پايدىلىنىش خەۋەرلىرى تورى خەۋىرى: ئەنگلىيە ‹‹كۈندىلىك تېلېگراف خەۋەرلىرى›› گېزىتىنىڭ 6-ئاپرېلدىكى خەۋىرىگە قارىغاندا، ھەر يىلى نەچچە ئون مىڭلىغان ئادەم ئامېرىكا چوڭ جىلغىسىنى كۆرگىلى بارىدىكەن، بىراق، ناھايىتى ئاز ساندىكى كىشىلەرلا ئارىزونا ئىشتاتىدىكى بۇ جىلغىنىڭ چوڭقۇر جايلىرىدا بىر مەخپىي قەبىلىنىڭ ‹‹يوشۇرۇنغانلىقىنى›› بىلمەيدىكەن.
ئىگىلىنىشىچە، بۇ ھاۋاسۇپاي قەبىلىسى ئامېرىكىدىكى ئەڭ كىچىك ئىندىئان قەبىلىسى بولۇپ، 600 دىن ئارتۇق ئاھالىسى بار ئىكەن. 1975-يىلى دۆلەت باغچىسىنىڭ ئورمان قوغدىغۇچىلىرى بۇ قەبىلىنى بايقىغانلىقىنى جاكارلىغان. قەبىلىدىكىلەر تۇرۇشلۇق كەنتكە ‹‹ تاشقى دۇنيا ›› دىكىلەر تىك ئۇچار ئايروپىلان ياكى قېچىرلار بىلەن بارىدىكەن، چۈنكى بۇ كەنت بىلەن كەنتكە ئەڭ يېقىن تاشيولنىڭ ئارىلىقىمۇ ئاز دېگەندە سەككىز مىلدىن ئاشىدىكەن. ساياھەتچىلەر بۇ يەرگە كېلىپ قەبىلىلەرنىڭ ئۆيلىرىنى ھەم كىشىنى ھاڭ-تاڭ قالدۇرىدىغان، 100 فۇت ئېگىزلىكتىكى ھاۋاسۇ شارقىراتمىسىنى تاماشا قىلالايدىكەن.