بۇ تۆھپىكار چولپانلىرىمىزنى ئۇنۇتمايلى!

chameleon

ئەسسالامۇ ئەلەيكوم ماكان مۇزىكا تورىدىكى قەلبى ئاتەش مۇزىكا سۆيەر قېرىنداشلىرىم !       بۇگۇن سىلەرگە بايان قىلماقچى بولغىنىم-1990-يىللانىڭ ئالدى -كەينىدە خەلقىمىز قەلبىدىن چوڭقۇر ئورۇن ئالغان ۋە شىنجاڭ ياشلار مۇزىكا تارىخىدا ئۆزىگە خاس تۆھپىلەرنى ياراتقان ھەم ھازىرقى نۇرغۇن ياش ۋە ئوتتۇر ياش سەنئەتكارلارنىڭ سەنئەت ھاياتىغا تۇرتكىلىك رول ئوينىغان بىرنەچچە ئوت يۇرەك سەنئەتكارلىرىمىزنى قىسقىچە تونوشتۇرماقچىمەن.    1987-يىلى( ئابلىكىم ياڭاق) ئەپەندىمنىڭ تۇنجى قاپاق گېتتار بىلەن چىقارغان لېنتىسى شىنجاڭنى قاپلىدى، ئۇ چاغلاردا ئۇن ئالغۇ   ئەڭ ياخشى مۇزىكا ئاڭلاش قورالى ئىدى، ئاندىن ئەينى چاغدىكى ياشلىرىمىزدا گېتتارغا بولغان ئىشتىياق جۇش قوزغۇلۇشقا باشلىدى، ئارقىدىنلا كورلۇلۇق ( قۇربان ساقى)نىڭ (مىھرىم گويا بىر دئېڭىز)  ناملىق قاپاق گېتتار بىلەن ئورۇندالغان ئۇنئالغۇ لېنتىسى چىقتى ، شۇنىڭ بىلەن پۇتۇن شىنجاڭدا گېتتار چېلىپ ناخشا ئېيتىش دولقۇنى قوزغالدى1989-يىلىغا كەلگەندە خوتەنلىك مەرھۇم (ئەخمەتجان مەمتىمىن) نىڭ YAMAHA32 بىلەن تەڭكەش قىلغان ھەم ئۆزى ئېلىكتىرونلۇق گېتتار بىلەن ئېيتقان لېنتىلىرى چىققىلى تۇردى،دەل شۇ چاغلاردا كىنوخانىلاردا ھىندىستان ھىكايە فىلىمى (دئېسكو چولپىنى) قويۇلىۋاتاتتى ، ئەخمەتجان مەمتىمىننىڭ سەھنىدىكى ئۇسلۇبى بەئەينى شۇ فىلىمدىكى باش قەھىرمان ( جېمى) ئوخشاپ كېتەتتى   ،  ئەخمەتجان يەنە كەينى كەينىدىن (كىرىپ قاپتۇ ئانام چۇشۇمگە) ( سېنىڭ سۇمبۇل چاشلارئىڭ) (قىزبالە كېلۇر ساي بولۇپ)  (دەرئىزەڭدىن مارايتىم) قاتارلىق ناخشىلىرىنى خەلقىمىزگە سۇنۇشتىن سىرت  ئېلىكتىرونلۇق گېتتار بىلەن چاتما دۇمباقنى تەڭكەش قىلىپ (ئۆزھال مۇقامىنى) مۇۋەپپىقىيەتلىك ئورۇنداپ چىقتى ھەم بەزى چوڭلارنىڭ ئىدىيىسىدىكى (چەتئەل سازلىرى بىلەن مىللىچە مۇزئىكىنى چالغىلى بولمايدۇ ) دئىگەن قاتمال كۆزقاراشقا خاتىمە بەردى.  دىمىسىمۇ شۇغۇ.........چالالىساڭ بولىۋېرىدۇ.   ئەپسۇس چولپىنىمىز بىزدىن بالدۇر بۇ ئالەمدىن خوشلاشتى.     