Virtual Bassist نىڭ ئۇيغۇرچە دەرىسلىگى(1)

makan

Virtual Bassist باس گىتتار سېستىمىسى ناھايىتى ئىسىل كۆڭۈلدىكىدەك يۇمشاق دىتال،ئۇنىڭدا 30 نەچچە خىل ئۇسلۇب بولۇپ ،خالىغانچە چالالايسىز.ئاكوردنى ۋە تىزلىگىنى  خالىغانچە ئۆزگەرتەلەيسىز.ناخشا-مۇزىكىڭىزنىڭ ئۇسلۇبىغا قاراپ پاسنىڭ شەكلىنىمۇ ئۆزگەرتەلەيسىز.
Virtual Bassist ئىشلىتىشكە ئەپلىك ،سېستىمىغا بولغان تەلىۋى خىلىلا تۆۋەن،سىزنىڭ تەلىۋىڭىزنى قاندۇرالايدىغان باس گىتتار سېستىمىسى.

ئۇنداقتا Virtual Bassist  دىگىنىمىز نىمە؟ تېخنىكىلىق نوقتىنەزەردىن ئېيتقاندا  Virtual Bassist  بىر ئەسۋابتەكلا يۇمشاق دىتال،ئۇ ئادەتتىكى سېستىمىغا ئوخشاش ئايرىم ئىشلەيدۇ ،شۇنداقلا VSTi DXi AU  ۋە ReWire نى قوللايدىغان سېستىمىلارنىڭ ئىچىگە قىستۇرما يۇمشاق دىتال قىلىپ قاچىلاپ ئىشلىتىشكىمو بولىدۇ.ئۇ Windows PC تىمۇ ۋەMac ئالما كومپۇيۇتۇر سېستىمىسىدىمۇ ئىشلەيدۇ.
مۇزىكا نوقتىنەزىرىدىن ئېيتقاندا Virtual Bassist ئۇ MIDI سىگىنالى ئارقىلىق ئاۋاز چىقىرىدۇ ،شۇنداقلا سىرىتتىن كونتىرول قىلىدىغان MIDI ئاسۋابى ئارقىلىق ئاۋاز چىقىرىدۇ.سىز ئۇنىڭ پاسلىرىنى خالىغانچە ئۆزگەرتەلەيسىز ئەلۋەتتە.
Virtual Bassist نىڭ كونتىرول يۈزى 3 قىسىمدىن تەركىپ تاپقان بولىدۇ.

PLAY (چىلىش)بۇ  Virtual Bassist نىڭ ئورۇنلاش يەنى چىلىش قىسمى،بۇ يەردىن بىز پاسلارنىڭ ئۇسلۇبىنى تاللىۋالىمىز.شۇنداقلا نۇرغۇن تەڭشەكلىرى بار.

GROOVE MATCH (پاس ئۆزگەرتىپ تەھرىرلەش) بىز بۇ يەردە Virtual Bassist نىڭ ئالدىن تەيارلاپ قويۇلغان پاسلىرىغا ئۆزگەرتىش كىرگۈزۈپ ئۆزىمىزنىڭ ناخشىسىنىڭ ئۇسلۇبىغا ماس كىلىدىغان قىلىپ تەشىيەلەيمىز.

AMP&FX (ئۈنۈم رايۇنى) بىز بۇ رايۇندا باس ئاۋازىغا ھەر خىل ئۈنۈملەرنى قىتىپ ،باس ئاۋازىنى رەڭگاراڭ ياسايمىز،مەسىلەن:گاژ-گۇژ......ئاۋازلار،ۋۇ نۇرغۇن سىلىق ئاۋاز.

مۇستەققەل ئىشلىتىش ۋە ئاساسى تەڭشەش
قاچىلاپ بولغاندىن كىيىن Virtual Bassist نى قوزغاتساق تۆۋەندىكىدەك كونتىرول يۈزى كۆرىنىدۇ.

ئالدى بىلەن ئاۋاز چاستوتىسى ۋە MIDI يولىنى تەڭشىۋالىمىز،ئەگەر سىز قوزغاتقاندا تۆۋەندىكىدەك كۆزىنەك كۆرۈنمىسە سول تەرەپ ئۈستىدىكى File (ھۆججىت) نى بىسىپ Preferences (سانلىق قىمەەت تاللاش)نى تاللىسىڭىز بۇ كۆزىنەك ئىچىلىدۇ.

