FLSTUDIO6.0نىڭ ئۇيغۇرچە دەرسلىكى

artax

ياخشىمۇ سىز ! سىز كومپيۇتېرىڭىزغا FLSTUDIOنى ئوڭۇشلۇق قاچىلاپ بولغان بولسىڭىز ئۇنداقتا ئۈستەل يۈزىدىكى FLSTUDIOنى قوزغىتىشىنى تېز ئىجرا قىدۇرۇش سىنبەلگىسىنى ۋە ياكى开始/程序تىزىملىكىدىن FLSTUDIOنى چېكىپ ، مەزكۇر سېستىمىنى قوزغۇتۇڭ !

FLSTUDIOنىڭ قوزغالغاندىن كېيىنكى مەشغۇلات كۆزنىگى نۆۋەتتىكىدەك بولىدۇ . FLSTUDIOنى تۇنجى قېتىم قوزغاتقاندا ، تۆۋەندىكىدەك بىر كۆزنەك ئېچىلىدۇ . ( ئەگەر كۆرۈنمىسە كۇنۇپكا تاختىسىدىن f10كۇنۇپكىسىنى باسساق ۋە ياكى تىزىملىك ئىستونىدىكى OPTIONSسېيرىلما تىزىملىكىدىن مىدى بۇيرۇقىنى ئىجرا قىلساق بولىدۇ .) سىز بۇ كۆزنەكتىن پايدىلىنىپ ، ئاۋاز كارتىڭىزنىڭ تىپىنى ۋە مىدى قوزغاتقۇچىنى تاللىيالايسىز . سىزنىڭ ھازىر كۆرىۋاتقىنىڭىز مىدى خاسلىق رايونى . ئەمما سىزنىڭ ئەڭ مۇھىم خىزمىتىڭىز يەنىلا ئاۋاز چاستوتىسىنى بەلگىلەش .سىز بۇ سىنبەلگىنى چەكسىڭىز ئاۋاز چاستوتىسىنى تەڭشەش كۆزنىگىگە ئالمىشالايسىز . ئاندىن بۇ ئورۇندىن ئاۋاز كارتىسىنىڭ مۇۋاپىق بولغان قوزغاتقۇچىنى تاللىسىڭىز بولىدۇ . ئەگەر سىز بۇ ئورۇندىن قايسى خىل ئاۋاز قوزغاتقۇچىنى تاللاشنى بىلەلمىسىڭىز ئۇنچە جىددىلىشىپ كەتمەڭ.ھازىرچە مۇشۇنداقلا تاشلاپ قويۇپ ، كېيىن سسېستىمىدا ئاۋاز قويۇش جەريانىدا بەزىبىر نورمالسىز ئەھۋاللار بايقالسا ، كۇنۇپكا تاختىسىدىن f10كۇنۇپكىسىنى چېكىپ ، مۇشۇ جايدىن ئاۋاز كارتىسىنىڭ باشقا قوزغاتقۇچلىرىنى تاللاپ سىناپ باقسىڭىز بولىدۇ .DRECT SOUND بولسا بىر خىل بوففۇرلىق قويۇش قوزغاتقۇچى بولۇپ ( بوفىر دىگىنىمىز توردىكى ۋە ياكى يەرلىك قاتتىق دېسكىدىكى سانلىق ئۇچۇرلارنى ، قاتتىق دېسكىغا ۋە ياكى ئىچكى ساقلىغۇچقا يوللاپ ئاندىن ئىجرا قىلىشنى كۆرسىتىدۇ . بۇ ئارقىلىق نۆۋەتتىكى ئىجرا بولىۋاتقان سانلىق ئۇچۇرلارنىڭ مۇقىملىقىغا كاپالەتلىك قىلغىلى بولىدۇ . بۇففېر دىگەن بۇ ئاتالغۇ ئۇيغۇرچىغا ئېنگىلىزچىدىن كىرگەن بولۇپ ،توقۇنۇشنى پەسەيتىش دىگەن مەنىدە ، خەنزۇچە 缓冲 دەپ ئاتىلىدۇ . ) بۇ كۆزنەكتىكى رولىنى چوڭقۇر چۈشۈنۈپ كېتىشىڭىزنىڭ زۇرۇرىيىتى يوق .سىز پەقەت بۇ جايدىكى بوففېرنىڭ رولىنى چۈشىنۋالسىڭىزلا بولىدۇ . ئادەتتە بۇففېر تالچىسى بەك ئۇزۇن بولۇپ تەڭشىلىپ قالسا ، قويۇلغاندىن كېيىنكى پارتىلغاندەك چىققان ئاۋازنى ئەڭ تۆۋەن چەككە چۈشۈرۈشكە بولىدۇ .