30 ياشتىمۇ ئېنگىلىز تىلى ئۆگىنەلەمدۇق؟

ablatmuhammat

	ئەسسالامۇ ئەلەيكۇم! مىسرانىمدىكى كونا يېڭى دوسىتلار، ھارمىغايسىزلەر! ئۇزاق بوپتىكەن، مۇنبەرلەرگە كىرمىگىلى. سەلكىنگە شۇنداق كىرەتتىم، شۇنىڭ ياقى كىرىپ باقماپتىمەن، يېقىندا ئۈندىداردا مىسرانىمنىڭ سالۇنىغا كىرىپ قېلىپ، مىسرانىمغا قايتىدىن كىردىم. شۇنداق ياخشى مەزمۇنلار يوللىنۋىېتىپتۇ. كۆپ خۇرسەن بولدۇم، تورداشلارنىڭ ۋاقتىنى ئالماي، ئاساسى مەقسەتنى ئېيتاي: تورداشلار مەسلىھەت بەرسەڭلار! مەن بۇ يىل 30ياشقا كىردىم، ئوقۇتقۇچى، پۈتۈن كۈنلۈك ئوقۇش تارىخىم ئوتتۇرا تېخنىكوم. خەنزۇتىلى ئاساسىم ياخشى، 2-3پارچە تەرجىمە كىتابىممۇ نەشىر قىلىنغان. تىرىشچانلىقىم ۋە رىقابەت ئېڭىم خېلى كۈچلۈك. گەرچە ئۇنۋىرسېتىتلاردا ئوقۇيالمىغان بولساممۇ، زاماننىڭ كەينىدە قالماي، شاللىنىپ قالماي دەپ ئۆزلۈكىمدىن  تىرىشىپ، دەۋىرداشلىرىمنىڭ ئالدىدا مېڭىۋاتىمەن. نەزەر دائىرەمنى تېخىمۇ ئاشۇرۇش، خەلقئارادىكى خەۋەرلەردىن ئېنگىلىز تىلىدىلا خەۋەر تېپىش.... قاتارلىقلار سەۋەپلىك مۇشۇ يېقىننىڭياقى ئېنگىلىزتىلغا بەك قىزىقىپ قالدىم. ھەم ئېنگىلىز تىلى ئۆگەنمەكچى بولدۇم. بىز ئوقۇۋاتقان مەزگىللەردە ئېنگىلىز تىلى دەرسى تېخى تەسسىس قىلىنمىغان. ئېنگىلىزچە سەۋىيەمنى نۆل دىسەممۇ بۇلىدۇ. بۇرۇن بىر قانچە قېتىم باشلاپ، تاشلىنىپ قالغان. شۇڭا ھازىر بېلىمنى قاتتىق باغلاپ مۇشۇ قىشلىق تەتىل مۇناسىۋىتى بىلەن باشلىۋالاي دەيمەن. شۇ سەۋەپتىن تورداشلارنىڭ مەسلىھەتىنى ئېلىشنى مۇۋاپىق تېپىپ مۇشۇ تېمىنى يوللاپ ئولتۇرۇپتىمەن. ئىلگىرى يوللانغان تېمىلارمۇ باركەن. ھەممىسى ئالى مەكتەپ ئوقۇغۇچىلىرىنىڭ ياكى ئاساسەن 20 ياشتىن تۆۋەنلەرنىڭ ئىكەن. بەزىلىرىدىكى ماتېرىياللارنى چۈشۈرەلمىدىم.شۇڭا تورداشلار مۇشۇ 30ياشلار ئەتراپىدىكى باسقۇچقا مۇۋاپىق كېلىدىغان ئېنگىلىز تىلى ئۆگىنىش ئۇسۇلى ۋە ماتېرىيالى(يېڭى ئۇقۇم، ئەسەبىيلەر ئېنگىلىز تىلى....)، شۇنداقلار تەجىرىبىلىرىڭلار بولسا سۆزلەپ بەرسەڭلار، تەمىنلىسەڭلار كۆپ مىننەتدار بولاتتىم. ئىلگىرىمۇ بىر قانچە قېتىم باشلاپ تۈرلۈك سەۋەپلەر بىلەن توختاپ قالغان بولغاچقا، بۇ قېتىم پۇختا تەييارلىق بىلەن(بېلىم چۈمۈلىنىڭكىدەك باغلاندى ...) باشلاي دىدىم. تورداشلاردىن قانداق ئۆگىنىش، قانداق ماتېرىيالدىن ئۆگىنىش، تەجىرىبە-ساۋاقلار ھەققىدە تۆۋەنچىلىك بىلەن مەسلىھەت سۇرايمەن. چ چ: 418435664 (باشقۇرغۇچىلار تەكرار مەزمۇن دىمەي، تەستىقلاپ قويساڭلار، ئىزدەشتىن خېلى ئىزدىگەن بولساممۇ يۇقىرقى تەلەپلىرىمگە چۈشىدىغان ماتېرىياللارنى ئاساسەن تاپالمىدىم)