بۇ كۆزىنەكتە:
ASIO Device  ئاۋاز كارتىڭىزنىڭ Asio قوزغاتقۇچىسى،بۇنداق بولغاندا سىز بۇ يۇمشاق دىتالنى ئىشلەتكەندە ئاۋاز كىچىكىش ئەڭ تۆۋەن ھالەتكە كىلىدۇ.ئەگەر سىزنىڭ ئاۋاز كارتىڭىز ASIO2.0 نى قوللىسا ASIO2.0 نى تاللىسىڭىز بولىدۇ.
First ASIO Output دا ئاۋاز كارتىڭىزنىڭ چىقىرىش يولىنى تاللايسىز.
MIDI Input  تا MDI رىيالىڭىزنى تاللايسىز،بۇ ئارقىلىق Virtual Bassist نى باشقۇرالايسىز شۇنداقلا ئاۋاز چىقىرالايسىز.
Tempo بۇنىڭدا تىزلىگىنى تەڭشەيسىز ،چۈنكى Virtual Bassist نىڭ تەييار ھالەتتىكى تېزلىگى 120 قىلىپ تەڭشەپ قويۇلغان بولىدۇ.
Time Sign بۇ يەر پاسنىڭ تاكىتىنى تەڭشەيدىغان يەر، ئادەتتە 4/4 ھالەتتە تەڭشەپ قويۇلغان بولىدۇ،ئۆزىڭىزنىڭ ناخشىسىغا قاراپ تەڭشىسىڭىز بولىدۇ.
تەڭشەش تامام،ئەمدى بۇ كۆزىنەكنى تاقاڭ.

چىلىشنى باشلاش
ئەمدى بىز Virtual Bassist نىڭ ئىچىدىن PLAY كۆزىنىگىنى ئىچىپ بۇنى تەھلىل قىلىپ باقىلى.
1-Virtual Bassist نى ئاچقىنىمىزدا ئۆزلىگىدىن “Latch ”  دىگەن بىر ئۇسلۇبنى قوشىدۇ.سىز MIDI رىيال ئارقىلىق C3 تىن B4 كىچە بولغان ئىككى 8 گىرادۇس رايۇندىن خالىغان ئوكوردنى بىسىپ چالسىڭىز بولىدۇ.سىز رىيالنى بىسىپ قويىۋەتسىڭىزمۇ داۋاملىق پاسلار تەكرار ئۇلۇنىپ چىقىۋىرىدۇ.
سىز MIDI رىيالنى چالغىنىڭىزدا رەسىمدىكىدەك MIDI سىگىنال چىرىغى يورۇپ تۇرىدۇ،

2-چىلىۋاتقان ۋاختىمىزدا بىز D1 دىن B2 گىچە بولغاب رايۇندىكى ئاق تىلنى باسساق پاسلارنىڭ ئۇسلۇبى ئۆزگىرىدۇ،قانچە ئۈستىگە ۆتۈرۈلگنسىرى پاسلار شۇنچە مۇرەككەپلىشىپ بارىدۇ.
3-چىلىۋاتقان ۋاختىمىزدا D1 دىن B2 گىچە بولغان رايۇندىكى قارا تىلنى باسساق يەنى F# G# bB   نى باسساق پاسلار نىڭ ئارىسىغا ئوينىتىش قوشۇلۇپ ،پاسنى جانلاندۇرىدۇ.
4-چىلىۋاتقان ۋاختىمىزدا بىز #C1 نى باسساق چىلىنىۋاتقان پاس ئۆزلىگىدىن ئاخىرلىشىدۇ.#D1 نى باسساق Virtual Bassist بىر كىچىك ئاخىرلىشى پاۋۇزىنى ئورۇنلاپ ئاخىرلىشىدۇ.ئەگەر سىزدە MIDI رىيال يوق بولسا cubase قاتارلىق يۇمشاق دىتاللارنىڭ رىيال كۆزنىگىنى ئىچىپ شۇ يەردە MIDI يازسىڭىز بولىدۇ.