ئەمما بىرىكتۈرۈلگەن ئاۋازلارنىڭ قويۇلغاندىن كېيىنكى ئىنكاس سۈرئىتى ئاجىز بولىدۇ . ئەكسىچە بەك قىسقا قىلىپ تەڭشەپ قويغاندا ، قويۇلغان ئاۋازنىڭ سۈپىتىگە كاپالەتلىك قىلغىلى بولسىمۇ ، ئەمما پارتلىغاندەك چىققان ئاۋاز تېخىمۇ روشەن بولىدۇ . ئەلۋەتتە سىز ئاۋازنىڭ ياكى ئۇنداق ياكى بۇنداق ھالدا نورمالسىز قويۇلىشىنى خالىمايسىز ، ئەمما ئاۋازنىڭ ياخشى ۋە ياكى ناچار چىقىپ قېلىشىنى بەلگىلەيدىغان ئاساسلىق ئامىل يەنىلا كومپيۇتېرنىڭ سۈرئىتى بولۇپ ھىساپلىنىدۇ .قويۇلغان ئاۋازدا يۇقارقىدەك نورمالسىز ئەھۋاللار بايقالغان ۋاقىتتا ، كۇنۇپكا تاختىسىدن f10 كۇنۇپكىسىنى چېكىپ ، بۇ تالچىنى ئۇيان بۇيان سۈرۈپ ، ئاۋاز قايسى ئورۇندا ياخشى قويۇلسا شۇ ئورۇنغا توغرىلاپ قويسىڭىز بولىدۇ .ئەگەر سىزنىڭ ھىساپلاش سۈرئىتى تېز بولغان كومپيۇتېرىڭىز ۋە ياخشى بولغان ئاۋاز كارتىڭىز بار بولسا بۇ تالچىنىڭ ئۇزۇنلىقىنى 10msقىلىپ بەلگىلەپ قويسىڭىز بولىدۇ . ئەگەر سىزدە sound blaster live تۈرىدىكى ئاۋاز كاتىلىرى بار بولسا ئەڭ تۆۋەن بەلگىلىنىدىغان چەكنى ms30دىن تۆۋەن قىلىپ قويماڭ . بۇنىڭدىن باشقا use polling تاللاش تۈرىمۇ بەزى مەشغۇلات سېستىمىلىرىنىڭ ئىنكاسىنى تېزلەشتۈرەلەيدۇ . ئەگەر سىزنىڭ ئىشلىتىۋاتقىنىڭىز win95 ۋە ياكى win98بولسا بۇ تۈرنى تاللاپ قويۇشىڭىزنى تەۋسىيە قىلىمەن . ئەگەر سىزنىڭ ئىشلىتىۋاتقىنىڭىز win2000 ۋە ياكى windows xp بولسا، بۇ تاللاش تۈرىنى ئەمەلدىن قالدۇرۇپ سىناپ كۆرۈپ بېقىڭ .
ئاساسىي مەشغۇلات كۆزنىگى : سىز بەلگىلەش كۆزنىگىنى تاقىغاندىن كېيىنكى كۆرۈنگەن رايونFLSTUDIOنىڭ ئاساسىي خىزمەت كۆزنەك رايونى بولۇپ ھىساپلىنىدۇ . FLSTUDIOنۇرغۇنلىغان ئوخشاش بولمىغان چوڭ – كىچىك كۆزنەكلەردىن تەركىپ تاپقان بولۇپ ، ئاساسىي مەشغۇلات كۆزنەك رايونىنىڭ يۇقارقى تەرىپىدىكى بۇ ئورۇنلار قوراللار ئستونى. سول تەرەپتىكى بۇ كۆزنەك بولسا زىيارەت قىلىش كۆزنىگى ئوڭ تەرەپتىكى بۇ كۆزنەك بولسا تاكىت ئاۋاز تەرتىپىنى بېكىتىش كۆزنىگى بولۇپ ھىساپلىنىدۇ. سىز بۇ كۆزنەكلەرنى خالىغانچە رەتلەپ ئىشلىتەلەيسىز ، ئەمما بۇ رەتلەشنىڭ سېستىمىنىڭ نورمال خىزمەت  قىلىشىغا ھىچقانداق تەسىر يەتكۈزمەيدۇ .
جىقمۇ سۆزلەپ كەتتۇق . ئەمدى سىز ئازراق ئاۋاز قويۇپ سىناپ بېقىڭ :سول ئۈستۈن تەرەپتىكى fileتىزىملىكىدىن OPEN بۇيرۇقىنى ئىجرا قىلىپ ، كۆرۈنگەن دىئالوگ رامكىسىدىن Cool stuffھۆججەت قىسقۇچىنى قوش چېكىپ ، DanR-India ھۆججىتىنى تاللاپ ، جەزىملەشتۈرۈش كۇنۇپكىسىنى چېكىڭ .قوراللار ئىستونىدىكى بۇ قويۇش سىنبەلگىسىنى چەكسىڭىز نۆۋەتتىكى ئېچىلغان ئاۋاز ھۆججىتىنى قويۇشقا ، بۇ سىنبەلگىنى چەكسىڭىز قويىلىۋاتقان ئاۋازنى توختۇتۇشقا بولىدۇ .