كېيىن ئومەرجان ئوسماننىڭ قازاقىستاندىن كەلگەن دوسلىرى شەرئىپىگە چىقارغان ( ئەي گۇزەل  ) ناملىق ئۇنئالغۇ لېنتىسى چىقتى گەرچە CASIO45 بىلەن ئورۇندالغان بىلەن ئورۇنداش ماھارىتى ئالاھىدە بولغاچقا ، دەۋىئر ئالاھىدىلىگى چىقىپ تۇراتتى بەلكىم ھازىر ئاڭلىساقمۇ ھوزۇر بېغىشلايدۇ دەپ قارايمەن. 1990- يىلىغا كەلگەندە ئۆمەرجان ئوسمان ، ئاپتونوم رايون تەنتەربىيىسى پۇتبول كاماندىسى تېرنېرى( پاتىمە نۇر ) غا ئۆز ئىجادىيەتلىرىدىن ( مۇرادىڭغا يەتتىڭمۇ) ( ناخشامنىڭ ساداسى) قاتارلىق بىر قاتار ناخشىلارنى بېرىپ، چوڭ ئابلاجاننىڭ (ئەينى چاغدىكى چاتما دۇمباق ماھىرى، پاتىمەنىڭ يولدىشى) قوللىشى بىلەن ، خانتەڭرى لېنتا سېتىش دۇكىنىدئىكى (خەمىت ) قاتارلىقلار (غەنى ھېكىمنىڭ) ئۆيىدە SHARP900 ماركىلىق قوش قويغۇچلۇق ئۇنئالغۇغا DELAY ماركىلىق گېتتار ئۇنۇملىگۇچنى چېتىپ ئادەتتىكى مىكرافون بىلەن (پاتىمەنىڭ) (ناخشامنىڭ ساداسى) ناملىق ئۇنئالغۇ لېنتىسىنى مۇۋەپپىقىيەتلىك چىقاردى. ئىشلىتىلگەن رېيال  ( YAMAHA36  بىلەن YAMAHA48 )  ئىدى، شۇ لېنتىدىن كۆرۇۋېلىشقا بولۇدۇكى (ئۆمەرجان ئوسمان) شۇ دەۋىرگە نىسپەتەن ھەقىقەتەن يۇقۇرى ماھارەت بىلەن ئورۇندىغان.  شۇنداق قىلىپ لېنتا چىقىپ بىر ئايغا بارماي بۇ لېنتا پۇتۇن شىنجاڭنى زىل زئىلىغا كەلتۇرئىۋەتتى، لېكىن كېيىن (ئۆمەرجان ئوسمان) بىزدىن بۇرۇن ئۇ ئالەمگە سەپەر قىلدى.لېكىن ئۇنىڭ مۇزئىكىللىرى قەلبىمىزدە مەڭڭۇ ھايات!!!  شۇ چاغلاردا(ئەكپەر قەخىرماننىڭ) (ئانا مىھرى نەدئىدۇ) دئىگەن ناخشىلىرئىمۇ كۇشلۇك دەۋئىر سۇرگەن ئىدى CASIO670 بىلەن ئورۇندالغان.1991-يىللىرى ئارقا -ئارقىدىن نۇرغۇن لېنتىلىرى چىقىشقا باشلىدى ۋە كەڭ ياشلىرىمىزنىڭ سۆيۇپ ئاڭلىشىغا مۇيەسسەر بولدى، ئاندئىن ئۇرۇمچىدە تۇنجى مىللىچە تانسىخانا (ئۇزۇمزار تانسىخانىسى) ئېچىلدى بۇ تانسىخانىدا رەھمەتلىك ئوتيۇرەك ناخشىچىمىز ( ئابدۇسالام غوجائەخمەت)   رئېيال ماھىرى (ئادئىل روزى) قاتارلىقلار  مۇزىكا چالاتتى. (ئابدۇسالام) نىڭ شۇ تانسىخانىدا سۆرەتكە ئېلىنغان ( سېنى ئۇنۇتالمايمەن) ناملىق لېنتىسى شىنجاڭنى زئىل-زئىلىگە سالدى، كېيىن بىرقانچە لېنتىسىمۇ خەلىقنىڭ سۆيۇپ ئاڭلىشىغا مۇيەسسەر بولدى. ئەپسۇس تەغدىر بۇ قېرىندئىشىمىزنىمۇ بىزدىن بۇرۇن ئېلىپ كەتتى. ناخشىلىرى قەلبىمىزدە مەڭگۇ ھايات!!! 