ئەلشاھ

	خەنزۇتىلى سەۋىيىرىڭىز ياخشى بولسا  يەنىلا يېڭى ئۇقۇم ئېنگلىز تىلى دەرسلىكىدىن پايدىلانسىڭىز بولغىدەك. خەنزۇ تىلى بىلەن ئېنگلىز تىلىنىڭ گرامماتىكىسى ئوخشاپ كەتمەيدۇ. شۇڭا قوشۇمچە ئۇيغۇرچە خەتلىك تەرجىمە قىلىنغان فىلىملەرنى كۆرۈپمۇ پايدىلىنىڭ بۇ ئاددېرستا بار WWW.AKBURKUT.COM 360تور دېسكىسىغا يېڭى ئۇقۇم ئېنگلىز تىلى بىرىنجى بۆلۈم بىرىنجى قىسىمنى چىقىرىپ قويدۇم. كۆرۈپ بېقىپ ئۆگىنەلىگىدەك بولسىڭىز بەيدۇدىن 新概念英语 بۇنى ئاچقۇچلۇق سۆز قىلىپ ئىزدەپ چۈشۈرىۋالسىڭىز بولىدۇ، مەندىكىسى تازا تولۇق ئەمەسكەن. زىيارەت مەخپى نۇمۇرى 62df http://yunpan.cn/QzUrbiQqdatgu

babur99

	ئىگىلىز تىلىنى ئالىي مەكتەپتىكى چاغدىلا ئۆگىنىپ بىر باشقا ئىلىپ چىقىۋىتىدىغان گەپكەن ئەسلى .مېنىڭ ئوقۇۋاتقاندا ئىنگىلىزچە سەۋىيەم يامان ئەمەستى ، مۇشۇ بوشاڭلىقىمدىن خىزمەتكە چىقىپلا  2-3يىل تاشلىنىپ قېلىۋىدى ،  سەۋىيە نۆلگە يېنىپ كەتتى . قايتىدىن باشلايمەن دەپ نەچچە نىيەت قىلدىم ،بىراق خىزمەت ،ئۆي ،بالا-كالا دەپ يۈرۈپ باشلاپ بولالمىدىم . بىزدەك 30نىڭ قارىسىنى ئالغانلار زادى ئۆگىنىپ قويمىساق بولمىغۇدەك ئىنگىلىزچىنى ،بولمىسا دۇنيادىكى 90%ئۇچۇردىن خەۋەرسىز قالىدىكەنمىز. خۇدا خالىسا كۆپىنچىمىزنىڭ چەتئەللەرنى كۆرۈپ ،كۆزىمىزنى ئېچىپ كەلگۈمىز بار ،لېكىن تىل بىلمىسەك ساياھەت يېتەكچىسىنىڭ كەينىدىن بۇرنىدىن چۈلۈك ئۆتكۈزۈلگەن كالىدەك سوكۇلداپ يۈرىدىغان گەپ ، ئۇلارنىڭ مەدەنىيتىنى چۈشىنىپ ، ئارتۇق -كەم تەرەپلىرىمىزنى سېلىشتۇرۇپ بىلىش دىگەن نەدە قالىدۇ ؟

kitabhumar1

	مىنىڭچە ئىنگىلىزتىلى ئۈگىنىش ئەڭ ياخشى تاللاش...بۇ سىزنى قايتىدىن بىر ئادەم قىلىپ چىقىدۇ.شۇ ۋاقىتتا سىز ئۆزىڭىزدىن تىخىمۇ خۇرسەن بولىسىز... سىزگە سەرخۇش ئىنگىلىزتىلى دىگەن كىتابنى تەۋسىيە قىلىمەن.ئۆزلىگىدىن ئۈگىنىشكە ۋە بىزگە ئەڭ ياخشى ماس كىلىدىغان كىتاب.