artax

ئىككىنچى دەرس
Gettingstarted ئارقىلىق تەكرار ئاۋاز بۆلىگىنى ئىشلىتىش :
سىز بۇ ئۈگۈتۈش يۇمشاق دېتالىدىن ئۈنۈملۈك پايدىلانماقچى بولسىڭىز ، FLSTUDIO بوقچىسىدىكى getting startedتەكرار ئاۋاز بۆلىگىنى ئېچىڭ ! كۇنۇپكا تاختىسىدىن تېز ئىجرا قىلدۇرۇش سىنبەلگىسى CTRL+Oۋە ياكى تىزىمىلىك ئىستونىدىكى file تىزىملىكىدىن OPEN بۇيرۇقىنى ئىجرا قىلىپ ، كۆرۈنگەن دىئالوگ رامكىسىدىن TOTURIALSھۆججەت قىسقۇچىنى قوش چېكىپ ئېچىڭ .ئاندىن كۆرۈنگەن يەنە بىر دەرىجە ھۆججەت قىسقۇچىدىن GETTING STARTEDھۆججەت قىسقۇچىنى قوش چېكىپ ، بىرىنچى ھۆججەت gettingstarted.1 نى قوش چېكىپ سېستىمىغا يوللاڭ .ئەمدى قويۇش كۇنۇپكىسىنى چېكىپ بۇ ئاۋازنى سىناپ باقساق بولىدۇ . بۇ كۆزنەك بولسا تاكىت ئاۋاز تەرتىپىنى بېكىتىدىغان كۆزنەك بولۇپ ، ناخشىنىڭ رېتىمى ۋە مىلودىيىسىنى قوراشتۇرىدىغان ئاساسلىق ئورۇن ھىساپلىنىدۇ .
تاكىت ئاۋاز تەرتىپىنى بېكىتىش كۆزنىگىنىڭ رولى نىمە ؟بۇ كۆزنەك سىزنىڭ قانال ۋە نوتا ئورۇنلاشتۇرىدىغان ئورنىڭىز بولۇپ ھىساپلىنىدۇ . قانال تۈز ھالەتتە ئورۇنلاشتۇرۇلغان بولۇپ ، ھەر بىر قانال 16 نۇقتىنى ئۆز ئىچىگە ئالغان . ئەگەر سىزنىڭ مۇزىكىدىن خەۋىرىڭىز بار بولسا ، سىز بۇ نۇقتىلارنىڭ 16 ئۈلۈش نوتىغا ۋەكىللىك قىلىدىغانلىقىنى بىلىۋالالايسىز .ئەگەر چۈشەنمىسىڭىز، ھەر بىر گۇرۇپپىدىكى تۆت نۇقتىنىڭ بىر ئۇدار بولىدىغانلىقىنى ، 16 ئۈلۈش نۇقتىنىڭ بىر ئاساسىي دۇمباق تەكرار ئاۋازىنىڭ تۆت ئۇدارى ئىكەنلىگىنى بىلىۋالسىڭىزلا بولىدۇ .
بۇ نۇقىلار نوتا نۇقتىسى بولۇپ ، مائۇسنىڭ سول كۇنۇپكىسىنى چېكىش ئارقىلىق تاللاشقا بولىدۇ . FLSTUDIOبۇ تاللانغان نۇقتىلارنى تاللانغان قانال ئاۋاز تېمبىرىغا ئاساسەن پەرقلەندۈرۈپ ، بەلگىلىك ۋاقىتتا قوزغىتىدۇ .سىز بۇ كۆزنەكتىكى DNC-kikcقانالنىڭ 1،5.9.ۋە 13- نوتا نۇقتىسىنى تاللاڭ . ھەمدە قويۇش كۇنۇپكىسىنى بېسىڭ .بۇ ۋاقىتتا FLSTUDIO بىر تەكرارلىقتا دۇمباقنىڭ ئۇرۇلغان ئاۋازىنى تۆت قېتىم قوزغىتىدۇ . سىز يەنە DNC-kikقانالىنىڭ باشقا نوتا نۇقتىلىرىنى قوزغىتىپ بېقىڭ (نۇتا نۇقتىلىرىنى تاللاشنى ئەمەلدىن قالدۇرماقچى بولسىڭىز ، ئەمەلدىن قالدۇرماقچى بولغان نوتا نۇقتىسغا نۇر بەلگىنى توغرىلاپ ، مائۇس ئوڭ كۇنۇپكىسىنى چەكسىڭىز بولىدۇ .)
قانالنى كونترۇل قىلىش : تاكىتنى بەلگىلەپ بولغاندىن كېيىن ، سىز بۇ تەرەپتىكى قانال كونتۇرۇللىغۇچىنى تەڭشەپ باقسىڭىز بولىدۇ . يېشىل چىراق قانالنى ئېتىش ۋە ئېچىش ئۈچۈن ئىشلىتىلىدۇ. بۇ ئىككى كىچىك بۇرىغۇچ بولسا ، شۇ قانالنىڭ ئاۋاز ئايرىمىسى ۋە ئاۋازنىڭ مىقدارىنى كونترۇل قىلىدۇ . ئەگەر سىز ، بۇ بۇرىغۇچلارنى تەڭشەپ ، يەنە بۇرۇنقى ئورنىغا توغرىلاپ قويماقچى بولسىڭىز ، نۇر بەلگىنى شۇ كۇنۇپكىنىڭ ئۈستىگە توغرىلاپ ، ئوڭ كۇنۇپكىسىنى بېسىپ ، كۆرۈنگەن تىزىملىكتىن RESETبۇيرىقىنى تاللىسىڭىز بولىدۇ .
ئەمدى ئۆزىڭىزنىڭ رېتىىمىنى قوراشتۇرۇپ بېقىڭ : ئەمما بۇ ھۆججەتتىن كېيىن يەنە پايدىلىنىمىز . شۇڭلاشقا بۇ ھۆججەتنى ساقلىماڭ

