شىنجاڭ سەھەر گېزىتى خەۋىرى : ئۈرۈمچى شەھىرىدە 27-ئاپرېل سائەت 10:00 دىن 11:00 گىچە كۆرۈش ئارىلىقى 900 مېتىردىن تۆۋەن بولغان چاڭ-توزانلىق ھاۋارايى كۆرۈلدى، بۇ 1988-يىلدىن بۇيان 4-ئايدا كۆرۈلگەن تۇنجى قېتىملىق چاڭ-توزانلىق ھاۋارايى. سائەت 11:00 دىن كېيىن چاڭ-توزان پەسەيدى.
ئۈرۈمچى شەھىرىدە 27-ئاپرېل سائەت 7:00 دىن 8:00 گىچە 7 بال غەربىي شىمال شامىلى چىقىپ، يەر جاھاننى چاڭ-توزان قاپلاپ كېتىپ، كىشىلەر ئەتىگەندە ئىشىكتىن چىققاندا ماسكا، شارپىلارنى تاقاپ چاڭ-توزاندىن مۇداپىئەلەندى.
ئۈرۈمچى شەھەرلىك مېتېئورولوگىيە ئىستانسىسىسىنىڭ مۇئاۋىن باشلىقى دىياۋ پىڭنىڭ تونۇشتۇرۇشىچە، ئۈرۈمچى شەھىرىنىڭ شىمالى داڭلىق قۇربانتوڭغۇت قۇملۇقى بولۇپ، بوران قۇملارنى بىۋاستە ئۇچۇرۇپ كېلىپ چاڭ-توزان پەيدا قىلغان. ئۇنىڭ ئۈستىگە 16-ئاپرېلدىن كېيىن كۆرۈنەرلىك دەرىجىدە ھۆل-يىغىن بولماي، يەر يۈزى قۇرغاق بولغاچقا، كۈچلۈك شامالدا چاڭ-توزانلار جاھاننى قاپلاپ كەتكەن. بۇ 1988-يىلدىن بۇيان مەركىزىي شەھەردە 4-ئايدا كۆرۈلگەن تۇنجى چاڭ-توزانلىق ھاۋارايى ئىكەن.
28-ئاپرېل ئۈرۈمچىدە چاڭ-توزان پەسىيىپ، ئەڭ يۇقىرى تېمپېراتۇرا ℃18 بولۇپ، ھاۋا سەل سالقىن بولىدىكەن. ئەتە ( 29-ئاپرېل ) تېمپېراتۇرا℃20 قا چىقىدىكەن.