭغا ئاجرىشىش توغرۇلۇق ئۆزەم ئېغىز ئاچىمەن ، مەن ئاجراشمىسام ، سەن ئۇنىڭ بىلەن توي قىلالمايسەن ، ئۇ ۋاقىتتا قورسۇقۇڭدىكى بالا دادىسىز تۇغۇلۇپ قالىدۇ -دېدى مەرزىيە،ئاچىسىنىڭ گەپلىرىنى ئاڭلىغان مەدىنە ئۆزىنىڭ ئەقىلسىزلىكىگە يەنە بىر قېتىم پۇشايمان قىلىپ ياش ئاققۇزۇپ تۇرۇپ ئاچىسىدىن كەچۈرۈم سورىدى ،لېكىن ئۇ مەيلى قانداقلا قىلمىسۇن بەرىبىر بولار ئىش بولغان ئىدى ،كەچتە مەرزىيە رىشاتقا ئاجرىشىش توغرۇلۇق يىغلاپ تۇرۇپ ناھايتى تەستە ئېغىز ئاچتى ،رىشات دەسلەپتە مەرزىيە ‹‹ ئاجرىشىپ كېتەيلى ›› دېگەندە ئۆزلىرىنىڭ ئىشىنى ئۇقمايدۇ دەپ قاراپ ئازىراق چىچاڭشىپ باقتى ، كېيىن مەرزىيە يىغلاپ تۇرۇپ، مەدىنە بىلەن ئىككىسى ئوتتۇرىسىدا كۈندۈزى يۈز بەرگەن سۆھبەتنىڭ مەزمۇنىنى دېگەندىن كېيىن، مەرزىيەنىڭ ئۆزلىرىنىڭ ئىشلىرىدىن خەۋەردار بولغانلىقىنى ئۇقۇپ بېشىدىن تۈتۈن چىقىپ كەتتى ،ئۇمۇ مەرزىيەدىن قايتا -قايتا كەچۈرۈم سورىدى ، لېكىن مەرزىيە ئاجرىشىپ كېتىش توغرىلىق چىڭ تۇردى ، شۇ كۈنى كېچە بۇ بىر ئۆيلۈك ئۈچەيلەننىڭ ئۆتكۈزگەن ئەڭ ئازابلىق كېچىسى بولۇپ قالدى ،ئەتىسى مەرزىيە مەكتىپىدىن رۇخسەت سوراپ كەلدى ۋە ئاجرىشىش ئىلتىماسىدىن بىر پارچە يېزىپ تەييارلىدى ،رىشاتمۇ ئىدارىسىدىن رۇخسەت سوراپ كەلدى ، ئۇلار بىر -بىرنىڭ ئالدى -كەينىدە ئۈن -تۈنسىز مېڭىپ سوت مەھكىمىسىنىڭ ئىچىگە كىرىپ كېتىشتى ، شۇنداق قىلىپ،ئاچىسىنىڭ ئېرى  ئەمدىلىكتى  سىڭلىسىنىڭ ئېرى بولماقچى ئىدى. تۈگىدى

heslirim

	ئەسسالاممۇ  ئەلەيكۇم   ،  مۇسلىنە ھەدە   ئەسەرلىرڭىزنى  بەكمۇ ياختۇرمەن ، خېلى كۈنلەر بوپتىكەن  ، نادىر ئەسەرلىرڭىز بىلەن ئۇچىراشمىغىلى رەھمەت  ،  ئەسىرڭىزنى  ئوقۇپ بۇلۇپ  قايتا ئىنكاس يازىمەن .