artax

FLSTUDIO6.0 دەرسلىكى 3 ئاۋاز قانالنى تەڭشەش
ئۈچۈنچى دەرس
قانالنى تەڭشەش :
بىز بۇ قېتىملىق دەرسىمىزدە قانالنى تەڭشەش ، قانالغا ئالاھىدە ئاۋاز ئۈنۈمى قوشۇش ۋە تەكرارلىق بۆلىگىنى تەڭشەش قاتارلىقلارنى ئۈگۈنۈپ ئۆتۈمىز . FLSTUDIOكۆپ مىقداردىكى بەلگىلەش ئۈنۈمىنى قوللىيالايدۇ . ئىككى قانالنىڭ نوتا نۇقتىسى قارىماققا ئوخشاش كۆرۈنسىمۇ ئەمما ئۇنىڭ ئاۋاز ئۈنۈمىدە زور پەرقلەر بولىدۇ . ( بۇنىڭدىكى سەۋەپ ھەر بىر قانالغا ئىشلىتىلگەن ئاۋاز ھاسىللىغۇچنىڭ پارامېتىرلىرىنىڭ ئوخشاش بولمىغانلىقىدىن بولىدۇ . ) بۇ پارامېتىرلار ئۈلگە ئاۋاز بولۇشىمۇ ، ۋە ياكى بىرىكتۈرگچتىن ھاسىلللانغان ئاۋاز بولۇشىمۇ مۈمكىن .بىز بۇ نۇقتىنى كېيىن سۆزلەپ ئۆتىمىز .
ئۆلگە ئاۋاز دىگىنىمىز : قاتتىق دېسكىغا ساقلانغان بىر ئاۋاز بۆلىگى بولۇپ ، flstudio ھەر بىر قانالغا ئوخشاش بولمىغان ئۈلگە ئاۋاز ھۆججىتىنى قۇرۇپ چىقالايدۇ .بۇ ئۈلگە ھۆججەتلىرى مەلۇم بىر بۆلەك دۇمباق ئاۋازى ، مولودىيە ۋە چالغۇ ئەسۋابى ئارقىلىق كومپيۇتېرغا ساقلانغان ھۆججەت قاتارلىقلار . ئۈلگە ھۆججىتىنىڭ كېڭەيتىلگەن نامى ئادەتتە WAVبولىدۇ . بۇنىڭدىن باشقا flstudio يەنە كېڭەيتىلگەن نامى xiبولغان ئاۋاز ھۆججەتلىرىنىمۇ قوللىيالايدۇ .
1. قانالنى بەلگىلەش كۆزنىگىنى ئېچىش : بىز ئەمدى دۇمباق ئاۋازىنىڭ ئۈلگە ھۆججىتىنى تەھرىرلەپ باقايلى . قايتىدىن ئەسلىدىكى GETTING STARTED1ھۆججىتىنى ئاچىمىز . ئېچىلغان قانال كۆزنىگىنىڭ DNC_KIKCقانالىنى تاللىساق نۆۋەتتىكىدەك بىر كۆزنەك ئېچىلىدۇ .
2. بىز كۆزنەكنىڭ بۇ ئورنىنى چېكىپ ، دۇمباق ئاۋازىنىڭ باشقا ئاۋاز ئۈلگە ھۆججەتلىرىنى تاللاپ سىناپ ئاڭلاپ باقساق بولىدۇ .
3. زىيارەت قىلغۇچ ئارقىلىق ئاۋاز ئۈلگە ھۆججىتى قۇرۇش : زىيارەت قىلغۇچ ئارقىلىقمۇ يېڭىدىن بىر ئاۋاز ئۈلگە ھۆججىتىنى قانال بەلگىلەش كۆزنىگىگە قوشۇشقا بولىدۇ . ئەگەر سىز dnc-kickھۆججىتىنى تاپماقچى بولسىڭىزPACKS / DANCEئاۋاز ئۈلگە ھۆججىتىنى تاللاش ئورنىدىن تاپالايسىز . مائۇسنىڭ سول كۇنۇپكىسى بىلەن بۇ ئاۋاز ھۆججىتىنى چەككەندە يەنە بۇ ئاۋاز ئۈلەە ھۆججىتىنىڭ ئاۋازىنىمۇ ئاڭلاشقا بولىدۇ . ئوڭ كۇنۇپكىنى چېكىپ كۆرۈنگەن تىزىملىكتىن send to selected channel بۇيرىقىنى تاللىساق ،نۆۋەتتىكى تاللاقلىق ھالەتتە تۇرغان قانالدا مۇشۇ خىل ئاۋاز ھۆججىتىنىڭ تەكرارلىقتا قويىلىۋاتقان ئاۋازىنى ئاڭلاشقا بولىدۇ .سىز ئوخشاشلا بۇ ئۈلگە ئاۋاز ھۆججىتىنى تاللاش ھالىتىدە مائۇس سول كۇنۇپكىسىنى قويىۋەتمەي سۈرۈپ ، بۇ ئاۋاز ھۆججىتى ئارقىلىق قانال بەلگىلەش كۆزنىگىگە يېڭىدىن بىر قانال قۇرۇپ چىقالايسىز .ئەگەر بۇ زىيارەت كۆزنىگى FL STUDIO نىڭ خىزمەت كۆزنەك رايونىدا كۆرۈنمىسە تىزىملىك ئىستونىدىكى wievتىزىملىكىدىن BROWSER بۇيرىقىنى تاللاپلا قويسىڭىز بولىدۇ .

