ناخشا تېكىسىتلىرى ( رەھىمە )

رەھىمە

سېنى سۆيمەس ھېچكىشى مەندەك

نىگار ساڭا تەلپۈنەريۈرەك،
پاك قەلبىمگە پەقەت سەن كېرەك.
نىگاھىڭدىن يانىمەن چوغدەك،
سېنى سۆيمەس ھېچكىشى مەندەك.

خىياللىرىم ئۇچار سەن تامان،
ئارمانلىرىم پەقەت سەن ھامان.
چىن سۆيگۈمدىن قىلمىغىن گۇمان،
سېنى سۆيمەس ھېچكىشى مەندەك.

سۆيگۈم بىلەن كۈيلىسەم سېنى،
چۈشىنەرسەنمۇ قەلبىمنى مېنى.
سېغىنىشىم قويماس ھالىمنى،
سېنى سۆيمەس ھېچكىشى مەندەك.

سۆيەلمەيمەن ھېچكىمنى سەندەك،
سېنى سۆيمەس ھېچكىشى مەندەك.




سۆيگۈم بولسۇن ساڭا ئامانەت



يۈرىكىمدە كۆكلەيدۇ ھەسرەت،
خۇشاللىققا قالدۇرماي پۈرسەت.
ئەقىدەمنى سۇناي، يەنىلا-
سۆيگۈم بولسۇن ساڭا ئامانەت.

كەتكىنىڭدە كۆرەلمەي قالدىم،
سەنسىز پەقەت كۆنەلمەي قالدىم.
ساڭا يوللۇق سۇنالماي قالدىم،
سۆيگۈم بولسۇن ساڭا ئامانەت.

ھىجرىڭ بىلەن يۈرەك داغلاندى،
سېغىنىشتا كۆزۈم ياشلاندى.
ئارمانلىرىم ساڭا باغلاندى،
سۆيگۈم بولسۇن ساڭا ئامانەت.

نەدە بولساڭ ئامان بول گۈلۈم،
سېنى ئويلاپ ئۆتىدۇ كۈنۈم.
ئاخىرقى رەت بىر ئېغىز سۆزۈم،
سۆيگۈم بولسۇن ساڭا ئامانەت.




سېنى كۈيلەيمەن



يۈرىكىڭگە يول بارمۇ جېنىم،
ئەقىدەمدىن بىزىسەم دەيمەن.
يۈرىكىڭگە يۆلىنىپ تۇرۇپ،
كۈيلىرىڭدىن ئىزىلسەم دەيمەن.

ھاياتىمدا پەقەت سەن ئۈچۈن،
سۆيگۈ كۈيى ياڭراتسام دەيمەن.
قۇلىقىڭغا تاتلىق پىچىرلاپ،
چىن سۆيگۈمنى ئاڭلاتسام دەيمەن.

ئارمىنىمنى ئېلىپ قولۇمغا،
شادلىقىڭغا قوشۇلسام دەيمەن.
يالپۇز كەبىي سۈزۈك تۇيغۇڭغا،
ئابىدە بوپ قۇرۇلسام دەيمەن.

ساتارىمنى سازلاپ ئەجەمگە،
سۆيگۈ كۈيى ياڭراتسام دەيمەن.
شۇ ئۈزۈلمەس كۈيلىرىم بىلەن،
پەقەت سېنى كۈيلىسەم دەيمەن.

سۆيگۈ كۈيى ياڭراتسام دەيمەن،
پەقەت سېنى كۈيلىسەم دەيمەن.




ئەمگىكىمگە ھۆرمەت قىلىڭ.

كوناكۈي

تېكىستلىرىڭىز خېلى ياخشى چىقىپتۇ .