1992-يىللىرى (شىرئەلى ئابدۇرىشىتنىڭ) (كەل يارىم) ناملىق ناخشىلىرى بىر مەزگىل دەۋئىر سۇردى   كېيىن (يۇرتۇم) قاتارلىق ناخشىلىرى چىقىپ شىنجاڭدا ROCK ناخشىغا بولغان ئىشتىياق قوزغۇلۇغقا باشلىدى،  ئاندئىن ئەل سۆيگەن ناخشا چولپانلىرىمىزدىن (ئابدۇللا ئابدۇرىھىم) نىڭ تۇنجى لېنتىلىرىدىن (سۇرمە) ( بىلەلمىدىم ھېچ) قاتارلىق لېنتىلىرى چىقىپ قىزغىن ئالقىشلارغا مۇيەسسەر بولدى   .    يۇقارقى چولپانلىرىمىزنىڭ ناخشا-مۇزىكىللىرى ھەقىقى ھۇنەر بىلەن چىققان. ئۇنىڭدا ھىچقانداق ساختىلىق يوق، ئۇلار ئاۋازغا ئالسا ئادەتتىكى SHARP900 ئۇنئالغۇنىڭ ئالدئىدىكى مىكرافون تۆشۇگىگە مىكرافوننى تىقىپ، كەينىدىكى بىرجۇپ كىرىش ئېغىزىغا ئېلىكتىرونلۇق رېيال چېتىپ ئاۋازغا ئالاتتى(شۇ چاغلارداSHARP900 ) ئۇنئالغۇ مودا بولغان.  بەزئىلىرى بەزى تانسىخانىدىكى (ئاۋاز تەڭشەك تاختىسىنى)(تىياۋيىنتەي) نى ئىجارىگە ئېلىپ قىلاتتى،  (ئۆمەرجان ئوسمان )  (سادئىرمەن)دئىگەن لېنتىسىنى شۇنداق قىلىپ چىقارغان. ئۇ لېنتىغا YAMAHA80 بىلەن YAMAHA48 نى ئىشلەتكەن.  بىرسىنى ئۆزى چېلىپ ناخشا ئېيتقان (مۇختار ئابدۇللا) يەنە بىرسى بىلەن تەڭكەش قىلغان. ئىشقىلىپ ئۇلار راس چالاتتى راس ئېيتاتتى. ئاۋازغا ئېلىش ئۇسكۇنىسى مەن دەپ ئۆتكەندەك. مەن شۇ چاغلاردا ئۆز كۆزۇم بىلەن كۆرگەن.  ئەينى چاغدا ئاۋازغا ئېلىش ئۇستىسىدىن بىر ئادەم ئۆتكەن ئىدى ئىسىمى(ئابدۇرېھىم قادئىر) بۇ ئادەمنى پىشقەدەم سەنئەتكارلادىن بىلمەيدىغىنى يوق، بۇ ئادەم ئاۋازغا ئالغان لېنتىلاردىن---(ئارزىگۇل ئابدۇخېلىل) نىڭ دەسلەپكى قاپلىق ئۇنئالغۇ لېنتىسى ، (مۇختار نىياز) نىڭ (قاراڭغۇ تۇرمە) ، (شىرئەلى ئابدۇرىشىتنىڭ)  (يۇرتۇم)    ،  ئەكپەر قەخىرماننىڭ (ئۇيقا يوقتۇر كېچىلەر) ،  قاتارلىقلار بار، بۇ ئادەمنىڭ مېنى ئەڭ ھەيران قالدۇرغىنى ، ئۆزى بىر ئېلىكتىرونلۇق رئېيال ياساپ چىقتى ، كېيىن بۇنى مۇختار نىيازغا بېرىپتىكەن. ئەپسۇس بۇ كاللىسى ئىشلەيدىغان قېرىندىشىمىزمۇ ۋاقىتسىز ئالەمدىن ئۆتتى.  