heslirim

	باشقۇرغۇچىلار ، نىمە  دەپ  قانۇنلۇق بولغان  خەيرى -ساخاۋەت  گۇرپىسى  قۇرۇش ئۈچۈن قانداق  رەسمىيەتلەرنى ئۆتەش كىرەك ؟ ، دەپ  مىسرانىمدىككى   تورداشلىرىمدىن  ياردەم سوراپ  يازغان تېمانى  نىمىشقا تەستىقلىمايسىلەر. ئەجىبا  ئۇ تېمام  ،. دۆلەتنىڭ  قانۇنىغا  ، ياكى بىرەر  شەخىس  ياكى  توربەتنىڭ ئىنىاۋىتىگە زىت كېلەمدىكەن ؟ ياكى ئىملاسى خاتامىكەن ،  ھېچ  قانداق چۈشەندۈرۈشمۇ بەرمەي خەق  بىرمۇنچە ئەجىر  قىلىپ يازغان  تېمىنى ھېچ قانداق  ئىز دېرەكسىز  يۇقىتىۋېتىدىكەنسىلەر، سەۋەبى زادى نىمە  ؟؟ مەن  ياكى ئۇ تېمامدا  بىرەر ، توربەتنىڭ ، ياكى مەھسۇلاتنىڭ ئېلانىنى  قىستۇرۋاپتىمەنمۇ  ؟ بەكلا  ئۈمۈتسىزلەندىم   ، مىسرانىمدىن   ئىسىت  نەچچە  يىلدىن بۇيان  ،  مىسرانىمدا  ئۆتكەن ۋاقىتلىرىم  .   كەچۈرۈڭ ھەدە  تېمىڭىزغا  مۇناسىۋەتسىز بولغان  ئىنكاسنى يېزىپ قالدىم.

Rujak

	heslirim يوللىغان ۋاقتى  2014-12-21 08:40 PM باشقۇرغۇچىلار ، نىمە  دەپ  قانۇنلۇق بولغان  خەيرى -ساخا ... ئەسسالامۇ ئەلەيكۇم ،مەنمۇ ئەتىگەن يوللىغان تىمامنى  ھازىرغىچە مۇنبەر يۈزىدە كۆرەلمەي جىلە بوپ كىتىۋاتىمەن ،يا بىر ئۇچۇرنى بەرمىگەن ،مانداكەن ،قانۇنسىزكەن ،غالتەككەن يا شالتاقكەن دەپ خەۋىرنى بەرمىگەن ،مۇشۇ باشقۇرغۇچىلارغا بەزىدە سىسىق گەپ دورا ئوخشايدۇ،

babur99

	مۇھەببەت ئىنسانغىلا ئاتا قىلنغان بۈيۈك نېمەتلەرنىڭ بىرى ،لېكىن   توغرا ئىتقاد ۋە ئەقىلنىڭ تىزگىنىدىن چىقسا ئۇپەقەت  ھايۋانلارنىڭ كۈيلىشى .

ئىپارە

	ئەسلىدە بۇ ھىكايىنىڭ ئاخىرىنى ئۇنداق سىڭلىسىنىڭ غەلبىسى بىلەن ئەمەس ،مەغلۇبىيىتى بىلەن ئاخىرلاشتۇرغان بولسىڭىز ياخشى بولاركەن ！

musilina

	ئىپارە يوللىغان ۋاقتى  2014-12-21 10:29 PM ئەسلىدە بۇ ھىكايىنىڭ ئاخىرىنى ئۇنداق سىڭلىسىنىڭ غەلبى ... ئەسلىدە شۇنداق بولىشى كېرەك ئىدى،بىراق رىئاللىق ئادەمنىڭ ھېسياتىغا،ئىرادىسىگە باقمايدىكەن...

ئىپارە

	musilina يوللىغان ۋاقتى  2014-12-21 10:40 PM ئەسلىدە شۇنداق بولىشى كېرەك ئىدى،بىراق رىئاللىق ئادە ... ھە، بىراق مەدىنە بىلەن رىشاتنىڭ ئۇ خىل مۇناسىۋىتى  مۇھەببەت ئەمەس ئۇ بىر زىنا！ يەنە ئىمانى بېشىدىنى ئېگىز چىقىپ كىتىدىغان بىر قەبىھ گۇنا！  ئاللاھ ساقلىسۇن.