دولقۇنسىمان شەكىلگە ئۈنۈم قوشۇش : سىز بىر بۆلەك ئاۋاز ھۆججىتىنى ئېچىپ ،بىر تەرەپتىن قانال ئۈلگە ئاۋاز تەڭشەش كۆزنىگىنىڭ SMPتۈرىدىكى بۇرىغۇچلارنى تەڭشەپ يەنە بىر تەرەپتىن قويۇلغان ئاۋازدا قانداق ئۆزگىرىش بولىدىغانلىقىغا دىققەت قىلىپ بېقىڭ .بۇ كۆزنەكتىكى كۇنۇپكىلارنىڭ رولى تۆۋەندىكىچە :
بۇ بولسا ئاۋاز مىقدارىنى تەڭشەش ، ئوڭ سول ئاۋاز ئايرىش بۇرىغۇچلىرى. بۇ يەردىكى بۇرىغۇچنىڭ رولى قانلا بەلگىلەش كۆزنىگىدىكى بۇ بۇرىغۇچلارنىڭ رولى بىلەن ئوخشاش .
ئاھاڭ بۇرىغۇچلىرى : بۇ بۇرىغۇچلار ئارقىلىق ئۈلگە ئاۋازلىرىنىڭ ئاھاڭىنى تەڭشەشكە بولىدۇ . ( شۇنىڭ بىلەن بىرگە ئاۋازنىڭ رېتىمى تېزلىشىدۇ ۋە ئاستىلايدۇ ) ياندىكى بۇ رەقەملەر ئاھاڭنىڭ قانچىلىك دەرىجىدە تەڭشەلگەنلىكىنى كۆرسىتىدۇ . بۇ بۇرىغۇچلارنى مائۇس كۇنۇپكىسى بىلەن چېكىپ تۇرۇپ ، مائۇسنى سۈرۈش ئارقىلىق ئاۋاز تەڭشەش مەقسىدىگە يەتكىلى بولىدۇ .
1. تۇراقلىق ئېقىم ئېغىشنى يوقىتىش : بۇ تۈر ئىقتىدارىنى ئېچىپ قويغاندا ئۈلگە ئاۋاز بۆلىگىنىڭ ئېغىش مىقدارىنى كونتۇللاشقا بولىدۇ . ( بۇ كۆزنەكنىڭ ئاستى تەرىپىدىكى دولقۇنسىمان شەكىلگە قاراڭ . )
2. قۇتۇپ خۇسىسىيىتىنى ئەكسىچە قىلىپ بەلگىلەش .
3. ئۆلچەملەشتۈرۈش : ئاۋازنىڭ ئەينەنلىكىگە تەسىر يەتكۈزمىگەن ئەھۋالدا ئاۋازنى يۇقىرلىتالايدۇ .
4. سېترولۇق ئاجىزلاشتۇرۇش : سول ئاۋازدىن ئوڭ ئاۋازغا قارىتىپ ئاجىزلاشتۇرۇش ئېلىپ بارالايدۇ.
5. ئەكسىگە ئۆرۈش : ئاۋازنى ئەكسىگە ئۆرۈيدۇ .
6. فازا ئورنىنى ئالماشتۇرۇش : ئوڭ ئاۋازنى سول ئاۋازغا ئۆزئارا ئالماشتۇرالايدۇ .

artax

1تەدرىجىي ھاسىللاش : ئاۋازتەدرىجىي پەيدا بولىدۇ . بۇ بۇرىغۇچنى ئەڭ سولغا سۈرگەندە بۇ ئىقتىدار تاقىلىدۇ .
2تەدرىجىي ئاجىزلاشتۇرۇش : ئاۋازتەدرىجىي ئاجىزلايدۇ . بۇ بۇرىغۇچنى ئەڭ سولغا سۈرگەندە بۇ ئىقتىدار تاقىلىدۇ .
3ئاۋاز قايرىلدۇرۇش : ئاۋازنى قايدۇرۇشقا بولىدىغان بولۇپ ، دۇمباقلارغا بولغان ئۈنۈمى بىر قەدەر كۆرىنەرلىك .
4كېسىشمە تەدرىجىي ئۆزگەرتىش : ئاۋازدا كېسىشمە تەدرىجىي ئۆزگىرىش ھاسىل بولىدۇ . بۇ ئارقىلىق تەكرارلىق ئاۋاز بۆلىگىنى تېخىمۇ سىلىقلاشتۇرۇشقا بولىدۇ . ( بۇ بۇرىغۇچنى ئەڭ سولغا توغرىلىغاندا تاقاش بولىدۇ ).
5رەتلەش : flstudio ئاپتوماتىك ھالدا ئاۋازنىڭ ئاخرقى بۆلىگى بىلەن نوتىنى رەتلەپ چىقىپ ، ئىچكى ساقلىغۇچنى يېتەرلىك بوشلۇق بىلەن تەمىنلىيەلەيدۇ .بۇ كېيىنكى قېتىملىق نوتا ئاۋازىغا تەسىر كۆرسەتمەيدۇ .

دولقۇنسىمان شەكىل ھالىتىدە كۈزىتىش : ئاۋازنىڭ دولقۇنسىمان شەكلىنى كۆرسىتىدىغان بولۇپ ، بۇ كۆزنەكنى چېكىپ ، نۆۋەتتە بەلگىلىگەن ئاۋاز ئۈنۈمىنى ئاڭلاپ بېقىشقا بولىدۇ .ھەمدە بۇ ئاۋاز دولقۇنىنى مائۇسنىڭ ئوڭ كۇنۇپكىسى ئارقىلىق تارتىپ ، ئېھتىياجلىق ئاۋاز قانىلىغا قوشۇشقا بولىدۇ .
سىز بۇ ئورۇنلاردىكى بەلگىلەشلەرنى تاماملاپ بولغاندىن كېيىن ، ئاۋازغا نىسبەتەن يېڭىلىنىش ھىس قىلمىسىڭىز ، بۇ دولقۇنسىمان شەكىلنى چېكىپ باقسىڭىز چوقۇم ھىس قىلالايسىز .

