سەن ئۆچۈن‹‹قاراسۇ››

قارسۇ

           رۇستەم قاراسۇ
           ئىجادىيەتلىرى

        سەن ئۆچۈن
يىراقلاردا  بولساڭمۇ     نېگار،
يۈرەكتىكى سۆيگۈ سەن ئۆچۈن.  
كۈرمىسەممۇ ئاي يىللاپ دىدار،  
كۈتۈشلەرىم پەقەت سەن ئۆچۈن.

ئىسىڭدىمۇ؟بىرلا سەن ئۆچۈن،   
ياشايمەن دەپ ۋەدە بەرگىنىڭ.
ئۇنۇتمغىن بارىم سەن ئۆچۈن  
بۇ ھاياتلىق تامام كەلمىسەڭ.  

بىر كۈن ئۈتەر يىللارچە  كەبى،  
چىداپ كەلدىم ئارمانىم ئۆچۈن.   
ئايرالمىدى دۆشمەننىڭ سۆزى،  
چىن قەلىمدىن سۆيگۈنۈم ئۆچۈن.  

قىينالغىنىم ئۆزۈمگە  ئايان،
بار ئازاپقا چىداش سەن ئۆچۈن。
قايدا بولساڭ بولغىن يار ئامان،
ياخشى تىلەك مەڭگۈ سەن ئۆچۈن.  
  
        تاپالىساڭ مەندىن ياخشىنى

تاشلاپ كەتتىڭ سۆيگۈمنى خارلاپ،  
باشقىلارنى مەندىن ئەزىزىلەپ.
مەن يۈرمەيمەن سىنىڭدىن قىيداپ،
تاپالىساڭ  مەندىن  ياخشىنى.  

رەنجىمەيتىم   سىنىڭدىن ھەرگىز،  
ھەم يۈرەتتىم شۇ چاغدا  غەمسىز.  
تىلەر ئىدىم بەختىڭنى چەكسىز،  
تاپالىساڭ  مەندىن ياخشىنى.  

گەر قالساممۇ سىنىڭسىز تەنھا،
ئوخشىساممۇ گېياھسىز تاغقا.  
رازى ئىدىم قالساممۇ داغدا،  
تاپالىساڭ مەندىن ياخشىنى.  
رۇستەم قاراسۇ  
  
2011.11..بۆرتالا ئالاتاۋ