لېنتا سودىگەرلىرىدىن:  خەمىت، ئەمەت ھاجى، ئابدۇرېھىم قادئىر، مەخمۇت ھاجىم، مىجىت، قاتارلىقلار بار ئىدى، ئەپسۇس بۇلار ئاساسى جەھەتتىن مۇزىكا چۇشەنمەيتى    ھې ھې ھې............بۇ راس گەپ  چۇنكى ئۇلار ياخشى ناخشىنى شاللىۋئېتەتتى ، نەدە قاملاشمىغان (دۆڭگە چىقسام يىقىلسام   دۆڭگە چىقسام يىقىلسام) دئىگەندەك ناخشىلانى چىقىرىمەن دەپ تۇرىۋالاتتى.   ئاشۇنداق جاپالىق شارائىتتا يۇقارقى چولپانلىرىمىز يالغانچىلىق قىلماي راسنى راس چېلىپ، ئاۋازى كاكىراپ قالسىمۇ خەلىقنى ئالدئىماي ھەقىقى ئاۋازى بىلەن توۋلاپ، خەلقىمىزنىڭ قەلبىدىن ئۆچمەس ئورۇنغا نائىل بولغان. قىسقىسى مەنمۇ شۇلارنىڭ تەسىرىگە ئۇچىراپ مۇشۇ كۇنگە كەلدىم دئىسەممۇ بولىدۇ.   ھازئىر بىزدە ئۇسكۇنە دئىسە ھەممىمىزنىڭ ئۆيىدە بار.   شۇنداق ئەۋزەل شارائىت تۇرۇپمۇ بۇرۇنقىلاردەك بولالمايۋاتىمىز، سەۋەپ،   بىزدە چىنلىق يوق، سۇنئىلىك تولا، باشقىلارنىڭ چاپىنىدا تەلەش تولا، مەسىلەن   تەڭكەش مۇزىكا،  ئۇ دىگەن باشقىلارنىڭ  شۇنداقمۇيا........نەگىلا بارسا شۇ مۇزىكا،  مېنىڭ شەخسەن كۆزقارىشىم -تەڭكەش مۇزىكا مۇزىكانتلارنى ئارقىغا چېكىندۇرىدۇ،  نىمىشقا بىزمۇ نەق مەيداندا ئورۇنلاپ باقمايمىز؟     چەتئەل سازچىلىرى بىزنى شۇڭا ياراتمايدۇ، بۇنداق دئىيىشىم .... مەن بىرنەچچە چەتئەللىكلەر بىلەن نەچچە يىل مۇزىكا چېلىش جەريانىدا ئۇلار بىلەن ئۇيغۇر ياش سەنئەتكارلار توغرىسىدا پىكىر ئالماشتۇرۇپ باقتىم. ئۇلار -ئۇيغۇر ياش سەنئەتكارلىرى دورامچى دەيدۇ، ئۆزەممۇ سەت خىجىل بولۇپ نومۇس ئىچىدە بۇ ھەقىقەتنى قوبۇل قىلىشقا مەجبۇر بولدۇم.   ئەمىسە سەۋىيىرىم چەكلىك تۇپەيلى گېپىم تاقا-تۇققۇ بولۇپ قالغان بولسا كەچۇرۇڭلار. ئىشقىلىپ مەقسىدىم ئېنىق............   تۆۋەندە يۇقارقى چولپانلىرىمىزنىڭ ۋەكىللىك خارەكتىردىكى بىرقانچە ناخشىلىرىنى سۇنىمەن.   بۇ ناخشىلارنى ئۇنئالغۇ لېنتىسىدىن CUBASE غا ئەكىرىپ ئاندىن MP3 قىلىپ چىقتىم.  ئەينى چاغدىكى ئۇسكۇنىلەر شۇنچىلىك ، يانا كېلىپ بۇ لېنتىلارغا20 يىلدىن ئاشتى،  شۇڭا  دوسلانىڭ توغرا چۇشۇنۇپ ئاڭلىشىنى ۋە قىممەتلىق قاراش ھەم پىكىرلىرىنى بېرىشىنى چىن قەلبىمدىن ئۇمىت قىلىمەن!!!

