مىڭدىن ئارتۇق ئامما شۇ يەر ۋاقتى 2015-يىلى 2-ماي ئامېرىكا بالتىموردىكى كوچىلاردا نامايىش قىلىپ، تەپتىش تەرەپنىڭ قارا تەنلىك ياشنىڭ ئۆلۈمىگە چېتىشلىق ئالتە ساقچىنى جىنايى ئىشلار بويىچە ئەيىبلەيدىغانلىقىنى تەبرىكلەشتى
جۇڭگو ئاخبارات تورى، 4-ماي تېلېگراممىسى: چەت ئەل تاراتقۇلىرىنىڭ خەۋىرىگە قارىغاندا، ئامېرىكا ماريلاند ئىشتاتى بالتىمنور شەھىرىنىڭ باشلىقى بۇرېيك 28-ئاپرېلدىن بۇيان يۈرگۈزۈلىۋاتقان كېچىدە يۈرۈشنى مەنئىي قىلىش بۇيرۇقىنى 3-ماي ئەمەلدىن قالدۇرغانلىقىنى جاكارلىغان.
بۇرېيك ئالاقە تورىدا خەۋەر ئېلان قىلىپ: 28-ئاپرېلدىن بۇيان ھەر كۈنى كەچ سائەت 10:00 دىن سەھەر سائەت 5:00 كىچە يول يۈرۈش مەنئىي قىلىنغانىدى، مەن بۇ بۇيرۇق ھازىردىن باشلاپ ئەمەلدىن قالدۇرۇلغانلىقىنى جاكارلايمەن، شۇنداقلا شەھەر ئاھالىلىرىنىڭ بۇ مەزگىلدىكى سەۋرچانلىقىغا رەھمەت ئېيتىمەن، دېگەن.
ئىگىلىنىشىچە، يېقىندىن بۇيان بالتىموردىكى ئېتىراز بىلدۈرۈش نامايىشلىرى بارغانسېرى پەسىيىشكە باشلاپ، يەرلىكتىكى ئولتۇراق رايونلار ۋە دۇكانلار كېچىدە يۈرۈشنى مەنئىي قىلىش بۇيرۇقىنى ئەمەلدىن قالدۇرۇشنى تەلەپ قىلغان.
ئامېرىكا ماريلاند ئىشتاتى بالتىمور شەھىرىدىكى تەپتىش ئەمەلدارى بوسبى 1-ماي: بۇ دېلوغا چېتىشلىق ئالتە ساقچى قارا تەنلىك ياشنى قانۇنسىز قولغا ئالغان، ئۇلارنىڭ بارلىق قانۇنسىز قىلمىشى جىنايى ئىشلار بويىچە ئەيىبلىنىدۇ، دېگەن.