روسىيە سۈنئىي ھەمراھ تورىنىڭ 12-ئاينىڭ 24-كۈنىدىكى خەۋىرىگە قارىغاندا، پاكىستان دىپلوماتىيە مىنىستىرى ئەجاز جادۇرى 12-ئاينىڭ 23-كۈنى پاكىستان كېڭەش پالاتاسى دىپلوماتىيە ئىشلىرى كومىتېتى يىغىنىدا سۆز قىلىپ، پاكىستان سۈرىيەگە قارىتىلغان ھەر قانداق سىرتقى ھەربىي مۇداخلىگە قارشى تۇرىدۇ ھەمدە سۈرىيە جۇمھۇرىيىتىنىڭ زېمىن پۈتۈنلۈكىنى قوللايدۇ، دېدى.

     خەۋەرگە ئاساسلانغاندا، جادۇرى پاكىستاننىڭ سىياسىي يول بىلەن سايلانغان ھەر قانداق رەھبىرىنى، سۈرىيە خەلقىنىڭ ئارزۇسىدىكىدەك ھەل قىلىش ئۇسۇلىنى قوللايدىغانلىقىنى ئېيتقان.

   سۈنئىي ھەمراھ تورىدا، جادۇرىنىڭ سۆزى پاكىستاننىڭ سۈرىيە ئىچكى ئۇرۇش سىياسىتىگە تۇتقان پوزىتسىيەسىدىكى روشەن بۇرۇلۇشتىن دېرەك بېرىدۇ. بۇندىن ئىلگىرى پاكىستان ئىزچىل بىتەرەپ ھالەتنى ساقلاپ كەلگەن. پاكىستان ئەرەب ئەللىرى ۋە ئىران ئوتتۇرىسىدىكى تەڭپۇڭلۇقنى ساقلاپ، ئوتتۇرا شەرق سىياسىي مەسىلىسىدىكى ئەنئەنىدىن ئۆزىنى قاچۇرۇپ كەلگەن.