چۈشۈرۈش ئادىرىسى: چۈشۈرۈش

مۇزىكانت

بەكمۇ ئېسىل تېما بوپتۇ ،،،،،،،،،،رەخمەت سىزگە ......ھارمىغايسىز...............

makan

ئىسىل ئىشتىن بىرنى قىلدىڭىز،بولسا داۋاملىق كونا ناخشىلارنى توپلايلى
ئۆمەرجان ئوسماننىڭ  بىرلا ناخشىسىنى يوللاپسىز،بولسا باشقىلىرىنىمۇ يوللاپ قويسىڭىز.
ئىسىمدە قىلىشىچە ئەينى چاغدا سوۋېت ئىتپاقىدىن كەلگەن خالمۇرات بىلەن ئولتۇرۇپ چىقارغان لېنتىسىدىكى ناخشىلار بولسا ياخشى بولىتى..‹ئەي گۈزەل سۆزلەرنىڭ ھەسەل...› دىگەن ناخشىلىرىمۇ شۇ لېنتىدا ئىدى....

YAMAHA

رەخمەت تىمىڭىزغا . ياخشى تىما  بوپتۇ. بولسا بۇرۇنقى  ناخشلارنى توپلىساق تىخمۇ ياخشى بۇلاتتى.

ئىلىيار

بىر تارىخنى يىزىپ قالدۇرۇپسىز،رەھمەت سىزگە!!!! بىراق چەتئەللىكلەرنىڭ بىزنى(يەنى پۈتۈن ئۇيغۇرىمىزنى) دورامچى ،ئۇنداق-مۇنداق دىيىشلىرى مىنىڭچە ئارتۇقچە،باشقىنى قويۇپ تۇرايلى،بىز تىلىمىز چىقىپ (ئاپا-دادا)دىگەننىمۇ دوراپ ئۈگەنگەن،ئەمسە ئۇلارچۇ؟چەتئەللىكلەر دورىمامدىكەن؟ مەندە (كالفورنىيە مىھمانخانىسى)دىگەن ناخشىنىڭ 70خىلغا يىقىن نۇسقىسى بار،بۇنىڭ شىرئەلى ئابدۇرىشىت ئاكىمىز ئېيىتقان ئۇيغۇرچە نۇسقىسىدىن باشقا ھەممىسى چەتئەل تىلىدا ئوقۇلغان نۇسقىسى، ئەمسە بۇ نىمىنى چۈشەندۈرىدۇ؟؟؟؟؟ ئەگەر شۇ چەتئەللىك دوسلىرىڭىزدا ھەممىنى كاللىغا قۇيۇپ قويىدىغان بىرەر ئەسۋاپ بولسا مانا مەن شەخسەن سىتىۋالاي!!!!!! شۇ چەتئەللىكلەرگە دەڭ ئۇلارنىڭ بىزنىڭ ئۇيغۇرنى ئۇنداق-مۇنداق دىيىشكە ھەققى يوق!!!! (بۇ گەپلىرىم سىزگە تىگىپ كەتمىسۇن،سىزنىڭ باشقىچە چۈشەنمەسلىگىڭىزنى ئۈمت قىلىمەن!!چۈنكى بىز ھەممىمىز ئۇيغۇر!!) مەن ئۇيغۇر بولغانلىغىمدىن پەخىرلىنىمەن!!!!

makan

ئىلىيار يوللىغان ۋاقتى  2011-10-20 10:50
بىر تارىخنى يىزىپ قالدۇرۇپسىز،رەھمەت سىزگە!!!! بىراق چە ...