رىيال تىلىنىڭ ئىقتىدارى
Virtual Bassist نىڭ رىيال تىلىدىكى باشقۇرۇش خەرىتىسى:

C1---يەككە چىلىش شەكلى،C1 نى بىسىپ C3 بىلەن B4 ئارلىغىدا باس ئاۋازىنى مۇزىكا چالغاندەك چالساق ياكى ئۆزىمىز باس مۇزىكىسى ئۇرۇپ ماڭساق بولىدۇ.
#C1 ---توختۇتۇش،چىلىۋاتقان پاسىمىز شۇ ھامان توختايدۇ.
#F #G bB---ئاپتۇماتىك ئويناش ،چىلىۋاتقاندا باسساق ئۆزلىگىدىن پاسنىڭ ئارىسىغا قىسقا ئوينىتىش قوشىدۇ.
#D1-- - چىلىۋاتقاندا بۇنى باسساق قىسقا بىر ئوينىتىش قوشۇپ ئاخىرلىشىدۇ.
C2# ---4 تارىلىق ۋە 5 تارىلىق باسنى ئالماشتۇرىدىغان تىلى.

#D2 ---ئاكورد بىسىش بىلەن يەككە چىلىشنى ئۆز-ئارا ئالماشتۇرۇش .

ئەگەر CHORDS نى تاللاسىڭىز چىلىۋاتقان باس ئاۋازنىڭ ئىچىدە باس تارىلىرىدىن چىققان بەزى ئاۋازلار قىتىلىپ چىقىپ پاسنى تېخىمۇ جانلىق ۋە راستەك بىلىندىرىدۇ.NOTE نى باسسىڭىز تارىلارنىڭ يەككە چىلىنىشىلا چىقىپ نەغمىسىلا ئاڭلىنىدۇ،باس تارىلىرىغا قولىڭىز تەككەندەك نۇرغۇن ئاۋازلار قىتىلىپ چىقمايدۇ.

داۋامى بار

رۇخسەتسىز كۆچۈرۈشكە بولمايدۇ
ماكان مۇزىكا بىلىملىرى تورى
Virtual Bassist نىڭ ئۇيغۇرچە دەرىسلىگى(2)

LOVEMUSIC

   خېلىلا چۈشۈنۈشلۈك بوپتۇ ، مەن ئىشلىتىپ باقماپتىكەنمەن ، بىر سىناپ باقسام بولغۇدەك .

MUSICPRO

رەھمەت سىزگە

sndibat

رەھمەت بەك چۈشۈنۈشلىك بوپتۇ.ھارمىغايسىز!

muzikanit

رەخمەت سىزگە...................

سەركە

رەخمەت سىزگە، داۋامىنى كۇتىمەن............

YAMAHA

رەخمەت سىزگە . ناھايىتى ئېنىق يوللاپسىز . بېز ئۈچۈن جاپا تارتىپىسز. داۋاملىق مۇنبەرگە كىرىپ تۇرۇڭ

makan

Virtual Bassist نىڭ ئۇيغۇرچە دەرىسلىگى(2)
بۇمۇ پۈتتى

piristan

رەسىملەر كۆرۈنمەديدىغۇ؟!!!...

ئابلىمىت

ماكان ئەپەندىم،مەن ھەر ۋاقىت بۇ تور بەتتىكى دەرىسلكنى كۈرسەم نىمە ئۈچۈن رەسىمى چىقمايدۇ،مۇشۇ مەسىلىنى قانداق ھەل قىلسام بۇلىدۇ.....؟

makan

تور ئۈزۈك چاغلاردا تور بىتىمىزدىكى نۇرغۇن نەرسىلەر يوق بولغان،شۇلارنى ئاران مۇشۇنچىلىك ئەسلىگە كەلتۈردۇق،خۇدايىم بۇيرىسا بۇ رەسىملەرنىمۇ ئەسلىگە كەلتۈرىمىز

رېتېم

رەھمەت سىزگە

كۇلكە

رەھمەت سىزگە

بۇلاق

رەخمەت سىزگە ماكان ئەپەندى !!!

makan

رەسىملەرنى قايتا تەھرىرلەپ قويدۇم