ئەكسى سادا قوشۇش : قانال بەلگىلەش كۆزنىگىگە قايتىپ ، dnc_kikcقانال بۆلىگىنى تاللاپ ، ئېچىلغان قانال تەڭشەش كۆزنىگىدىن FUNKسىنبەلگىسىنى تاللايمىز . بۇ كۆزنەكنىڭ ئۈستۈنكى تەرىپىدىكى كونترۇل كۇنۇپكىسى (ECHO DELAY / FAT MODE) نۆۋەتتىكى تاللانغان قانالغا ئەكسى سادا ئۈنۈمى قوشالايدۇ .بىز ئالدى بىلەن feed كۇنۇپكىسىنى تاللاپ ، ئۇنى 4دەن 1قىسىم ئورۇنغا توغرىلاپ ، دۇمباقنىڭ ئاۋازقدا قانداق ئۈنۈم ھاسىل بولىۋاتقانلىقىغا دىققەت قىلىپ باقايلى . بىر تەرەپتىن تەڭشەپ بىر تەرەپتىن ئاڭلاپ باقايلى ، قانداق ئۈنۈم ھاسىل بولىدۇ . بۇنىڭدىن باشقا ، ECHO DELAY ماۋزۇ ئىستونىنىڭ ئاستىدىكى ئۈچ بۇلۇڭ ئېستىرىلكا ئارقىلىق بىۋاستە ئوخشاش بولمىغان كۆپ خىل ئەكسى سادا ئۈنۈمىگە ئېرىشكىلى بولىدۇ .
FEED ئەكسى سادا ئاۋاز مىقدارىنى بەلگىلەيدىغان بۇرىغۇچ .
Pingpongئەكسى سادا : ئوڭ ۋە سول ئاۋاز يولىدا ئالمىشىپ ئاۋاز پەيدا بولىدۇ . بۇ ئۈنۈمنى نائۇشنىك بىلەن ئاڭلاپ باققاندا ، ئۈنۈمى كۆرىنەرلىك بولىدۇ .
فازا PAN ، توسۇلۇش cut، رېزونانس RES نىڭ رولى قانال بەلگىلەش كۆزنىگىدىكى بۇ سىنبەلگىنى چېكىپ ئېچىلغاندىن كېيىنكى كۆزنەك بىلەن ئوخشاش ، ئەمما پەقەت تەدىرىجىي ئاجىزلىشىىۋاتقان ئەكسى سادا ئاۋازلىرىغىلا ئۈنۈمى بولىدۇ .
ئاھاڭ pitch :ئەكسى سادا ئاۋازىنىڭ ئاھاڭىنى تەڭشەشكە بولىدۇ . بۇ بۇرىغۇچنى ئوڭغا قارىتىپ قانچە بۇرىغانسېرى ، ئەكسى سادا ئاجىزلىشىش جەريانىدا ئاھاڭ دەرىجىسى شۇنچە يۇقىرى بولىدۇ .
ئەكسى سادانىڭ داۋاملىشىش قېتىمى ech: ھەر بىر نوتىنىڭ ئەكسى سادا تەكرارلىنىش قېتىم سانىنى بەلگىلەشكە بولىدۇ .
ئەكسى سادا داۋاملىشىش ۋاقتى time :ئەكسى سادا ئارىلىقىدىكى ئۈزۈلۈش ۋاقتىنى كونتۇرۇللاشقا بولىدىغان بولۇپ ، بۇ كونترۇللاشنىڭ ئەڭ ئۇزۇن ئۈزۈلۈش ۋاقتى 16 نوتا نۇقتىسى بولىدۇ .
ئەكسى سادا ۋاقتى timeنى تەڭشەش ئارقىلىق توغرىلىق دەرىجىسى يۇقىرى بولغان ئەكسى سادا ئۈنۈمىگە ئېرىشكىلى بولىدۇ . ئەگەر سىز ئەكسى سادانىڭ رېتىمغا ئەگىشىشىنى بىر قەدەر توغرا كونترۇل قىلماقچى بولسىڭىز ، سىز بىر تەرەپتىن بۇرىغۇچنى تەڭشىگەچ بىر تەرەپتىن كۆرسەتمە ئىستونىغا قاراڭ .ئەگەر سىز ھەر ئۈچ نۇقتىدا بىر ئەكسى سادا ھاسىل قىلماقچى بولسىڭىز ، كۆرسەتمە ئىستونىدا 3:00كۆرۈنگىچە بۇرىسىڭىز بولىدۇ .
چالغۇ ئەسۋابىنىڭ يۈزلىكىنى بەلگىلەش :بىز چالغۇ ئەسۋابىنىڭ يۈزلىكىدىنINS يۈزلىكىىنى كۆرۈپ باقايلى .insسىنبەلگىسىنى چېكىپ ، چالغۇ ئەسۋابىنىڭ مەشغۇلات يۈزىنى بەلگىلەش ھالىتىگە ئۆتىمىز . سىز بۇ يەردىن پايدىلنىپ نۆۋەتتىكى ئاۋازنىڭ مىقدارىنى ،فازا pan، توسۇش CUT ،رېزناسres ۋە ئاھاڭ PITCHلارنى ئورىغۇچ ENVELOPESۋە تۆۋەن چاستوتىلىق تەۋرەنگۈچ lfoغا بىرىكتۈرۈشكە بولىدۇ .

بۇ بولسا كۆرسەتكۈچ چىراق
بۇ بولسا LFO بۇرىغۇچلىرى
ئوتتۇرا ئاۋازنى بەلگىلەش
ئۈنۈم تاللاش ئورنى
ئورىغۇچ ENVELOPES