ئوغۇل بالا
ئېليارجاننىڭ بۇ ئېنكاسى شۇنداقلا مىنىڭ ئېنكاسىم ھەرگىزمۇ chameleon ئەپەندىگە قارىتىلمىغان،مىنىڭ زىتىمغا ھەممىدىن تىگىدىغان سۆز: ئۇيغۇرلار بۇنداق،ئۇيغۇرلار ئۇنداق دىگەن مەزمۇندىكى تېمىلار،بەزى تور بىكەتلەردە ئۆزىنى بىلەرمەن،ئۆزىنى مەدىنىيەتلىك ،ئۆزىنى دەۋىرىنىڭ ئالدى ھىساپلايدىغان دوسلىرىمىز ئۆزىچە تەنقىتلەپ كىتىدۇ....
سۆزلىسەم راسلا قىززىپ تېمىنىڭ مەزمۇنىنى ئۆزگەرتىۋەتكۈدەكمەن.مۇشۇنچىلىكلا سۆزلەي.
مەن ئۇيغۇر بولغانلىغىمدىن ھەقىقەتەن بەكلا پەخىرلىنىمەن،كىنولاردىكى كۆرۈنۈشلەردەك(مەسىلەن): كىلەر قىتىم تۆرەسلەڭ قايسى مىللەت بولغۇڭ بار دىسە،ئېنىقلا ئۇيغۇر دەپ جاۋاپ بېرىمەن.

muhtarmusic

رەھمەت سىزگە ماڭا تارىخنى ئەسلەتتىڭىز ، مەندىمۇ كونا ناخشىلار بار ئىدى لىكىن ئەكبەر قەھرىماننىڭ ناخشىلىرى كۆپرەك بۇ ناخشىنى ئاڭلاپ بەكمۇ ھاياجانلاندىم.

makan

بۇ ناخشىلارنى ئاڭلاپ شۇ زامانلاردىكى كۆرۈنۈشلە كۆز ئالدىمدا نامايەن بولدى، ئەكپەر قەھرىمان بىلەن ئابدىرىھىم ھاجىم(بۇرۇن لېنتا چىقىرىپ ساتىدىغان) بىرلىشىپ گىتتار بىلەن دۇتتاردا ئورۇنلىغان بىر ناخشا بارتى.شۇنى تاپقىلى بولارمۇ؟شۇ چاغدا ئابدىرىھىم ھاجىمنىڭ دۇكىنىغا بارسام ئۇ لېنتا نەدە قالدىكىن دەپ تاپالمىغان ئىدى.