hakan1865

	تور  دەرسلىرنىمۇ  ئويلۇشۇپ  كۆرۇڭ ،ئۆزىڭىزنىڭ  ۋاقتىغا  ئاساسەن  خالغان  ۋاقىتقا  تەڭشىيەلەيسىز

ablatmuhammat

	ئەلشاھ بۇرادەر، رەھمەت سىزگە! مەن ئالما تېلفۇنۇمغا يېڭى ئۇقۇم ئېنگىلىزتىلىنىڭ تۆت قىسىمنى قاچىلۋالدىم. ئەمما شۇ تېخىچە بىر قارارغا كېلەلمىدىم، سەرخۇش ئېنگىلىز تىلىنىمۇ ئويلاشقانتىم. ئۆيۈمدىغۇ تور بار، مەكتەپتىمۇ شۇ. شارائىت ئىشقىلىپ ھازىر بار، شۈكىرى دەيمەن. سەككىز سائەتتىن باشقا ۋاقىتتا ئاساسەن خىزمەت ئىشى يوق، قوش دەم ئېلشىمىزمۇ ۋاقتى- ۋاقتىدا، شۇڭا مەن ئاۋۋال ئېنگىلىزتىلىنى 2-3يىل تۇتۇپ ئۆگىنىپ ئېنگىلىزچە ماتېرىياللارنى تەرجىمە قىلغىدەك، ئېنگىلىزلار بىلەن قورقىماي ئالاقىلەشكۈدەك بۇلاي دەيمەن. خۇدايىم بۇيرۇسا ئاندىن ئەرەپ تىلى، ئاندىن تۈرىك تىلى......بولدىلا خۇدايىم نىسىپ قىلار. ئۈندىدار، چ چ، قۇلاي خەت...قاتارلىقلار بىلەن كۆپ ۋاقتىم ئىسراپ بوپ كېتىپ بارىدۇ.  شۇڭا يەنە تورداشلار داۋاملىق مەسلىھەت بەرسەڭلار. مەسلىھەت بەرگەنلەرگە رەھمەت. شۇ مەنمۇ ھازىر ئويغۇرچە- ئىنگىلىزچە ماتېرىيالدىن ئۆگىنەيمۇ ياكى خەنزۇچە- ئىنگىلىزچە ماتېرىيالدىن ئۆگىنەيمۇ دەپ بېشىم قاتتى...

sirdax998

	مەنمۇ ئۈگىنەي دىگەن.خەنزۇتىلى سەۋيەم نۆل،ئىنگىلىز تىلىغا بەكمۇ قىزىقىمەن. قانداق كىتاپ،ماتىرياللاردىن پايدىلنىشىمنى بىلەلمىدىم.

bora--bay

	ئوگەنسىڭىز چۇقۇم ئوگنىپ كىتەلەيسىز ، گەپ ئوگنىشتە ھەم قانداق ئوگنىشتە !

naildin

	مەنمۇ  ھازىر ئىشلىگەچ تۇرۇپ ئۆگىنىۋاتىمەن ، ئىشقىلىپ قىزىقىپ قالساق تېخىمۇ ئۆگەنگىمىز كېلىدىكەن،  سىزگە ئامەت تىلەيمەن. سىزمۇ چوقۇم قىلالايسىز ،       قېرىنداشلار بۇ ئۇلىنىش ئادېرىسغا كىرىپ كۆرۈپ باقساڭلار ، ماڭا قىلغان شۇ ياردىمىڭلەرگە چوڭقۇر رھمىتمنى بىلدۈرىمەن.     /thread-117835-1-1.html

basut

	مېنىڭچە سىز، ئىنگىلىزچە ئۆگىنىش بىلەن بىرگە ئالى تېخنىكوم ياكى تولۇق كۇرسنىڭ دېپلومىنىمۇ ئېلىشقا تىرىشسىڭىز بولغىدەك،چۈنكى ھەرقانچە ئىقتىدارلىق بولسىڭىزمۇ ئۇنۋان باھالاشتا ئوقۇش تارىخىغا قارايدۇ،بۇ مېنىڭ سەمىمىي مەسلىھەتىم.