artax

ئورىغۇچ ENVELOPESدىگىنىمىز : ئاۋاز ئۈنۈمىنى، ئالاھىدە بولغان پارامېتىرلاردىن پايدىلىنىپ يۇقىرى تۆۋەن ئۆزگەرتىشنى كۆرسىتىدۇ .بۇلارنىڭ ئىچىدە ئەڭ كۆپ ئۇچرايدىغىنى ئاۋاز ئورۇغۇچى بولۇپ ، ئاۋازنىڭ يۇقىرى تۆۋەنلىكىنى ۋاستىلىك كۆرسىتىپ بېرەلەيدۇ . سىز بۇنىڭدىن باشقا . فازا pan، توسۇش CUT ،رېزناسres ۋە ئاھاڭ PITCHلارنىمۇ ئورىغۇچقا بىرىكتۈرەلەيسىز . بۇلارنىڭ ئىچىدە كېچىكتۈرگۈچ DEL ئارقىلىق ئاۋازنىڭ قوزغىلىش ۋاقتىنى بېكىتىشكە.ATT ئارقىلىق باشلىنىش ئاۋازىنىڭ قانداق ھالەتتە تەدرىجىي پەيدا بولۇشىنى بېكىتىشكە . داۋاملاشتۇرۇش hold ئارقىلىق ئۈنۈمنىڭ داۋاملىشىش ۋاقتىنى بەلگىلەشكە ،ئاجىزلاشتۇرۇش DEC ،ساقلاش SUS، قويۇپ بېرىش RELئارقىلىق ئاۋازنىڭ قانداق ھالەتتە تەدرىجىي ئاجىزلىشىشىنى بەلگىلەشكە بولىدۇ . سىز بۇ بۇرىغۇچلارنىڭ ئىقتىدارىنى چۈشەنگەندىن كېيىن ، بۇرىغۇچلارنى خالىغانچە بۇراپ قويۇلغان ئاۋازدا قانداق ئۆزگىرىشلەر بولىدىغانلىقىنى ئاڭلاپ بېقىڭ .
LFOدىگىنىمىز تۆۋەن چاستوتىلىق تەۋرەنگۈچ (LOW FRECUENCY OSCILLATON) دىگەن ئېنگىلىزچە سۆزنىڭ قىسقارتىلمىسى بولۇپ ، نوتا ئاۋازلىرىغا ئالاھىدە بولغان ، ئاستى – ئۈستى تەۋرىنىش ئۈنۈمى قوشۇشقا بولىدۇ . AMTتەۋرىنىشنىڭ دائىرىسىنى ، SPDتەۋرىنىشنىڭ تېز ئاستىلىقىنى ، ، كېچىكتۈرگۈچ DELتەۋرەنگۈچنىڭ قوزغىلىشتىن ئىلگىركى ساقلاش ئارىلىقىنى بەلگىلەيدۇ . ATTتەۋرەنگۈچنىڭ مۇقىملىشىش ھالىتىگە ئۆتۈش ۋاقتىنى بەلگىلەيدۇ . سىز بۇ بۇرىغۇچلارنىڭ ئىقتىدارىنى چۈشەنگەندىن كېيىن ، بۇرىغۇچلارنى خالىغانچە بۇراپ قويۇلغان ئاۋازدا قانداق ئۆزگىرىشلەر بولىدىغانلىقىنى ئاڭلاپ بېقىڭ .
سىز بۇ ئۈنۈم بۇرىغۇچلىرىنى ئىشلىتىشكە ئېھتىياجلىق بولۇپ قالغاندا ، ئالدى بىلەن مەلۇم بىر ئۈنۈمنى تاللايسىز ،ئاندىن ئورىغۇچ ENVELOPESۋە ياكىLFOنىڭ بۇرىغۇچلىرىنى بۇرىسىڭىز بولىدۇ . كۆرسەتكۈچ چىراقنى ياندۇرۇپ ئۆچۈرۈش ئارقىلىق ENVELOPES قا بىرىكتۈرۈلگەن ئۈنۈملەرنى تاقاشقا ۋە ئېچىشقا بولىدۇ .
ئەگەر LFO ئۈنۈمىنى تاقاشقا توغرا كەلسە مىقدار amtنىڭ كۆرسەتكۈچىنى مەركىزىي ئورۇنغا توغرىلاپ قويسىڭىز بولىدۇ . ئەسكەرتىش : بەزى نوتا ئاۋازلىرىدا بۇ ئۈنۈملەرنى قوشقاندىن كېيىن ،ئۈنۈمىنى ھىس قىلغىلى بولماسلىقى مۈمكىن . سىز باشقا نوتا ئاۋازلىرىنى قانالغا قوشۇپ ، يەككە ھالەتتە نوتا ئاۋازىنىڭ ئۈنۈمىنى تەڭشەپ باقسىڭىز بولىدۇ .

artax

FLSTUDIO6.0 دەرسلىكى (4) نوتا نۇقتىسىنى تەڭشەش
نوتا نۇقتىسىنى تەڭشەش
سىز ئالدىنقى دەرسلىكتىكى FLSTUDIOنىڭ قاناللىرىغا قارىتا تەھرىرلەش ئېلىپ بېرىشقا دائىر بىلىملەرگە ئاساسەن ،FLSTUDIOنى ئازراق چۈشىنىۋالغاندىن كېيىن ،بۇ دەرسلىكتىكى مەزمۇنلارغا ئاساسەن ، ھەر بىر نۇتىغا يەككە ھالدا ئۈنۈم قوشۇپ كۆرۈش ئارقىلىق ، مېلودىيەنى قانداق قىلىپ پىلانلاشنى ئۈگۈنسەڭىز بولىدۇ .
1. گىرافىك شەكىلدىكى تەھرىرلىگۈچنى ئېچىش : بىز ئاۋال ئاددىي بولغان گىرافىك شەكىلدىكى تەھرىرلىگۈچنى ئىشلىتىشنى ئۈگۈنۈپ باقايلى :ئاۋال سىز تەھرىرلىمەكچى بولغان قانالنى تاللايسىز تاللاش ئۇسۇلى مۇنداق : مائۇس نۇر بەلگىسىنى تاللىماقچى بولغان قانال بەلگىسى ئۈستىگە توغرىلاپ مائۇسنىڭ سول كۇنۇپكىسىنى چەكسىڭىز بولىدۇ . ۋە ياكى قانال نامى كۆرسۈتۈلگەن ئورۇندىكى يېشىل كىچىك چىراقنى چەكسىڭىزمۇ بولىدۇ . ئاندىن گىرافىك شەكىلدىكى تەھرىرلىگۈچنى ئېچىش سىبەلگىسىنى چەكسىڭىز تۆۋەندىكىدەك بىر تەھرىرلەش كۆزنىگى ئېچىلىدۇ .  dgdg.gif (37.54 KB)  dgdg.gif (37.54 KB)
چۈشۈرۈش قېتىمى: 36