ark-xir

ئۇيغۇرلىقىمدىن پەخىرلىنىمەن - ناھايتى ئېسىل گەپ
بەزى تالانتلىق مۇزىكانتلىرىمىز ۋاقىتسىز كېتىپ قالدى ، يەنە نۇرغۇن تالانتلىق مۇزىكانتلىرىمىز تۇرمۇش بېسىمى ، خەلقنىڭ مۇزىكا ئىلىمىگە بولغان بېكىنمە چۈشەنچىسى تۈپەيلى مۇزىكا ساھەسىدىن چېكىنىپ كەتتى .
مەنمۇ تۇرمۇشۇمنى قامداش ئۈچۈن دېسكوخانىلاردا ئىشتىن سىرت ئىشلەيمەن ، بۇ جەرياندا بىزدەك ياش باللانىڭ كۆپىنچىسىنىڭ قانچە بەك گۇپ - گۇپ قىلغان مۇزىكا شۇنچە ئېسىل دەپ قارايدىغانلىقىنى ھېس قىلدىم ، بىزنىڭ نەزىرىمىزدە مىلودىيىسى ياكى ئاكورت قىسىمى ناھايتى نەپىس ، ئېسىل ، مۇزىكانت راۋرۇس ئەجىر قىلغان مۇزىكا ئۇلارنىڭ نەزىرىدە چىبىڭسى يوقمىش ( چىبىڭسى دىگەننى نىم دەپ تەرجىمە قىلساق مۇۋاپىق بولا ) . شۇ سەۋەپتىن ئۆزبىكچە ، تۈركچە گۈلدۈر-گۇپپاڭ چىقىدىغان مۇزىكىلار ۋە شۇنداق مۇزىكىغا ئېيتىدىغان مۇزىكىسىنى چالا سۈزۈپلا ، ھەتتا سۈزمەي ئۈستىگە بىلىنەر بىلىنمەس ئېيتىپلا سەھنىدە پىرقىرايدىغان ناخشىچى بالىلار ناھايىتى ئۇستامىش . ئۇلار ھەم يۇقىرى مائاش ئالىدۇ .  
نۇرغۇن مۇزىكانتلارنىڭ نىمە ئۈچۈن  كەسىپ تاشلىغانلىقىنى ئاندىن چۈشەنگەن ئىدىم

chameleon

ark-xir بۇرادەر  گېپىڭىز ناھايىتى ئورۇنلۇق

chameleon

مېنىڭچە  بىزمۇ ئۆزبېكنىڭ ،تۇرۇكنىڭ، ئامېرىكىنىڭ ،ۋە باشقا دۆۋلەتلەرنىڭ ناخشىسىنى دوراپ ئېيتىۋەرمەي،  ئۇيغۇرچە ناخشىلىرىمىزنى زامانىۋى مۇزىكا بىلەن قوراللاندۇرۇپ ئېلىپ چىقساق ، ئۇلانىڭكىدىن قېلىشمايدۇ.  يۇقارقى دوسلار دئىگەندەك  مەنمۇ  بىر  ئۇيغۇر ،  مىللىتىمنى سىلەر ئويلىغاندىنمۇ  بەكەرەك  سۆيىمەن، لېكىن ئەينى چاغدئىكى ناخشىلارنىڭ تەڭدىن تولىسى باشقا دۆۋلەتنىڭ، ھەتتا ھازىرغىچە شۇنداق دىسەكمۇ بولىدۇ، ئۇ ناخشىلارنى بىلمىگەنلەر ھەجەپ ئوبدان ناخشىكەن دىيىشىدۇيۇ.....ئۇزۇن ئۆتمەيلا ئەسلى نۇسخىسى چىقىپ ناخشىنى ئېيتقۇچى ماتلىشىدۇ،  مېنىڭ دىگىنىم خاتاما؟  ئەمدى ئېلىيار ئەپەندىنىڭ دئىگىنى بويىچە خەقنى دوراپلا ئۆتسەك ياخشىكەندە؟   ئانىمىزنى ۋە دادىمىزنى دادا-ئاپا دەپ دوراپ چوڭ بولغىنىمىز مۇقەرەر،  لېكىن  ئۇ چەتئەللىك دوسلۇرۇمنىڭ دئىگىنى  شىنجاڭدىكى ياش ناخشىچىلاغا قارىتىلغان گەپ،  بۇ ئىككىسىنىڭ چەك - چېگىرسى ئايرىم گەپ.   مەسىلەن ئابلاجان ئاۋۇتنى مىسالغا ئالساق(چوڭ)  ئۇنىڭ 90% ناخشىسى چەتنىڭ،  ئۇ ئەزەلدىن شۇنداق،  ئەسقەر (كۆك بۆرە)  ماڭا يارايدۇ  چۇنكى ئۇنىڭدا ئىجادىيەت ۋە ئۆزئىگە خاس ئۇسلۇپ بار. يانا نۇرغۇن مىساللار بار، بۇنى دئىمىسەممۇ ھەممىمىزگە ئايان. شۇڭا گەپنى ئېنىق چۇشۇنۇپ ئاندىن گەپ قىلايلى، ھازىرقى مەقسەت ئاشۇ ئەينى چاغدىكى چولپانلىرىمىز،  مېنىڭ مەقسىتىم ئۇلارنى چوڭقۇر ئەسلەش، ۋە ياد ئېتىش. مەن ھەرگىز باشقا مەقسەت مۇددا بىلەن بۇ تېمىنى ياغان ئەمەس. ئەگەر خاتا چۇشۇنىشكە توغرا كەلسە ھەرقانداق گەپنى خاتا تەرەپكە بۇرىغىلى بۇلىدۇ، چۇنكى ھەرقانداق گەپنىڭ ئىككى تەرىپى بولىدۇ.   شۇڭا ئىنكاس تېمىدىن چەتنەپ كەتمىسۇن.  دوسلاغا رەخمەت

