ئالدىنقى10 ئايدا شىنجاڭدىكى دۆلەتلىك باج سىستېمىسى تەشكىللەپ يىغقان باج كىرىمى 78 مىليارد 940 مىليون يۈەنگە يېتىپ، ئوخشاش مەزگىلدىكىدىن %10.6 ئاشتى، كىرىم 7 مىليارد 560 مىليون يۈەن ئاشتى.

ئالدىنقى 10 ئايدا پۈتۈن ئاپتونوم رايوننىڭ دۆلەت باج كىرىمى بىلەن ئىقتىسادى تەڭكەش ئاشتى؛قىسمەن ساھەلەرنىڭ باج كىرىمى بىر قەدەر تىز ئاشتى. بۇنىڭ ئىچىدە نېفىت پىششىقلاپ ئىشلەش مىقدارى ئېشىپ، ئالدىنقى باسقۇچتىكى خام نېفىت زاپىسىنىڭ تىز سۈرەتتە خورىشى قاتارلىق سەۋەبلەر نېفىت سانائىتى ساھەسى كىرىمىنىڭ 3 مىليارد 650 مىليون يۈەن ئېشىشىغا تۈرتكە بولدى. پۇل مۇئامىلە كارخانىلىرىنىڭ تىز سۈرەتتە راۋاجلىنىشى پۇل مۇئامىلە كەسپى تاپاۋەت بېجى كىرىمىنىڭ 820 مىليون يۈەن كۆپىيىشىنى ئىلگىرى سۈردى. نېفىت تەبىئىي گاز تۇرۇبا ترانسپورتى قاتناش ترانسپورت كەسپى تاپاۋەت بېجى كىرىمىنىڭ 320 مىليون يۈەن كۆپىيىشىگە تۈرتكە بولدى.

ئاپتونوم رايونلۇق دۆلەتلىك باج ئىدارىسىنىڭ ئالاقىدار مەسئۇلى مۇنداق دېدى: بۇ يىل كىرگەندىن بۇيان،ئاپتونوم رايونلۇق دۆلەتلىك باج سىستېمىسى كىرىم خىزمىتىنى بالدۇر،توغرا، ئەمەلىي تۇتۇش بىلەن بىر ۋاقىتتا، ئۇچۇرلاشتۇرۇش ۋە كەسىپلەشتۈرۈش ۋاسىتىسىدىن پايدىلىنىپ، باج ئېلىشنى باشقۇرۇش ئۇل ئەسلىھە قۇرۇلۇشىنى كۈچەيتىپ، باج ئېلىشنى ئۇنىۋېرسال باشقۇرۇش، كۆپەيمە قىممەت بېجى، ئادەتتىكى تالون قاتارلىق ئۇچۇرلارنى باشقۇرۇش سىستېمىسىنىڭ رولىنى ئۈنۈملۈك جارى قىلدۇرۇپ، باج ئېلىشنى باشقۇرۇش يوچۇقلىرىنى ئېتىپ كىرىمنى 970 مىليون يۈەن ئاشۇردى.

نۇقتىلىق باج مەنبەسىنى باشقۇرۇشنى گەۋدىلەندۈرۈپ، كەسپى ئۆمەكلەرنى تەشكىللەپ،چوڭ كارخانىلارنىڭ شىنجاڭدىكى 228 ئەزا كارخانىسىنى باج ئىشلىرى جەھەتتىن ئىقتىسادىي تەپتىش قىلىپ، 450 مىليون يۈەن باجنى تولۇقلاپ تاپشۇرۇشقا ھەيدەكچىلىك قىلىپ، تاپاۋەت بېجىنى ئومۇملاشتۇرۇشنى قانۇن بويىچە كۈچەيتىپ، تاپشۇرۇلىدىغان باجنى باشقۇرۇش كىرىمىنى 138 مىليون يۈەن كۆپەيتتى. باج تەكشۈرۈش جەھەتتە تالون قانۇنغا خىلاپ جىنايەتلىرى ۋە ئېكسپورت قايتۇرۇلما بېجى ئالدامچىلىقىغا زەربە بېرىشنى نۇقتا قىلىپ، ئىمپورت ئېكسپورت ، ئۆي مۈلۈك، پاي ھوقۇقىنى ئۆتۈنۈپ بېرىش قاتارلىق كەسىپنى مەخسۇس تۈزەش ۋە تەكشۈرۈش خىزمىتىنى قانات يايدۇرۇپ، تەكشۈرۈش ئارقىلىق باج كىرىمىدىن 800 مىليون يۈەننى خەزىنىگە كىرگۈزدى.