2006-6-8 15:56


2.ئۈنۈمنى كۆرۈش : ئۈنۈم تاللاش ئىستونىنى تاللاپ ئۇياق بۇياققا سۈرسەك ، بىز نۇرغۇنلىغان تاللاشقا بولىدىغان ئۈنۈملەرنى كۆرەلەيمىز . بۇلار فازا pan، كۈچلۈكلۈك velocity ( ئاۋاز مىقدارى volumeنىڭ باشقىچە ئاتىلىشى )، ،توسۇپ سۈزگۈچ filter cut، ئەكسى سادا سۈزگۈچى Filter Res، ئاھاڭ Pitch، ۋە يۆتكىلىش Shiftقاتارلىقلار . بۇلارنىڭ ئىچىدىكى كۆپلىگەن ئۈنۈملەرنى بىز ئالدىنقى FLSTUDIO6.0 دەرسلىكى (3) 3 ئاۋاز قانالنى تەڭشەش دىگەن تېمىمىزدىكى مەزمۇنلاردا تەپسىلىي سۆزلەپ ئۆتكەن ئىدۇق . يۇقىردىكى مەزمۇنلار بىلەن ئالدىنقى باپتىكى مەزمۇنلارنىڭ ئازراقلا پەرقى بار بولۇپ ، سىز يۇقارقى ئۈنۈملەرنى ئاۋاز قانىلىدىكى يەككە نوتىلار ئورنىدا بىمالال ئىشلىتەلەيسىز .ھەر بىر ئۈنۈم تالچىسىنى يۇقىرلىتىش ۋە تۆۋەنلىتىش ئارقىلىق نوتا نۇقتىسىنى ئۈنۈم مىقدارىنى كونترۇللاشقا بولىدۇ . سىز يۇقارقى مەزمۇنلاردىن پايدىلىنىپ ، مەلۇم بىر ئاۋاز قانالىنى تاللىۋالغاندىن كېيىن ، نوتا نۇقتىسىدىن بىرنى تاللىۋېلىپ ، بۇ تەھرىرلىگۈچنى ئاچقاندىن كېيىن ،يۇقارقى چۈشەندۈرۈشلەر بويىچە ، ئۈنۈملەرنى تاللاپ بەلگىلەپ ، ئاۋازنى ئاڭلاپ بېقىڭ

saba

جاپا تارتىپسىز...مۇنبەردىكى بارلىق دوستلار نامىدىن سىزگە تەشەككۇر...قېرىندىشىم...

ark-xir

بەك  ئەجىر  قىپسىز ، سىزگە  كۆپ  رەخمەت ،  بۇ مۇنبەرگە  كىرىپ  ھەقىقەتەن  بىلمىگەن كۆپ  نەرسىلەرنى  بىلىۋالدىم .   مۇشۇنداق  بىلىملەرنى  داۋاملىق  يوللاپ  تۇراسىز .

makan

ئەرتاش ئەپەندىنىڭ ئەجىرىگە ھەقىقەتەن رەھمەت! بىرلىكتە كۈچ چىقىرىپ ئۇيغۇر مۇزىكىچىلىغىدىكى نەزىريىۋى بىلىملەر كامچىل بولۇش بوشلىغىنى تولدىرايى،تاما -تاما كۆل بولۇر.

admin

بەك جىقكەن كۆرۈپ بولالمىدىم ،شۇنداقتىمۇ ئېلانىڭىزنى چېكىپ قويدۇم

yarqin

ياخشى يوللاپسىز......

DilAtux

ئەسسالامۇ ئەلايكۇم تورداشلار ياخشىمۇ سىلەر....
مەنمۇ مۇشۇ سېستىمىغا بەك قىزىقىپ قالغان لىكىن زادىلا قاملاشتۇرالمىدىم ......
مەن تورداشلاردىن بىر ياردەم سورايمەن ....يەنى ....ھىلىقى ناخشىلارنىڭ ئوتتۇرىسىغا قىستۇرىدىغان ANKAR MUSIC  ， ASTANA MUSIC  دىگەندەك ئاۋازلارنى قانداق ياسايدۇ ....ماڭا ياردەم قىلغان بولساڭلار................

makan

ئۇ ئاۋازلارنى ياساشتىكى مەخسەت:
1-شۇ ناخشىلارنى چۈشۈرۈش قىلىپ قويغان بىكەتلەر ئۆزىنى تەشۋىق قىلىش؛
2-بەزى كىشىلەرنىڭ بۇ ناخشىلارنى چۈشۈرۈپ پىلاستىنكىلارنى قانۇنسىز نەشىر قىلىشىدىن ساقلىنىش؛
3-دورامچىلىق قىلىش،يەنە بۇ خىل ئاۋازلارغا ھېرىس قىلىپ سىناپ بېقىشنى مەخسەت قىلىش؛

بۇنداق ئاۋازلارنى كەسپىي ئاۋازغا ئىلىش يۇمشاق دىتاللىرى بىلەن ئاۋازغا ئىلىپ،ئۇنى تەھرىرلىسە شۇ خىل ئۈنۈمگە ئېرىشەلەيدۇ

Esyan

قولىڭىزغا دەرت بەمىسۇن قېرىندىشىم ،تور بېتىڭىزدىن تولىمۇ سۆيۈندۈم!

makan

تور بىتىمىزغا ئەزا بولغانلىغىڭىزنى قارشى ئالىمەن!
بىلگەنلىرىڭىزنى ئايىمىغايسىز