Ezizm

شۇنداق ياخشى تىما بوپتۇ،ئۇزۇن بوپتىكەن كىرمىگىلى .بۇ ناخشىلار ھەقىقەتەن جۇشقۇن رەھلۇق ۋە شۇنچە مۇڭلۇق ھەممىسى شۇ دەۋىر دىكى داڭلىق ئاممىباپ ناخشىچى ئۇلارنى مەڭگۈ ئەسلەيمىز ۋە يات ئىتىمىز .تىما ئىگىسىگە كۆپ رەھمەت

سەيلىگا

پاھ  ھاياندىن  يۈرىگىم يايراپ كەتتى (چۈنكى مەن ھىسىيياتجان)، نىمە دىگەن ياخشى تىما بۇ ،
يۇقارقى ناخشىلارنى چۈشۈرۋېلىپلا   تەپسىلى ئاڭلاپ چقتىم،   بىر ئاڭلاپلا ،ئۆزەمنىڭ تۇلۇقسىز ئوتتۇرا مەكتەپتىكى ھاياتىمنى ئەسلەتتى ، شۇ زاماندا مىنىڭ 250يۈەن ئەتىراپىدىكى ئۈن ئالغۇم بار ئىدى ،ئۇنى قۇلىقىمغا يېقىپ بىر سائەت ئەتىراپىدا تىپ تىىچ ئولتۇرۇپ ناخشا تىڭشايتىم،  بەلەن تىما بۇلۇپتۇ ،
ئەكبەر قەخرماننىڭ  «ئۇيقا يوقتۇر كېچىلەر »دىگەن پىلاستىنكىسىى  تۇرغا يوللىمامسىلەر  (جاپاكەش ) دوسىتلار ، مەنمۇ ئىزدىنىپ باقاي،.....................

سەيلىگا

   muhtarmusic   دوستۇم   ،ياخشىمۇ سىز،    سىزدە   ئەكبەر قەخىرماننىڭ    ئۇيقا يوقتۇر كېچىلەر دايىم  دىگەن  لىنتا بارمۇ ، بولسا   پۇتۇنلەي  mp3  قىلپ   چقىرىپ قويغان  بولسىڭىز ، مۇنبەردىكى بارلىق دوستلار  ئورتاق بەھىرمان بولساق ،      مەخسەت    : بۇ ناخشىلارنىڭ  مىلودىيەسىنى ئۆزگەرتمىگەن ئاساستا   قايتىدىن  ئاكورتلاشتۇرۇپ باققان بولساق دىمەكچىدىم.   

سەيلىگا

chameleon  سىزگە كۆپ رەخمەت ، ھارمىغايسىز ، يەنە يوللىغان بولسىڭىز،    ،   كۆپ ۋاقىت چقىرىپ  يوللىغان  ناخشىڭىز ، ماكان سەھىپىسىدكى بارلىق دوستلارنى   ئويغاتتىغۇ دەيمەن، ھاياجانغمۇ سالدىغۇ  دەيمەن، مۇشۇنداق ياخشى تىمىلارنى يوللىغنىڭىزغا  كۆپ تەششەككۈر ئەيتمەن.